Yên Bái cheix chos ntông

Cuêv fix zos tsoz chos tâu ntâu tiv phaz nhoz Yên Bái xêir zos tsoz chor chênhr hâur chos jôngr. Tsuôk xav ciês huyện Văn Yên, iz shông muôx nhos 2.000 ha cuêv fix, tsav xar muôx 80% thax tsav chos yiêz. Lơưr tix lâus Bàn Kim Hoa nhoz xar Viễn Sơn, huyện Văn Yên, chos cuêv fix tưz tsik zos paz tuôr chiê jôngr mak tsênhv paz muôx tâu kinh têr siêz. Thâuv ntêx no pêx xênhv tsuôk sâu tơưr cuêv fix, nhiv no mak tas nro ntông, blôngx cux muôs tâu hur si.

“Cuêv fix tâu pêz chos txix ntâu shông lok lơưv. Yênhx shông chêix ntux yiêz lok txos mak pêx xênhv ho tror chos chor jôngr cuêv fix yiêz, cê paz muôx har jông, cê paz muôx kinh têr”.

Cux xưk li cxiê shông, shông no huyện Văn Chấn muôx tsưr ziv chos 3.800 ha jôngr, tsêx trung phênhv ntâu ntơưv chor xar nhoz puôz ntus. No cux chênhr zos iz hâur têx tiv phaz chos jôngr ntâu tiv zix tỉnh Yên Bái. Zơưv Mai Mộng Tuân, Chủ tịch UBND huyện Văn Chấn puz pâuz:

“Chiê gra siêz tâu chêx cur hâux lưv chos jôngr mak txix ciês hâur shôngk shông pêz tưz cxiv uô tsưr ziv tsênhz mênhx trâu chor xar, thị trấn; choz trâu phongx ban cik txos kruôz kriê ntơưv tiv phaz. Pêz kriz uô trâu oz chiv chênhr zos chiv yiêz thiêz chiv sor lax. Pêz tsêx trung sir jos uô hâux lưv chos cuêv fix, shông tưs pêz cux chos tâu muôx 1.000 ntâu ha cuêv fix thiêz shông no sir jos cov chos tâu txix 1.000 txos 1.200 ha cuêv fix”.

Trung fênhx yênhx shông, tas nro tỉnh Yên Bái chos yiêz muôx 15.000 ntâu ha jôngr cxuô zav, paz uô thax tsav muôx jôngr vor ndê muôx 63%. Ciês shông 2019 no, tỉnh zuôr chos yiêz xar muôx 16.000 ha, phênhv ntâu zos cuêv fix thiêz têx tso chos xơưr đuô.

Chiê uô tiêr tsưr ziv chos jôngr, têx tiv phaz tưz xav jênhv qơư chiê chos ntông, xêir tsov tsoz chos huv đros trâu tsar tov, đêx ar, tsov cưv txos chor zav tsoz chos ntông lox muôx tsiv gri kinh têr siêz. Chor công ty thiêz taz viv jôngr nuv cux tưz bax yênhx puô tsoz zuz ntông chiê tax tâu pêx xênhv sâuv thax tsav li zoz qơưx. Zơưv Nguyễn Thái Bình, Chi cục trưởng Chi cục kiểm lâm tỉnh Yên Bái puz pâuz:

“Pêz chos kriê hạt kiểm lâm têx huyện thị xar, thành phố qênhz yuôx, uô vêv xênhz jôngr chiê bax chos jôngr. Tiv oz zos qênhz yuôx chor qơư uô xênhz yar zuz nôngz, qênhz yuôx qơư uô têx zuz nôngz taz por tsơưr lươngv huv lơưr zoz qơưx kỹ thuật. Tiv pêz zos sik côngv đros chính quyền tiv phaz cux xưk li chor tsưr jôngr sâuv thax tsav tỉnh qênhz yuôx têx ar têz chiê cxiv uô tsưr ziv, kriz uô chos jôngr. Tiv plâuz zos sir jos uô côngz xưv yax kriê, chox kriê pêx xênhv chos jôngr chiê taz por uô tiêr tsưr ziv tso tơưv”.

Shông no tỉnh Yên Bái sik côngv đros Bôv Kôngz nuv thiêz Huôv tsar jêx jok tsưr tsix tsiêz chos ntông “Tiêv nênhx ndo txos zơưv hloz Hôx” nhoz thênhv têz qơưk trâu hnuz 10/2/2019. Ciês hâur hnuz kriz chos, tas nro tỉnh Yên Bái sir jos chos 20 ha jôngr tsêx trung tror sâur thiêz hâur hli tsiêz chos ntông, tas nro tỉnh sir jos chos cov tâu muôx 3.500 ha jôngr./.

(Đinh Tuấn-Lik Thox cxêik nhênhv)

Đảng viên bôv đôiv pênhz phax lok xênhz huôx ntơưv jêx jok

Hâur 6 luz hlik đhâu, chi bộ jok Pắc Pộc, xã Hoành Mô, huyện  Bình Liêu tưz sưv đros trâu muôx lênhx Đảng viên bôv đôiv pênhz phax. Thượng úy Vũ Thành tiến zos iz hâur 13 lênhx canr bôv, chiến sỹ tâu Zênhx pênhz phax trôngx đriv Hoành Mô tso lok cxaz chuôz xênhz huôx ntơưv têx chi bộ jok nhoz ntus đriv đêz đrôngs, txov nhêv txix hli 7/2018. Muôx canr bôv pênhz phax lok, txix têx nuv mê  txos trâu hâux lưv lox li: Cơưv jêx jok, nhênhz chơưv cxiv tsa cui tinhv hâur jok, uô lơưr Nghị quyết hâur luz nênhx xênhz huôx.....tâu gra siêz. Tsi yuôr têx li: Nghị quyết luz hlik tưs cux jông li luz hlik ntơư, têx phôngz yaox zos chi bộ phuôx tôngv cux uô tâu jông đuô. Bí thư chi bộ, Tsar jok Pắc Pộc Trần A Dìn heik:

