TOS SHÔNG CƠƯV YIÊZ NHOZ XÃ TOX SIÊZ NTUS ĐRIV SÔNG MÃ-SƠN LA

Tsêr cơưv ntơưv jos Hịa, kuôk tsênhv qơư xã jos Lầm 4 cei cêr, taz sik chiê tuôx trâu tsêr cơưv, shux xênhz thiêz têx cưk kriê tsuv mul đhâu iz ntu cêr nxaz, muôx ntâu poz jêz thiêz bluô. Cưk kriê Lò Văn Nhàn, cưk kriê tsêr cơưv cấp 1 Mường Lầm puz pâuz: Cxôngx thâuv hli 8, têx cưk kriê tưz krêz uô côngz xưv bax trâu shông cơưv yiêz, tiv zix zos hâux lưv mul txos yênhx ziv chuôz zis yax mông chiê shux xênhz tror tuôx cơưv ntơưr đhâu jiês so sor. Shông no, 3 coz nas chuô mul đhâu tsi so, đêx ngaz lox, cêr mul lol trâus poz, ar shiz txos hâur châus. Shux xênhz li tsêr nhoz mak tsi chêx chôngk, ho mul uô têz viv li muôx têx chuôz zis tsuv mul 2,3 jiês thiêx li njiz shux xênhz niêv txir. Cưk kriê Lò Văn Nhàn puz pâuz: “Txos hâur shôngk shông cơưv yiêz mak pêz ho mul txos shux xênhz chuôz zis chiê vênhv tôngv, muôx têx chuôz zis nhoz kuôk tsêr cơưv 10 cei cêr, tsuv mul đhâu têx ntu cêr lok six lax mul, tsuv muôx lênhx nênhs đros mul chiê sik đros thơưz yêz, thâuv ntux lol nas mak mul tsi tâu, pêz tsuv mul tơư txos shux xênhz chuôz zis chiê vênhv tôngv, tsi chiê shux xênhz tưs tso ntơưr tsês”.

          Tsêr cơưv jos Hịa zos 1 hâur 4 tsêr cơưv txov nhêv tiv zix nhoz xã Mường Lầm huyện Sông Mã. Shông cơưv yiêz no, tsêr cơưv muôx 4 lớp cơưv đros 60 lênhx shux xênhz. Kror jông shir phaz zos shông cơưv yiêz 2016-2017, têx lớp cơưv mê thâuv ntêx zôngv shôngz xor uô nhiv no tưz tâu têx shux xênhz li niêv txir gôngr côngv vor vuôs Prôximăng. Têx nja tsêr tror tâu xor đuô, uô nja truôx đuô trâu yênhx qar cơưv. Cưk kriê Lò Văn Liên, cưk kriê tsêr cơưv cấp 1 Mường Lầm huyện Sông Mã puz pâuz: “Tsêr cơưv no lok six txov nhêv, têx shux xênhz nhoz tsi chêx chôngk. Lol lơưs, chuô lox, tsêr cơưv thâuv tưs cux trâus zơưk trur, tsuv vênhv tôngv shux xênhz niêv txir paz shôngz ntông chiê kho đuô, chiê shux xênhz tsi tso ntơưr tsês”.

          Txơưv tiêk tsênhv yuôr ntâu phêv liv, taz sik cêr shir phaz tos shông cơưv yiêz pov tsênhz sâuv yênhx shux xênhz li pliêx flu. Hâur 5 shôngk đhâu tsêr cơưv tsi chiê shux xênhz tưs tso ntơưr tsês; têx shux xênhz li niêv txir sik côngv tês đros cưk kriê, tôngv vênhx mê nhuôs mul cơưv ntơưr. Niêv lâuk Lò Thị Thủy, jos Hịa, xã Mường Lầm heik: “Shông cơưv yiêz no, tâu têx cưk kriê yax mông vênhv tôngv viv li lênhx niêv lênhx txir tưs cux gôngr shôngz ntông kho đuô lớp cơưv, tsi muôx chuôz zis tưs tsi tso mê nhuôs mul cơưv ntơưr”.

          Qir lol trâu shông cơưv yiêz, hla đhâu têx phêv liv, đros thiêz cêr moz siêz txos hâux lưv uô, hluz têx mê nhuôs shux xênhz, têx cưk kriê nhoz tsêr cơưv jos Hịa truôx siêz bo chox khur ntơưr lol kruôz kriê trâu têx mê nhuôs nhoz tox siêz ntus đriv no./.

