Sơn La tsuv ciêr chênhr uô tsênhz mênhx qir tiv uô kiês nênhs hâur đêx cxơưr cây sung

          Iz buôk ndis thax tsav tiểu khu 19, tiểu khu Co Muông, xã Cò Nòi, huyện Mai Sơn nhoz jê tsêr meir uô thax njêr Sơn La, têx qơư tu zus tsiêx lox zâu ntâu shông no tso ntâu têx vuôz tsuôz kiês nênhs trâu ntơưv njưk đêx ntưs mul cxuô qơư, uô trâu têx đêx co đuz thiêz tsư nxiêz. Muôx qơư tsiv uô kok ntông tsênhv tso ciês têx vuôz tsuôz kiês nênhs ntưk lok trâu hâur đêx. Tênhx qơư kiês nênhs tưz muôx nzor, uô ruôr hiêv tsik zos tsơưs txos tsôngv box nhoz thax tsav ntơư li luz nênhx hâur niêx hnuz, chinhr quyênx tiv phaz mak tsi tâu car chêx txos qơư. Nhoz jê zơưv Trần Hữu Bắc li tsêr, nhoz tiểu khu Co Muông, xã Cò Nòi zos tul đêx tso têx vuôz tsuôz kiês nênhs cxôngx tu zus buô. Zuôr xar 10 shông no tsuv nhoz uô nênhx đros têx pa tsư nxiêz no, tas nro chuôz zis li đas jos trâus zênhr shar ntâu:

          “3 shôngk no cur pox niêv moz tsi so, thâuv ntêx mak cux muôx 56, 57 cir, cur tul tuz mak tsi pâuz pok zos tiv tênhx qơư kiês nênhs mak trâus moz hlưz tâuz hâu, tsêiz no njuôs xav chơưv tsi tâu. Muôx têx hnuz chuô lox, ntux lok nas mak nhoz tsi tsưv, hmo ntux pư cux zuôr chox ntâuz bok kror ndâux”.

          Kuôk zơưv Bắc tsêr muôx nhos 500 yiv zos doanh nghiệp Minh Thúy li qơư tu zus buô. Qơư tu zus no zos zus yênhx cxênhz tul buô thiêz cux tso ciês têx vuôz tsuôz kiês nênhs trâu tênhx qơư. Tix lâuk Nguyễn Tiến Thực, tsôngv box nhoz no puz pâuz, thax tsav no muôx tul đêx ntưs cxôngx cêr yuôv Cò Nòi mul txos thị trấn Hát Lót, viv li cux tsi pâuz tsênhz hâur pâus têx vuôz tsuôz kiês nênhs no cxôngx kror tưs lok:

          “Muôx qơư tu zus buô ntâu mak têx vuôz tsuôz kiês nênhs ho tso ciês lok hâur tênhx qơư li no đêx thiêx li đuz thiêz kiêk nênhs. Txos cheix lok nas đêx pur tuôx, ntưs cxuô qơư hâur thax tsav, thâuv đêx xâuk mak ntưs lơưr tul đêx mul thị trấn Hát Lót”.

          Ciês thâuv muôx tsôngv box nhoz tiểu khu 4, tiểu khu 5, thị trấn Hát Lót heik ntâu txos qênhx shênhx kiês nênhs tênhx qơư ntơưv thax tsav kror đêx cxơưr cây sung, Sở tài nguyên thiêz tênhx qơư tỉnh Sơn La tưz đros tỉnh li têx nganhx muôx txơưx jênhv thiêz chinhr quyênx tiv phaz qênhz yuôx Công ty cổ phần uô thax njêr Sơn La li côngz xưv por vêv tênhx qơư. Hâur ntâuz ntơưr uô hâux lưv hnuz 22/3 nhiv kruôr đhâu, đoanx qênhz yuôx tưz ntâus grê Công ty li 8 hâux lưv uô cxâuv. Hâur co tsuv tsov cưv zos têx uô cxâuv li: Tsi uô thiêz xa dự án li tsưr ziv por vêv tênhx qơư tsênhz mênhx lơưr cui tênhv; tsi tâu uô tiêr cxix luôk sâu đêx , têx vuôz tsuôz kiês nênhs mak tsênhv tso kiês lok hâur tênhx qơư....Zơưv Nguyễn Văn Tài, giám đốc xí nghiệp thax njêr, Công ty cổ phần thax njêr Sơn La puz pâuz: Thâuv muôx đoanx qênhz yuôx li ntâus grê, công ty tưz tso tsês tsi huôx tôngv hâur 3 hnuz chiê nriêr tsưr ziv khưx phưx qênhx shênhx kiês nênhs hâur đêx njuôs xav zos tiv đêx kiês nênhs tâu tso cxôngx tsêr meir ntưk mul. Taz sik, txos nhiv no tsi tâu nriêr tâu qơư ntưk têx đêx kiês nênhs co.

