Jêx jok jông, zos cxơưz cxiz cxiv tsa jêx jok yiêz nhoz Lai Châu

Jok tox siêz Lao Chải 1, xar Khun Há, huyện Tam Đường, tỉnh Lai Châu nhoz sâuv ntar trôngz. No zos luz jok tsôngv box Hmôngz uô nênhx nhoz tsênhv ntâu phiv liv; viv li hâur ntâu shông đhâu, pox nhuôs luz nênhx tsik so nhoz phênhv kik, ntâu ziv chuôz zis cux tsênhv tsik so njiz cêr yêiz hâur luz chêix kôngz lôngk tsik tâu siêr. Txix huyện li tsưr ziv kriz uô têx kror zênhx muôx ntơưv tiv phaz, pêx xênhv tưz kriz uô cxiv tsa jêx jok jông jav, đros huôv tsar du lịch côngv thôngx. Lơưr co, pox nhuôs hâur jok tưz sêiz lax thiêz thôngx ziv sik côngv hnuz côngz, muôz ar chiê cxiv uô cêr muk lok hâur jêx jok; sik côngv nhiêx txiêx zuôr pax lok chos cov jêx jos jông jav; thôngx cxix cxiv uô tsêr vêv xênhz tax ploz tsênhr… Txix têx jêx jok jông jav co tưz cxơưz cxiz chôngz lênhx kruô tuôx ndis shuôk, paz pox nhuôs muôx nzir phênhv sâu tâu nhiêx txiêx chiê txo grêk yêiz pluôs. Muôx njêx muôs ntơưv jêx jok, niêv tix Vũ Thị Sọi, iz lênhx kruô tuôx txix tỉnh Yên Bái shir phaz puz pâuz: Niêv tix cux muk ntâu, pâuz ntâu, taz sik tsik muôx kror tưs cxuô kror jông, jêx jok hur si, sưv đros tênhv qơư, lênhx nênhs siêz jông, nhiêv kruô xưk li ntơưv no. Niêv tix njêhs tiêk tas nro têx co zuôr uô trâu tsôngv kruô ndo njôngr tsik plox. Thâuv tror lok zuk qơư nhoz, niêv tix zuôr hêik trâu nênhs cxênhz jê thiêz zuôr tror tuôx ntơưv no thâuv chuôz zis muk ndis shuôk uô si.

“Cur nhoz Yên Bái tuôx ntơưv no cux tâu 4 hnuz lơưv. Tuôx  ntơưv no chiê ndis shuôk uô si tâu lơưr chox tuôx ntơưv no cux zos kror qơư tiv 5 lơưv. Nhoz cur qơư mak tsik muôx têx kror jông jav li ntơưv no hlo. Chor nênhs nhoz no lơưr siêz cux jông hênhr, cur pov tâu tiêk lơưr pâuz chơưx kruô hênhr. Tuôx ntơưv no cur pov luz nênhx hlôngr yiêz đuô, viv cxuô qơư nhoz ntơưv no jông jav hênhr”.

Khov kror liv sâu tâu lok txix hâux lưv du lịch, pêx xênhv jok Lao Chai 1 tưz sik côngv hnuz côngz, cxuô zav chiê yưv pênhr cxiv kho đuô jêx jok cov jông jav đuô. Txix co, gra siêz tâu luz nênhx thiêz tso tsês ntâu phongx cxưx pôngz kaz. Tix lâus Vax Xênhv Cưr, tsar jok Lao Chải, xar Khun Há, huyện Tam Đường puz pâuz:

“Thâuv ntêx no muôs kêiz buô đros iz cxiê zav hax huv pox nhuôs uô tâu mak njiz lok six ntâu phiv liv. Cêr muk lok tsik muôx, viv li chor nênhs tuôx ntơưv no zuôr cux lok six lax. Txix thâuv jok cxiv uô tâu jêx jo hur, jông jav mak muôx lok six chôngz lênhx kruô tuôx ntơưv no. Pox nhuôs muôx kêiz, buô lok sik têx zav li blêx, poz cưk cux zôngx ziv muôs đuô thiêz pox nhuôs luz nênhx pov  hlôngr yiêz ntâu”.

