Chuôz tsar yax kriê chei têz qơưs trâu tsôngv px nhoz thax tsav ntus đriv poz hiêr faz Baz

3 shôngk ntâu đhâu, Bộ côx phax li Ban chox kriê đề án tưz sik côngv đros 10 tiv phaz tsưr tsix zuôr chênhz zênhv, nhênhz chơưv, cxiv sâu muôz yênhx cxênhz zav ntâuz ntơưr, chuôz zênhx trâu 1 cxênhz 100 ntâu luz xã phường thị trấn ntus đriv poz hiêr, taz viv quân đội. Nhoz cấp tỉnh, têx lớp kriê cxaz chei têz qơưs, phongz yaox tas nro tsôngv box cxaz chuôz por vêv tsưr qênhx têz qơưk, cxiv ngaz ntus đriv têz qơưk hâur qênhx shênhx yiêz tâu krêz uô đêz đar.

          Hâux lưv yax kriê tâu têx taz viv quân đội, công an, hải quan, kiểm ngư, têx Câu lạc bộ heik kriê cêr chei nhoz ntơưv qơư uô uô cê hlôngr yiêz, xar tơưv đhâu ntâu tsaz yênhx, huôx tôngv nghệ thuật, tso phim, heik kriê, thik nriêr pâuz lok cêr chei têz qơưs...Têx taz viv tưz sik côngv tsưr tsix zuôr xar 600 jiês yax kriê đros 370 cxênhz ntâu jiês tsôngv box mnôngs, cxiv tsa 3 cxênhz ntâu tuêv fuôx gox taz por, 530 ntâu qơư tsav yêz chiv chir coar lik, 110 ntâu tuêv HTX sik côngv siêz. Zơưv Lê Văn Sáng, tsôngv box xã poz hiêr Vĩnh Thực, TP Móng Cái, tỉnh Quảng Ninh puz pâuz: “Bộ đội pênhz phax thâuv tưs cux tsov cưv sik đros muk qênhz yuôx, sik côngv đros tuêv chiv chir seiz car jêx jos, tsôngv box nhoz ntus đêx hiêr, công an tiv phaz yax kriê txos tsôngv box. Tsôngv box sir jos gôngr côngv, viv pâuz lok cêr chei lơưv yax six gôngr côngv lok têx cuiv, cxiv tsa cơ sở cxuô zav ntơưv tiv phaz”.

          Ntâus grê ntu 2017-2019, cán bộ, tsôngv box thax tsav ntus đriv, poz hiêr li siêz xar uô trơưk cêr chei yênhx trus tâu muôz siêz, têx txuz hâux lưv uô cxâuv cêr chei tâu txu grês, qênhx shênhx uô cxâuv muôx lênhx coaz txos nhiês muôv muôs luôv, hax huv chuôr, nênhs phamv cxâuv lok zax zênhz txu grês tsênhz mênhx. Tsôngv box sir jos cxaz chuôz đros lưx lươngv muôx txơưx jênhv coar lik, por vêv truôx tul tsưr qênhx têz qơưk.

          Xav tênhv têx phêv liv muôx lênhx coaz txos tsôngv box thax tsav ntus đriv, poz hiêr li xênhz huôx, hâux lưv hlôngr yiêz jênhv pâuz tsênhv kênhz thiêz tsi truôx tul, Ban chox kriê đề án tsưr tsix zuôr chênhz zênhv, tso tơưv têx tsưr ziv chuôz tsar sik côngv đros têx lưx lươngv, uô ntâu tsưr ziv yax kriê đros tsưr ziv “Iz lênhx tốngv box iz yax mông viên lok cêr chei”. Thiếu tướng Nguyễn Anh Tuấn, Chủ nhiệm chinhr trị Bộ tư pháp Bộ đội pênhz phax puz pâuz: “Qơư tsov txos hâur shông 2020 thiêz têx shông zuôr txos zos tror uô Ban bí thư Trung ương Đảng li chỉ thị 32, phuôx huiz Mặt trận tổ quốc, têx sở ban nganhx đoanx thể tỉnh, huyện, xã têx cấp li pưs txux. Qơư tsov txos zos muôz siêz jênhv pâuz lok cêr chei. Thâuv tsôngv box tưz pâuz lok cêr chei zuôr uô trơưk jông, tiv zix zos têx cui tênhv, cui chế muôx lênhx coaz txos thax tsav ntus đriv, poz hiêr”./.

