Jax sâu hnuz xiêz 7/2/2016:

Tsôngv box Cho Sìn Hồ li phongx cxưx tok tsiêz

 

Hnuz 26 hli 1, txix têik cik sơưr nzor, zơưv Chẻo A Dao nhoz jok Xăng Tăng Ngai, xã Phăng Xô Lin, huyện Sìn Hồ tưz sơưr râu đêx tuô buô, khi tuk lâu kêiz hâur tơư xưv caz, bax cxuô kror chiê txi côngv tsiêz. Hok tsưr tsêr mak cux tưz qêz hur si vax tsêr, bax chiê tok tsiêz. Zơưv Sếnh tsưr tsêr hêik:

Băng: “Hnuz no cur chuôz zis bax tok tsiêz, txix têik cik sơưr nzor cur đros chor nhuôs tưz sơưr lok tuô buô chiê txi côngv pox côngz zơưv côngz chiê hêik lơưr lok đros chuôz zis nox tsiêz. Vav tiêk lơưr paz trâu zuk iz shông yiêz uô tâu nox tâu hâuk, têx tuz nhuôs cơưv ntơưr txơưx, chuôz zis muôs đas jos, shir phaz”.

Cxuô zav chiê hu pox côngz zơưv côngz lok nox tsiêz mak muôx siêz buôk, poz kaz buô muôz chox muk hlaz đhâu đêx bâu chox lok tso sâuv thax đaz chiê hêik tsưr tsêr tưz muôx siêz muôz trâu sơưr đơưk nox. Têx txi côngv cux muôx 4 luz nduôr txâuv puôz đuz thiêz 42 luz nduôr blêx. Sâuv luz thax đaz mak tsuv muôx 5 luz piz chiê trâu chơưr thiêz oz têik cxok shaz, iz luz ntiv đêx zos chor pox côngz zơưv côngz li têx đêx xênhz huôx. Đuô li tsênhv muôx têx ntơưr zax khâuv, chênhz khâuv cxuô zav. Đhâu thâuv tưz bax tâu cxuô zav, tsưr tsêr tơưl oz luz tênhz, hlơưr 12 tuk shaz zos hêik txos 12 luz hli, oz tuk shaz tâu cxok hâur tơư xưv caz. Iz chor tâu cxok trâu chor kror trôngx. Đhâu thâuv hlơưr shaz tas mak tsưr tsêr muk têik oz luz hluôr ndêis tsênhv liêz pir zos pox côngz zơưv côngz li oz luz kror muôs tso trâu hâur iz luz ntiv txơưx hâur luz đraz oz luz têik cxok shaz. Đhâu thâuv uô tas mak txos lênhx txir nênhzz tâu hu tuô piz uô têx phongx cxưx.

(Một đoạn văn cúng….)

Đhâu thâuv tuô buô txi côngv pox côngz zơuv côngz, lênhx txir nênhz tror trâu chơưr thiêz suôr nhiêx ntơưr trâu pox côngz zơưv côngz. Lơưr tsôngv box li phôngx cxưx mak iz phênhv chor nênhs tuôs zuôr lok đros sơưr đơưk nox tsiêz.

Băng: “Lơưr tsôngv box Cho Khâu mak nênhs trâuss tuôs puôr lênhx muôx nênhs sêiz jor, chor nênhs sêiz jor co zuôr tâu zâuv lok đros chuôz zis nox tsiêz thiêz nhoz so ntơưv vax tsêr. Viv lơưr mênhx cxưx Cho luz cxur tưz zus chiêx lênhx nênhs mak txos thâuv tuôs lơưv lok lơưr cux zuôr zok nriêr lok nox cxur. Lơưr mênhx cxưx Cho, nhiêx đơưz zos hêik tơưv zuk siêz ndax ndênhk, uô đaz tsi tâu kror co. Zos tsik muôx li hêik co mak pox côngz zơưv côngz zuôr tsik lok thiêz zuôr uô phiv liv txos trâu zuk chuôz zis”.

Hâur ntênhk txi côngv mak tsuv muôx tuk lâu kêiz liêz chiê hu chor nênhs co lok đros zuk chuôz zis nox tsiêz. Thâuv chor nênhs co tưz lok mak txir nênhz muôz tuk lâu kêiz tuô tso nyar trâu hâur oz luz ntiv chơưr, thiêz ro plâuz kêi ntơưv chax đaz tuz chor cuô nyar co lo trâu pêz kror qơư sâuv xưv caz. Đhâu co ro lo trâu kror trôngx tas, đhâu co mak txir nênhz hu cxuô zav đaz lok đros nox tsiêz.

