Tsiêz 14/7 zênhz lix Mường Lò

          Tsiêz 14/7 zênhz lix tâu nênhs Thái nhoz Mường Lò tsưr tsix trâu hnuz 14/7 zênhz lix niêx shông, luz tsiêz co cux coaz tsôngv li tsiêz têz qơưs. Tsiêz 14/7 zênhz lix muôx ntênhs txi liêx têz, thor cov sâu tâu kôngz tâu lông, luz nênhx tsâu sor...Ntênhs co tâu uô trơưk six hơưv zuôr txos six hơưv sâu blêx hâur niêx shông.

          Hâur ntênhs txi liêx têz, trôngx mor tsuv muôx iz luz tâuz hâu buô, plaz hnur buô, 2 poz greix tsuôr, 2 poz mor blâuv, nquôr blâuv, sơư nhiêx, ntâuz, chơưr....

          Uô ntêx, txir nênhz tsuv uô iz luz câuk mê thiêz zôngv têx ntơưr liêz njuôz, đax chox lok lo sâuv trôngx mor; cxuô chuôz zis hâur jos bax têx chuôz zênhx puôr lênhx zos mul uô liêx hâur niêx hnuz, đê jâuz, ntês njês, trâuz trik..... Trôngx mor tâu gra mul đrav liêx thiêz tas nro tsôngv box hâur jos mul đrav liêx chiê uô ntênhs txi liêx txi têz, thor cov sđ khưr tâu chiv kôngz jông, blêx tsi trâus caz hmoz uô hiêv, sâu tâu nju kôngz.

          Suôv câuv ntênhs, txir nênhz gra têx shôngz tâu bax uô ntêx mul cxok iz njưk liêx chiê por vêv liêx. Tsôngv box gra njês mul tso đrav liêx.

          Đros thiêz ntênhs txi liêx txi têz zos ntênhs hu plis tưv, tsôngv box Thái seiz tul nhux tưv lok six tsiv grê chuôz zis tưs cux tsuv muôx, viv li tâu tsoz phưz lok six jông hâur niêx hnuz.

          Ntênhs hu plik tưv tâu uô hâur kaz tsêr lơưx. Txir nênhz cux hu plik thor chiê tsưr tsêr tul nhux tưv muôx jông đas jos chiê paz lêix liêx têz. Hu tas tul nhux zuôr tâu tsưr tsêr puz nox têx tês jâuz mos kaz tiv zix, yuôr greix keiz, nquôr thiêz mor blâuv tâu pheiz trâu mê nhuôs seiz nhux tưv hâur chuôz zis, seiz no zos phênhv huv khơưk muôz trâu lênhx nênhs seiz nhux tưv hâur niêx hnuz. Mê nhuôs hâur chuôz zis gra nquôr, mor blâuv, greix keiz mul qơư seiz nhux chiê nox thiêz uô si....

          Yuôr 3 ntênhs txơưr tsuv uô hâur tsiêz 14/7 zênhz lix zos txi côngv pos zơưk, ntênhs txi côngv niêv teik zơưv txir, ntênhs txi côngv têx cxênhx nênhs tov ntêx muôx côngz krêz phaz cxiv jêx cxiv jos...phôngv jông trâu têx tuz nhuôs muôx jông đas jos, sik zâuv uô nox uô hâuk huôv tsar kinh têr chuôz zis. Zơưv Lò Văn Bình, tsôngv box jos Chao, xã nghĩa Lợi, thị xã Nghĩa Lộ puz pâuz:

          “ Thâuv ntêx ntênhs txi liêx txi têz khênhr tsưr tsix trâu tas nro jêx jos, nhiv no tsuôk uô hâur yênhx chuôz zis, muôx theox chênhv mak uô hâur chuôz zis thiêz thâuv tưs cux taz por muôx cxix cxuô têx tsưr ziv hâur ntênhs, thor têx môngr jông tiv zix....”.

          Txos nhiv no, đhâu ntâu cxênhx nênhs, nênhs Thái nhoz Nghĩa Lộ- Mường Lò tsênhv tuôr truôx cêr vênhx huôv nox tsiêz 14/7 zênhz lix thiêz têx tsưr ziv uô si trâur lâus li : leiv poz.... Tiv zix zos thâuv tưs cux muôx têx jax đhiê pax vuôs jông hâur jêx jos.

          Hâur uô Đề án cxiv tsa thị xã vênhx huôv- ju lix, thị xã Nghĩa Lộ cux tsov cưv chox kriê têx xã, phường yax mông, cxơưz cxiz tsôngv box tuôr truôx têx vênhx huôv jông hâur nox tsiêz 14/7 zênhz lix. Niêv lâuk Lò Thị Huệ nhoz xã Nghĩa An, xã Nghĩa Lộ puz pâuz:

          “ Txơưv luz nênhx muôx ntâu hlôngr yiêz taz sik đros thiêz nênhs Thái tsiêz 14/7 zênhz lix zos tsiêz lok six coaz tsôngv, lênhx tưs mul ndeiv têz qơưk đêz cux xar tâu tror lol tsêr chiê nox tsiêz. Nhiv no tsi tsưr tsix lox lơưv, taz sik têx chuôz zis cux tsưr tsix hâur niêx shông cov lov jêv, taz por thiêz cxênhx txuôk”.

          Shông no, tsôngv box mênhx cxưx Thái Mường Lò- Nghĩa Lộ tos tsiêz 14/7 zênhz lix trơưk six hơưv so ntênhs xiêz 2/9; viv li jêx jos tos ntâu tuz nhuôs thiêz tsôngv kruô tuôx ndis shuôk đuô. Suôz đruôs, suôz luôs thiêz têx jax pax vuôk tror tâu krêz uô lov jêv ntưk, uô trau cxuô lênhx ndo njôngr hâur siêz tsi plox./.

