Chủ tịch têz qơưk li luk phôngv tsiêz

Tsôngv box, đôngx chir thiêz tuz lênhv thôngz têz qơưk hmor yuô!

Iz chêix ntux yiêz muôx ntâu cêr shir phaz yiêz, siêz njênhs thiêz vav njôngr txos ntâu kror jông tsênhv tror lok txos sâuv pêz têz qơưk. Txos trâu thâuv muôx tsiv gri li no, hlôngr njêx muôs Đảng thiêz Têz qơưk, cur muôx luk xa trâu tsôngv box, đôngx chir thiêz tuz lênhv thôngz têz qơưk đros trâu côngv thôngx nênhs Việt Nam nhoz saz đrâuv têz qơưk têx lo luk phôngv shông yiêz jông tiv zix. Cur cux muôx luk xa txos chor fôngx zưs sâuv ntiêx têz, pêx xênhv cxuô têz qơưk sâuv ntiêx têz lo luk phôngv hux fênhx, thôngx ziv thiêz shir phaz.

Tror tis njiê shông 2018 nhiv kruôr đhâu, pêz shir phaz pov tâu tiêk, đros muôx sik côngv siêz thôngx ziv, tas nro Đảng, tas nro pêx xênhv thiêz tas nro tuz lênhv li sik côngv siêz, têz qơưk tưz hla đhâu tsik tsơưs têx phiv liv, uô tâu ntâu luôs hâux lưv jông. Tsik zos chiê lav muôx tâu iz kror cêr shir phaz, njênhs njôngr cxuô nro muôx nhoz cxuô cxênhx nênhs, zos kror paz hênhr trâu sâuv thôngz têz qơưk thiêz tâu fôngx zưs ntiêx têz ntâuk gri sâu jênhv txos.

Hla trâu Buô shông 2019, iz shông muôx tsiv gri zov chênhr hâur luôs hâux lưv uô cov tâu tiêr trơưk li Nghị quyết Đại hôiv 12, Tsưr ziv huôv tsar kinh têr xar hôiv 5 shông 2016-2020 thiêz bax trâu Đảng li Đại hôiv 13. Đros siêz njênhs njôngr yiêz, muôx cêr shir phaz yiêz, sir jos yiêz, tas nro Đảng, tas nro pêx xênhv thiêz tas nro tuz lênhv pêz tror sik côngv siêz, thôngx ziv, uô cov tâu truôx đuô cxuô luôs hâux lưv tso tơưv thiêz sir jos  cxiv tsa pêz têz qơưk cov ziv hnuz ziv truôx tuk, hlôngr yiêz thiêz vav mênhx đuô xưk hloz Hôx siêz xar njôngr.

Phôngv yênhx ziv chuôz zis, yênhx lênhx nênhs Việt Nam iz shông yiêz muôx ntâu đas jos, shir phaz thiêz yênhx côngz.

Txêik tok shông yiêz, zênhx liv yiêz.

Phôngv sơưr đơưk nhoz jông./.

(Lik Thox cxêik nhênhv)

Tsôngv box Tây Bắc li luk phôngv shông yiêz

          Hơưv tos shông yiêz Buô shông 2019, nôngx mênhx Lai Châu njênhs njôngr iz shông yiêz muôx ntâu cêr shir phaz, môngr jông. Pox nhuôs nôngx mênhx nhoz tiv phaz xar njôngr hâur shông yiêz, kinh têr têz qơưk zuôr tror huôv tsar, tsôngv box njiz ntâu môngr jông chiê huôv tsar kinh têr kôngz nuv. Zơưv Nguyễn Thế Vinh, nhoz xã San Thàng, đrôngs Lai Châu heik:

          “ Shông yiêz cur thor phôngv tsôngv box nhiêv mnôngs Đeix VOV iz shông yiêz muôx jông đas jos, uô tâu nox tâu hâuk; phôngv kinh têr têz qơưk tror huôv tsar. Phôngv pox nhuôs nôngx mênhx iz shông yiêz ntux yar ntux nas sđ uô tâu kôngz tâu lông, hax huv muôs tâu grê siêz”.

          Têx nghệ sỹ, nhạc sỹ thax tsav Tay Bắc cux muôx luk phôngv jông txos tsôngv box mnôngs Đeix Việt Nam, cux xưk li pox nhuôs cxuô qơư sâuv têz qơưk VN. Nhạc sỹ Huy Thông, đoanx nghệ thuật Hoa Ban Trắng, Điện Biên heik:

          “Cur zos nhạc sỹ Huy Thông nhiv no tsênhv uô côngz xưv ntơưv đoanx nghệ thuật Hoa Ban Trắng tỉnh Điện Biên. Qir hla trâu iz shông yiêz Buô shông 2019 thor xa têx luk phôngv jông tiv zix txos têx nghệ sỹ heik taz, tsôngv box sđ heik cxuô thiêz tsôngv box nhiêv mnôngs Đeix VOV, phôngv tas nro sđ nox iz luz tsiêz shir phaz lov jêv thiêz tax tâu ntâu yênhxx tix hâur shông 2019”.

