Đăk Lăk: Moz tês tơư kror ndâux chuôz ndê

Tsênhv tsoz phưz tul mê nhuôs muôx 2 shông trâus moz tês- tơư-kror ndâux ntơưv Khoa mê nhuôs zâu, tsêr kho moz Đa khoa thax tsav Tây Nguyên, niêv lâuk Trần Thị Quyên nhoz phường Tự An, TP Buôn Ma Thuột, tỉnh Đăk Lăk puz pâuz: hnuz 25/9 thâuv tos mê nhuôs ntơưv tsêr cơưv ntơưr lok niêv lâuk pov mê nhuôs iz chêr cuz sor, gênhs gênhs thiêz tês tơư pov tơưv sơưr têx hlưr đêx, niêv lâuk Quyên chox mê nhuôs muk seiz njuôs thiêz bác sĩ heik tiêk mê nhuôs trâus moz tês-tơư-kror ndâux. Đhâu 2 hnuz kho moz hâur tsêr tsi pov jông niêv lâuk tưz chox mê nhuôs muk tsêr kho moz đa khoa thax tsav Tây Nguyên. Txos nhiv no mê nhuôs li đas jos tưz jông đuô. Niêv lâuk Trần Thị Quyên heik:

          “Hnuz xuz thơưx mak iz chêr lok six cuz sor, txos hnuz tiv 2 mak txu grês mê njik, tsi tơưv hlưr đêx thiêz mak hlưr đêx kruôr jux jus, nhiv no mak tsênhv hlê. Cur nus ntơưv tsêr cơưv thâuv co mak heik tiêk tsi muôx lênhx mê nhuôs tưs trâus moz, cur mê nhuôs zos tul xuz thơưx, hâur six hơưv co mak cux muôx iz tul mê nhuôs trâus moz, tov kaz no mak tsi pov lênhx mê nhuôs tưs trâus moz thiêz”.

          Bác sĩ Trần Thị Hồng Minh, Tsar khoa mê nhuôs zâu, Tsêr kho moz đa khoa thax tsav Tây Nguyên puz pâuz, cxôngx hâur shôngk shông txos nhiv no Khoa tưz tos jênhv thiêz kho moz trâu 130 lênhx mê nhuôs trâus moz tês tơư kror ndâux. Tiv zix, têx mê nhuôs thâuv tuôx tsêr kho moz hâur hli 9 tsav siêz đuô iz đraz tas nro têx mê nhuôs trâus moz. Lơưr bác sĩ Minh, tso tâu muôx lênhx mê nhuôs tưs trâus moz yưv hnhar, taz sik mê nhuôs li têx lênhx uô niêv uô txir tsuv tsưv ziv, seiz njôngr mê nhuôs li têx moz yưv chiê muôx tsưr ziv kho moz nzor:

          “Moz tês tơư kror ndâux tâu pheiz uô 4 độ, hnhar lok sik siz. Phênhv ntâu têx ênnshs moz trâus moz độ 1 đros têx moz yưv li iz chêr cuz sor, sơưr hlưr đêx sâuv tês, tơư, poz tư lok sik hâur châus. Thâuv muôx têx moz yưv hlôngr trâu độ 2 mak muôx cxaz têx moz yưv txơưr li khênhr nyei, cuz sor siêz tsi so hâur 6 six, ntuôr...”

