Lênhx cưk yuôx tuz lênhv đros paz muôx cêr shir phaz nhoz luôs têz qơưk hâur shông yiêz.

Đros thiêz Trung tá, bác sĩ tuz lênhv pênhz phax nênhs Poz Ziz Điêu Chính Hỏa, nhoz Quỳnh Nhai, tỉnh Sơn La: 11 shông uô côngz xưv nhoz đriv têz luôs têz qơưk muôx 6, 7 shông nox tsiêz nhoz co, tsi tâu lok tsêr. Cux xar lok, cux ndo tsêr, taz sik tix lâus thiêz têx fôngx zưs đros uô hâux lưv uô cê cux siêz truôx bo nhoz, iz phênhv viv luôs hâux lưv tâu choz seiz njuôk shuôs, kho moz trâu tsôngv px nhoz 2 saz đriv têz, iz kro zos têx tuz lênhv cux muôx nzir cêr sor siêz viv tâu hâu nov ntơưv qơư thiêz tsôngv px 2 saz đriv têz moz siêz, paz txos:

“Cur zos iz lênhx cưk yuôx tuz lênhv pênhz phax tỉnh, tâu tso tuôx uô hâux lưv trâu saz têz qơưk Lol Tsuôk txix shông 2007 txos nhiv no. Uô luôs hâux lưv seiz njuôk shuôs, kho moz, muôz thiêz pheiz yuôx trâu tsôngv px, tsi so muk têx jêx jok qênhz shuôs têx moz gênhs, tsưx phưv truôx chính trị. Iz chas ntơư qênhz pov têx fâuv moz gênhs, nhênhz chơưv tsưr ziv trâu hâu nov ntơưv qơư thiêz ngênhx y tế hâur thax tsav saz têz qơưk đrâuv. Uô lơưr tổ côngz xưv muk uô hâux lưv đrâuv luôs têz qơưk li tsưr ziv, niêx shông tưz tsi so phênhz côngz 1/3 lênhx tâu so tsiêz, hok yuôr li zos nhoz hâur taz viv seiz jor tsiêz.  Cur thâuv tưs tưz tso siêz uô hâux lưv, njênhs njôngr trâu têx lênhx nhoz hâur tsêr, tov kaz”.

11 shông uô hâux lưv nhoz luôs têz qơưk, đeiv đuôz lênhx cưk yuôx tuz lênhv pênhz phax Điêu Chính Hỏa tưz lok six sưv đros thiêz têx canr bôv, tsôngv px nhoz thax tsav ntus đriv thiêz hur si tsôngv box Mường Ét-Têz qơưk Lol Tsuôk. Iz chas seiz njuôk shuôs, kho moz ntơưv qơư y tế, tix lâus thiêz têx fôngx zưs đros uô hâux lưv uô cê tsênhv muk trâu cxuô jêx jok luôs têz qơưk chiê seiz njuôk shuôs kho moz trâu tsôngv px thiêz. 5 shông tror lok no, tix lâus đros têx lênhx uô hâux lưv uô cê sâuv tưz seiz njuôk shuôs kho moz, pheiz yuôx nox trâu tsôngv box hâur thax tsav 2 saz đriv têz thiêz têx huyện hâur têz qơưk Lol tsuôk li: Xiêng Khọ, Sốp Bâu, Mường Ét thiêz iz cxiê thax tsav nhoz jê iz ndis txơưr đuô trâu xả muôx 7.500 lênhx nênhs. Lok six ntâu lênhx nênhs moz hnhar thiêz phiv liv chơưv kho tưz tâu tix lâus, têx fôngx zưs đros uô hâux lưv uô cê chơưv kho zênhx max. Tix lâus thiêz taz viv tsênhv paz tsôngv box iz cxiê jok nhoz Lok Tsuôk huôv tsar cxiv uô jêx jok  yiêz đros thiêz trâur nuv uô nox uô hâuk, tâu luôs têz qơưk ntâuk grê siêz, paz zov chênhr trâu 2 têz qơưk VN-Lok Tsuôk cêr fôngx zưs sik thôngx siêz jông.

Zơưv SiViLay, nhoz jok Mường Ét, huyện Mường Ét, tỉnh Hủa Phăn, têz qơưk Lol Tsuôk, lênhx tưz tâu Trung tá, bác sĩ Hỏa tuôx txos ciês ntơưv tsêr chiê seiz njuôk shuôs moz heik:

“Pêz tsôngv px nhoz huyện Mường Ét lok six njênhs njôngr thiêz seiz bác sĩ Hỏa xưk li zuk têx nênhs hâur tsêr, xưk cưr tix nênhx tsa cxênhz jê. Txix thâuv muôx bác sĩ Hỏa tuôx no, tsôngv box tâu bác sĩ Hỏa paz seiz njuôk shuôs kho moz. Đhâu Đeix, tsôngv px xa luk uô tsâus ntâu txos Bộ chỉ huy bôv đôiv pênhz phax tỉnh Sơn La, chor canr bôv, tuz lênhv tuôx hâux lưv nhoz pêz têz qơưk, lar heik zos uô tsâus lok six ntâu txos bác sĩ Hỏa”.

