Ntux yiêz lok txos zênhx pênhz phax nhoz hâur đêx tul niêv đêx Đas

Phưv txơưx thax tsav ntus đriv 2 xã Ka Lăng thiêz Tá Bạ nhoz pêv hâur đêx tul niêv đêx Đas, đros zuôr xar 30 cei cêr ntus đriv, cán bộ chiến sỹ Zênhx pênhz phax Ka Lăng thâuv tưs cux uô tiêr jông vênhv vưv tâu choz. Têx cán bộ chiến sĩ zênhx pênhz phax mul đhâu trôngz đhâu đêx seiz car ntus đriv têz qơưk, mul têx jêx jos nênhs La Hủ, Hà Nhì chiê pheiz kênh, paz max tsôngv box huôv tsar kinh têr, tuôr truôx ntus đriv, ndêx đriv têz. Thiêz cheix ntux yiêz no, têx cán bộ chiến sĩ nhoz no tsênhv tror truôx siêz uô jông jênhv vưv por vêv têz qơưk, tsi tâu mul tsêr nox tsiêz.

          Ntơưv Trạm pênhz phax Kẻng Mỏ, jâuv sâuv trôngz jêz jê ntus đêx, chiến sỹ Lý A Chờ, nhoz xã Tả Lèng, huyện Tam Đường, tỉnh Lai Châu heik: Cxôngx thâuv mul uô bộ đội, cur tâu lok ntơưv trạm pênhz phax nhoz no, txơưv thax tsav tsênhv yuôr ntâu phêv liv, taz sik cur thâuv tưs cux chiv xar tiêk sir jos chiê uô tiêr jông jênhv vưv. No zos cheix ntux yiêz xuz thơưx cur tsi nox tsiêz hâur tsêr. Txơưv nox tsiêz nhoz ntus đriv, ndo cur niêv cur txir, ndo cur tsêr taz sik tâu cán bộ zênhx pênhz phax tôngv vênhx, viv li cur zuôr sir jos đuô:

          “ Shông no zos luz tsiêz xuz thơưx cur tsi nox hâur tsêr, txơưv lok six ndo cur tsêr, cur niêv cur txir taz sik zos jênhv vưv cấp siêz choz trâu, cur zuôr sir jos chiê uô tiêr jông zuk li jênhv vưv. Txơưv ndo cur tsêr taz sik đros têx lênhx bộ đội txơưr nox tsiêz thiêz tâu cán bộ tôngv vênhx cur cux pov jông siêz, pov shir phaz thiêz tsi muôx tul tsi cxơưx hlo”.

          Luz tsêr trạm pênhz phax Kẻng Mỏ têx hnuz tsiêz tsi jông li têx hnuz fênhx yax, chês pax txir đuôx tâu tso ntơưv qơư jông tiv zix. Đhâu jiês lơưr kaz ciês hâur shông mul seiz car ntus đriv lok, têx lênhx lính pênhz phax nhoz no iz lênhx iz côngz xưv, sik đros qêz ndeik thiêz đei pax, đei ntơưr, tênhv tênhz cov jông. Sik đros nhênhv ntơưr chuôz zis xa tuôx, viv sâuv thax tsav tsi tâu muôx sóng điện thoại, viv li lênhx nênhs cxênhz jê phênhv ntâu sâu ntơưr chiê xa tuôx trâu cán bộ, chiến sĩ ntâu shông no.

          Trung úy Đặng Văn Mạnh, Trạm tsar, nênhs muôx 2 shôngk ntâu uô côngz xưv ntơưv thax tsav trạm pênhz phax Kẻng Mỏ puz pâuz: Tas nro canr bộ chiến sĩ hâur trạm puôr lênhx tsi zos nênhs tiv phaz, qơư trạm nhoz zos qơư txov nhêv viv muôx ntus đriv, cêr đêx, cêr ar... Nhoz kuôk qơư tsôngv box nhoz uô nênhx muôx nhos 20 cei cêr, tsi muôx sóng điện thoại, cheix ntux kruôr mak tsi muôx txâuk đêx xênhz huôx, cheix lok nas mak tox poz ar lơưk viv li hâux lưv mul seiz car, qênhz yuôx ntus đriv lok six khưr. Chênhr viv li, cán bộ chiến sĩ lok sik thoangx chêx, sik pheiz kênh; đrâuv six hơưv uô jênhv vưv por vêv ntus đriv, lênhx tưs cux tsâu siêz chos jâuz thiêz tu zus keiz, ok chiê nox hâur six hơưv nox tsiêz no. Trung úy Đặng Văn Mạnh heik:

          “ Pêz xav tênhv tsênhz mênhx jênhv vưv, tiv zix zos qênhx shênhx nhoz thax tsav ntus đriv, viv li đros cấp ủy, chỉ huiz Zênhx li chox kriê, pêz cux xav tênhv truôx siêz jênhv thiêz uô tiêr jông jênhv vưv tâu choz. Tiv zix, six hơưv nox tsiêz pêz tsi tâu lok tsêr nox tsiêz, muôx têx đồng chí pox niêv nhiv kruôr xênhz mê nhuôs taz sik cux xav tênhv no zos jênhv vưv tsênhv hâur six hơưv nox tsiêz. Hâur shông yiêz cur xar njôngr cxuô lênhx nênhs muôx jông đas jos, cur niêv cur txir uô tâu nox; cur thiêz têx đồng chí hâur zênhx pênhz phax muôx jông đas jos chiê uô tiêr jông jênhv vưv”.

          Nhoz siêz 1.200 yiv pir đros thiêz ntus đêx hiêr, Zênhx pênhz phax Ka Lăng tâu choz coar lik, por vêv ntu ntus đriv ntêr zuôr xar 30 cei cêr, nhoz thax tsav 2 xã Ka Lăng thiêz Tá Bạ, muôx 19 jêx jos đros thiêz 2 mênhx cxưx Hà Nhì thiêz La Hủ sik đros nhoz uô nênhx. No zos thax tsav txov nhêv tiv zix ntus đriv Việt- trung, viv thax tsav ar têz nxaz, thax tsav đar thiêz tsôngv box mênhx cxưx tiv phaz nhoz uô nênhx tsi chêx chôngk. Viv li txos tsiêz, cán bộ chiến sĩ nhoz no ho mul uô côngz xưv ntơưv têx jêx jos, qênhz yuôx ntus đriv chiê taz por tsôngv box nox tsiêz ngaz tul.

          Trung tá Lương Xuân Hà, Zênhx tsar Zênhx pênhz phax Ka Lăng, huyện Mường Tè puz pâuz: Xav tênhv tâu jênhv vưv coaz tsôngv co, viv li qir cxôngx hnuz 27 tsiêz, cán bộ chiến sĩ tưz mul seiz car cêr ntus đriv chiê taz por. Đrâuv co taz viv cux heik lưx lươngv vênhv tôngv tsôngv box mul uô côngz xưv thiêz đros tsôngv box nox tsiêz. Viv tsôngv box luz nênhx tsênhv txov nhêv, viv li uô ntêx thâuv mul uô côngz xưv, têx tuêv côngz xưv tsuv bax cxix cxuô têx zav nox li nduôr blâuv, greix buô, thax nduôr....chiê đros pox nhuôs nox tsiêz:

          “ Pêz tưz cxiv tsa tsưr ziv uô côngz xưv vênhv tôngv, yax mông tsôngv box uô jông Đảng, têz qơưk li chủ trương cêr chei. Taz viv tưz heik têx cán bộ phưv txơưx 100% têx jêx jos mul đros pox nhuôs nox tsiêz, chiê taz por tuôr truôx txiv ngaz jêx jos. Ntơưv taz viv mak đrâuv tỉnh thiêz Bộ côx phax li chế độ, taz viv cux muôz iz phênhv chuôz tsar tu zus chiê taz por bộ đội nox tsiêz. Txos nhiv no cán bộ, chiến sĩ tưz truôx siêz uô côngz xưv, taz por tuôr truôx txiv ngaz chinhr trị, xã hội sâuv thax tsav”.

          Khôngz qiv nox tsiêz lov jêv pov muôx nhoz cxuô qơư sâuv thax tsav, hâur yênhx ziv chuôz zis. Đros thiêz cán bộ chiến sĩ pênhz phax Ka Lăng nhoz pêv hâur đêx tul niêv đêx Đas, cheix ntux yiêz lok txos gra lơưr siêz njênhs njôngr, cêr shir phaz, viv qơư tsov txos zos taz por luz nênhx ngaz tul trâu têx jêx jos nhoz no./.

                                                                       ( Khắc Kiên- Txâur Vax cxeik nhênhv)

Hlôngr yiêz sâuv thax tsav qơư A Phủ hâur chêix ntux yiêz

Hâur mâuv câuk luz tsêr ntông nhoz luz đraz jok Hồng Ngài, xar Hồng ngài, huyện Bắc Yên, tỉnh Sơn La, niêv tix Txiêz Xênhv Muôk đros tuk nxêik nzơưv tsênhv sêi đrơưv xơưv têx tsôngv yo cxôngx nzor  chiê trâu chor nênhs hâur chuôz zis tâu hnar muk uô si tsiêz.

