Jax thưr 4, hnuz 9/3/2016:

Hội pox niêv vir ndâuk tỉnh Tây Ninh: Ziv hnuz ziv muôx chôngz lênhx pox niêv vir ndâuk đros uô têx hâux lưv XH

Huyện Tân Châu muôx 85% ntâu zos tsôngv box heir nênhs tsơưs, phênhv ntâu zos têx heir nênhs li: Chăm, Khmer, Tày, Nùng. Thiêz phênhv ntâu têx pox niêv puôr lênhx muôx txux chi, tsưr ziv kis, luz nênhx yuôr ntâu txov nhêv. Chênhr viv li, yuôr  ntâu lênhx tsênhv pâuz tsik tâu cxix cxuô Đảng, têz qơưs têx chei kriê. Chiê zaz zâuv tâu têx lênhx canr bôv heir nênhs tsơưs đros xênhz huôx, hội pox niêv huyện Tân Châu tưz cxiz tiês hâux lưv uô, paz cxơưz gra luz nênhx trâu têx lênhx pox niêv heir nênhs tsơưs, lar heik zos têx lênhx pox niêv vir ndâuk muôx luz nênhx txov nhêv tâu buôk ti têx pênhr txeik, pâuz txos têx tsưr ziv huôv tsar uô nox; zênhx max pâuz tâu, paz têx lênhx pox niêv ntơư thâuv muôx moz gênhs, njiz trâus phiv liv…. Txix têx hâux lưv uô tsênhv tsênhz tưz paz têx pox niêv vir ndâuk hlôngr yiêz siêz xar, cêr uô nênhx, ziv hnuz ziv muôx chôngz lênhx đros xênhz huôx, uô têx nuv hâur XH. Tas nro huyện Tân Châu nhiv no muôx 11.830 lênhx pox niêv vir ndâuk, hâur ntơư muôx 550 lênhx zos heir nênhs tsơưs xênhz huôx nhoz 10 tổ hội pox niêv vir ndâuk hâur huyện.

Pos AniMa heir nênhs Chăm-kuz Phưv chủ tịch Hội liên hiệp pox niêv huyện Tân Châu, Ủy viên BCH Hội Liên hiệp pox niêv vir ndâuk tỉnh Tây Ninh zos lênhx pox niêv heir nênhs tsơưs xuz thơưx hlo thiêz zos lênhx nênhs muôx 20 ntâu shông uô đreiv têx hâux lưv pox niêv hâur hội pox niêv vir ndâuk. Ntơư cux zos kror zov chênhr uô hlôngr yiêz ntâu lênhx, chôngz tuk pox niêv heir nênhs tsơưs txơưr đuô hâur thax tsav huyện tsưr ziv, siêz xar. Nhiv no txơưv tưz so lâuk, taz sik pos cux tsênhv tsi so đros yax kriê Đảng, têz qơưs têx chei txos trâu têx lênhx pox niêv, vir ndâuk zos zuk heir nênhs; sik pheiz kênh tsưr ziv uô nuv trâu têx lênhx tsar chi hội, tổ tsar tổ seiz car têx pox niêv vir ndâuk Chăm hâur têx jok, xã muôx chôngz nênhs Chăm uô nênhx nhoz; hu zâuv têx lênhx pox niêv vir ndâuk sơưr đơưk đros nhoz hâur hội. Viv  pos pâuz tsênhz, đros uô hâux lưv hội pox niêv heik taz, têx nuv hâur XH heik cxuô, tsi tiêk paz trâu têx  pox niêv gra siêz đuô txux chi, tsưr ziv hâur hâux lưv chính trị, kinh tế, XH; mak tsênhv muôz jông six hơưv chiê chor pox niêv tâu buôk ti txos têx pênhr txeik, têx tsưr ziv jông hâur huôv tsar uô nox uô hâuk.

Iz chas ntơư, Hội pox niêv vir ndâuk huyện tsênhv sir jos đros mặt trận, đoanx thêv hu zâuv têx lênhx nênhs siêz jông siz chos gôngr paz nhiêx txiêx, chuôz zênhx chiê cxiv uô tsêr niêv côngv siêz trâu têx lênhx pox niêv vir ndâuk muôx luz nênhx txov nhêv, têx lênhx uô nênhx nhoz iz lênhs tsi đros luôs muôx txir chiê lơưr muôx tsêr nhoz truôx. 3 shông lok no, Hội pox niêv vir ndâuk huyện tưz vênhv tôngv sơưr đơưk sik đros cxiv uô tâu xar muôx 10 luz tsêr niêv côngv siêz trâu têx lênhx pox niêv muôx luz nênhx txov nhêv; têx hâux lưv nthuôr uô cêr lov jêv đros luôs 2 chas xã, thax tsav huyện, thể dục thể thao jux juk tâu huôv tsar, paz chor pox niêv heir nênhs siz sưv jê, muôx cêr thôngx siêz đuô đros canr bôv Hội.

