Sơn La sir jos phax tar moz covid-19 cxôngx ciês ntơưv têx ndâux cêr mul lok

Qơư qênhz yuôx, seiz car moz huyện Mường La tâu yênhx lix hnuz xiêz 1/4 sâuv niêv cêr 279D, ntu cxôngx thành phố Sơn La mul tsênhv qơư huyện. Têx yêz mul lok cxôngx thành phố tuôx đhâu puôr lênhx tâu lưx lươngv liên nganhx qênhz yuôx, njuôs siv thiêz heik tsôngv box heik kriê y tế. Sâu jênhv hâur têx hnuz yênhx lix qơư seiz car, têx lênhx nênhs mul lok đhâu muôx têx hnuz ndê txos zuôr xar 500 jiês; viv li lưx lươngv liên nganhx tsuv uô hâux lưv yênhx hnuz yênhx hmo. Đại úy Đinh Văn Ngoan, Tuêv tsar tuêv cảnh sát zaoz thôngz, Công an huyện Mường La, lênhx nênhs uô hâux lưv ntơưv qơư seiz car no puz pâuz:

          “Cxôngx hnuz xiêz 1/4 pêz uô hâux lưv ntơưv no, seiz car lênhx nênhs thiêz yêz mul lok đhâu. Pêz yax mông thiêz heik tsôngv box heik kriê y tế. Đros têx lênhx nênhs pov hnôngk, iz chêr cuz sor mak pêz thôngz pov thiêz heik kriê cêv kuôk ntơưv chuôz zis lok sik tsênhv qơư”.

          Têx hnuz thơưx qir huôx tôngv, viv iz cxiê lênhx tsôngv box li jênhv pâuz kis tsênhv uô muôx yưv qênhx shênhx tsi sik côngv đros lưx lươngv chiê uô jênhv vưv. Niêv lâuk Quàng Thị Ón, qơư y tế xã Mường Bú heik:

          “Ntâu lênhx nênhs tsi pâuz mak tsênhv tsi sik côngv đros lưx lươngv chiê seiz car đas jos, tsênhv muôx têx lul heik tsi jông mnôngs. Ntâu lênhx mak tsi uô trơưk lưx lươngv li lul heik kriê”.

          Ntơưv xã Mường Chùm, huyện Mường La cux yênhx lix qơư seiz car moz sâuv cêr 110, cxôngx huyện Mai Sơn mul huyện Mường La. Viv nhoz đêz qơư tsôngv box nhoz uô nênhx muôx nhos 200 yiv, viv li tsi muôx tênhv tênhz, đêx chiê phưx vưv jông lưx lươngv li huôx tôngv. Nhiv no, đrâuv chinhr quyênx xã li paz txưv, qơư seiz car no tsi tâu muôx nhiêx txiêx huôx tôngv.

          Tsuôk muôx 5 lênhx nênhs jor thơưk hnuz thơưk hmo ntơưv co, thâuv tsi muôx yêz thiêz lênhx nênhs mul đhâu mak iz cán bộ, chiến sĩ uô jênhv vưv ho ndaz ndơưv six hơưv co chiê uô mor nox. Nox mor tas ho ciêr chênhr so mê njik thâuv tsi muôx lênhx nênhs mul lok đhâu; txơưv muôx tsi txâuk cxuô zav taz sik lơưr cux truôx siêz uô tiêr jông jênhv vưv tâu choz chiê por vêv tsôngv box tsi chiê moz siz cik đêz đar hâur côngv thôngx. Y sĩ Lường Văn Uân, trạm y tế xã Mường Chùm, huyện Mường La puz pâuz:

          “Cur đros têx lênhx nênhs txơưr, têx chiến sĩ công an cux sir jos khưx phưx têx phêv liv chiê uô tiêr jông jênhv vưv thênhv siêz choz”.

          Nhiv no, tỉnh Sơn La tưz yênhx lix tâu 10 qơư seiz car moz liên nganhx ntơưv têx ndâux cêr mul lok tsênhv. Đros trâu luôs hâux lưv sir jos phax tar moz, iz lênhx cán bộ, chiến sĩ ntơưv têx qơư seiz car moz tưz paz phênhv đros tas nro têz qơưk phax tar moz covid-19 hâur ntu no./.

(Thanh Thủy-Txâur Vax cxeik nhênhv)

Bôv Y têr hêik pâuz 10 kror chiê phax tar moz Covid-19

1. Nam: Tsik tơưv đrâuv jôngr thâuv tsik muôx hâux lưv zov chênhr. Tsik nhoz uô cê txix oz lênhx nênhs tror sâur ntơưv têx qơư công côngv

2. Nữ: Tsik so chox đêiv bos kror ndâux thâuv tơưv đrâuv jôngr xav tas nro thâuv uô hâux lưv; nhoz kuôk đêz lênhx nênhs txơưr muôx 2 thiêr.

3. Nam: Tsik so nzuôr têk txix xaz phongx ntơưv têx đêx hur lok sik txix têx cuô đêx tuôx lov caz moz, tiv zix zos thâuv cor tâu têx uz no thiêz đhâu thâuv njiz, thav luk đros chor nênhs txơưr thiêz đhâu thâuv lok txos tsêr.

4. Nữ: Tsik tuôr têx nênhs txơưr têk thâuv siz njiz, tsik muôz têk tsâuk kror muôs, cor kror ndâux, kror njưs.

5. Nam: Tsik so buôr zâus kror ndâux txix cuô njêr; uô cov sor trâu chax đaz, hâur siêz, hâuk đêx sor. Hlôngr trik tso thâuv lok txos tsêr thiêz têx khâuz ndơưk hlôngr co tsuv muôz tsâu cuô xaz phongx.

6. Nữ: Nox hâuk cov txâuk tsơưr pưr, nox siêr hâuk bâu, uô thể thao huv đros, xênhz huôx cov jông. Tsik so uô vêv xênhz, uô cov vax tsêr hur đu, so nzuôr hur si têx kror zuk tsik so cor tâu.

7. Nam: Zos tsuv tâu cêv kuôk mak tsuv nhoz jông hâur tsêr, tsik njiz chor nênhs txơưr, uô lơưr tsưr ziv cêv kuôk tâu cơ quan y têr hêik kriê.

8. Nữ: Tsik tuôx trâu têx qơư y têr zos tsik muôx moz hnhar. Tsuv hu tênhv nus cán bộ y têr uô ntêx zos xar tuôx njuôk, kho moz.

9. Nam: Hêik pâuz y têr đhâu ứng dụng (https://ncovi.vn) lok zuk thiêz chor nênhs cxênhz jê hâur tsêr; sêiz shuôk đas jos tsik so thiêz hêik ciês trâu cơ quan y tế lok sik hêik đhâu ứng dụng NCOVI trâu lơưr pâuz.

10. Nữ: Tsik zâuv cxuô lênhx nênhs tuôs ntơưv zuk tsêr thiêz tsik muk uô kruô trâu chor chuôz zis txơưr đuô. Hâur luz nênhx tsênhv yuôr ntâu jiês chiê sik njiz./.

(Tòng Anh BT-Lik Thox cxêik nhênhv)