Lai Châu: Jiês tơưv txênhz đoz luôx tsoz chos zax zênhz nhoz Tà Tổng

          Jos Tiêx Ma Muv, kuôk tsênhv qơư xã Tà Tổng, huyện Mường Tè 70 ntâu cei cêr. Cêr puôr lênhx zos mul tơư. Tas nro jos muôx 40 ntâu ziv chuôz zis; hâur co, muôx txos 20 ntâu ziv zos chuôz zis yeiz pluôs. Yeiz pluôs zos tiv jos nhoz đêz tsênhv qơư, cêr mul lol phêv liv, qênhx shênhx tror chos tsoz chos zax zênhz tsênhv muôx yưv ntâu hâur têx shôngk đhâu.

          Chiê tsôngv box jos Tiêx Ma Muv, cux xưk li tsôngv box têx jos txơưr nhoz xã Tà Tổng tsi tror chos tsoz zax zênhz, cxôngx tỉnh, huyện thiêz xã li paz txưv, tsôngv box hâur jos Tiêx Ma Muk tưz krêz uô muôx chêx cuk têx tsaz yênhx huôv tsar kinh têr xã hôiv thiêz tsênhv jux jus tso tsês tsi chos zax zênhz. Zơưv Giàng Tủa Ly, iz lênhx tsôngv box nhoz jos Tiêx Ma Muv shir phaz heik:

          “Cur thiêz pox nhuôs puôr lênhx jênhv pâuz tâu tiêk chos zax zênhz thiêz zôngv zax zênhz zuôr uô zênhr shar ntâu txos đas jos. No cux zos qir tiv uô chor ziv chuôz zis pluôs hâur jos chuôz ndê siêz. Cur cux tưz yax mông trâu pox nhuôs thiêz nhiv no pox nhuôs hâur jos tưz uô jông têz qơưk li chủ trương, viv li chor ziv chuôz zis tror chos zax zênhz tưz txu grês ntâu”.

          Tsênhz mênhx tso pov, têx jos pov tror chos zax zênhz nhoz Tà Tổng têx shôngk đhâu puôr lênhx muôx mênhv chêx đar thiêz phênhv ntâu nhoz đêz tsênhv qơư, kinh têr, xã hôiv thiêz luz nênhx chinhz yênhx tsênhv yuôr ntâu phêv liv. Tiv tox trôngz ar cxaz, viv li têx qơư chos zax zênhz puôr lênhx nhoz têx têz pêv har jôngr. Viv li, côngz xưv phax tar, đoz luôx zax zênhz phênhv ntâu zos vênhv tôngv, yax mông thiêz khov txos tsôngv box li siêz xar chiv chir mul đoz luôx por tsês. Zơưv Giàng A Sính, tsar jos Tà Tổng, xã Tà Tổng pheiz kênh:

          “Đhâu Huyện thiêz xã li njuôs xav, pêz tưz tsưr tsix đoanx thêv mul đoz luôx zax zênhz, taz sik tsi tâu njiz tsưr chor têz zax zênhz no. Six hơưv nhiv no ntơưv jos tsi pov muôx têz zax zênhz tưs thiêz, viv pêz tưz truôx siêz tơưv txênhz”.

          Ntu 2010-2015, têx lưx lươngv muôx txơưx jênhv tỉnh Lai Châu tưz đoz luôx tâu 550 cxênhz yiv ndis zax zênhz, hâur co phênhv ntâu chêx chôngk nhoz xã Tà Tổng, huyện Mường Tè. Hâux lưv tror chos zax zênhz chuôz ndê hâur chiv 2015-2016, đros 70 cxênhz yiv ndis tưz tâu đoz luôx por tsês. Hâur chiv 2016-2017, tỉnh Lai Châu tưz muôx tsưr ziv phax tar, đoz luôx zax zênhz ntơưv thax tsav xã tà Tổng. Đhâu co, têx lưx lươngv muôx txơưx jênhv thiêz chinhr quyênx tiv phaz tưz luôx 52 cxênhz yiv ndis ntâu. Zơưv Giàng A Chu, Phưv chủ tịch UB xã Tà Tổng, huyện Mường Tè heik:

          “Cấp ủy, chinhr quyêx xã cux tsưr tsix trâu têx ban nganhx, đoanx thêv hâur jos, xã mul têx jêx jos chiê yax mông trâu pox nhuôs pâuz thôngz lok zax zênhz li txux hiêv thiêz heik têx chuôz zis cir ntơưr tsi tror chos zax zênhz. Tiv phaz cux yax mông thiêz puz cir ntơưr, thôngx cxix mul seiz shuôk iz cxiê qơư mak tsi tâu muôx qênhx shênhx tror chos zax zênhz. Txos six hơưv no cux tsi pov muôx cxaz lênhx nênhs chos zax zênhz thiêz tsi pov têz zax zênhz tưs”.

