Jax sâu thưr 3 hnuz 8/3/2016

Chuôz cxaz chor pox niêv cxaz chuôz chor cơ quan pêx xênhv xêir

---------------------------------

Pox niêv li cxaz chuôz hâur côx hôiv Việt Nam tưz muôx hlôngr yiêz ntâu, txix 35 khóa 1, nhiv no tưz muôx 24% ntâu. Taz sik, chiê tax tâu tsưr ziv 35% pox niêv têiv plor côx hôiv thiêz têiv plor hội đôngx pêx xênhv cxuô cấp six cxiv 2016-2021 cux tsênhv zos kror lax uô. Lơưr pos Bùi Thị An, têiv plor côx hôiv thành phố Hà Nội: Hâur côx hôiv thiêz hội đôngx tsuv muôx nênhs hlôngr njêx muôs trâu cxuô cxênhx nênhs, hâur co muôx pox niêv. Chor têiv plor pox niêv li cxaz chuôz hâur chor cơ quan muôx qênhx zos kror tsuv muôx tưz tsik zos trâu lơưr xưz mak zos tiv pox niêv tsav muôx 50% ntâu dân số.

Sik bâus hâur chính trị tsênhv yuôr ntâu phiv liv, tiv zix zos pox niêv cxaz chuôz chor cơ quan pêx xênhv xêir. Qir tiv chênhr uô trâu pox niêv cxaz chuôz lênhx tov nhoz cxuô cấp, bộ, nganhx, tiv phaz tsik muôx zos; Côngz xưv cêv kuôk cán bộ, công chức hêik cxuô thiêz chor cán bộ, công chức pox niêv tsênhv kênhz. Đros co zos kriz uô côngz xưv cán bộ pox niêv tsik tâu cxix cxuô, tsik tâu uô ntâu trâu côngz xưv lênhx tov, coangr lik cxuô cấp. Đuô li, cán bộ pox niêv cê uô iz lênhx niêv, uô pox niêv, cê cxaz chuôz trâu chor huôx tôngv xã hội… uô trâu chor pox niêv sơưr đơưk njiz ntâu phiv liv đuô txir nênhx.

Đros tsưr ziv zos 35% têiv plor pêx xênhv xêir zos pox niêv, bê ntơưr chor nênhs tâu xêir zos pox niêv nhoz tas nro chor thax tsav tsuv taz por muôx bâuv li chak, tsik tsơưs đuô pir li txir nênhx. Cxuô cấp hội gâux muôv vir ndâuk li hâux lưv hêik pâuz muôx pưk txux zov chênhr. Pos Nguyễn Thị Tuyết, phưv chủ tịch Hội Liên hiệp pox niêv Việt Nam tưz cir jênhv đros ủy ban trung ương mặt trận têz qơưk Việt Nam chiê taz por chor pox niêv cxaz chuôz côx hôiv thiêz hội đôngx pêx xênhv cxuô cấp; tsưr tsix chor đoanx sêiz kaz nhoz chor tỉnh lơưr co hêik pâuz trâu Đảng têx chủ trương, tsênhv chêi chiê uô chak cov taz por txâuk chor pox niêv thâuv xcaz chuôz cấp ủy cux xưk li côx hôiv thiêz Hội đôngx pêx xênhv.

Chiê bax trâu bâux xêir têiv plor côx hôiv thiêz Hội đôngx pêx xênhv six cxiv 2016-2020, tsuv chuôz cxaz cxuô cấp ủy đảng, chính quyền cxuô cấp li chox kriê, qênhz yuôx; cuiz tênhv txơưx jênhv tsênhv tsênhz trâu chor nênhs sơưr thơưx cơ quan, ban, nganhx Trung ương, tiv phaz hâur kriz uô cônz xưv cán bộ pox niêv. Txix co cxuô cấp, nganhx muôx têx huôx tôngv hênhr chiê cêv kuôk, thox cxov, kruôz kriê chor cán bộ pox niêv, taz por lênhx nênhs, tsơưr lươngv, sêiz no zos Đảng li jênhv vưv hâur côngz xưv cán bộ. Đros chor văn bản kruôz kriê côngz xưv bâux xêir nênhs trâu côx hôiv thiêz hội đôngx pêx xênhv, tsuv cuiz tênhv tsênhz mênhx chor nênhx xêir zos pox niêv chiê taz por muôx txâuk pox niêv hâur bâux xêir.

Cxaz chuôz trâu chor cơ quan pêx xênhv xêir zos hlôngr njêx muôs trâu cử tri hâur têz qơưk. Hâur qênhx shênhx tsưr tsix bâux  xêir têiv plor côx hôiv, têiv plor hội đôngx pêx  xênhv, chiê cxaz chuôz chor pox niêv cxaz chuôz trâu chor cơ quan pêx  xênhv xêir, tưz tsik zos cấp ủy Đảng, chính quyền mak chính yênhx lênhx cử tri cux jênhv pâuz tsênhz tiêk: tsov cưv txos pox niêv, tsov cưv txos pox niêv cxaz chuôz trâu côx hôiv thiêz Hội đôngx pêx xênhv cxuô cấp chiê paz thơưz sik bâus pox niêv txir nênhx, viv pox niêv li huôv tsar thiêz huôv tsar xã hội./.

(TTT-Lik Thox cxêik nhênhv)