Six hơưv uô mak khov lơưr yênhz chuôz zis, uô tas mak tsuv tơưk tênhz pov cêr tsik so hâur oz pêz hnuz tsiêz. Txos hnuz 5 tsiêz mak tsưr tsêr muôz 5 luz nduôr txâuv puôz đros siêz buô, kaz buô lok hâu cov siêr thiêz hu lênhx txir nênhz tuôx hêik pox côngz zơuv côngz lok thor tâu muôz cxuô zav. Đhâu co mak txir nênhx muôz cxuô zav lok uô suôv câuv chor hnuz tsiêz. Thâuv uô tas mak qêz tsêr chox muk nquôr trâu ntơưv têx chor cêr siz yuôv. Gra đros 3 tuk shaz ce muk cê hêik cov pox côngz zơuv côngz paz trâu zuk chuôz zis.

(Một đoãn văn khấn….)

Txix fâuv nênhs no trâu fâuv tov kaz, tsôngv box Cho Khâu Sin Hồ cux tsênhv tuôr chiê phongx cxưx txi côngv pox côngz zơuv côngz txix hnuz 26 hli 1 chiê ndo txos pox côngz zơuv côngz. No zos iz kror vênhx huôv muôx tsiv gri đros mênhx cxưx Cho Khâu nho huyê nj Sìn Hồ, tỉnh Lai Châu./.

(Chẻo Thu-Ly thox cxêik, nhênhv)

 

 

 

Jax sâu hnuz xiêz 7/2/2016:

Hêir nênhs poz ziz Quỳnh Nhai chêi nzuôr plâuz hâu hâur shông yiêz

 

 

Hâur têx hnuz shông yiêz, zos muk txos trâu huyện Quỳnh Nhai, txơưv ziv chuôz zis tưs cux shir phaz lul cxiv kho đuô têx vax tsêr chiê bax tok shông yiêz.  Txos hnuz tsiêz, hâur iz thax tsav qơư, nhiêk muôx nhiêk cêr lov jêv, nhiêk muôx nhiêk chêi đaz kruôk jông txơưr tsik siz thôngx. Pir li ntâuk vix vôngs, njuôk jos, por poz…Kror uô trâu sđ ndo njôngr zos hmo tsiêz 30, cxuô lênhx hâur ziv chuôz zis, txơưv muk uô hâux lưv trâu cxuô thax tsav qơư đêz vax tsêr, cux zênhx ndo njôngr tror lok tsêr chiê nzuôr toz hâu tok shông yiêz. Ntơư zos tsôngv pox niêv, vir ndâuk poz ziz nhoz huyện Quỳnh Nhai têx cêr nênhs vênhx huôv jông tưz muôx ntâuv nzor lok. Hâur ntu đrav ntêx, tsôngv pox niêv vir ndâuk poz ziz, hâur iz shông txos trâu shông yiêz, thâuv tưs tưz muk nzuôr plâuz hâu hâur đêx đas. Taz sik viv têz qơưs cxiv uô tsêr máy tênhv tênhz Sơn La, yêik cxuô ziv px poz ziz muk nhoz trâu qơư yiêz, tsik zôngx ziv trâu tsôngv pox niêv poz ziz tuôx nzuôr plâuz hâu trâu ntus đêx đas li đrav ntêx. Ntơưv qơư hơưv gâux Han, zos thax tsav qơư uô ntênhk hội nzuôr plâuz hâu hâur shông yiêz, pos La Thị Tán, nhoz jos 2, xã Mường Giàng, huyện Quỳnh Nhai hêik pâuz:

Băng: “Txơưv muk trâu kror tưs, thâuv txos hmo 30 tsiêz, sđ puôr lênhx ndo njôngr lok tsêr chiê nzuôr plâuz hâu tok shông yiêz. Cê nzuôr cê hêik: Têx cêr fêv, cêr moz cêr gênhk, têx kror tsik jông hâur shông kuz, tsuv ntưk trơưk đêx muk. Hla trâu shông yiêz cov njiz ntâu cêr vav mênhx, sđ nhoz khax nhoz jông, tsik muôx moz gênhk, uô tâu nox tâu hnar, uô nênhx yar ntux đris”.