( Đinh Tuấn- Txâur Vax cxeik nhênhv)

Iz cxiê tsêr cơưv nhoz Quảng Ninh kriê cơưv hêir nênhs tsơưs têx suôz sênhr cưr cxiêx

          Txos trâu hnuz thưr 7 yênhx ciêz, tsêr cơưv cxênhx 2 thiêz cxênhx 3 nội trú huyện Tiên Yên, tsuôk hnor têx suôz sênhr hêik cưr cxiêx đror lov jêv lul. Cxuô lênhx tuz nxêik shuv xênhz hêir nênhs Cho li: Thanh Y, Thanh Phán đros trâu cxuô lênhx shuv xênhz hêir nênhs Tày, Sán chỉ tsênhv shir phaz lul cơưv shâuv sênhr suôz cưr cxiêx muôx bê tiêk: “Iz shông sâu tâu kôngz lôngk shir phaz lul-cưk kriê hêir nênhs Tày, têz qơưs jông jav”. Qơư kriê hêir nênhs tsơưs têx suôz sênhr cưr cxix, cxiv tsa tâu txix shông 2012 thiêz txos trâu nhiv no tưz muôx 60 lênhx cơưv. Cxuô lênhx tuz nxêik shuv xênhz nhoz trâu thax tsav tox siêz đêz đrôngl, tuôx trâu tsêr cơưv; iz lênhx shuv xênhz, zos iz hêir nênhs txơưr; taz sik ho côngv iz lo luk hêik thiêz hur tiz si puôr lênhx nhiêv cơưv hêir nênhs tsơưs suôz sênhr cưr cxiêx.  Iz lênhx shuv xênhz Chi, cơưv ntơưr lớp 7, zos hêir nênhs Cho, cux lok six nhiêv cơưv hêir nênhs Tày suôz sênhr hêik cưr cxiêx.

          Băng: “Xuz thơưx, cur cux tsik nhiêv hêik hêir nênhs tsơưs têx suôz sênhr cưr cxiêx ntơư. Taz sik, nhiv no cur cux đros chôngz lênhx fôngx zưs cơưv shâuv hêir nênhs tsơưs cxuô suôz sênhr cưr cxiêx”.

          Shuv xênhz Bàn Thế Hưởng, cơưv ntơưr lớp 9, thav uô shir phaz lul tiêk: Cur cux zos iz lênhx pâuz hêir nênhs tsơưs têx suôz sênhr cưr cxiêx thiêz cxuô lênhx fôngx zưs hâur tsêr cơưv, cux lok six nhiêv mnôngs têx suôz sênhr cưr cxiêx ntơư.

          Băng: “Cê cơưv hêik cưr cxiêx, cê uô si lov jêv. Lớp cơưv kriê cưr cxiêx, cux paz tâu trâu cxuô lênhx shuv xênhz sđ pâuz  nzir cxuô hêir nênhs têx txux chi, cêr nênhx vênhx huôv jông hâur hur si têz qơưs”.

          Cưk kriê Phạm Chung  Thương,  sêiz car kriê cơưv shâuv hêir nênhs tsơưs têx suôz sênhr cửr cxiêx thav tiêk: Luôs hâux lưv cơưv shâuv hêir nênhs txơưr đuô têx suôz sênhr cưr cxiêx, cux cxươz cxiz tâu trâu sđ siz sưv jê, muôx cêr côngv siêz jông hâur luz nênhx. Cưk kriê Thương hêik pâuz nzir:

          Băng: “Thâuv cxuô lênhx shuv xênhz cơưv, zuk cux đros cơưv thiêz. Thâuv qir cơưv, cur cux xar tiêk: tsik zôngx ziv cơưv tâu; taz sik thâuv đros cơưv, zuk cux pâuz tâu têx njiêz lul cưr cxiêx co. Đhâu ntâu jiês cơưv, cur cux nhiêv cơưv hêir nênhs tsơưs cxuô suôz sênhr cưr cxiêx ntơư”.

          Đhâu ntâu jiês nthuôr uô cêr lov jêv trâu cxuô xã; chor cưk kriê tưx zok nriêr cxuô hêir nênhs tsơưs têx cêr lov jêv đhiê pax vuôs đrav ntêx, chox lok kriê cơưv trâu qơư cơưv hêir nênhs tsơưs têx cêr lov jêv. Iz chas ntơư, chor cưk kriê cux tsênhv kriê cơưv hêir nênhs Cho têx tsưr ziv ntok ntâuz thiêz kriê hnar têx tsôngk trik yo ntơư cov jông jav, huv đros hêir nênhs co. Pos Nguyễn thị Thanh Thủy, tsar phôngx zoz zux huyện Tiên Yên hêik pâuz:

          Băng: “Thôngz đhâu cxuô luôs hâux lưv nthuôr uô cêr lov jêv thiêz tuôr tsês chiê hêir nênhs tsơưs têx cêr nênhx vênhx huôv jông đrav ntêx. Thiêz ntơư, cux chênhr zos iz luôs hâux lưv uô chiê fâuv hluôk sđ cơưv shâuv hêir nênhs tsơưs têx cêr nênhx vênhx huôv jông tsik chiê plox”.

          Hâur shông cơưv yiêz, qơư kriê cơưv hêir nênhs tsơưs têx suôz sênhr cưr cxiêx, cux tror tok txêik cxuô lênhx shuv xênhz yiêz chiê tuôx cơưv shâuv hêir nênhs tsơưs têx txux chi, cêr nênhx vênhx huôv jông, cov muôx đros đrêiv hâur zuk hêir nênhs luz nênhx tsik chiê pôngz plox./.

                                                    (Tsu cxêik nhênhv-Trường Giang-TTĐB)