Tam Đường zos huyện xuz thơưx ciês tâu tỉnh Lai Châu xêir tsov chiê kriz uô cxiv tsa jêx jok jông jav, đros huôv tsar du lịch. Nhiv no, tas nro huyện tưz muôx 5/13 xar cxiv uô tiêr jêx jok yiêz. Chiê uô tâu tiêr têx li hêik no, tiv phaz tưz huiz tôngv tas nro cxiv luôs chính trị sik đros uô chiê yax kriê, hêik pox nhuôs uô trơưk; Uô ntêx zos uô luôs hâux lưv cxiv tsa jêx jok yiêz, hâur co sir jos uô phongz yaox cxiv tsa tênhv tênhz tơưk pov cêr jêx jok; thiêz uô têx luôs hâux lưv lok tênhv qơư njuôz hur, jông jav…Nhiv no tas nro huyện tưz muôx zuôr xar 120 jêx jok muôx tênhv tênhz tơưv pov cêr cxuô qơư hâur jok; 40 luz jêx jok uô tâu tiêr luôs hâux lưv tso tơưv. Zơưv Từ Hữu Hà, Chủ tịch UBND huyện Tam Đường, tỉnh Lai Châu puz pâuz: chor hnuz xuz thơưx uô lơưr tsaz yênhx cxiv tsa jêx jok yiêz, huyện tưz njiz tsik tsơưs phiv liv, tiv zix zos têx luôs hâux lưv tsuv muôx pêx xênhv sik côngv đros uô li phênhv sâu, tênhv qơư…Khov lơưr kror liv nhoz yênhx jêx jok, yênhx mênhx cxưx, huyện tưz huiz tôngv tas nro cxiv luôs chính trị sir jos đros kriz uô. Đros luôx hâux lưv gra siêz phênhv sâu mak huyện tsêx trung tsov cưv txos têx tsoz chos, tsiêz tu zus muôx liv nhoz yênhx jêx jok; tênhv qơư mak huyện chox kriê cxiv tsa jêx jok jông…Txix co, pêx xênhv ntâu jêx jok muôx tâu luz nênhx vav mênhx, hlôngr yiêz jông đuô, tso tsês têx phongx cxưx pôngz kaz tsik jông.

“Pêz zuôr paz hâux lưv sik côngv đros pox nhuôs, chiê huôv tsar du lịch đros huôv tsar kôngz nuv; tsêx trung kruôz kriê chor xar, jêx jok muk ndis shuôk têx jêx jok nhiv no uô tâu muôx chêx cur. Huyện cux zuôr tsêx trung têx pênhr jos chiê huôv tsar, cêv kuôk thiêz kruôz kriê pox nhuôs cxiv uô têx jêx jok cov jông đuô, hur đuô thiêz sir jos chos ntông njuôz. Đros co zos tuôr chiê têx vênhx huôv mênhx cxưx, paz tsar tov trâu chor shux xênhz muk Sa Pa cơưv shâuv lok tsưr ziv phưx vưv, chox kriê du lịch chiê lok paz trâu côngz xưv huôv tsar du lịch ntơưv tiv phaz”.

Jêx jok jông jav, đros huôv tsar du lịch côngv thôngx tsênhv zos tsưr ziv uô muôx chêx cur nhoz ntâu jêx jok jông huôv tsar du lịch ntơưv Lai Châu. Khov huiz tôngv tas nro cxiv luôs chính trị sik đros uô chiê yax kriê pêx xênhv uô trơưk, viv li tưz paz muôx tâu tsongv box ntơưv tiv phaz li thôngx ziv đros thiêz chiv chir sir jos hâur luz nênhx. Têx jêx jok pluôs thâuv ntêx, nhiv no hlôngr yiêz jux juk chiê huôv tsar kinh têr, paz tsar tov jông trâu côngz xưv thiv puôs truôx nhoz têx thax tsav qơư tox siêz no./.

(Khắc Kiên-Lik Thox cxêik nhênhv)

Lênhx Chủ tịch Hội pox niêv xã tâu pox nhuôs njênhs njôngr

          Chox luk: Tsôngv cưr tix fôngx zưs hmor yuô! Hội liên hiệp pox niêv xã Har tsor, huyện Bắc Yên, tỉnh Sơn La thâuv tưs cux zos qơư chi cax lok luôs hâux lưv hội viên pox niêv sik paz huôv tsar kinh têr, txu yeiz cxuôv pluôs thiêz cxiv tsa chuôz zis muôx luz  nênhx tsâu sor. Uô tâu têx hêik co, zos khov muôx niêv lâuk Jông Xênhv Muôk, chủ tịch Hội liên hiệp pox niêv xã Har Tsor li têx gôngr côngv lox hâur hâux lưv yax mông, vênhv tôngv pox niêv hội viên sâuv thax tsav hlôngr yiêz tsưr ziv tsêz chos, huôv tsar kinh têr ziv chuôz zis.