Tsik zos chor hluôk thiêx shir phaz lul muk nzuôr plâuz hâu hâur shông yiêz, hur si têx pos lâuk, uô niêv cux tok njôngr txos hnuz 30 tsiêz chiê muk nzuôr plâuz hâu tok shông yiêz; xar njôngr cov uô nênhx nhoz ntêr đros têx tuz nxêik shir phaz lul. Pos Điêu Thị Tiến, nhoz xã Mường Giàng, shông no muôx 70 shông hêik pâuz:

Băng: “Hâur ntu đrav ntêx, thâuv cur tsênhv zâu, cur tưz tâu cur niêv chox muk nzuôr plâuz hâu đrav ntus đêx đas trâu hnuz 30 tsiêz. Shông no cur tưz muôx 70 shông, thâuv txos hnuz 30 tsiêz, cur cux ndo njôngr muk nzuôr plâuz hâu tok shông yiêz thiêz xar njôngr cov têx nxêik hluôk sđ tuôr tsês chiê têx cêr nênhx vênhx huôv jông ntơư”.

Hêir nênhs poz ziz Quỳnh Nhai chêi nzuôr plâuz hâu tưz muôx đhâu ntâu tiêv lok txos nhiv no cux tsênhv six lês tsik chiê plox. Taz sik, viv têz qơưs uô tsêr máy tênhv tênhz Sơn La, tsik zongx ziv nzuôr plâuz hâu trơưk ntus đêx li đrav ntêx. Pos Bạc Thị Hoàn, tsar phôngx vênhx huôv Quỳnh nhai hêik pâuz:

Băng: “Hâur ntu đrav ntêx mak muk nzuôr plâuz hâu ciês ntơưv ntus đêx đas, viv uô tsêr máy tênhv tênhz tsik muôx qơư nzuôr plâuz hâu; huyện thiêx uô qơư thiêz tsưr tsix trâu tsôngv pox niêv vir ndâuk tuôx nzuôr plâuz hâu trâu qơư gâux Han, cov tuôr tâu truôx zuk hêir nênhs poz ziz têx cêr nênhx vênhx huôv jông tsik chiê plox”.

Chiê tuôr cov tâu truôx hêir nênhs poz ziz cêr cêr nênhx vênhx huôv nzuôr plâuz hâu tsik chiê plox, hâu nov huyện Quỳnh Nhai, thâuv tưs cux moz tuôr tsês chiê hêir nênhs poz ziz nhoz huyện Quỳnh Nhai têx cêr nênhx vênhx huôv nzuôr plâuz hâu tok shông yiêz tsik chiê plox. Pos Bạc Thị Hoàn, tsar phôngx vênhx huôv Quỳnh nhai hêik pâuz nzir:

Băng: “Phôngx vênhx huôv huyện tưz hêik trâu uỷ ban huyện tsuv moz siêz txos tsôngv px cxuô hêir nênhs têx chêi đaz kruô, cxuô cêr nênhx vênhx huôv jông nzuôr plâuz hâu tok shông yiêz. Txơưv yêik lok nhoz trâu thax tsav qơư yiêz; tsôngv px ntơưv no, tus tưs cux xar nzuôr  plâuz hâu trau ntơư qơư kror đêx gâux Han chiê tok shông yiêz. Viv ntơư zos tus đêx nyiêz hur thiêz gra bê gâux Han”.

Nhạc nền trống chiêng….)

Pêz ndêiv cxuô hêir nênhs huyện Quỳnh Nhai hâur têx hnuz shir phaz lul hâur shông yiêz thiêz pêz cux pâuz nzir tâu tsôngv pox niêv vir ndâuk poz ziz têx cêr nênhx vênhx huôv nzuôr plâuz hâu hâur hnuz 30 tsiêz nhoz trâu thax tsav quỳnh Nhai thiêz tsôngv px hâur thax tsav ntơư, têx siêzar njôngr, hla trâu shông yiêz, tsôngv px cxuô hêir nênhs zuôr muôx cêr thôngx siêz đuô thiêz zuôr njiz ntâu cêr vav mênhx hâur luz nênhx./.

                                                           (Tsu cxêik nhênhv-Tòng Anh)

 

 

Jax sâu hnuz xiêz 7/2/2016:

Sor so sik côngv siêz Việt Lào oz saz ntus đêx Sông Mã

 

Nhạc nền……….

