Tsôngv px nhoz thax tsav đêx nas cuôr yôngz Văn Chấn luz nênhx tưz tror truôx tuk jux juk

Tror muk txos trâu thax tsav đêx nas cuôr yôngz, tưz txơưr tas ntâu pir li hâur ntu đhâu, têx tus đêx nyiêz si tưz tok ntưk lok trâu cxuô jêk liêx chiê tsôngv px nhoz oz luz jos Tủ, jos Mười muôx txâuk đêx zưs cxuô zav kôngz lôngk. 54 ziv chuôz zis px nhoz jos Tủ hâur têx hnuz no, tưz yêik lok nhoz trâu thax tsav qơư nhoz yiêz Noong My, thax tsav qơư co tiêx thiêz lax chuô nziês hâur niêx shông. Hâur têx luz tsêr cxiv uô tâu truôx đrênhk, grê nhiêx 200-350 triệu đêiv. Ntơư zos têx nhiêx tâu chor nênhs siêz jông đros trâu têx nhiêx têz qơưs muôz paz.

Pos Hà Thị Dửn cux hêik pâuz tiêk: Đhâu coz nas chuô uô ruôr hiêv, cuôr yôngz hâur hli 7 shông 2018 thiêz xav txos trâu nhiv no, pos chuôz zis tưz muk đhâu têx cêr pôngz siêz, têx cêr txov, tror muôx luz nênhx truôx tuk jux juk trâu thax tsav qơư nhoz yiêz Noong My. Chênhr zos tâu Đảng têz qơưs thiêz tâu côngv thôngx sđ sik côngv đros paz thiêz xav txos trâu nhiv no, pos Dửn oz niêv tuz cxiv uô tâu tsêr nhoz truôx đrênhk thiêz zuôr tâu cxuô chuôz zênhx sir zôngv hâur vax tsêr, muôx luz nênhx truôx tuk tsâu sor jux juk.

“Zav tưs cux tok Đảng, Chính phủ, tok têz qơưs thiêz công ty muôz nhiêx paz, cur chuôz zis muôx luk uô tsâus ntâu txos Đảng têz qơưs thiêz cxuô công ty”

          Cux zos yêik lok nhoz trâu jos Noong My, tsuôk cêv kuôk pos Dửn oz pêz zis, pos Đinh Thị Quý nhiv kruôr cxiv uô tâu iz luz tsêr yiêz  chox lok nhoz hâur shông yiêz. Txơưv hâur chuôz zis vax tsêr tsik tâu muôx cxix cxuô têx chuôz zênhx sir zômngv hâur niêx hnuz thiêz yuôr têx nux grê ntiêr uô tsêr; Txơưv li ntơư, taz sik têx hnuz hâur shông yiêz no, pos  Quý tsênhv niêx hnuz tror khơưk huk têx poz jêz, ar cxuz chuôz zis li têx liêx hâur kaz shông 2018, cov muôx ar tsêz chos kôngz lôngk.

          “Txos tsiêz 30, xar njôngr cov muôx mor nox, hur si cxuô lênhx hâur chuôz zis muôx njêx muôs cxix cxuô đros trâu têx cêr shir phaz lul hâur shông yiêz”

Pos Lựu Thị Hồng, phưv chủ tịch uỷ ban xã Sơn Lương, huyện Văn Chấn cux thav lok cxuô chuôz zis têx  cêr txov hâur ntu đêx nas chuô uô ruôr hiêv thiêz hâur têx hnuz hêik ntơư, pos Hồng tưz tsik muôx six hơưv nox mor, tsik muôx six hơưv pư, viv paz  cxuô chuôz zis px trâu đêx nas chuô uô ruôr hiêv, cov cxuô chuôz zis tror muôx luz nênhx truôx tuk jux juk. Chênhr zos uô tâu truôx têx luôs hâux lưv li hêik ntơư, đhâu 5 luz hli đêx nas cuôr yôngz thiêz tâu têz qơưs, côngv thôngx sđ sik đros côngv nhiêx paz, cxiv uô vax tsêr, hur si 62 chuôz zis px trâu đêx nas chuô uô ruôr hiêv mak nhiv no puôr lênhx cxiv uô tâu vax tsêr nhoz truôx đrênhk hâur luz tsiêz 30 têz qơưs 2019 no.