Shông no đros thiêz niêv tix ziv chuôz zis xưk li tsiêz txos nzor đuô. Viv đhâu iz shông sir jos khưr uô nox, chuôz zis chor liêx oz chiv tưz paz trâu chuôz zis sâu tâu muôx 60 ntâu hnaz blêx, ntâu đuô xar muôx iz đraz pir li cxiê shông. Chuô zis thax tsav têz chos kok ntông cux sâu tâu xar muôx 20 tấn, đros tu zus tsiêx cxu thiêz niêv tix tuk txir chor nhiêx côngz tsêr yêz lox thâux đra, cux paz trâu niêv tix chuôz zis muôx tâu phênhv sâur 80 triệu đêiv ntâu iz shông:

Cux xưk li niêv tix Txiêz ziv chuôz zis, shông no tix lâus Tuôv Xênhv Zax ziv chuôz zis nhoz jk Suối Háo cux tưz bax chiê tok tsiêz tâu cxix cxuô lơưv. Sir jos khưr uô nox, nhiv no hâur chuôz zis tsêr guôx tưz muôx 16 tuk nhux đas. Kaz shông 2018, chuôz zis tưz muôx 4 tuk, sâu tâu lok 50 triệu đêiv. Chuô zis li thax tsav têz chos kok ntông cux sâu tâu muôx 30 ntâu tấn, blêx liêx mak sâu tâu muôx 100 ntâu hnaz, muôx txâuk nox thiêz cxênhx tsês. Tsiêz no tix lâus chuôz zis tưz bax tâu kêiz buô chiê tuô nox tsiêz thiêz hu têx cưr tix, nênhx tsa sơưr đơưk tuôx đros nox, côngv cêr lov jêv, shir phaz đros chuôz zis hâur shông yiêz.

Xar Hồng Ngài muôx 8 jêx jok đros xar muôx 800 ziv chuôz zis, muôx 5 mênhx cxưx sik đros uô nênhx nhoz, hâur co mênhx cxưx Hmôngz tsav 80%, uô nox phênhv ntâu zos khov trâu kôngz nuv. Têx shông đhâu, txix Đảng, têz qơưk li têx paz, đros trâu chiv chir sir jos, chính quyền tiv phaz tưz sir jos yax kriê, hêik pox nhuôs muôz têx zav zuz nôngz tsoz chos, tsiêz zus yiêz chos, tu zus paz gra siêz huôv tsar kinh têr ziv chuôz zis li: txir lưv tsiz, txir mo môngk, txir khơưz đuz, tu zus nhux đas… tsêx trung ntơưv têx jêx jok muôx đêx ar, qiv hơưv huv đros li: jok Đung, jok Giàng, jok Mới, jok Suối Háo, Suối Tểnh, Lung Tang…Chor jêx jok cux hêik pêx xênhv chiv chir sir jos khưr uô nox, sik côngv siêz sik paz, nênhs muôx paz trâu nênhs pluôs, txov nhêv. Khov co pox nhuôs luz nênhx ziv hnuz ziv muôx đuô, chor chuôz zis pluôs tâu txo grêk tsơưs ntâu pir li thâuv ntêx.

Đros tsưr ziv tsik chiê lênhx nênhs tưs tsik muôx tsiêz nox, txix têz qơưk têx nhiêx paz thiêz txix chor tsưr tsix, tiz nênhs siêz jông li têx paz, hâur shông 2018, xar tror cxuôv tâu 30 luz tsêr đaz tuôs lav nhoz. Chính quyền tiv phã cux qênhz yuôx, yênhx lix chor đoanx muk sêiz nus, paz hax huv tsiêz trâu chor chuôz zis tâu sơưv cêr chêi, chuôz zis pluôs, nếnh slâul tsik muôx qơư khov vav… Đros co, chor jêx jok cux chiv chir tsưr tsix ntâu tsaz yênhx vênhx nghệ, thể thao, têx zav uô si cxôngx nzor chiê pox nhuôs uô si lov jêv hnuz tsiêz. Tix lâus Muôk A Chồng, Chủ tịch Ủy ban xar Hồng Ngài, huyện Bắc Yên, tỉnh Sơn La puz pâuz:

“Bax trâu tok tsiêz shông 2019, Ủy ban xar Hồng ngài tưz cxiv tsa tsưr ziv chiê tsưr tsix, por vêv tsiêz, uô chak cov pox nhuôs nox tsiêz tâu shir phaz, lov jêv, ngaz tuk thiêz cxênhx txuôs. Hla trâu shông yiêz, hêik pox nhuôs tsêx trung uô lox tôngv, xênhz yar, huôv tsar kinh têr chuôz zis cov truôx tuk đuô”.

Sâu thax tsav qơư A Phủ-iz chêix ntux yiêz tưz tror lok txos. Nhoz ntơưv kror qơư no, pox nhuôs sơưr đơưk tsênhv sik côngv siêz cxiv tsa jêx jok cov ziv hnuz ziv tsâu sor đuô./.

                                                                                                     (Lik Thox cxiv sâu thiêz cxêik nhênhv)