Ntux yiêz lok zuôr txos, tuk đêx sông Mã chêix no max mav ntưk nkâuk lêv đhâu chor lênhx trôngz siêz. Trơưk oz saz ntus đêx, chor jêx jok nênhs Việt, nênhs Lào tsênhv pov dax rur txix têx pax jâuz njuôz. Hâur yar ntux sơưr nzor, yênhx tâur huôz tsâuk cux tsênhv muôx sâuv têx ntar trôngz uô trâu thax tsav no njiê hax zav jông gâux đuô.

Nhạc nèn về tình hữu nghị Việt-Lào….

Ntâu shông nhoz oz saz ntus đêx sông Mã, pêx xênhv Lào-Việt hâuk đros iz tuk đêx, cxiv tsa cêr sik côngv siêz truôx jông.

Zav nôngz jâuz njuôz tiv phaz tâu pox nhuôs jok Chiềng Khương, xã Chiềng Khương, Sông Mã, Sơn La Việt Nam muôz trâu pox nhuôs jok Đán, huyện Nậm Ét, tỉnh Hủa Phăn, Lào, nhiv no tưz zos yênhx chor jâuz tâu pox nhuôs chos hâur chiv tsâus yiêz. Zav txir dừa tiv phaz têz qơưk Lào cux tau chôngz pox nhuôs nênhs Việt nhoz Chiềng Khương chox lok chos uô jông gâux đuô trâu têx tox trôngz Tây Bắc. Pox nhuôs oz tos tsênhv tsik so sik paz lok cxuô zav thâuv trâus yêiz plaz, sik paz uô tsêr nhoz, uô cêr muk lok, sik kriê tsưr ziv sir zôngv khoa học kỹ thuật trâu uô xênhz yar, tu zus. Txix oz têz qơưk li tsênhv chêi yưv pênhr, thiêz bộ đội sik côngv têk, pêx xênhv oz  saz ntus đriv, nhiv no chor jêx jok puôr lênhx muôx tênhv tênhz tơưl pov cêr, muôx cêr muk lok, yêiz pluôs tâu txo grêk tsơưs ntâu. Ciês jok Chiềng Khương tsuôk yuôr xar muôx 10 chuôz zis pluôs, jok Đán tsuôk yuôr 4 chuôz zis, tsênhv yuôr mak zos chôr chuôz zis muôx tror sâur. Zơưv Xẻng Thoong Vông Phạ Chăn, tsưr jok Đán Lào puz pâuz:

Băng: “Bộ đội Việt Nam, pêx xênhv Việt Nam paz lok six ntâu trâu pêx xênhv Lào. Tiv zix njuôk kho moz, cungz muôz yuôx, paz trâu pêx xênhv muk lok đhâu ntus đriv, paz tsar tov trâu pêx xênhv muôl muôs zôngx ziv. Põ xnhuôs jok Đán, pêx xênhv Lào uô tsâus bộ đội Việt Nam, pêx xênhv Việt Nam”.

Paz uô trâu cêr sik côngv siêz co, zos chor zênhx shôngx bộ đội pênhz phax  oz têz qơưk li pưk txux. Têx thâuv lơưr đros uô liêx têz, kriê pox nhuôs uô xênhz yar thiêz tu zus, têx thâuv ho zos chor nênhs tuôx njuôk kho moz trâu pêx xênhv, thiêz zos têx lênhx cưk kriê ntơưr hnar trik yo njuôz tuôx jêx jok kriê ntơưr trâu chor nhuôs. Pov tsênhz tiv zix zos hâur uô liêx đêx, thâuv ntêx no mak pox nhuôs oz tos tsuôk pâuz uô blêx iz chiv, nhiv no chor thax tsav liêx puôr lênhx tâu uô oz chiv. Zơưv Lò Văn Phong, Bí thư Đảng ủy xã Chiềng Khương ntâuk gri:

Băng: “Hâux lưv por vêv ngaz tuk ntus đriv, xã đros đônx sik côngv por vêv ntus đriv. Hâur huôv tsar kinh tế-xã hội, đônx đros pox nhuôs uô chor tsưr ziv vax pak guôx, trang trại vax trôngz. Hâur chor shông lơưr co, pêz zuôr tror phuôx huiz jông chêx cur côngz xưv sik côngv no”.