Niêv hluôk Pha-ti-had nhoz tổ 44, jok Tân Châu, xã Tân Phú, huyện Tân Châu đros uô hâux lưv hâur xã Tân Phú tâu iz shông lok no. Xuz thơưx cux txax muôs, lax buôk ti đros sơưr đơưk viv luz nênhx txov nhêv thiêz phôngz cxưx uô nênhx. Taz sik tâu têx hloz hâur xã Tân Phú, têx pox niêv vir ndâuk hâur huyện Tân Châu paz, niêv hluôk Pha-ti-had tưz jux juk uô sưv, pâuz tâu têx tsưr ziv uô nox uô hâuk. Iz chas ntơư tsênhv tâu Hội muôz trâu niêv hluôk txeik 20 tsov đeiv nhiêx chiê yưv pênhr huôv tsar uô nox. Txix têx nuv uô tsênhv tsênhz, niêv hluôk tsês tâu iz kro mê njik têx pênhr, muôx tsưr ziv uô thiêz hu zâuv tâu 28 lênhx hội viên heir nênhs CHăm hâur jok đros uô. Tsi tas li ntơư, tsênhv cxiv tsa tâu iz câu lạc bộ “ uô têx nuv jông” thiêz.

Shông 2015, Hội Liên hiệp pox niêv huyện Tân Châu tưz tsa tâu 3 câu lạc bộ pox niêv li: Câu lạc bộ pox niêv yax kriê têz qơưs têx chei, cui tinhv; câu lạc bộ siz chos uô têx nuv jông; câu lạc bộ chuôz zis hur jông; cxiv kho 3 chi hội pox niêv nhoz 3 jok zos heir nênhs Khmer hâur thax tsav huyện, hu zâuv xar muôx 100 lênhx pox niêv Khmer ntơưv 2 xã Tân Phú thiêz Tân Thành đros cxaz chuôz. Iz chas ntơư, Hội cux paz 20 ziv chuôz zis pox niêv vir ndâuk kêr txeik pênhr nhiêx huôv tsar uô nox, iz chuôs zis tâu txeik 20 tsov đeiv, txix ntơư luz nênhx tưz iz hnuz hlôngr yiêz jux juk.

Six hơưv zuôr txos, Hội Liên hiệp pox niêv huyện Tân Châu zuôr đros Ban dân tộc, Ban Mặt trận tổ quốc huyện Tân Châu cxiv kho, uô jông têx luôs hâux lưv heik sâuv, paz têx pox niêv vir ndâuk tâu buôk ti, pâuz txos têx xor mông, tsưr ziv jông hâur huôv tsar uô nox chiê jux juk gra siêz luz nênhx nox nhoz. Lar heik, moz siêz txos đuô têx lênhx pox niêv heir nênhs tsơưs.

Đhâu Hội Liên hiệp pox niêv vir ndâuk huyện Tân Châu têx tsưr ziv, nuv uô tâu jông tsênhv tsênhz, vav chiê siêz tiêk, hâur ntu zuôr txos no, têx tsưr tsix Hội pox niêv hâur tỉnh zuôr hlôngr yiêz tsưr ziv uô luôs hâux lưv, zaz zâuv tâu chôngz lênhx ntâu tuk pox niêv vir ndâuk zos heir nênhs tsơưs đros uô têx hâux lưv XH; paz trâu cxiv tsa thax tsav, têz qơưs ziv hnuz ziv muôx cêr thôngx siêz, truôx tuk./.

( TTT-Riê Lâux cxeik, nhênhv)   

Phênhv thưr 4 hnuz 9-3-2016

Moz kror muôs tsik yuô pov cêr

Moz kror muôs tsik yuô pov cêr muôx 3 zav. Iz zav zos njiê đêz pov tsênhz, njiê jê pov tsik tsênhz, iz zav zos njiê đêz pov tsik tsênhz, njiê jê pov tsênhz thiêz iz zav zos njiê đêz lok sik jê cux pov tsik tsênhz.

Têx kror muôx yưv hêik pâuz trâus moz kror muôs tsik yuô pov cêr: Sêiz ti vi lok sik xar sêiz njiê zav tưs, tsuv muk jê thiêx pov tsênhz, njiêz jê lok sik đêz phênhz tsik mênhx, cơưv ntơưr, uô lox tôngv trâus txo grêk, tsâus muôs, moz tâuz hâu, xênhr siêz, gênhk thâuv nhênhv ntơưr lok sik cơưv ntơưr, kêix hâu thâuv njiê…

Zos trâus moz kror muôs tsik pov cêr, tsuv chox tsov kror muôs cov huv, tror njuôk shuôk đhâu 6 luz hli. Đros chor nhuôs tsik tâu tiêr nênhs, tsuv chox tsov kror muôs. Chor tưz lox tiêr nênhs, tsuv fêik kho chiê chơưv kho moz kror muôs tsik yuô pov cêr.

Đuô li tsuv pâuz tsoz phưz thiêz uô jông sêiz shuôk oz luz kror muôs: taz por qơư cơưv ntơưr thiêz têx uô hâux lưv muôx tsuv pov cêr, qơư jâuv tsuv huv đros, jâuv cov zos, nox hâuk txâuk tsơưr pưr thiêz huôx tôngv tsik so.

Thâuv pov trâus moz kror muôs tsik yuô pov cêr, tsuv muk njuôk shuôk moz ciês ntơưv tsênhv qơư phax tar chor zav moz xã hội nhoz số 5 Chiềng Lề, thành phố Sơn La. Lok sik qơư njuôk shuôk moz kror muôs tsêr kho moz đoa khoa Mộc Châu./.

(Hồng Việt-Lik thox cxêik nhênhv)