Gra tsiêz trung thu txix Hà Nội tuôx trâu têx tuz nxeik shux xênhz thax tsav txov nhêv Nậm Ban

Nhoz jok Nậm Ô, xã Nậm Ban, huyện Nậm Nhùn, tỉnh Lai Châu, qơư tsưr tsix hmo tsiêz trung thu nzor đuô trâu têx nhuôs, đhâu ntâu hnuz ntux lok nas tsi tu hlo, txos trâu thâuv đoanx uô têx hâux lưv jông siêz nhoz Hà Nội tuôx, ntux tưz tu nas nro, kruôr krơưr. Txix ciês thâuv zar hnuz kêix, ntơưv yar tiêx tsêr cơưv niêv txir zus mor cxênhx 2 Nậm Ban tưz uô lov jêv ntưk đros trâu têx suôz luôs thâuv chor cưk kriê ntơưr thiêz shux xênhz sik đros têx lênhx hâur đoanx nhoz Cuiv nhiêx nhà văn Tô Hoài tuôx, bax uô têx tênhz uô si, muôz nduôr thax pheiz chiê trâu 800 ntâu lênhx nhuôs shux xênhz nox lov jêv tok tsiêz trung thu. Sênh Xênhv Thox, shux xênhz lớp 9A, tsêr cơưv niêv txir zus mor cxênhx 2 Nậm Ban heik pâuz:

“Cur lok six jông siêz, shir phaz thâuv muôx têx txir hloz, txir nzơưv, fâux tuôx uô tsiêz trung thu tok hli đra trâu pêz. Pêz zuôr sir jos cơưv ntơưr cov jông chiê tâu trơưk li têx lênhx cưk kriê ntơưr thiêz chor txir hloz, txir nzơưv, fâux sđ tsưr ziv, siêz xar”.

Đhâu tuôx đêz muôx 500 ntâu cêik cêr txix Hà Nội trâu Nậm Ban, têx lênhx hâur đoanx uô têx hâux lưv jông siêz tưz zênhx max sik đros bax cxuô zav uz no trâu hmo hội hli đra. Niêv lâuk Bùi Thị Hồng Phương, nhoz hâur đoanx co tuôx txix tỉnh Nghệ An heik:

“Tuôx txos no cur thiêx pâuz thiêz pov tâu tsôngv box nhoz no têx cêr txov. Txơưv tiêk txov nhêv li ntơư, taz sik têx tuz nhuôs ntơưv no lơưr muôx tsưr ziv, siêz xar lok six jông, sir jos hâur cêr cơưv ntâuz cơưv ntơưr. Cur vav thiêz xar tiêk, uô li chas cov tov kaz no zuk muôx têx uô tâu ntâu luôs hâux lưv đuô thiêz, chiê paz chor nhuôs uô tâu trơưk li lơưr tsưr ziv”.

Hmo tsiêz trung thu lok zos hmo hội hli đra nhoz suôv qơư txov nhêv Nậm Ban zos Cuiv nhiêx nhà văn Tô Hoài sơưr tsưr tsix đros trâu tsêr cơưv cxênhx iz Thành Công B, Hội Chữ thập đỏ Quận Hoàn Kiếm cux li ntâu tsưr tsix, lênhx nênhs siêz jông txơưr đuô nhoz Hà Nội siz chos paz. No zos têx hâux lưv uô niêx shông  tâu uô trơưk li nhà văn Tô Hoài têx tsưr ziv, siêz xar tsês trâu chor nhuôs zâu muôx luz nênhx txov nhêv hâur tas nro têz qơưk heik tsês thâuv zuôr tâu tas siv nênhx, lar heik zos têx nhuôv zâu nhoz chor thax tsav, suôv qơư mak thâuv zơưv tsênhv uô nênhx nhoz, tưz muôx jiês tâu muk txos. Zơưv Nguyễn Phương Vũ, uô ntơưr pov tsir,  zos zơưv Tô Hoài tus tuz heik pâuz: Cuiv nhiêx tâu yênhx lix khov lok sâuv nhà văn Tô Hoài têx tsưr ziv, siêz xar kuôk no 8 shông đrav ntêx. Têx nhuôs zâu thiêz tsôngv box cxuô heir nênhs tsơưs nhoz Nậm Ban tsênhv zuôr tâu paz max, viv co zos suôv qơư txov nhêv yax pir li hur si hâur têz qơưk:

“Cur lok six nhiêv muk trâu têx thax tsav qơư lok six txov nhêv, xar muk cov txos ntuô qơư, muôz choz txos trâu lơưr têk, txơưv zuôr muk phiv liv bâuv tưs lok cux tsi uô chas. Lai Châu zos thax tsav qơư nhoz, viv li muk txos mak fiv đros trâu zuk tsưr ziv xar. Thâuv cur tuôx txos no, cur tưz muk shuôs tâu 3 chuôz zis, chuôs njiz lok six ntâu lênhx tuz nhuôs thiêz muôx têx no cux zos thax tsav txov nhêv tiês tiês”.