          “Đhâu 1 luz hlik ntâu nriêr pâuz mak txos nhiv no ntơưv Công ty cux tsi tâu pov Công ty li cxix luôk pas tso thiêz yưr lir đêx kiês nênhs ntưk kror tưs mul trâu hâur đêx. Pêz tưz muôx ntâuz ntơưr thix ziv Sở tài nguyên thiêz tênhx qơư, chiz coaz muôx txơưx jênhv đros paz Công ty nriêr tâu qir tiv uô kiês nênhs tênhx qơư no”

          Đros nênhs sâu xor xưv VOV thav, zơưv Nguyễn Quang Thiên, Tsar phòng coar lik tênhx qơư, Sở tài nguyên thiêz tênhx qơư Sơn La puz pâuz: Nhiv no, cux tsi tâu muôx chêx cuk tsênhz mênhx kror tưs uô hâur đêx trâus kiês nênhs. Hâux lưv Công ty cổ phần thax njêr xar njôngr chiz coaz muôx txơưx jênhv xav tênhv seiz pok zos tiv tsêr meir cux zos siêz xar njôngr huv đros:

          “Uô ntêx pêz tsuv xav tênhv tsêr meir thax njêr pok uô kiês nênhs tênhx qơư, đhâu co pêz tror seiz shuôk têx qơư txơưr. Taz viv tưs uô cxâuv mak yưr lir txos co. Nhiv no pêz cux tsi tâu tâu khav tênhv tsêr meir thax njêr tsi uô kiês nênhs thiêz cux tsi khav tênhv qơư txơưr uô kiês nênhs viv pêz tsi tâu muôx txâuk theox chênhv chiê khav tênhv. Hâux lưv no tsuv lok six tsưv ziv uô thiêz uô trơưk cêr chei, chiê taz por”

          Tsôngv box nhoz uô nênhx jê kror đêx cxơưr cây sung tsênhv niêx hnuz nhoz uô nênhx đros thiêz đêx kiês nênhs đuz txis, tsư nxiêz. Lok six zuôr trâus chiz coaz muôx txơưx jênhv ciêr chênhr uô tsênhz mênhx qir tiv uô kiês nênhs thiêz yưr lir txos qơư lơưr cui tênhv chiê tsi muôx yưv qênhx shênhx li no thiêz./.

(Thanh Thủy-Txâur Vax cxeik nhênhv)

Đangv tưx hlôngr yiêz, uô ntêx nyuôs hâur cxuô luôs hâux lưv

Ntêr lok no, ntâu cấp ủy Đảng khênhr tsưv ziv txos hâux lưv canr bôv, cxiv tsa tsưr tsix cơ sở đảng, tsik yuô moz siêz txos tsơưr lươngv đảng viên. Têx shông jê lok no, Đảng tror hlôngr yiêz hâux lưv huôv tsar đảng viên đros ntâu tsưr ziv tsênhv tsênhz. Zơưv Vũ Ngọc Hoàng, kuz Phưv Tsar ban Thường trực Ban Tuyên giáo T.Ư heik, huôv tsar đảng viên tsuv zuôr tsơưr lươngv uô qơư khov:

“Tsuv hlôngr yiêz tsưr ziv ntâuk grê, li chal zos nênhs jông, li chas zos lênhx nênhs muôx txux chi? Nênhs jông thiêz muôx txux chi zos lênhx car xar têx tsưr ziv thiêz car lês uô têx hâux lưv mak zul tsi yuô thôngx siêz, hur si têx nuv, tsưr ziv zos Đảng li. Lơưr muôx ziv chênhv, muôx qơư. Đảng zuôr trâus txos têx lênhx li heik ntơư, tsi zuôr têx lênhx ndâux lav heik, têk tơư tsi xar uô”.