          Nhạc sỹ Mè Hoàng Thanh, mênhx cxưx Thái nhoz phường Chiềng Lề, đrôngs Sơn La, Phưv giám đốc Tsênhv qơư vênhx huôv điện ảnh tỉnh Sơn La, hội viên hội Nhạc sỹ Việt Nam, hội viên văn học nghệ thuật têx mênhx cxưx tsơưs nênhs Việt Nam heik:

          “ Ndaz ndơưv hâur shôngk shông yiêz cur thor phôngv tsôngv box mnôngs Đeix VOV, têx fôngx zưs muôx iz shông yiêz uô tâu nox tâu hâuk, muôx jông đas jos, yênhx côngz sâuv cxuô luôk hâux lưv”./.

( VOVTB- Txâur Vax cxeik nhênhv)

Thax tsav tox siêz hâur chêix ntux yiêz

Hâur têx hnuz no, cxuô luz jêx jos nhoz thax tsav tox siêz xã Phôngv Lái, huyện Thuận Châu, tsôngv px cxuô chuôz zis sđ tưz shir phaz lul hâur shông yiêz đros trâu têx vax tsêr cxiv uô tâu jông jav thiêz hnor têx luk thav, suôz luôs lov jêv, shir phaz lul. Iz chas bax tâu têx tsôngk trik yo, tsôngk tiêz trâu têx tuz nxêik hluôk cux li chor lâuk uô niêv uô txir hâur cxuô chuôz zis tưz tâu hnar nthuôr uô cêr lov jêv thiêz muk sêiz shuôk cưr tix nênhx tsa hâur têx hnuz tsiêz no. Thiêz shông 2019 no, tsôngv px hâur thax tsav xã Phôngv Lái, txơưv chuôz zis tưs cux shir phaz lul, viv Phôngv Lái zos iz luz xã uô ntêx hlo uô tâu tiêr cxuô luôs hâux lưv cxiv tsa jêx jos yiêz nhoz huyện Thuận Châu. Hur si xã muôx 24 luz jêx jos, nhiv no puôr lênhx muôx cêr yêz lênhx poz jêz muk txos jêx jos, zôngx ziv trâu tsôngv px sđ hâur thax tsav huôv tsar cêr uô nox, zuôr muôs kôngz lôngk muk lok hâur thax tsav. Hur si xã muôx 1.800 ntâu chuôz zis, xav hâur shông 2018, iz lênhx nênhs sâu tâu 26 triệu đêiv nhiêx hâur iz shông, chor chuôz zis pluôs tưz txo grêk tsơưs, tsuôk yuôr 6,6%, xav mak txo grêk tsơưs 2% pir li shông 2017. Tus muôv Vưx x Muôk nhoz jos Phiêng Luông, xã Phôngv Lái, huyện Thuận Châu, tỉnh Sơn La shir phaz lul hêik pâuz::

“Năm nay, gia đình cũng khấm khá hơn mọi năm, tôi chuẩn bị lợn để mổ tết và chuẩn bị quần áo mới cho các con đi chơi tết và chuẩn bị cho mình để đi hội”.

Shông 2018, hâu nov huyện thuận Châu tưz uô tâu ntâu luôs haux lưv jông; lar hêik zos hâur luôs hâux lưv chox car tsôngv px sđ huôv tsar tsêz chos kôngz lôngk, sâu tâu nju kôngz. Hur tiz si têx kôngz lôngk sâu tâu hâur shông zos 127.000 tấn, tax tâu 102% luôs hâux lưv tso tơưv hâur shông. Đros ntơư, cux cxiv tsa tâu yiêz 9 hợp tác xã hâur huôv tsar tsêz chos kôngz lông, chos shôngz ntông; xav hur si thax tsav huyện muôx txos 39 hợp tác xã tsênhv taz tov huôv tsar cêr uô nox, zuôr muôs hax huv cxuô zav. Chiê tsôngv px hâur thax tsav huyện shir phaz lul hâur têx hnuz tsiêz shông yiêz, muôx tsiêz nox cxix cxuô; hâu nov hâu nov huyện Thuận Châu tưz tsưr tsix cxuô đoanx gra huv tsiêz muk puz trâu cxuô chuôz zis pluôs, chuôz zis muôx côngz têz qơưs hâur thax tsav huyên. Nhiêx Suôr x Thox, Phưv Bí thư thường trực huyện uỷ Thuận Châu, Sơn La cho biết:

“Cấp uỷ, chính quyền, mặt trận tổ quốc đã tổ chức được 11 đoàn để thăm, chúc tết và tặng quà cho 290 gia đình có công với cách mạng, tặng 50 suất quà cho  hộ nghèo, 3 bản tái định cư thuỷ điện Sơn La, 2 đội trồng cao su Tông Lạnh, Chiềng Ngàm và 7 bản bị thiệt hại do lũ lụt trong năm 2018. Đây là những món quà động viên tinh thần đến các gia đình có công với cách mạng và các đối tượng chính sách được đón tết vui tươi, phấn khởi”.

Chiê tsôngv px sđ muôx cêr shir phaz lul hâur shông yiêz; hâu nov huyện Thuận Châu tưz chox car cxuô sở, Ban ngênhx, xã, jêx jos uô jông luôs hâux lưv tsưx phưv truôx an ninh, tsik chiê muôx yưv têx tsik jông hâur têx hnuz tsiêz 30 têz qơưs thiêz yax kriê tsôngv px sđ tsuv txuôs nox txuôs hâuk hâur têx hnuz tsiêz đros trâu chox car tsôngv px cxuô xã tsưr tsix nthuôr uô cêr lov jêv hơưv tok shông yiêz 2019. Tix lâus Mang x Shôngx, Phưv chủ tịch uỷ ban xã Phổng Lái, huyện Thuận Châu, tỉnh Sơn La cho biết.

“Chúng tôi đã tuyên truyền, vận động bà con nhân dân tổ chức tết an toàn và tiết kiệm, không hoang phí. Ngay sau tết còn phải lo cho con em đến trường học và chuẩn bị cho vụ sản xuất mới. Để nhà nào cũng đều có tết, những hộ nghèo khả năng không có tết thì chúng tôi đều phải chăm lo để họ cũng có tết như mọi người”./.

                      (Tsu Vưx cxêik nhênhv-Vừ  Chu, CQTT Tây Bắc)

Hâur shôngk shông yiêz njiz kỹ sư Phạm Hân Hạnh- Nôngx mênhx tox siêz Tây Bắc li iz lênhx nênhs khoa học

          “ Chêx chôngk uô cov tsoz txir na tơưk pax txi txir siêz đuô 5-7 jiês hâur chiv cheix. Txir sâu tâu njuôz jông, kaz thiêz tsơưr lươngv jông đuô. Nhiv no 100% têx chuôz zis chos txir Na nhoz no puôr lênhx uô cov tsoz txir Na tơưk pax jông thiêz txi txir”.

          Nôngx mênhx Nguyễn Văn Đạt, nhoz tiểu khu 2, thị trấn Hát Lót, huyện Mai Sơn, tỉnh Sơn La lok six jông siêz thâuv heik txos chêx cuk thâuv uô lơưr tsưr ziv uô cov pax txir Na txi txir nju zos kỹ sư Phạm Hân Hạnh heik kriê. Zơưv Đạt chuôz zis muôx 2 hecta ar chos txir na, phênhv ntâu zos na chos cxôngx ntâu shông no. Đros tsưr ziv uô kuz thâuv ntêx, iz chiv na zơưv chuôz zis tsuôk sâu tâu 3-5 tênhr txir iz hecta. Kuôk nor 7-8 shông, zơưv thiêz têx chuôz zis chos txir na tưz uô lơưr tsưr ziv uô cov pax txir na txi txir jông đuô lơưr thâuv hli 12 zênhz lix txiêr chês na, đhâu muôx nhos 2 luz hlik ntâu txir na zuôr tuôx câus, tơưk pax mak qir uô. Viv chuv tôngv tâu hâux lưv uô cov txi txir viv li pâuz tâu chor txir txi sâuv iz tsoz, hâux lưv sâu txir cux uô lơưr nênhs chos li siêz xar. Cxôngx co, yar lengx siêz đuô 6-7 jiês pir đros thiêz thâuv ntêx, fênhx pheiz cxôngx 15-17 tênhr txir iz hecta. Phênhv sâu cxôngx na, côngv đros têx zav txir txơưr cux chox lok trâu chuôz zis phênhv sâu 300 tsov đeiv iz shông.

