Cêr sik côngv siêz hnuz vênhx huôv-Thêv thao thiêz Du liv cxuô mênhx cxưx Tây Bác

Hâur six hơưv uô hôiv, chor nênhs uô tuôx txix 8 tỉnh Tây Bắc tưz uô têx vênhx huôv jông; gra chor hax huv jông, zav nox kaz cxôngx nzor nhoz yênhx tiv phaz tuôcc piêr kriê trâu tsôngv kruô. Đros co zos lok six ntâu chor huôx tôngv hêik pâuz, piêr kriê têxvênhx huôv cxuô mênhx cxưx hâur thax tsav. Đuô li, hnuz hôiv muôx chor huôx tôngv sik tưr chor môn thể thao mênhx cxưx cxôngx nzor xưk li sik truz hluô, tuô hnênhr, lêiv poz, ntâuk vix vôngs, sik tưr đhiê…đros muôx zuôr xar 300 lênhx nênhs cxaz chuôz, zaz zâuv chôngz nênhs tuôs sêiz shuôk. Niêv tix Phùng Hoa Lê tuôx txix tỉnh Phú Thọ puz pâuz: “Cur lok six nhiêv cxuô mênhx cxưx Tây Bắc li chor vênhx huôv jông. Đhâu têx đhuôz shav piêr lok têx tox trôngz, têx tsiv gri liv sưv cxôngx nzor jông nhoz chor tiv phaz, têx co tưz uô muôx yưv têx kror jông trâu sơưr đơưk nhiêv txos ndis huôk thax tsav tây Bắc”.

Chor zav muôx hâur hnuz hôiv tưz uô muôx yưv đêiv đuôz zâu hêik txos tas nro tsôngv box mênhx cxưx Tây Bắc li luz nênhx. Têx vênhx huôv jông đros cxuô kror hâur luz nênhx tưz hêik tơưv tâu côngv thôngx cxuô mênhx cxưx. Hnuz hôiv tưz tsik zos chiê chor tiv phaz hêik pâuz lok têx kror jông, mak tsênhv zos qơư chiê sơưr đơưk sik njiz, sik cơưv shâuv chênhz zênhv nhoz chor nênhs uô tuôx txix chor tỉnh hâur thax tsav Tây Bắc. đhâu co hêik tơưv tâu cêr sik côngv siêz truôx jông nhoz tsôngv box txix thâuv ntêx txos nhiv no. Pos Nguyễn Thị Tố Uyên, phưv giám đốc sở vênhx huôv, thể thao thiêz du liv tỉnh Lào Cai puz pâuz: “Sik côngv siêz nhoz cxuô mênhx cxưx chênhr zos hnuz hôiv li tsưr ziv chiê ndar txos siz pâuz, sik phêiz kênhz nhoz cxuô mênhx cxưx thax tsav Tây Bắc. Pox nhuôs tuôx hnuz hôiv jiês no mak xar vav tok txos hnuz hội jiês tov kaz, pêz xar tiêk đros têx kror uô chor đoanx gra tuôx hnuz hôiv no mak tưz taxtâu tsưr ziv tso tơưv lơưv”.

Hnuz hôiv vênhx huôv, thêv thao thiêz du liv cxuô mênhx cxưx Tây Bắc suôv câuv tưz tsês chiê kror jông hâur tsôngv kruô siêz thiêz chor đoanx cxaz chuôz. Hnuz hôiv zos hêik tơưv tâu têx kror jông tiv zix đros côngv thôngx cxuô mênhx cxưx thax tsav tây bắc li siêz vav txos muôx iz luz nênhx tsâu sor shir phaz./.

(An Kiên-Ly dịch đọc)

Phênhv thưr 7, hnuz xiêz 8/10/2016:

Hêir nênhs Hmôngz têx cơưv

          Pêz hêir nênhs Hmôngz nhoz thax tsav tox siêz, thâuv tưs muk khưr uô liêx têz cux zênhx trik cơưv đros trơưr. Txok x muôk nhoz xã Ngọc Chiến, huyện Mường la, tỉnh Sơn La hêik pâuz. “Pêz Hmôngz têx cơưv puôr lênhx muôx ndâux muôx kaz hur tiz si. Ntơư zos muôz shôngz gtrơưv chox lok phiêz tâu ntâu luz cơưv lox zâu chiê cxuô lênhx hâur ziv chuôz zis trik cxuô zav”.

          Pêz Hmôngz têx cơưv, cux tâu zav zos iz zav chuôz zênhx jông jav chiê trik cxuô zav li mor su, triêv txuôk...zav chiê muk khưr uô liêx têz, lok sik êv muk car ciêz, tâu ntiv cxuô zav hax huv lok tsêr.

          Chênhr zos li hêik ntơư, zos tsôngv fôngx zưs sđ tuôx sêiz shuôk txos cxuô jêx jos thax tsav tox siêz Sơn La, thâuv tưs cux zênhx pov njôngr pêz hêir nênhs Hmôngz, thâuv muk khưr uô liêx têz lok cux zênhx êv trik yênhx cơưv jâuz nox jâuz buôk lok sik êv tơưk….chox lok sir zôngv hâur ziv chuôz zis. Lar hêik zos thâuv têx tuz cxêik hluôk trik cơưv muk car ciêz lok sik muk khưr uô liêx têz chuôs li cux fiv đros thiêz pov jông jav hênhr. Mok x Muôk nhoz Har tsor-Bắc Yên-Sơn La hêik pâuz nzir: “Zos chiê cov trik êv cov tâu iz đra hnhar, luz cơưv ntơư tsuv uô oz txox hluô cov jông trik huv đros thiêx tsik jox thiêz jơưv oz faz xưz fưs”.

          Pêz Hmôngz têx cơưv, cux chênhr zos iz zav chuôz zênhx vênhx huôv tsiv grê muôx đros đrêiv hâur pêz hêir nênhs Hmôngz nhoz thax tsav jêx jos tox siêz luz nênhx tsik chiê plox./.

                                              (Tsu cxêik nhênhv-Thanh Thuỷ, Tây Bắc)