Jax thưr 6, hnuz xiêz 8/7/2016

Đắc Lắc: Tu zus nhux đas sha mê nhuôv chiê paz cxuz cêr yeiz pluôs

Iz tas cik, pos H’reng Byă, heir nênhs Ê Đê nhoz jok Ja Wần B, xã Ea Kiết, huyện Cư M’gar ho muk lêis jâuz, txuôr têx kuôr blêx đo shơư krâur trâu nhux nox. Pos heik pâuz,  ziv chuôz zis muôx 6 lênhx taz sik phênhv sâu tâu niêx shông tsuôk tok njôngr lok 1.440 xưv phaz têz cà phê tưz lâuk tsi jông tas, viv li luz nênhx lok six txov nhêv. Shông  2006, tsênhv qơư cxiz kôngz tỉnh Đắc Lắc paz chuôz zis iz tuk nôngz nhux đas chiê tu zus. Khov tâu tsênhv qơư cxiz kôngz huyện kriê tsưr ziv tu zus, iz shông tov kaz, pos tuk nhux tưz sha mê nhuôv; chuôz zis zus tuk nhuôs, yuôr niêv nhux mak muôz hlôngr trâu lưv ziv txơưr đuô tu zus. Txix thâuv ntơư txos nhiv no, pos H’reng Byă chuôz zis tưz muôx tâu 4 tuk nhux, tsiv grê nhos 100 tsov đeiv, ho muôx nzir six hơưv chiê tu têx cà phê jông đuô: “Zos tsi tu zus nhux, tsi pâuz shor thâuv tưs chuôz zis li hla đhâu yeiz pluôs. Nhiv no muôx nhux lơưv, têx qir mak zôngv fmông trâu cà phê, khov li ntơư tưz  tsi yuô tas nhiêx zuôr qir zuôv, txuôs tâu iz kro mê njik têx nhiêx. Uô tsâus ntâu txos Đảng, têz qơưs, chuôz zis muôx chôngz mê nhuôv zos tsi tâu paz mak txov nhêv cơưk, tsi car xar txos muôx ntâu nhiêx li ntơư”.

Zơưv Y Răm Byă, tsar jok Ja Wần B, xã Ea Kiết heik pâuz, jok muôx 90 ziv chuôz zis, zuôr xar 400 lênhx nênhs, phênhv ntâu zos nênhs Ê đê. Kuôk no 100 shông, têx ziv chuôz zis pluôs tsav 1/3. Txix shông 2006, ntâu ziv chuôz zis hâur jok tâu tsênhv qơư cxiz kôngz tỉnh Đắc Lắc paz nôngz nhux chiê siz pheiz tu zus. Canr bôv cxiz kôngz huyện thiêz kho moz tsiêx cxu xã moz siêz kriê tsưr ziv tu zus, phax tar moz trâu tsôngv box viv li paz nhux iz hnuz vav ntâu jux juk. Đros trâu huôv tsar tu zus tsiêx cxu, tsôngv box muôx nzir six hơưv chiê tsêz chos uô têx kôngz. Khov li ntơư, tsôngv box sđ hâur jok luz nênhx tưz tâu hlôngr yiêz ntâu, têx chuôz zis yeiz pluôs nhiv no tsuôk yuôr 7%. Zơưv Y Răm Byă heik: “Cxiz kôngz huyện paz kriê tsưr ziv tu zus nhux trâu tsôngv box sđ, têx tsiêx tsi muôx moz, nhux sha tâu mê nhuôv, viv li hla đhâu jux juk yeiz pluôs, iz gơưv nhux nhiv no cux tâu nhos 30 tsov đeiv, viv li tsôngv box tưz tsi yuô txov li zar đrav ntêx”.

