Cxuô tỉnh faz Bắc uô jông luôs hâux lưv txo grêk yêiz pluôs

Tsôngv px nhoz têx tỉnh Lai Châu, Điện Biên, Sơn La... têx cêr jông siêz, shir phaz thâuv tâu hâu nov ntơưv qơư paz max lok cxuô zav chiê txo grêk yêiz pluôs. Ntơư zos paz cxiv uô vax tsêr nhoz, paz huôv tsar uô nox, kriê tsưr ziv tu zus tsiêx cxu, chos kôngz kôngk uô lơưr têx tsưr ziv yiêz, muôx phênhv sâu tâu nhiêx txiêx, iz shông muôx yênhx puô, yênhx cxênhz chuôz zis hla đhâu chuôz zis pluôs.

Sốp Cộp (Sơn La) zos iz hâur têx huyện pluôs đuô hur si hâur têz qơưk, chor chuôz zis pluôs tsênhv yuôr zuôr xar 30%. Xav tinhv tsôngv px tsi tâu pâuz tsưr ziv huôv tsar uô kôngz, uô nox uô hnar, phênhv ntâu zos zuk uô trâu zuk zôngv, zuk nox, tsi pâuz sik hux jos đros luôs lưv tus chiê muôs têx kôngz uz no trâu ciêz đrôngs zos iz hâur têx qir tiv uô trâu yeiz pluôs, chênhr viv li, Nghị quyết Đại hội Đảng bộ huyện (six cxiv 2020-2025) xav tinhv, sir jos uô trơưk li “ndâux heik, têk uô” chiê hlôngr yiêz px tsưr ziv, siêz xar, đros trâu sir jos iz shông txo grêk txix 4-5% chor chuôz zis pluôs tsênhv yuôr nhiv no. Pos Bùi Thanh Thủy, Bí thư huyện ủy Sốp Cộp heik pâuz, zov chênhr zos huôv tsar uô kôngz-jôngr nuv truôx jông lơưr tsưr ziv uô hax huv, trơưk têx tsưr ziv uô nox yiêz chiê chuôz tsar sâu tâu nju, uô tâu jông thiêz muôs tâu trâu ciêz đrôngs, txix ntơư chuôz tsar phênhv sâu trâu px:

“Muôz têx xiv huv kôngz nuv uô yênhx hax huv zos iz kro hlôngr yiêz, uô qơư khov xuz thơưx lok sâuv uô lơưr têx tsưr ziv yiêz uô nox uô hnar thiêz seiz kôngz nuv zos xiv huv hax huv chiê paz tsôngv px ntơưv qơư cxuz cêr yeiz pluôs”.

Trơưk li Bí thư huyện ủy Lê Khánh Hòa, iz chas kriê txux chi tsưr ziv uô nuv, hu zâuv yưv pênhr chiê huôv tsar uô têx hâux lưv kôngz-jôngr nuv, moz siêz txos por hưv chiê px tâu sơưv liv txix jôngr ntông, huyện zuôr chêx tsôngk kriê txux chi, gra siêz tsưr ziv trâu canr bôv, lar heik zos canr bôv ntơưv qơư, viv lơưr zos iz hâur têx zov chênhr quyết tinhv uô tâu hâux lưv fuô kriê ntơưv qơư cxuz cêr yeiz pluôs:

“Uô ntêx Đảng bộ huyện Đại hội jiês tiv 3, six cxiv 2020-2025, pêz tưz cxiv tsa iz đêx anr lok canr bôv, têx hâu nov cấp xã, hâux lưv no tsi tiêk luz huyện tưs cux uô tâu. Đhâu seiz shuôs, pêz têz tưz tsi so hlôngr qơư uô hâux lưv trâu 4 lênhx nênhs txix huyện muk trâu xã, txix luz xã no trâu luz xã tov 5 lênhx, muôx têx tâu trơưk li zoz qơưx hâux lưv hâur ntu yiêz”.

Đros thiêz tỉnh Lào Cai, khov uô jông 7 luôs hâux lưv zov chênhr thiêz 2 hâux lưv lok huôv tsar têx côngz trênhx, kinh tế-XH, tsov cưv cxiv uô têx cêr muk lol chênhr, côngz trênhx hâur ciêz đrôngs lox thiêz huôv tsar ju lix....., viv li 5 shông tror lok no, têx chuôz zis pluôs hâur tỉnh tưz txo grêk tsơưs ntâu, nhiv no tsuôk yuôr 8% ntâu. Zơưv Trịnh Xuân Trường, Chủ tịch Ủy ban tỉnh Lào Cai heik pâuz:

“Pêz tưz tso tơưv Nghị quyết chiê txo grê cêr pluôs trâu 43 xã muôx têx chuôz zis pluôs 40% ntâu, lok sik nưk muôx nưk Nghị quyết trâu huyện Si Ma Cai lok txo grêk cêr pluôs. Đros trâu têx tsưr ziv uô li heik sâuv, Lào Cai tưz uô tâu lok six jông hâux lưv cxiv tsa jêx jok yiêz thiêz txo grêk cêr pluôs truôx”.

Têx shông jê lok no, Sơn La tâu seiz zos têz qơưk li “Iz qơư uô tâu jông luôs hâux lưv lok huôv tsar kôngz lôngk lơưr têx tsưr ziv uô nox yiêz”, khov Nghị quyết Đảng bộ tỉnh no tso tơưv, fuô uô tâu zos thiêz huv px siêz. Co  zos muôz têx liêx têz uô tsi jông kôngz, ar têz nxaz hlôngr chos têx tsoz chos nox txir; uô lơưr tsưr ziv uô nox yiêz, muôz Sơn La têx kôngz uô tâu muôs trâu ntâu têz qơưk sâuv ntiêx têz. Txos nhiv no, Sơn La tưz muôx zuôr xar 80 cxênhz ha ntông nox txir, sơưr tiv 2 sâuv tas nro têz qơưk lol chos têx tsoz chos co, iz shông sâu đê tâu txix 400- 450 cxênhz tênhr, gri muôs trâu luôs 2 chas têz qơưk đrâuv tax yênhx tyv USD, paz ntâu chuôz zis tsôngv px hla đhâu yeiz pluôs, uô bluô nux. Bí thư Tỉnh ủy Sơn La Nguyễn Hữu Đông khav tinhv:

“Pêz lok six xar cov chêx tsôngk tu zus lơưr trâur nuv, chiê cê taz por lok vêv xênhz tênhx qơư, cê taz por uô trơưk têx tsưr ziv kriê, muôx txâuk jâuz tâux trâu tsiêx nox....., hur si lok sâuv sâu zuôr zar tov kaz no zuôr jux juk uô li ntơư, yênhx têx HTX. Chiê uô tâu têx li heik no, chi bộ jok thiêz chor thax tsav tsôngv box nhoz tsuv lok six moz siêz txos hâux lưv co”.

Iz cheix ntux yiêz tưz lol txos cxuô thax tsav tox siêz, đros thiêz sir jos uô cov tiêr têx tsưr ziv xar, hâux lưv uô, cấp ủy, hâu nov thiêz tsôngv px nhoz têx tỉnh faz Bắc tsênhv sik đros sir jos huôv tsar uô nox cxuz cêr yeiz pluôs, cxiv tsa luz nênhx tsâu sor, vav mênhx./.

(Thu Thùy-Riê Lâux cxeik, nhênhv)