Lênhx tuz lênhv pênhz phax li pox niêv, tsuv lês uô cxuô cêr nuv hâur hnuz tsiêz đoanx viên zos hâux lưv  fênhx yax, bác sĩ tuz lênhv pênhz phax Điêu Chính Hỏa pox niêv cux xưk li ntơư. Niêv lâuk Vi Thị My Son, tix lâus Hỏa pox niêv heik: 10 ntâu shông tix lâus uô hâux lưv đrâuv têz qơưk Lol Tsuôk, cux bâuv li co shông niêv lâuk iz lênhs nhoz tu têx mê tuz mê nhuôv hloz lox, zos qơư truôx chiê trâu tix lâus uô tiêr tâu jông luôs hâux lưv zok muôz. Ndo njôngr txos niêv txir txiêx njis tu hloz, tix lâuk thiêz niêv lâuk gơưk 2 tuk nhuôv nxeik puôr lênhx zos shux xênhz cơưv coz  hâur ntâu shông siz lơưr liês, thiêz tuk nxeil hloz tưz tưr thik tâu muk cơưv đại học kiến trúc Hà Nội:

“10 ntâu shông lok no, tix lâus uô hâux lưv nhoz đreiv đrâuv têz qơưk Lol Tsuôk. Cur tsuv hlôngr lênhx txir chiê tu, choz kriê têx nhuôs cêr uô nênhx tsiv txiêx. Cur cux zuôr sir jos chiê lês uô tiêr tâu jông têx hâux lưv hâur vax hâur tsêr, hâux lưv têz qơưk cov tix lâus tso siêz uô côngz xưv. Txos tsiêz lơưv, nhoz tsêr cur 3 niêv tuz zuôr sir jos siz paz siz hluz, tok txir đhâu tsiêz tror lok, mav nox tsiêz tov kaz xưk li cxiê shông đros 3 niêv tuz. Đhâu no cur cux xar luk txos trâu têx tix nhoz đriv têz heik cxuô tiz jông seiz shuôs, tuôr jông zuk đas jos chiê uô tiêr têx luôs hâux lưv zok muôz”.

Trơưk li thiếu tá Đinh Văn Quang, đội phưv Đội côngz xưv nhoz luôs têz qơưk, Bôv đôiv pênhz phax tỉnh Sơn La: Sir jos, moz siêz uô hâux lưv phưx vưv têx lênhx nênhs moz, bác sĩ Hỏa thiêz chor cưr tix, fôngx zưs đros uô hâux lưv uô cê li têx nuv uô tưz paz lơưr khưx phưx tâu têx phiv liv, muôx tsi txâuk têx chuôz zênhx uz no, gra siêz txux chi tsưr ziv uô nuv seiz njuôk moz ntơưv qơư:

“Đôngx chir trung tá, bác sĩ Điêu Chính Hỏa zos iz lênhx bác sĩ muôx txux chi tsưr ziv uô nuv jông hâur taz viv, tưz đros lês hâux lưv no tâu 11 shông. Đhâu six hơưv, hnuz nhôngs seiz njuôk shuôs, kho moz tâu tsôngv px sđ njênhs njôngr. Txix ntơư muôz cêr sik thôngx siêz trâu taz viv thiêz hâu nov ntơưv qơư, lưv lươngv vũ trang thiêz tsôngv px hâur thax tsav. Iz chas co chuôz tsar cêr siz paz, sik côngv siêz nhoz tỉnh Hủa Phăn-Lok Tsuôk thiêz tỉnh Sơn La-VN”.

Tsiêz no, lênhx tuz lênhv pênhz phax Điêu Chính Hỏa thiêz têx cưr tix, fôngx zưs đros tix lâus uô hâux lưv uô cê nhoz têz qơưk Lol Tsuôk cux tưz muôx txâuk têx pax txir đuôx, nduôr nzâuv puôz, keiz buô, nduôr thax....chiê nox tsiêz trơưk li nênhs Choz Tsiz. Txơưv tiêk Lol Tsuôk tsiêz cxôngx nzor Bun pi may, khênhr ndax trâu thâuv luz 4 hlik niêx shông, taz sik tsôngv box nhoz no cux tưz muk shuôs thiêz đros têx tuz lênhv hâur taz viv nox tsiêz, côngv cêr lov jêv. Đros thiêz trung tá, bác sĩ Điêu Chính Hỏa, tix lâus thiêz têx cưr tix, fôngx zưs li tsiêz nhoz luôs têz qơưk tsênhv tsênhv zos tsôngv px 2 têz qơưk VN-Lol Tsuôk li shông yiêz sik thôngx siêz./.

(Chẻo Thu-Riê Lâux cxeik, nhênhv)