Lênhx cưk kriê ntơưr moz siêz lus trâu hâux lưv kriê txux chi

Tưz muôx 74 shông, taz sik cưk kriê ntơưr Phạm Thái Hòa cux tsênhv moz siêz lus uô hâux lưv kriê txux chi trâu têx tuz nhuôs muôx luz nênhx txov nhêv nhoz xã  Phúc Lâm-huyện Mỹ Đức. Zơưv zos iz hâur têx lênhx xuz thơưx hlo moz siêz txos hâux lưv kriê cxaz txux chi trâu chor shux xênhz cơưv coz jax xav fax hâur ngênhx zoz zux huyện. 41 shông uô hâux lưv nhoz ntâu thax tsav, suôv qơư hâur huyện thiêz 14 shông uô hâux lưv kriê ntơưr trâu têx tuz nhuôs shux xênhz hâur thax tsav, cưk kriê Hòa tsuôk xar thiêz chiê siêz iz kro zos tsênhv uô nênhx nhoz, tsênhv muôx đas jos mak tsuv sir jos đros uô cxuô luôs hâux lưv. Cưk Kriê Phạm Thái Hòa heik: “Zuk iz hnuz lâuk jux juk, taz sik thâuv tsênhv muôx đas jos, cur tsuv sir jos cê nhênhv nzir têx tsưr ziv, txux chi jông, cê kriê cxaz trâu têx tuz nhuôs, cê seiz hâur mạng chiê kriê nzir trâu chor nhuôv cov lơưr muôx tâu tsưr ziv, phaz nzưr đar mê njik hâur cêr cơưv txux”.

Heik lok cưk kriê Phạm Thái Hòa têx nuv uô jông, zơưv Đặng Văn Viện-Tsar phongx zoz zux huyện Mỹ Đức heik pâuz: Têx shông cưk kriê Hòa tsênhv kriê ntơưr, shông tưs cưk kriê Hòa tưz muôx shux xênhz cơưv coz thôngz têz qơưs. Ntơư zos iz kro lok six jông. Uô hâux lưv kriê ntơưr iz siv nênhx, cưk kriê Hòa puôr lênhx  tâu lênhk kriê trâu têx tsêr cơưv, lớp cơưv txơưx thiêz kriê cxaz txux chi trâu têx shux xênhz cơưv coz hâur huyện Mỹ Đức. Cưk kriê Hòa 12 lênhx shux xênhz tưz zos shux xênhz cơưv txơưx hâur têz qơưs thiêz yênhx puô lênhx tưr thik tâu jông hâur têx jiês thik shux xênhz cơưv coz cấp tỉnh, TP. Zơưv Đặng Văn Viện heik: “Txơưv tiêk tưz so lâuk taz sik cưk kriê Hòa cux tsênhv moz siêz lus trâu luôs hâux lưv kriê ntơưr, tưz đros paz ngênhx  zoz zux-thox cxov huyện Mỹ Đức kriê cxaz têx txux chi, tsưr ziv yuôr trâus chor shux xênhz cơưv coz muk dự thik cấp TP. Cưk kriê Hòa tsưr tsix têx lớp cơưv trâu ntơưv tsêr tsi zuôr nhiêx chiê paz kriê nzir têx txux chi trâu chor nhuôs shux xênhz cơưv tsi yuô tâu ntơưr, shux xênhz muôx luz nênhx txov nhêv. Ngênhx zoz zux thiêz thox cxov Mỹ Đức ntâuk grê siêz cưk kriê Phạm Thái Hòa têx tsưr ziv, côngz đas jos lox heik sâuv, viv ntơư tsênhv tsênhv zos tsov iêr chi cax chiê trâu têx cxênhx cưk kriê ntơưr tov kaz cux li shux xênhz hâur huyện Mỹ Đức cơưv shâuv thiêz uô trơưk”.

Đros trâu têx sir jos, cêr moz siêz lus trâu luôs hâux lưv kriê txux chi ntơư, hâur iz siv nênhx uô hâux lưv kriê ntơưr trâu têx tuz nhuôs, cưk kriê Phạm Thái Hòa tưz 36 shông siz lơưr liês tâu kruôs zos lênhx uô tâu hâux lưv jông cấp tỉnh, tâu côngz jênhv zos lênhx cưk kriê ntơưr sir jos uô nuv jông shông 1992. Shông no, cưk kriê Phạm Thái Hòa tâu xeir zos iz hâur têx lênhx nênhs hâur đrôngs lox tâu kruôs txos zos uô hâux lưv jông./.