Iz chas ntơư, cxuô cấp ủy tsuv cê gra siêz têx lênhx đảng viên li txux chi pênhr xưv; cê sir jos cxaz nzir têx lênhx uô tâu hâux lưv jông thiêz hluôk nhoz hâur đảng. Xar xeir zuôr tâu lênhx hluôk nênhs trâu Đảng, cxuô cấp ủy tsuv tưx hlôngr yiêz tsưr ziv ntâuk grê, tsi tiêk lav tâu lav xeir zuôr cov tâu chôngz lênhx nênhs nhoz hâur đảng. Cxuô cấp ủy cux tsuv bax tsưr ziv qênhz pov têx lênhx nênhs txơưx njê, muôx txux chi, zos nênhs jông chiê kriê nzir txux chi tsưr ziv tso nhoz hâur đảng. Cux trơưk zơưv Vũ Ngọc Hoàng, Đảng tsuv tror hlôngr yiêz tsưr ziv đros trâu tsênhv njiêz hâux lưv zoz zux chính trị, siêz xar cov fiv đros trâu ntu nhiv no.... Hâux lưv uô no tsuv hu zâuv tâu ntâu lênhx chôngz tuk, uô trâu tsôngv px njênhs, lar heik zos đros thiêz cxênhx hluôk. Phưv Giáo sư-Tiến sĩ Hồ Tấn Sáng, Học viện chính trị quốc gia HCM jông siêz, thôngx ziv đros têx hlôngr yiêz heik sâuv li no:

“Hur tiz si têx lênhx thôngx ziv đros tsưr ziv no, thôngx ziv trâu huôv tsar mênhx cxưx, thôngx ziv tsi tiêk zos lul heik, mak zos nuv uô thiêz siz paz trâu mênhx cxưx cêr huôv tsar, co chênhr zos têx lênhx chiê huôv tsar đảng. Tsưr ziv cux zos siêz xar thiêz txux chi tâu qênhz pov txix têx tsênhv tsênhz, thôngz đhâu têx muôx tsênhz paz trâu têz qơưk mak têx lênhx ntơư thiêx tsiv nhos zos lênhx tso nhoz hâur đảng”.

Đảng tưz yênhx lix, cxiv kho thiêz ziv hnuz ziv gra siêz pưs txux chox car txix têx tsưr ziv uô huv sđ siêz; txix canr bôv, đảng viên cêr uô ntêx nyuôs. Six hơưv jê lok no, Đảng gra siêz lênhx nênhs sơưr thơưx li txơưx jênhv. Zơưv Hà Đăng, kuz Tsar Ban Tư tưởng-Vênhx huôv T.Ư heik, têx tsưr tsix đảng, têx lênhx canr bôv, đảng viên, uô ntêx zos canr  bôv hâu nov thênhv siêz, lênhx nênhs sơưr thơưx cxuô cấp, cxuô ngênhx tsuv gra siêz txơưx jênhv uô ntêx nyuôs txix lul heik txos trâu têx nuv uô, heik li chas uô tâu li ntơư:

“Têx lênhx canr bôv lâuk, tsuv uô iz tsov iêr chiê têx hluôk cơưv shâuv, uô trơưk. Đhâu têx pov uô jông co, chor hluôk zuôr njênhs đuô lok đảng tsưr ziv chox car thiêz sir jos cơưv shâuv, uô trơưk. Têx li heik no tsuv tâu uô txix têx hau nov thênhv siêz txos thênhv kis, tsênhz đuô zos txix T.Ư heik cxuô thiêz têx Ủy viên T.Ư, zos canr bôv chính trị, Ban Bí thư txos trâu têx cấp zos chor nênhs sơưr thơưx hâur Tỉnh ủy, hâur Ban Thường vụ cấp ủy ntơưv qơư cux tsuv uô ntêx nyuôs hâur cxuô luôs hâux lưv. Thâuv T.Ư uô ntêx nyuôs, zuôr muôx hlôngr yiêz jông hâur Đảng”.

Đros trâu gra siêz tsưr ziv, txux chi trâu têx lênhx đảng viên, tsưr tsix đảng thiêz lênhx nênhs sơưr thơưx; Đảng cux tưz thiêz tsênhv qênhz shuôs, cxiv kho têx cui tinhv, cxiv tsa thiêz uô cov tiêr têx chei qênhz shuôs, khưx phưx têx uô tsi tâu tsi tiêr hâur canr bôv, đảng viên. Iz chas ntơư, muôz tik cêr cxâuv cov txos qơư trâu têx lênhx nênhs uô cxâuv cui tinhv đảng, chei têz qơưk; sir jos phax tar têx nênhs nox nhiêx têz qơưk, nênhs tsi jông, uô tuôr xuôv têz qơưs nhiêx txiêx....  Hur tiz si puôr lênhx viv Đảng, viv tsôngv px; pâuz sưv jê đros px, seiz hloz txos px, heik px to tâuz thiêz uô trâu px njênhs njôngr./.

                                   (TTMT-Riê Lâux cxeik, nhênhv)