Lào Cai uô qơư sêiz jor ntơưv têx cêr zâu hâur har jôngr chiê qênhz yuôx pox nhuôs muk lok trâu hâur thax tsav qơư

Têx hnuz no, huyện Bảo Yên tâu xav xưk li zos kror qơư zov chênhr lok trâu hâur tỉnh Lào Cai thâuv iz hnuz muôx yênhx puô jiês yêz mêir txix saz đrâuv tỉnh lok trâu hâur thax tsav, hâur co muôx tsik tsơưs chor yêz txix têx thax tsav qơư muôx caz moz lok.

Chor yêz mêir txix têx qơư muôx caz moz lok phênhv ntâu zos pêx xênhv tỉnh Lào Cai, muk uô jos ntơưv Hà Nội thiêz têx tỉnh faz Nam tsênhv tsuv uô lơưr cêv kuôk xar hôiv trơưk Chỉ thị 16. Tiv muk tsik tâu trâu sâuv txox cêr muk chênhr, viv li txix qơư kik xar tuôx lok sik lok trâu Lào Cai, chor nênhs no mak tsuv muk đhâu Bảo Yên buôs ti đros tỉnh Yên Bái, zôngx ziv uô cik tâu caz moz lok hâur thax tsav tỉnh.

Lơưr Đại úy Hoàng Quốc Toản, Phưv trưởng Công an xar Phúc Khánh, huyện Bảo Yên, tiv Phúc Khánh zos thax tsav qơư nhoz buôs ti viv li đrâuv kror qơư sêiz jor, qênhz yuôx chênhr nhoz ntơưv txox cêr 70, iz qơư sêiz jor ntơưv txix cêr muk đhâu jôngr ntông chiêz đros trâu huyện Lục Yên-Yên Bái muôx lok six chôngz yêz mêir lo muk đhâu cux tâu kriz uô sêiz jor yênhx hnuz hmo, tsik chiê lênhx nênhs tưs lok trâu hâur thax tsav tỉnh tsik tâu qênhz yuôx, njuôk shuôk caz moz.

“Lok six chôngz nênhs muôx luz nênhx txov nhêv, chêix yêz mêir muôx 2000 ntâu cêik cêr chiê lok trâu ntơưv thax tsav qơư, thâuv lok txos ntơưv pêz kror qơư sêiz jor mak nhiêx txiêx, trox yêz, zav nox cux tsik yuôr lơưv. Đros trâu qenhz yuôx tir tar caz moz, pêz cux đros dân quân , y têr sik côngv paz trâu lơưr, tsik chiê lơưr njiz trâus têx phiv liv ntâu”.

Lơưr cui tênhv, chor nênhs ntơưv têx tỉnh txơưr tror lok mak tsuv tâu njuôk shuôk caz moz, chor nênhs txix têx qơư muôx caz moz lok mak tsuv tâu muk cêv kuôk tsêx trung. Thâuv têx yêz thâux nênhs lok txos ntơưv qơư cêv kuôk, chor cán bộ sêiz jor tsênhv uô nzir hâux lưv sêiz jor têx yêz mêir thiêz hu tênhv trâu lơưr chor nênhs cxênhz jê tuôx chêix têz yêz co muk tsêr. Zơưv Đặng Văn Thân, Giám đốc Tsênhv qơư Y têr huyện Bảo Yên puz pâuz, tưz tsik zos Phúc Khánh, 8 luz xar txơưr đuô hâur huyện cux tưz yênhx lix chor qơư sêiz jor ntơưv têx cêr muk lok trâu  têx xar, têx tỉnh nhoz buôs iz ndis đros Yên Bái, Hà Giang chiê kriz uô têx hâux lưv qênhz yuôx, tir tar caz moz. Đros co, 200 ntâu tôv qênhz yuôx, tir tar caz moz ntơưv yênhx jêx jok, tôv dân phố cux nhiv kruôr tâu kriz uô chiê nriêr pâuz, ntâuk gri qênhx shênhx caz moz ntơưv têx qơư zôngx ziv cik tâu caz moz hâur côngv thôngx.

“Ban chox kriê huyện cux xưk li têx xar, thị trấn tsik so cxơưz cxiz, hêik têx tôv no sir jos uô hâux lưv. Tôv li pưk txux mak lok six lox, lơưr zos chor nênhs nhoz ntơưv qơư, pâuz tsênhz thax tsav qơư, pâuz tâu chor chuôz zis tưs muôx nênhs muk uô nox saz đrâuv tỉnh tror lok hâur thax tsav, xav tas nro chor nênhs tsik hêik pâuz y têr, txix co hêik trâu Ban chox kriê pâuz”.

Xar muôx iz ciêz lok no, ntơưv Lào Cai tưz pov muôx nhos 200 lênhx nênhs txix têx qơư muôx caz moz tror lok, phênhv ntâu zos chêix yêz mêir txix faz Nam lok, hâur co muôx nhos iz đraz zos lok đhâu ntơưv Bảo Yên. Tưz muôx 10 lênhx nênhs trâus cik caz moz Covid-19,  tâu qênhz yuôx nriêr pâuz ciês ntơưv têx qơư sêiz jor no thiêz tâu chox muk cêv kuôk, chơưv kho moz.

Đrâuv Bảo Yên, têx thax tsav qơư txơưr nhoz Lào Cai cux sir jos qênhz yuôx, sêiz jor jông chor nênhs muk lok trâu hâur thax tsav qơư. Trơưk txox cêr muk chênhr Nội Bài-Lào Cai cux tsik so tâu qênhz yuôx, sêiz jor chiê tir tar caz moz txix chor yêz thiêz têx nênhs saz đrâu tỉnh lok trâu hâur thax tsav qơư cov paz txo grêk tsơưs tâu caz moz cik lok trâu hâur thax tsav tỉnh./.

(An Kiên-Lik Thox cxêik nhênhv)