(VOV4-Txâur Vax cxeik nhênhv)

Triệu Tạ Vủi-Bí thư chi bộ jok Cho uô ntêx nyuôs hâur huôv tsar cêr uô nox

Shông 2012, đhâu cơưv tas Đại học kôngz nuv tror lok, ho tsik muk thor uô hâux lưv têz qơưk, tix lâus Triệu Tạ Vủi, Bí thư chi bộ jok Nậm Hồng, xã Thông Nguyên, huyện Hoàng Su Phì, tỉnh Hà Giang tưz xeir tsưr ziv tu zus tsiêx cxu chiê huôv tsar kinh tế chuôz zis, zos zuk tsưr ziv, hâu cêr uô nox. Tix lâus xar tiêk: Tsi tas muk đêz vax tsêr thiêx huôv tsar uô tâu, tsuv pâuz tsưr ziv krêz uô têx muôx jông ntơưv qơư. Tix lâus njênhs trâu zuk tsưr ziv xeir zos zênhx zuôr uô tâu, viv đros thiêz ntâu liêx têz đar, muôx têx paz tix lâus muôx txâuk têx jâuz tâux trâu tu zus tsiêx cxu.

Kaz shông 2012, tix lâus Vủi quyết tinhv zuôr 10 tus tưv, tsiv grê zuôr xar 100 tsov đeiv, txix chor nhiêx chuôz zis cxênhx txuôs tâu hâur ntâu shông, thiêz kêr txeik nzir têx cưr tix nênhx tsa sđ iz kro mê njik đros têx pênhr txeik tsêr nhiêx tsênhv chei XH. Đhâu iz ntuk tu zus, têx tus tưv zuôs ntơư tưz trok jông gâux jux juk tuôx thiêz tâu muôs. Đhâu thâuv yưx hur tiz si têx nhiêx txiêx zuôr krâur, ntiêr nênhs lêis jâuz puz...., tix lâus tâu liv 11 tsov đeiv ntâu. Trơưk li tix lâus Vủi xav, đhâu iz ntuk muôx nhos 3 luz hlik tu zus ntơư thiêz muôs mak cux tâu yax mê njik, iz phênhv sâu tâu tsi zos tsơưs trâu tsôngv px thax tsav tox siêz , iz txưv cor cav khưr uô liêx têz, chos poz cưk, uô blêx. Chiê muôx txâuk têx jâuz tâux trâu tsiêx nox, tix lâus tưz qir chos tâux chiê zus tưv. Khov uô trơưk têx tsưr ziv kriê hâur chos thiêz tu têx tâux, tsi ntêr đhâu co tix lâus Vủi tưz tso siêz viv muôx txâuk jâuz tâux trâu zuk têx tsiêx nox. Uô trơưk li heik sâuv, muôx nhos 3 luz hlik tix lâus ho muôx iz paz tưv trok jông gâux txix 10-15 tus muôs, đhâu yưx tas têx nhiêx txiêx uz no, tâu nhos 15 tsov đeiv ntâu, thiêz iz shông uô li co tix lâus zus txix 3-4 paz tưv, sâu tâu lok 80 tsov đeiv nhiêx nju. “Thâuv nhiv kruôr zus mak cux tsi tâu muôx ntâu tsưr ziv. Đhâu ntâu shông tu zus cux li nriêr pâuz têx tsưr ziv tu zus tưv nhoz ntâu thax tsav qơư mak cur pov tsưr ziv zuk xeir huôv tsar uô nox co zos jông uô thiêz fiv đros trâu zuk chuôz zis”.