“Xã Sơn Lương cux muôx chôngz lênhx nênhs siêz jông nhoz cxuô qơư moz siêz txos. Xav txix thâuv ntêx txos trâu nhiv no, xã Sơn Lương zênhx tsik tâu trâus đêx nas cuôr yôngz li ntơư. Chênhr viv trâus đêx nas cuôr yôngz, cxuô lênhx nênhs siêz jông nhoz trau cxuô thax tsav qơư hâur pêz têz qơưs tưz sik côngv paz gra tuôx paz cxuô chuôz zis trâus đêx nas chuô uô ruôr hiêv. Thiêz uỷ Ban xã cux xar njôngr tiêk: Cxuô lênhx nênhs siêz jông nhoz trâu cxuô qơư  tror sik đros côngv têk paz px xã Sơn Lương cov iz thênhv jux juk muôx luz nênhx tsâu sor”

Xav txos trâu nhiv no, huyện Văn Chấn tưz zok nriêr tâu qơư trâu 400 chuôz zis trâus đêx nas chuô uô ruôr hiêv hâur hli 7 shông 2018 chiê yêik lok nhoz hâur luz tsiêz shông no thiêz hâur têx hnuz tsiêz shômng no, hâu nov huyện cux gra hax huv tsiêz muk puz trâu têx chuôz zis muôx cêr txov nhêv, tiv đêx nas chuô uô ruôr hiêv hâur ntu đhâu, cov chor chuôz zis hêik sâu muôx tsiêz nox cxix cxuô. Zơưv Mai Mộng Tuân, Chủ tịch UBND huyện Văn Chấn hêik pâuz:

“Shông 2018 đhâu, muôx iz cxiê chuôz zis trâus đêx nas chuô uô ruôr hiêv thiêz pêz cux hêik trau phôngx loax tôngv xã hội tsuv tror qênhz yuôx đuô chor chuôz zis trâus đêx nas chuô uô ruôr hiêv, cov sđ muôx tsiêz nox cxix cxuô. Chuôz zis tưs txov nhêv mak cux tâu hâu nov huyện muôz huv puz thiêz iz poz huv tsiêz co, grê nhiêx zos iz triệu đêiv”

Têx thax tsav jôngr ntông thiêz têx ar têz, ar liêx trâus đêx nas cuôr yôngz, uô ruôr hiêv hâur kaz shông 2018 mak nhiv no tưz tror huôv hloz jông jux juk thiêz tsôngv px sđ nhoz thax tsav trâus đêx nas uô ruôr hiêv ntơư têx cêr pôngz siêz tưz plox lơưv jux juk thiêz tror cxiv kho luz nênhx yiêz, truôx tuk, tsâu sor jux juk./.

               (Tsu cxêik nhênhv-TTTB - Đinh Tuấn, Thừa Xuân – CQTTTB)

Ciêz lâuk Tsangz Cênhx cheix ntux yiêz

          Tas cik sơưr nzor hnuz thưr 5 yênhx ciêz, cxôngx thâuv ntux nhiv kruôr pov cêr luv liês, sâuv têx nta trôngz, cxuô txox mêr cêr tox siêz Quản Bạ, pox nhuôs hnar têx chêr tsôngs yo yiêz sik zâuv mul car ciêz Tsangz Cênhx. Lênhx gra gơưv keiz, tul buô, tês jâuz chox mul muôs ntơưv ciêz, lênhx mak mul zuôr cxaz chuôz zênhx trâu chuôz zis. Fâux Hangv Thị Ly, nhoz xã Cangz Tỷ, huyện Quản Bạ, tỉnh Hà Giang mul car ciêz shir phaz heik:

          Ciêz Tsangz Cênhx nhoz kuôk tsênhv qơư thị trấn Tam Sơn, huyện Quản Bạ muôx nhos 10 cei cêr. Têx hax huv tâu muôs ntơưv luz ciêz no muôx lok six ntâu, hâur co phênhv ntâu zos têx xiv huv pox nhuôs chiv chir uô tâu li: pax ntâuz, jiz mu, ndêz, cxur, poz cưk, tâuv pâur, têx zav jâuz....Ntơưv qơư muôv muôs tsiêx cxu, keiz, ok mak tâu tso jê ntus tul đêx Tsangz Cênhx, cux muôx keiz đuz greik, nhuôv buô, yik, nênhk...taz sik ntâu tiv zix zos muôs nhux đas viv nhoz tox siêz no, pox nhuôs huôv tsar tu zus paz niêv tsiêx cxu. Ciêz tsênhv muôx qơư muôv muôs zav nox đros têx ziês cuz thaz nqo pas lơưs, têx coz chơưr poz cưk, têx tsu mor cuôv đros cuô tâuv chuôz lok six kaz, zos tsôngv box Hmôngz li têx zav nox nto bê. Đros co zos phênhr zos zos (phở) Tsangz Cênhx, iz hâur têx zav nox nto bê tiv zix nhoz Hà Giang, tâu uô kuôk nor yênhx puôk shông, zos iz gơưv niêv txir muôs luôv nênhs Hoa xar tơưv uô tâu thiêz tâu tuôr tsês txos nhiv no. Ciêz tsênhv muôx qơư muôv muôs têx chuôz zênhx li: triêv, hlâu, zênhz thôngx, luz ntok ntâuz zos tsôngv box tox siêz uô; têx qơư muôs tsôngs yo, chor uô jav li sir nhiêx, xâur nhiêx....Niêv lâuk Mỷ Xênhv Vax nhoz xã Thanh Vân, huyện Quản Bạ, tỉnh Hà Giang tuôx pok thâuv ntux nhiv kruôr pov cêr chiê muôs luôv puz pâuz:

          Lok hâur pâus huôv tsar ciêz Tsangz Cênhx, zơưv Xênhr Zoz Xênhv Vax- iz lênhx nênhs pâuz ntâu lok vênhx huôv têx mênhx cxưx, tiv zix zos mênhx cxưx Hmôngz nhoz Hà Giang puz pâuz:

Ciêz Tsangz Cênhx tâu krêz tsênhv zos hnuz thưr 5 yênhx ciêz thiêz khênhr suôv câuv thâuv txos zar tar su. Tsi xưk li têx ciêz txơưr nhoz no, ciêz Tsangz Cênhx zos ciêz muôx cxôngx nzor lok, zos ciêz muôx ntâu vênhx huôv sik côngv jông nhoz tox siêz Hà Giang. Viv li luz ciêz no tsi taz zaz zâuv tâu chôngz tsôngv box têx mênhx cxưx tox siêz tox siêz Hà Giang tuôx car mak tsênhv muôx chôngz tsôngv kruô hâur thiêz saz đrâuv têz qơưk tuôx car ciêz thiêz. Chênhr viv li mak ciêz krêz cxaz iz jiês car lok tas cik hnuz ciêz chủ nhật thiêz.

          Têx hnuz no, ciêz Tsaz Cênhx ziv muôx chôngz lênhx nênhs tuôx car ciêz, sâuv cxuô txox cêr tsôngv box cheix yêz meir, chaz nênhk thâux cxuô zav hax huv tror mul tsêr, tsês chiê hâur tsôngv kruô tuôx ndis shuôk têx qơưk siêz tsi plox iz jiês jiês tâu sik côngv hâur khôngz qiv car ciêz tox siêz./.

( Txâur Vax cxiv sâu, cxeik nhênhv)