Thôngz đhâu chor jiês sik njiz, tsưr tsix qênhz yuôx oz tos, hâur 5 shông đhâu, đônx pênhz phax trôngx đriv Chiềng Khương-Sơn La-Việt Nam sik côngv đros lưx lươngv oz tos cxov tsês, xưv lik muôx 130 ntâu txuz, đros xar muôx 250 lênhx nênhs phamv cxâuv liênx quanz txos zax zênhz, muôl muôs pox niêv, tuz saz tuz nhiês… cxuô kror hâux lưv tâu 2 tos ntus đriv sik côngv xưv lik truôx jông. Chor tix lâus tsênhv vênhv tôngv cán bộ, chiến sỹ thiêz chor nênhs siêz jông gôngr côngv, cxiv tsa tâu 15 luz tsêr niêv côngv siêz; paz pêx xênhv kriz uô yiêz, uô cêr bê tông chor cêr zoz thôngz jêx jok. Thiếu tá Đỗ Minh Thái, Phưv đônx trưởng trôngx đriv, đônx pênhz phax trôngx đriv Chiềng Khương puz pâuz:

Băng: “Thôngz đhâu sik njiz sik thav, hêik pâuz qênhx shênhx, pêz cux hêik lok tsênhv njiêz côngz xưv por vêv tsiêz Việt Nam, thôngx ziv sik côngv đros fôngx zưs Lào chiê tuôr chiê ngaz tuk xã hội sâuv thax tsav. Oz tos cux tsưr tsix chor huôx tôngv sik njiz, sik thav, vênhx huôv, vênhx nghệ. Đhâu co phuôx huiz jông cêr sik côngv siêz thôngx ziv Việt-Lào”.

Jiês tsiêz kaz shông nhoz trôngx đriv têz qơưk Chiềng Khương chuôs li lov jêv đuô yênhx hnuz. Luz ciêz no jông đuô têx ciêz txơưr đuô viv đrâuv hax huv Việt, tsênhv muôx lok six ntâu hax huv Lào. Viv li, lênhx tưs cux xar tuôx trâu luz ciêz kaz shông no zuôr nzir cxuô zav chiê bã xtẩu hnuz tsiêz cov cxix cxuô đuô. Niêv tix Lang Kẹo Bun My Say nhoz jok Đán, thax tsav jok Đán, huyện Mường Ét, tỉnh Hủa Phăn, têz qơưk Lào tuôx ciêz txix thâuv lok six nzor. Niêv tix puz pâuz: Ntâu shông lok no, niêv tix chor huv tâu nênhs Việt lok six nhiêv. Chor huv gra tuôx muôs bâuv li chak mak muôs tas bâuv co. Đuô li niêv tix thiêz pox nhuôs Lào cux lok six nhiêv zuôr hax huv Việt Nam lok zôngv  viv hax huv Việt Nam fênhx zis, ho tsơưr lươngv jông. Đros tsênhv chêi zôngx ziv oz têz qơưk, pêx xênhv oz saz ntus đriv tâu chiv chir muk muôl muôs hax huv hâur luz nênhx:

Băng: “Tsiêz cxôngx nzor Việt Nam, pêz bax iz cxiê hax huv li: txir dừa, hưx chơưr, nduôr tuôx côngv cêr lov jêv tsiêz đros pox nhuôs Việt Nam. Chor vir ndâuk lào cux bax iz cxiê jax gâux chiê tuôx huv côngv cêr lov jêv đros chor pox nhuôs Việt Nam”.

Nền bài hát về tình hữu nghị Việt-Lào….

Ntux yiêz tưz muôx nhoz cxix cxuô sâuv têx tox trôngz trôngx đriv têz qơưk Chiềng Khương. Nhoz saz no tuk đêx ssông Mã, pox nhuôs mênhx cxưx Việt tưz bax cxix cxuô kêiz, buô, nduôr thax cxuô zav hnuz tsiêz chiê zâuv cán bộ, chiến sĩ, đros pox nhuôs 2 tos ntus đriv Việt-Lào sik đros tok tsiêz cxôngx nzor nhoz Việt Nam. Thiêz lơưr cux tsik thav muôx luk hu zâuv mak sik đros côngv cêr lok jêv tsiêz ntor đêx cxôngx nzor chor mênhx cxưx Lào zuôr txos iz ntu tov ntêx no thiêz./.

(Bích Thủy-Lik Thox cxêik nhênhv)