          Lơưr tsênhv qơư seiz car moz tỉnh Đăk lăk, xav txos nhiv no, tas nro tỉnh sâu jênhv zuôr xar 700 lênhx trâus moz tês tơư kror ndâux, đros 5 qơư huôv moz, chuôz ndê iz đraz ntâu pir đros tsêz no. Buôn Ma Thuột zos tiv phaz muôx têx lênhx nênhs trâus moz tês tơư kror ndâux siêz tiv zix đros 200 lênhx, têx lênhx txơưr chêx chôngk nhoz 4 huyện zos Cư M’Ga, Buôn Đôn, Krông Buk thiêz Krông Pách. Lơưr bác sĩ Lê Phúc, Phưv giám đốc Tsênhv qơư seiz car moz tỉnh Đăk lăk, qir tiv uô moz chuôz ndê hâur ntu đhâu đrâuv qiv hơưv txơưr txar, caz moz huôv xênhz mak ntu đhâu qir lok trâu shông cơưv yiêz, iz cxiê tsêr cơưv tsi tâu tsov cưv txos côngz xưv vêv xênhz tênhx qơư phax tar moz, uô mê nhuôs trâus moz chuôz ndê. Cxôngx qênhx shênhx co, chiê tir tar nênhs moz chuôz ndê, nganhx y tế tưz chox kriê têx tsênhv qơư y tế têx tiv phaz bax cxix cxuô yuôx, chuôz zênhx y tế; chuôz tsar côngz xưv yax mông lok phax tar moz txos tsôngv box. Thôngx cxix, sik côngv đros nganhx zaoz zux thiêz têx nganhx muôx lênhx coaz chuôz tsar côngz xưv qênhz yuôx phax tar moz ntơưv têx tsêr cơưv:

          “Nhiv no Tsênhv qơư seiz car moz tỉnh tsênhv qênhz yuôx ntâus grê thiêz sik côngv yưr lir phax moz tês tơư kror ndâux ntơưv iz cxiê tsêr cơưv thiêz iz cxiê qơư y tế xã, phường thị trấn sâuv thax tsav tỉnh. Ntu no pêz qênhz yuôx tâu 7 huyện. Đhâu sâu jênhv mak phênhv ntâu têx xã, tsêr cơưv cux krêz uô jông, tsênhv yuôr iz cxiê tsêr cơưv tsi tâu krêz uô jông, pêz tưz heik lơưr tsuv tsir tsix uô jông”.

          Chiê phax tar moz tês tơư kror ndâux trâu mê nhuôs, lơưr têx bác sỹ tsưr ziv jông tiv zix zos uô jông vêv xênhz nox hâuk, zôngv yuôx phongx nzuôr tês, nzuôr hur si têx chuôz zênhx mê nhuôs uô si hâur niêx hnuz. Thâuv mê nhuôk muôx têx moz yưv njuôs xav zos trâus moz tês tơư kror ndâux, tsuv ciêr chênhr chox mê nhuôs muk seiz njuôs ntơưv têx tsênhv qơư y tế jê tiv zix./.

(TTTN-Txâur Vax cxeik nhênhv)

Pox niêv Đà Nẵng uô tâu ntâu hâux lưv jông chiê por vêv tênhv qơư

Têis cik chủ nhật yênhx ciêz, chor thành viên hâur Chi hôiv Pox niêv Thành Vinh 4, phường Thọ Quang, quận Sơn Trà, thành phố Đà Nẵng sik đros muk khơưk, sâu têx vuôz tsuôz li nhựa, têx ntâuz ntơưr uz no. Iz chuôz zis tso ntnơưv tos tsêr iz luz têik trâu têx zav hưx nhựa, bia, ntơưr….chor hôiv viên pox niêv tsuôk tuôx chiê sâu têx co gra lok. Đhâu co, sơưr đơưk sik đros phêiz têx vuôz tsuôz, iz phênhv mak muôs chiê uô cuiv paz trâu pox niêv muôx luz nênhx txov nhêv, shux xênhz pluôs sir jos cơưv ntơưr....; iz phênhv mak uô yênhx têx têik ntiv bút trâu shux xênhz. Tsưr ziv sâu têx vuôz tsuôz chiê uô đuô cxuô zav tâu chi hôiv pox niêv Thành Vinh 4 kriz uô kuôk no iz shông, paz muôx ntâu chêx cur jông. Niêv tix Phan Thị Hoa, Chi hội trưởng Chi hôiv trưởng pox niêv Thành Vinh 4, phường Thọ Quang, quận Sơn Trà, thành phố Đà Nẵng puz pâuz, chiê txo grêk tsơưs qênhx shênhx por têx hnaz tax trâu đrâuv tênhv qơư, Chi hôiv tsênhv zuôr chor hnaz tax tưz sir zôngv txix chor ziv chuôz zis chox lok nzuôr cov hur si thiêz muôz phêiz chiê muôs:

“Pêz cux sir jos khơưk, sâu têx vuôz tsuôz lok uô đuô, paz uô tex têik trâu bút chiê muôx nzir phênhv sâu trâu sơưr đơưk. Iz shông sâu tâu lok 30 triệu đêiv ntâu. Pêz muk trâu chor chuôz zis sâu lok tsês chiê muôz siz phêiz txo grêk tsơưs têx vuôz tsuôz nhựa trâu đrâuv tênhv qơư chiê uô trâu tênhv qơư ziv hnuz ziv njuôz-hur-jông đuô”.

Ntơưv phường Thọ Quang, quận Sơn Trà, thành phố Đà Nẵng, ntâu thax tsav ar khôngz thâuv ntêx no đrox tuôx ntâu, pêx xênhv muôz têx vuôz tsuôz por tsês trâu cxiê qơư, txos nhiv no tâu chor pox niêv sơưr đơưk sâu tsês jông chiê chos jâuz cxuô zav. Chi hôiv pox niêv phường Thọ Quang tso 3 lênhx nênhs tu thiêz sêiz luz vax jâuz, iz lênhx nênhs tâu Chi hôiv paz 2 triệu đêiv iz hli. Pos Mai Thị Thơ, nhoz phường Thọ Quang, quận Sơn Trà, thành phố Đà Nẵng puz pâuz:

“Uô lơưr tênhv qơư njuôz-hur-jông, sâu tsês têx vuôz tsuôz, chos jâuz njuôz, chor gâux muôv Hôiv pox niêv sir zôngv ar chiê chos jâuz paz trâu chor gâux muôv muôx luz nênhx txov nhêv, luz vax jâuz njuôz xiêz paz muôx tâu tênhv qơư njuôz-hur-jông. Têis cik tưs pêz cux sâu têx vuôz tsuôz, khơưk têx hưx, nhựa trơưk têx cêr phêiz yênhx têx cêr tsik muôx vuôz tsuôz, paz uô trâu tênhv qơư thành phố jông đuô”.

Ntơưv thành phố Đà Nẵng, chor tsưr ziv jông tâu kriz uô txix ntâu shông no đros muôx 900 paz, 16.000 ntâu lênhx nênhs cxaz chuôz. Ntâu tsưr ziv por vêv tênhv qơư tax tâu chêx cur siêz li: Sâu têx vuôz tsuôz ntơưv ziv chuôz zis”; “Ntus cêr njuôz hur jông”; “iz luz kror trâu têx vuôz tsuôz iz tsoz ntông njuôz”; “Thungz trâu vuôz tsuôz tênhv qơư”…Hôiv liên hiệp pox niêv thành phố  Đà Nẵng cux lôngx đhok 40 “thungz trâu têx vuôz tsuôz nhựa”, tso ntơưv têx ntus cêr trơưk ntus đêx hiêr, qơư di tích lịch sử, công viên, qơư pêx xênhv nhoz, tsêr cơưv ntơưr….muôx chôngz tsôngv kruô, pêx xênhv muk lok. Pos Tăng Hoàng Hôn Thắm, Phưv Chủ tịch hôiv Liên hiệp pox niêv thành phố Đà Nẵng puz pâuz:

“Ntu zuôr txos, cxuô cấp Hôiv pox niêv thành phố Đà Nẵng cux zuôr tror sir jos kriz uô têx tsưr ziv no, tror sir jos kriz uô hâux lưv hnuz Chủ nhật hur thiêz kriz uô đêz đar tsưr ziv sâu têx vuôz tsuôz nhựa. Đhâu co, paz por vêv tênhv qơư Đà Nẵng cov njuôz-hur-jông đuô”./.

(Tuyết Lê-Lik Thox cxêik nhênhv)