Lơưr Tsênhv qơư cxiz kôngz tỉnh Đắc Lắc, hâur 10 shông đhâu, taz viv tưz paz 30 tuk nôngz nhux trâu têx ziv chuôz zis heir nênhs tsơưs muôx luz nênhx txov nhêv hâur têx huyện Bôn Đôn, Cư M’gar thiêz thị trấn Buôn Hồ tu zus. Đros tsưr ziv siz hlôngr tu zus txix ziv no muôz hlôngr trâu ziv tov zus, tsaz yênhx no tưz paz yênhx puô ziv chuôz zis hla đhâu yeiz pluôs. Zơưv Nguyễn Nhân, Giám đốc Tsênhv qơư cxiz kôngz tỉnh Đắc Lắc heik pâuz: “Uô tâu trơưk tsưr ziv li ntơư zos khov muôx hâu nov ntơưv qơư moz siêz txos thiêz cux chênhr zos tsôngv box sđ têx cêr moz siêz tu jông. Tsưr ziv tu zus nhux li heik sâuv tưz paz trâu iz cxiê ziv chuôz zis pluôs hâur  jok tuôr tâu têz qơưs têx pênhr, lơưr luz nênhx truôx tuk jux juk. Ntâu ziv chuôz zis xuz thơưx tưz tsi muôx iz tuk nhux tu zus hlo mak txos nhiv no khov têz qơưs têx cêr paz heik co tưz muôx txos 3, 4 tuk nhux, tsaz yênhx paz trâu tsôngv box cxuz cêr yeiz pluôs tưz uô tâu jông”./.

( TTTN-Riê Lâux cxeik, nhênhv)

Phênhv thưr 6 hnuz 8/7/2016

PHÊNHV TSÊNHV CHÊI THIÊZ SIV NÊNHX

Six hơưv sir zôngv thẻ BHYT trâu nhuôs zâu tsik tâu muôx 6 shông

Nus: Cur tuk nhuôs zus hli 4/2016, tâu cungz thẻ BHYT six hơưv sir zôngv txos hnuz 31/12/2016. Lơưr cur tâu pâuz, nhuôs zâu li thẻ BHYT têz muôx six hơưv sir zôngv 72 luz hli, hok lơưr cán bộ phường li hêik pâuz mak txix shông 2016, thẻ BHYT trâu nhuôs zâu tsik tâu muôx 6 shông muôx six hơưv sir zôngv yênhx shông, txos kaz shông zuôr hlôngr đuô thẻ. Cur thor nus, cán bộ phường hêik li co puôk zos? Nhiv no puôk muôx cuiz tênhv yiêz tưs lok six hơưv sir zôngv thev BHYT trâu nhuôs zâu tsik tâu muôx 6 shông?

Têz: Lơưr cuiz tênhv ntơưv khoản 10, grê 1, luật số 46/2014/QH13 kho đuô, cxaz nzir iz cxiê grê luật BHYT, “Nhuôs zâu tsik tâu muôx 6 shông mak thẻ BHYT muôx six hơưv sir zôngv txos hnuz mê nhuôs txưv 72 luz hli. Zos tiêk mê nhuôs txưv 72 luz hli sik tsik tâu txos six hơưv muk cơưv ntơưr mak thẻ BHYT muôx tsiv gri sir zôngv txos hnuz 30/9 shông co”.

Taz sik, chiê uô tiêr coangr lik nênhs cxaz chuôz BHYT thiêz cungz số trâu nênhs cxaz chuôz BHYT lơưr hêik pâuz ntơưv điểm a, khoản 1, grê 5 liên Bộ y tế-tài chính li thông tư liên tịch số 41/2014/TTLT-BYT-BTC hnuz 24/11/2014 kruôz kriê uô lơưr luật BHYT, BHXH Việt Nam tưz muôx côngz văn số 4911/BHXH-ST hnuz 4/12/2015 kruôz kriê BHXH chor tỉnh, thành phố hâux lưv cungz thẻ BHYT, six hơưv sir zôngv hâur shông 2016 muox six hơưv sir zôngv sâu sâuv thẻ BHYT txos tas hnuz 31/12/2016.

Lơưr liês công văn hêik co, BHXH Việt Nam muôx Công văn số 965/BHXH-ST hnuz 23/3/2016 kruôz kriê BHXH chor tỉnh, thành phố hâux lưv cungz muôz yiêz, six hơưv sir zôngv thẻ BHYT tas six hơưv sir zôngv hâur shông 2016 (xav tas nro six hơưv sir zôngv thẻ BHYT trâu nhuôs zâu tsik tâu muôx 6 shông), muôx six hơưv sir zôngv sâu sâuv thẻ BHYT huv lơưr luật BHYT số 46/2014/QH13 li six hơưv cuiz tênhv./.

(Thanh Thủy-Lik Thox cxêik nhênhv)