          Truôx siêz, pâuz thôngz thax tsav, têx lưx lươngv muôx txơưx jênhv thiêz chinhr quyênx têx cấp tỉnh Lai Châu tưz thiêz tsênhv sir jos txu grês têx mênhv chêx tror chos zax zênhz sâuv xã Tà Tổng. Taz sik, cxiv tơưv txênhz đros hâux lưv tror chos zax zênhz nhoz no tsênhv njiz ntâu phêv liv thiêz phênhv ntâu khov txos tsôngv box li jênhv pâuz. Chiê tsoz zax zênhz tsi tror tâu chos sâuv Tà Tổng zos iz hâux lưv tsuv tâu cxuô cấp hâu nov ntơưv qơư tror sir jos đuô, tiv zix zos têx cấp ủy Đảng ntơưv qơư thiêz têx đoanx thêv chinhr triv ntơưv thax tsav li pưs txux lênhs tov./.

( Khắc Kiên- Txâur Vax cxeik nhênhv)

Jiês cơưv Trung ương 5: Tuôr jông kỷ luật chiê Đảng truôx jông

“Pôngz siêz” zos lo luk tâu chôngz lênhx nênhs sir zôngv thâuv hêik txos Ủy Ban qênhz yuôx Trung ương nhiv kruôr hêik xưv lik iz lênhx cán bộ zos Ủy viên Bộ chính trị cik txos têx uô zuôv ntơưv Tập đoàn trox pa têz qơưk Việt Nam (PVN). Uô ntêx co, chôngz lênhx cán bộ tsênhv uô hâux lưv thiêz so lâul cux tâu Đảng li cơ quan thênhv siêz qênhz yuôx hêik txos bê, viv cik txos côngz xưv cán bộ lok sik phiv liv tênhv qơư đêx hiêr nhoz faz Trung...

Hâur 5 shông đhâu, tas nro Đảng tưz xưv lik kỷ luật zuôr xar 1.400 tsưr tsix Đảng thiêz 74.000 cxênhz ntâu lênhx đảng viên nhoz cxuô cấp. Hâur chor Đảng viên trâus kỷ luật, muôx 82 tỉnh ủy viên thiêz chor nênhs uô hâux lưv iz zav li co zos; 1.500 ntâu huyện ủy viên thiêz chor nênhs uô hâux lưv iz zav li; xar muôx 3.000 lênhx đảng viên trâus kỷ luật txix tso so hâux lưv; 8.700 lênhx nênhs tsik chiê nhoz Đảng thiêz 4.300 cán bộ, đảng viên tsuv xưv lik zos đrêiv chêi. Zơưv Phạm Tự Phả, kuz Cục  trưởng Cục hêik pâuz Cảnh sát, Bộ công an hêik tiêk:

“Siêz xar txos six cxiv tưz zos kror tsik zos lơưv, tsik zos lơưr nênhs côngv sản xar. Nênhs cộng sản mak Đảng choz hâux lưv tưs tsuv uô kror hâux lưv co. Zos tiêk nhoz hâur cấp ủy, muôx six cxiv mak hax zav tsuv uô jông. Tsuv sir jos. Nênhs cộng sản tsuv sir jos viv Đảng, viv pêx xênhv”.

Nghị quyết Trung ương 4 (khoá 12) li chox kriê zos tsuv tsav txênhz tir thêir nox nhiêx têz qơưk. Phưv giáo sư, tiến sỹ Đào Duy Quát, kuz phưv Ban thường trực Ban tư tưởng, vênhx huôv Trung ương xav tiêk: Hâux lưv xưv lik iz cxiê txuz phiv liv hâur côngz xưv cán bộ thiêz iz cxiê txuz kinh tế zov chênhr, tưz iz phênhv tưs paz trâu cán bộ, đảng viên thiêz pêx xênhv njênhs trâu jiês tsav txênhz, paz txo grêk tsơưs chor nênhs nox nhiêx têz qơưk nhiv no:

“Đảng jênhv pâuz kror no tsik tâu tir thêir, txo grêk mak muôx têx qơưk tsênhv phiv liv đuô. No zos qir tiv uô trâu Đảng zuôr njiz ntâu kror phiv liv. Viv li, jênhv vưv cxiv tsa, kho đuô Đảng chiê tir thêir qir tiv no tsuv zos kror hâux lưv uô sêi. Têx tsik jông muôx nhoz iz phênhv tưs tsik tsơưs nênhs, tiv zix zos cán bộ muôx hâux lưv uô siêz hâur têz qơưk, thiêz cux muôx cán bộ thênhv siêz. No zos kror qir tiv phiv liv lox txos Đảng”.

Cxiv tsa Đảng, zos cxiv tsa uô cov pêx xênhv njênhs trâu Đảng. Nox nhiêx têz qơưk, uô tuôr xuôv têz qơưs têx nhiêx, chênhr zos iz hâur têx qir tiv uô pêx xênhv tsik njênhs trâu Đảng. Viv li, tsuv xưv lik truôx jông chor cán bộ, đảng viên, txơưv nhoz trâu cấp tưs, viv kror liv trâu zuk uô zuôv cêr chêi têz qơưk, uô zuôv Đảng têx têx chêi tso tơưv./.

(TTT-Lik Thox cxêik nhênhv)