          Kỹ sư Hạnh li tsưr ziv hlôngr chiv cheix, hlôngr qơư tơưk pax, txi txir sâuv tsoz txir lưk jôngr lơưr siêz xar cux tâu chox lok uô yênhx côngz. Khov muôx tix lâuk Hạnh li tsưr ziv uô mak tsôngv box nôngx mênhx chos txir lưk jôngr uô cov txir lưk tơưk pax, txi txir hâur yênhx shông lơưr siêz xar. Cxôngx co, xiv huv tuôv zênhv tâu niêv ciêz li zoz qơưx, lok six muôx liv trâu tsôngv box. Tsưr ziv tir tar tsi chiê pax txi txir đros thiêz txir lưk tsi muôx nôngz, krưr txir cov tsi trâus caz nox, sâu tâu xiv huv hur thiêz jông gâux. Niêv lâuk Nguyễn Thị Lan nhoz jos 10, tiểu khu 32, xã Cò Nòi, huyện Mai Sơn puz pâuz:

          “ Thâuv tsoz txir lưk jôngr tơưk pax pêz qêz chor môngr hâur chor pax trâu têx pax txơưr. Thâuv uô li ntơưv tas txir txi nju đuô, tsês hor ntâu luz txir cov huv đros thâuv co mav li txiêr. Uô li ntơưv txir lox thiêz jông gâux”.

          Kỹ sư Phạm Hân Hạnh cux muôx ntâu tsưr ziv txơưr tâu zôngv uô tsênhv tsênhz lok six muôx chêx cuk, tâu choz trâu ntâu tahx tsav tsôngv box nôngx mênhx hâur thiêz đrâuv tỉnh Sơn La. Pir li “ Hlôngr yiêz mêir tso tênhv zôngv trox yêz yênhx meir tso tênhv zôngv pa sinh học Biogas”; “ tsưr ziv tu zus cov buô sha ntâu mê nhuôv, greix kaz ntơưv thax tsav tỉnh Sơn La”; “ Trâur nuv meir puôk kê chiv chir uô xaz zênhz thiêz zôngx ziv uô, tâu zôngv muôx chêx cuk hâur tsênhv tsênhz”. Đrâuv co, tix lâuk tsênhv kriê cxaz tsưr ziv cxiv tsa têx trâur nuv tsiv grê sâuv iz mênhv chêx đros 600 ziv chuôz zis nôngx mênhx tax tsiv grê phênhv sâu 50 tsov đeiv ntâu iz hecta; uô tâu 3 cxênhz 500 côngz tsinhx sinh học chox lok uô siv; cxiv tsa têx trâur nuv tu zus buô greix nzâuk muôx tsơưr lươngv jông...Lơưr pos Đặng Thúy Huê, phưv giám đốc Tsênhv qơư jix vuv kôngz nuv huyện Mai Sơn, tỉnh Sơn La:

          “ Đồng chí Hạnh yax six mul ciês ntơưv qơư, nriêr pâuz chiê paz pox nhuôs nôngx mênhx nriêr tâu ntâu tsưr ziv uô kôngz nuv. Hâur six hơưv zuôr txos, pêz tror chox kriê, cux xưk li zôngv têx tsưr ziv mak đ/c Hạnh xar tơưv chiê krêz đar uô”.

          Lok lik zơưx viv li chas ho moz siêz nhênhz chơưv, xar tơưv têx tsưr ziv uô jông phưx vưv uô xênhz yar kôngz nuv, tix lâuk Phạm Hân Hạnh pheiz kênh:

          “ Fênhx yax mul njiz pox nhuôs nôngx mênhx mak lơưr nus lok six ntâu. Pêz tsuv nriêr tsưr ziv uô li chas cov paz pox nhuôs. Cxôngx co, cur xar tơưv tâu têx tsưr ziv chiê uô thiêz paz max pox nhuôs nôngx mênhx”.

          Cxôngx shông 2008 txos nhiv no, kỹ sư Phạm Hân Hạnh 02 jiês tâu Tổng liên đoàn lox tôngv Việt Nam khơưk muôz ntơưr kruôk lox tôngv xar tơưv; 02 jiês tâu kruôk zos lênhx nênhs jông xar tơưv KHCN tỉnh Sơn La; tâu jênhv giả Lương Định Của, “ Nênhs jông viv hâux lưv huôv tsar kôngz nuv nôngx cxênhz”. Shông 2018, tix lâuk tâu kruôk zos “ nôngx mênhx li lênhx khoa học”. Yuôr đros kỹ sư Phạm Hân Hạnh, tix lâuk tsuôk xar njôngr zuôr muôx iz hnuz tix lâuk thiêz têx lênhx nênhs txơưr li ntâu tsưr ziv xar tơưv jông tâu krêz uô, zôngv hâur luz nênhx chiê paz pox nhuôs nôngx mênhx thâuv tưs cux muôx chiv cheix sâu tâu nju./.

( Bích Thủy- Txâur Vax cxeik nhênhv)