          (Hlôngr suôz)

          Xênhz zus thiêz hloz lox sâuv têz qơưk xã Har tsor, cxôngx ntêr lok no niêv lâuk Jông Xênhv Muôk pov ntâu lênhx pox niêv hội viên nhoz no tâu cơưv ntơưr tsơưs, pox nhuôs li txux chi kis. Viv li, tsi pâuz hlôngr yiêz tsoz chos, tsiêx tu zus, kinh têr kênhz huôv tsar, shông tưs pox nhuôs cux trâus yeiz, luz nênhx lok six txov nhêv. Zos iz lênhx chủ tịch Hội liên hiệp pox niêv xã, niêv lâuk thâuv tưs cux xar cov uô li chas chiê paz pox niêv vir ndâuk hội viên sâuv thax tsav hla đhâu cêr pluôs, ngaz tul luz nênhx, gôngr phênhv đros xã uô tiêr têx ploz tsênhr lok cxiv tsa nôngx cxênhz yiêz.

          Chiê têx hội viên muôz siêz jênhv pâuz hâur hâux lưv huôv tsar kinh têr, muôz têx tsoz chos muôx tsiv grê kinh têr siêz lok tsêz chos lơưr khoa học kỹ thuật thiêz 3 luz hlik iz jiês niêv lâuk Jông mul txos yênhx jêx jos chiê yax kriê, vênhv tôngv tsôngv pox niêv vir ndâuk hlôngr yiêz tsoz chos. Qir thơưx cux lok six phêv liv, taz sik niêv lâuk thâuv tưs cux truôx siêz uô. Txos nhiv no, pox niêv hội viên xã Har Tsor tưz txơưx huôv tsar kinh têr ziv chuôz zis, chos ntông nox txir li txir tuôz ziz sâuv ar têz nxaz; têx ziv chuôz zis chos tsơưs cux muôx 1 hecta, têx chuôz zis chos ntâu zos 20-30 hecta, gôngr phênhv sâu tâu nhiêx txiêx; chungz fênhx iz ziv sâu tâu 40-50 tsov đeiv iz shông; muôx 15 ziv chuôz zis muôx phênhv sâu cxôngx 60-100 tsov đeiv thiêz muôx iz ziv chuôz zis muôx phênhv sâu tâu 200 tsov đeiv ntâu iz shông, gôngr phênhv txu grês chor ziv chuôz zis pluôs lơưr yênhx shông.

Nhạc cắt

          Đros niêv lâuk thiêz Hội liên hiệp pox niêv xã li têx sir jos hâur hâux lưv yax mông, vênhv tôngv, tsuôk đhâu 2 shông tưz muôx zuôr xar 100 lênhx pox niêv hội viên cxaz chuôz tsưr tsix hội, chuôz ndê chor hội viên txos 527 lênhx. Thôngx cxix, vênhv tôngv hội viên sik paz, sir jos huôv tsar kinh têr, cxôngx co pox niêv hội viên ziv hnuz ziv cxaz chuôz truôx hâur tsưr tsix Hội. Tsi taz zos lênhx cán bộ Hội sei đrơưv, moz siêz đros têx phongz yaox Hội mak niêv lâuk Jông Xênhv Muôk tsênhv pheiz kênh têx chênhz zênhv tsoz phưz, kruô kriê tuz nhuôs, cxiv tsa chuôz thênhx shir phaz tsâu sor chiê pox niêv tsênhz tsênhz seiz tsưr tsix Hội zos qơư, gôngr phênhv cxiv tsa tsưr tsix ziv hnuz ziv truôx vênhk.

          Chox luk: Phênhv “Nôngx mênhx zuôr tsuv pâuz” ciêz no tsuôk muôx xâuk li no xưz. Phênhv “Nôngx mênhx zuôr tsuv pâuz” zos Đeix nta suôz VN iz suôv faz Bắc côngv đros Tsênhv qơư cxiz kôngz têz qơưk uô./.

                 (Txâur Vax cxeik nhênhv-Lưu, in)