Cưk kriê Nguyễn Văn Minh, thơưx seiz car tsêr cơưv niêv txir zus mor cxênhx 2 Nậm Ban heik pâuz: Txơưv tưz tâu cxuô cấp, cxuô ngênhx thiêz hâu nov ntơưv qơư moz siêz txos, taz sik têx côngz trênhx, chuôz zênhx 3 luz tsêr cơưv cxênhx nhuôs zâu, cxênhx iz thiêz cxênhx 2 hâur thax tsav phênhv ntâu cux zos têx tsêr lav uô lav nhoz, lav cơưv tax. Txơưv txov nhêv, phiv liv li ntơư, chor cưk kriê ntơưr cux tsênhv sir jos khưx phưx chiê muôx qơư nhoz so, qơư cơưv ntơưr trâu 700 ntâu hâur hur si 800 lênhx shux xênhz nox nhoz hâur tsêr cơưv, cơưv ntơưr niêv txir zus mor. Xã li cêr huôv tsar hâur ntu tov kaz no zos khov trâu têx tuz nxeik, chênhr zos li hêik ntơư, têx nênhs siêz jông sik đros pheiz kênh, paz max chiê chor nhuôs muôx nzir cêr chiê siêz muk cơưv txux chi.

     “Tsôngv box, chor cưk kriê ntơưr thiêz lar heik zos têx tuz nxeik hluôk, nhuôs zâu hâur xã Nậm Ban lok six shir phaz, jông siêz  thâuv tâu lênhk txeik têx poz huv, chuôz zênhx muôz puz. Pêz thâuv tưs tưz yax kriê trâu chor cưk kriê, nhuôs shux xênhz cov zôngv têx huv muôz puz ntơư trơưk li tsưr ziv hâur six hơưv zuôr txos”.

Têx thôngz huv, far mì tôm, nduôr thax, ntơưr cơưv, ntơưr sâu, chuôz zênhx uô si, chuôz zênhx phưx vưv cơưv ntơưr....zos têx lênhx nênhs siêz jông muôz paz thiêz puz hâur six hơưv ndax tsiêz trung thu nhoz Nậm Ban, tưz paz cxơưz cêr chiê siêz trâu têx nhuôs zâu heir nênhs tsơưs hâur thax tsav truôx siêz cơưv ntơưr. Têx tsưr ziv, siêz xar uô hlôngr yiêz thax tsav pluôs, txov nhêv tsênhv tâu chor cưk kriê ntơưr sir jos uô hâur niêx hnuz txix kriê ntơưr, hu zâuv têx tuz nxeik shux xênhz tuôx cơưv cxix cxuô, chiê choz kriê tsưr ziv, cêr uô nênhx, paz  têx nhuôs muôx tâu txux chi jông chiê tov kaz đros cxiv tsa zuk thax tsav, qơư nhoz huôv tsar, jông jav huv đros hâur ntu têz qơưs hlôngr yiêz./.

(TTTB-Riê Lâux cxeik, nhênhv)

Trâur nuv thax tsav qơư nhoz nôngx cxênhz yiêz- qơư chi cax luk nhoz tỉnh Quảng Nam

          Thâuv ntêx, zơưv Phạm Văn Toàn chor ar đar 10 cxênhz yiv ndis ntâu nhoz jos Mậu Hòa, xã Duy Trung, huyện Duy Xuyên, tỉnh Quảng Nam, phênhv ntâu chos têx tsoz chos li ntâu keo, txir mok mix chêx cuk kinh têr tsi siêz. Thâuv tâu chinhr quyênx tiv phaz phuôx tôngv cxiv tsa trâur nuv thax tsav qơư nhoz nôngx cxênhz yiêz, zơưv Phạm Văn Toàn zos lênhx nênhs xuz thơưx yưv pênhr muôx 300 tsov đeiv ntâu chiê hlôngr yiêz tsoz chos, đros têx tsoz chos li txir chuôz thox, txir lưk jôngr, txir mo môngk....Zơưv Phạm Văn Toán puz pâuz: Iz shông zơưv muôx phênhv sâu 200 tsov đeiv ntâu, txix muôs cxuô zav txir hêik sâu:

          “Chêx cuk uô ntêx tưz pov tâu. Nhiv no chuôz zis luz nênhx jông đuô thâuv ntêx, vênhv tôngv pox nhuôs hlôngr yiêz tsoz chos, cxuô lênhx nênhs uô mak luz nênhx kinh têr zuôr hlôngr yiêz jông đuô. Xuz thơưx cur uô uô ntêx chiê pox nhuôs cơưv shâuv uô lơưr. Jos uô, têz qơưk paz txưv đros zuk uô. Zos six fênhx chos blêx, tsoz chos cxuô zav tsơưs xưz mak lax cxuôv tâu cêr yeiz pluôs”.

          Cxôngx 10 trâur nuv tâu xeir uô siv, txos nhiv no xã Duy Trung tưz muôx zuôr xar 60 vax chos jông...zơưv Huỳnh Tấn Linh, tsar jos An Hòa, xã Duy Trung, huyện Duy Xuyên, tỉnh Quảng Nam puz pâuz, têx thax tsav vax jông gôngr phênhv uô hlôngr yiêz jêx jos lok six ntâu:

          “Hâur vênhv thix cxiv tsa nôngx cxênhz yiêz, thax tsav qơư nhoz An Hòa muôx têx hlôngr yiêz jông. Cxôngx têx trâur nuv vax tsêz chos jông tâu krêz uô đêz đar, nhiv no hâur jos muôx lok six ntâu lênhx nênhs uô lơưr, muôx chêx cuk siêz. Nhiv no cxơưz tiês hâux lưv cxuôv por tsês têx vax chos tsi tso lok chêx cuk siêz, hlôngr yiêz tsoz chos chox lok chêx cuk kinh têr siêz trâu tsôngv box. Seiz cxuô tsôngv box tưz sik côngv uô jông hâux lưv no”.

          Nhiv no, ntơưv huyện Duy Xuyên tsôngv box tưz phuôx huiz jông têx muôx ntơưv qơư, zôngv tsưr ziv uô yiêz tso lok têx xiv huv muôx tsiv grê kinh têr siêz. Tas nro huyện DUy Xuyên tưz cxiv tsa tâu 9 thax tsav qơư nhoz nôngx cxênhz yiêz jông, zuôr xar 100 thax tsav vax hlôngr tsoz chos chêx cuk siêz. Lơưr zơưv Trần Huy Tường, tsar phongx kôngz nuv thiêz huôv tsar nôngx cxênhz huyện Duy Xuyên mak tiv phaz tưz paz txưv 45 tỷ đeiv paz nôngx mênhx uô tsưr ziv no:

          “Trâur nuv tsiv uô lơưr trâur nuv nôngx cxênhz yiêz mak muôx ntâu trâur nuv huôv tsar muôx chêx cuk, huôv tsar kinh têr vax tsêz chos. Đrâuv têx tsiv grê sik côngv uô, tsaz yênhx OCOP iz xã iz xiv huv tsênhv phuôx tôngv cxiv tsa trâur nuv kinh têr vax tsêz chos. Ntâu trâur nuv uô lok six muôx chêx cuk, paz nênhx lox tôngv muôx hâux lưv uô, gôngr phênhv chuôz cxaz phênhv sâu trâu tsôngv box nôngx mênhx”.

          Txos nhiv no ntơưv tỉnh Quảng Nam tưz muôx 115 thax tsav qơư nhoz nôngx cxênhz yiêz jông đros 200 ntâu trâur nuv vax tsêz chos jông. Têx vax no phênhv ntâu chos ntông nox txir muôx chêx cuk kinh têr siêz li : hưx txoz, ciêv fix, txir lưk jôngr, măng cụt, txir chuôz thox....muôx niêv ciêz sâu zuôr ngaz tuk. Fênhx pheiz iz vax sâu tâu cxôngx 150-200 tsov đeiv iz shôngk. Zơưv Ngô Tấn, Phưv giám đốc Sở kôngz nuv thiêz huôv tsar nôngx cxênhz tỉnh Quảng Nam puz pâuz: Hâux lưv cxiv tsa thax tsav qơư nôngx cxênhz yiêz jông, uô vax tsêz chos jông qir chox lok chêx cuk, paz ndar txos kôngz nuv hur, kôngz nuv hữu cơ, yênhx trus por vêv tênhx qơư truôx vênhs./.

(VOV Miền Trung- Txâur Vax cxeik nhênhv)