Quảng Ninh: Hluôk nênhs tox siêz, uô bluô nux ciês ntơưv jêx jok

Nhoz hâur tơư trôngz Cao Ba Lanh, muôx ntâu thax têz chos kok tsơưz, qơư uô cuz thaz kruôr kok tsơưz đar 500 yiv ndis tâu tix lâus Trần Văn Hoàng uô tsưr zos iz hâur têx qơưk uô cuz thaz kruôr kok tsơưz nto bê. Đros sir jos uô cuz thaz kruôr kok tsơưz lơưr saz paz cxiv tsa côngz bê trâu tỉnh Quảng Ninh li hax huv OCOP, tix lâus Trần Văn Hoàng tưz muôz têx zav chuôz zênhx jông lok uô xênhz yar txix shông 2017, paz muôx hâux lưv uô thiêz phênhv sâu trâu 30 lênhx lox tôngv ntơưv tiv phaz đros nhiêx hli zos 5 triệu đêiv ntâu iz hli. Thâuv uô tâu txix kinh doanh, tix lâus Trần Văn Hoàng cxaz chuôz trâu “Câu lạc bộ hluôk nênhs sir jos uô nox” đros siêz xar cơưv shâuv thiêz phêi kênh têx chênhz zênhv, paz trâu chor hluôk nênhs ntơưv iv phaz cơưv shâuv thiêz uô trơưk:

“Cxiv uô qơư tâu lơưv mak zuk cux xar cxaz chuôz trâu “Câu lạc bộ hluôk nênhs uô nox huyện Bình Liêu” chiê têx hâux lưv zuk uô tsik tâu mak sik thav đros câu lạc bộ huyện thiêz tỉnh. Zuk cux muk ndis shuôk chor thành viên hâur câu lạc bộ têx tsưr ziv uô nox, kruôz kriê hêik pâuz, sik thav paz trâu sơưr đơưk uô cov khoa học thiêz tâu jông đuô”.

Zos tiêk xưk li thâuv ntêx pêx xênhv Bình Liêu uô nênhx khov trâu kôngz, jôngr nuv mak txos nhiv no, hluôk nênhs hâur huyện cux piz uô têx tsưr ziv yiêz, co zos uô dịch vụ du lịch sâuv thax tsav qơư tâu xav tiêk zos Sa Pa nhoz Quảng Ninh”. Pov muôx chôngz lênhx kruô tuôx trâu Bình Liêu, nriêr qơư nhoz pư chôngz, tix lâus Hoàng Văn Sằn tưz muk cơưv shâuv tsưr ziv uô homestay nhoz ntâu qơư thiêz lok kriz uô ntơưv zuk qơư nhoz. Chor nênhs nhoz ntơưv xar Đồng Văn tâu tix lâus kruôz kriê zos yênhx têx lênhx nênhs chox tsôngv kruô ndis shuôk uô si, têx hâux lưv li hu gâux then, trax tính, nox nênhs Tày Bình Liêu têx zav nox kaz cux paz muôx ntâu kror hâux lưv uô trâu hluôk nênhs ntơưv tiv phaz:

“Cur uô dịch vụ homestay tâu iz shông ntâu no lơưv. Xuz thơưx uô homestay chiê tsôngv kruô muôx tâu qơư nhoz so, lơưr co kriz uô nzir têx hâux lưv li: chox tsôngv kruô ndis shuôk, muôz ntiêr yêz mêir chêix, uô jâuz mor nox zos têx zav nox kaz nhoz Bình Liêu ntơưv homestay. Lok six chôngz nênhs tưz tror tuôx thiêz paz hêik kriê têx dịch vuv no trâu lơưr chor fôngx zưs pâuz, tuôx ndis shuôk uô si”.

Txơưv nhiv kruôr uô tâu xar muôx 1 shông, taz sik “Câu lạc bộ hluôk nênhs uô nox Bình Liêu” tưz muôx 30 lênhx nênhs đros 4 Hợp tác xã zos hluôk nênhs uô tsưr, co zos Hợp tác xã uô jâuz hur; dịch vụ du lịch homestay; tu zus kêiz, buô thiêz uô cuz thaz kruôr txix kok tsơưz. Pêz luz hli mak câu lạc bộ xênhz huôx iz jâus chiê sik thav, sêiz lax txos têx phiv liv njiz trâus li: chênhz zênhv uô nox, paz têx ntâuz ntơưr txêik pênhr…Tix lâus Hoàng Việt Dũng, phưv Bí thư huyện đoàn, Phưv sêiz car “Câu lạc bộ hluôk nênhs uô nox huyện Bình Liêu” puz pâuz:

“Chor thành viên câu lạc bộ phênhv ntâu zos mênhx cxưx jiês xuz thơưx tâu pâuz txos côngz nghệ. Yênhx hli, yênhx ciêz, lok sik thâuv tưs shênhx, chor nênhs hâur Ban sêiz car zuôr muk sêiz shuôkz yênhx lênhx nênhs. Hâur shông 2019 Câu lạc bộ uô nox Bình Liêu zuôr paz kriê trâu tsơưs tiv zix 10 lênhx nênhs uô têx tsưr ziv huôv tsar kinh têr cux xưk li huôv tsar têx dịch vụ du lịch”.

Txơưv tiêk tsênhv yuôr ntâu txov nhêv taz sik hluôk nênhs huyện tox siêz ntus đriv Bình Liêu tsênhv ziv hnuz ziv sir jos cơưv shâuv, sir jos yưv pênhr uô têx tsưr ziv huôv tsar kinh têr. Txix chor thành viên câu lạc bộ li têx paz, phêiz kênh đros thiêz têx sir jos, hluôk nênhs Bình Liêu tsênhv ziv hnuz ziv sir jos hâur huôv tsar kinh têr xar hôiv thiêz uô nox ciês ntơưv zuk qơư nhoz./.

(TTĐB-Lik Thox cxêik nhênhv)