“Thâuv ntêx pêz cux chiv chir seiz, chox car, cux uô iz cxiê luôs hâux lưv taz sik thâuv tsi tâu muôx canr bôv pênhz phax tuôx mak tsi tâu muôx ntâu tsưr ziv lês uô têx nuv co. Iz txix thâuv muôx canr bôv lok, mak têx nuv no lês uô tâu jông đuô. Têx tuk tsi uô tsi tâu tâu mak sđ sik đros fuô kriê, sir jos cov uô tâu jông”.

Thượng úy Vũ Thành Tiến heik, têx hnuz xuz thơưx cxaz chuôz xênhz huôx ntơưv chi bộ jok yiêz mak tsi zôngx ziv. Pắc Pộc tsuôk nhoz đêz kuôk đriv têz iz tuk đêx mê, tsôngv box zos nênhs Cho, Tày, Sán Chỉ muôx ntâu phôngz cxưx cêr nênhx vênhx huôv nhiêk txơưr nhiêk. Tix lâus thiêz têx fôngx zưs đros uô hâux lưv uô cê muk iz xã, jêx jok, chuôz zis jux juk chiê nuk tsôngv box sđ têx tsưr ziv, siêz xar, lok xênhz huôx, muôz siz thav, sik heik kriê, vênhv tôngv tsôngv box tso tsês jux juk têx cêr nênhx pôngz kaz, uô lơưr tsưr ziv yiêz hâur huôv tsar uô nox uô hâuk, tu zus tsiêx cxu, sik đros tsưx phưv, por hưv têx ndêx cxok kuôk cêv đriv têz, nhoz truôx têz truôx qơư cov luz nênhx vav mênhx. Thượng tá Bùi Đức Hạnh, Chính trị viên Zênhx Pênhz phax trôngx đriv Hoành Mô heik pâuz, têx đảng viên tâu tso muk têx jêx jok ntơư tsuv đhâu têx phiv liv thiêz txov nhêv, tsi tiêk siêz truôx, moz siêz uô nuv mak tsênhv tsuv muôx txux chi tsưr ziv, pâuz tâu jông lok hâux lưv cxiv tsa đảng chiê zênhx max pâuz tâu tsênhz mênhx, heik trâu cấp ủy đơưk tu têx cuz nxor:

“Đhâu thâuv tso canr bôv muk xênhz huôx đros chi bộ têx jêx jok mak hâux lưv huôv tsar Đảng viên nhoz jêx jok uô tâu jông đuô, ntâu chi bộ xeir zuôr tâu lênhx nênhs tso nhoz hâur Đảng. Chi bộ cux ntâuk grê siêz, tsôngv box muôz ntâu mông jông paz trâu seiz car, tsưx phưv đriv têz, phax tir thêir têx nênhs fêv, nênhs uô cxâuv chei têz qơưk, tsưx phưv truôx jêx jok nox nhoz njiês to”.

Trơưk têx xã nhoz jê đriv têz sâuv ar xar muôx 119 cêik, ntus đriv đêx hiêr 191 cêik ntâu hâur Quảng Ninh, 24 lênhx canr bôv Đảng viên zos bôv đôiv pênhz phax đros thiêz pưs txux phưv Bí thư Đảng ủy, cxaz chuôz HĐND tsi tiêk paz cxiv kho Đảng ntơưv qơư cov truôx njês mak tsênhv paz huôv tsar kinh tế-XH thax tsav ntus đriv. Txix hli 7/2017, qir txix têx tsênhv tsênhz khênhr muôx cuz nxor hâur thax tsav, Quảng Ninh yênhx thax tsav qơư xuz thơưx hâur hur si têz qơưk tâu T.Ư jông siêz, thôngx ziv tso uô siv cxaz nzir cấp ủy viên zos Bôv đôiv pênhz phax uô cấp ủy Đảng bộ huyện, TP muôx cêr đriv têz siz buôk chiêv đros luôs 2 chas têz qơưk. Txix pêv tox siêz ntus đriv Hải Hà, Bình Liêu txos trâu Móng Cái, đêx hiêr Vân Đồn, Cô Tô, 5 lênhx đôngx chir thơưx seiz car, Chính trị viên têx Zênhx pênhz phax tsi zos kruô tuôx dưv têx jiês cơưv huyện ủy, mak buôk ti cxaz chuôz, nhênhz chơưv têx tsưr ziv. Đại tá Nguyễn Thanh Hải, Phưv Chính ủy Bôv đôiv pênhz phax tỉnh Quảng Ninh heik pâuz, đhâu iz shông ntâu uô siv, têx huyện ủy, thành ủy ntus đriv puôr lênhx ntâuk grê siêz têx canr bôv bôv đôiv pênhz phax li pưs txux, têx tsưr ziv, đas jos paz, lar heik zos hâur uô lơưr têx hâux lưv tâu zok muôz, sik chuôs njiz, heik kriê tsôngv box sđ tsưr ziv huôv tsar uô nox...., taz por tsưx phưv truôx đriv têz têz qơưk./.

(Trường Giang-TTĐB-Riê Lâux cxeik, nhênhv)