Tsi tiêk tu zus tưv tâu trơưk têl, tix lâus Vủi tsênhv yưv pênhr chos thiêz tu 5 ha têz yuôx zêx lâuk, 2 ha yuôx zêx chos yiêz, đê sâu muôs tâu nhos 70 tsov đeiv iz shông. Txix tu zus buô, iz shông tix lâus muôs 2 tênhr ntâu têx buô grêix. Iz chas co, tix lâus tsênhv đros uô HTX ju lix côngv thôngx hâur jok Nậm Hồng, xav kror đruôz đraz iz hlik tâu nhos 6-7 tsov đeiv. Đros thiêz phênhv sâu truôx 300 ntâu tsov đeiv iz shông txix uô kôngz, tu zus tsiêx cxu thiêz uô ju lix côngv thôngx, tix lâus Vủi yênhx lênhx nênhs uô tâu jông cxuô luôs hâux lưv, uô ntêx nyuôs hâur huôv tsar uô nox, cxuz cêr yeiz pluôs nhoz thax tsav tox siêz Thông Nguyên. Tix lâus sir jos huôv tsar uô lơưr zuk tsưr ziv uô nox ntơư chiê yênhx iz qơư jông trâu tsôngv cưr tix nênhx tsa sđ cơưv shâuv, uô trơưk: “Hâur six hơưv zuôr txos, cur zuôr yưv pênhr uô nzir qơư tu zus cov khor truôx thiêz lox đar đuô, chor tsiêx têx jâuz tâux, krâur nox lok cux muôx ntâu thiêz cxix cxuô đuô chiê têx tsiêx hloz lox jông, tâu muôs sei. Sir jos uô cov tâu jông chiê ntâu lênhx cưr tix nênhx tsa tuôx cơưv shâuv thiêz uô trơưk têx tsưr ziv uô nox co. Vav chiê siêz cov cxuô lênhx cưr tix nênhx tsa sđ lênhx tưs cux muôx luz nênhx truôx tuk, tsâu sor”.

Đros thiêz zos lênhx bí thư chi bộ jok, tix lâus Vủi thâuv tưs tưz moz siêz lês uô cxuô luôs hâux lưv zok muôz, piêr kriê zênhx max Đảng, chính phủ, têz qơưk têx chei txos trâu px hâur jok. Thiêz uô ntêx nyuôs, sir jos kriê tsôngv px têx tsưr ziv uô kôngz, tu zus tsiêx cxu chiê sik đros huôv tsar uô nox uô hnar, cxuz cêr yeiz pluôs. Tix lâus Triệu Minh Phong, nhoz jok Nậm Hồng heik lol tix lâus Vủi têx hâux lưv uô jông co li no: “Thâuv ntêx chuôz zis lok six txov nhêv cơưk, tâu tix lâus Vủi kriê tsưr ziv tu zus tưv trơưk têl, cux li uô kôngz sâu tâu nju, cur uô tsâus  tix lâus lok six ntâu. Nhiv no chuôz zis truôx tuk lơưv, iz shông txix tu zus tưv, uô kôngz mak sâu tâu nhos 140 tsov đeiv, cur shir phaz hênhr”.

Ntâu shông siz lơưr liês tix lâus Triệu Tạ Vủi tâu kruôs zos chuôz zis muôx tsưr ziv huôv tsar cêr uô nox. Tix lâus cux ntâu jiês tâu Hội nôngx mênhx huyện Hoàng Su Phì, Hội nôngx mênhx tỉnh Hà giang hu muk kriê têx tsưr ziv uô nox, tu zus tsiêx cxu ntơư trâu px sđ cơưv shâuv, uô trơưk./.

(Thiều Nghiệp-Riê Lâux cxeik, nhênhv)