Việt Nam li 10 xor xưv zos TTXVN xêir tsov

 

 

 

          Tổng bí thư Nguyễn Phú Trọng tâu bâux xêir uô chủ tịch têz qơưs

          Hnuz 23/10/2018, ntơưv jiês cơưv tiv 6, Quốc hội khoá 14 tưz bâux xêir Tổng bí thư Nguyễn Phú Trọng uô chủ tịch têz qơưs xã hội chủ nghĩa VN ntu 2016-2021.

       Uô tiêr luôs hâux lưv huov tsar kinh tế xã hội

          VN gtror uô tiêr luôs hâux lưv huôv tsar kinh tế xã hội, zos Quốc hội tso tơưv. Têx nhiêx txiêx tsar ndê 6,8. Ntơư zos 3 shông siz lơư liês huôv tsar uô tsik chiê têx nhiêx txiêx pôngz pênhr.

        Quốc hội tưz tso tơưv Hiệp định CPTPP

          Hnuz 12/11/2018 Hiệp định sik đros uô đhâu Thái Bình Dương đros trâu cxuô ntâuz ntơưr tưz tâu tso tơưv ntơưv jiês cơưv tiv 6, Quốc hội khoá 14. CPTPP tâu xav zos Hiệp định zuôr muôs hax huv thôngz ntiêx têz hâur ntu nhiv no thiêz tâu  uô txix shông 2019. Hiệp định zuôr paz kriz đar ciêz đrôngl zuôr muôs hax huv cxuo zav, cxươz cxiz muôz pênhr huôv tsar uô huv đros.

          Tir thêir gtêx nênhs fêv tsik chiê uô tuôr xuôv têz qơưs têx nhiêx txiêx, tâu fuô uô truôx txix trung ương txos cxuô tsênhv qơư

          Muôx ntâu txuz uô tuôr xuôv tas ntâu txos têz qơưs têx nhiêx txiêx nhoz trâu iz cxiê ngênhx, tsênhv qơư tưz trâus yơưz phơưz ntêk cxov chox muk tik cêr cxâuv, uô trâu px njênhs njôngr.

          Tso tơưv Nghị quyết chiê VN yênhx iz luz têz qơưs truôx tuk

          Nghị quyết 36 tâu Ban chấp hành Trung ơng Đảng khoá 12 tso tơưv hnuz 22/10/2018, njuôk xav txos shông 2045, chiê VN zos iz luz têz qơưs huôv tsar truôx tuk.

         Shông ndơưk bóng zênhx hâur lịch sử VN

          Tưr ndơưk zênhx bóng Đông Nam Á, zos ndơưk bóng U23 châu Á, zos iz cêr côngv siêz ntơưv cxuô hêir nênhs.

          7, Yơưz phươz pov têx nênhs fêv chấm baix tưr thi tsik trơưk chêi

          Hâur jiês tưr cơưv tas ntơưr lớp 12 thôngz têz qơưs, tưz Yơưz phươz pov têx nênhs fêv chấm baix tưr thi tsik trơưk chêi, muôx yưv nhoz trâu Sơn La, Hà Giang, Hoà Bình….

          VN jiês xuz thơưx muôx tsêr nhiêx mô

           Hnuz 16/10/2018, tsêr nhiêx mô thơưx jiês ntơưv VN tưz tâu fuô uô trâu ntơưv tsêr kho moz Việt Đức. Zos thax tsav qơư kho njuôk mloz thiêz kriê cơưv lok khoa học….

          Cxiv tsa VN qơư nto bê, chơưr lươngx siêz

          Thủ tướng chính phủ tưz tso tơưv luôs hâux lưv “VN sir zôngv hax huv VN” chiê cxiv tsa VN iz qơư nto bê txuôk đros sâuv ntiêx têz.

         Tsêr kho moz VN jiês xuz thơưx đros lực lươngx Liên hợp quốc uô cov huv đros

          Hnuz xiêz 1/10, VN tưz fuô uô iz đơn vị tsêr kho moz cấp 2, muôx 63 lênhx đros uô luôs hâux lưv cov huv đros ntơưv Nam su đan./.

                                            (Tsu cxêik nhênhv-Theo TTXVN)

 

 

Shông 2019 kinh tế têz qơưk tror tsar ndê njuôk xav 7%

 

 

Nuk: Uô li thor cox heik pâuz mê njik zov, pov cov cxuô lok ciêz đrôngs nhiêx txiêx shông 2018 hâur Ủy ban seiz kaz nhiêx txiêx têz qơưk njuôk xav  kinh tế têz qơưk njuôk xav shông 2019 zuôr tsar ndê 7%. Uô li, kror tưs zos pâuz tsênhz lok têx li hei no, thor puz pâuz?

Zơưv Trương Văn Phước: Shông 2018 hlôngr yiêz lok kinh tế, lar heik zos hlôngr yiêz lok tênhx qơư yưv pênhr tưz tâu nthuôr đar đuô. Shông 2019, pêz njuôk xav VN kinh tế zuôr tsar ndê 7% txix phênhz thiêz njuôk xav lok sâuv kinh tế ntiêx têz thiêz hâur têz qơưk. Kinh tế ntiêx têz iz chas cxơưx lok têx tsi jông hâur muôv muôs cux tsênhv tror muôx mak zuôr zôngx ziv thiêz cux zuôr muôx phiv liv. tâu njuôk xav zuôr tsar ndê tsi ntâu li shông 2018. Iz chas co, grê trox yêz ntiêx têz shông 2019 tâu njuôk xav zuôr tsar ndê tsi ntâu li shông 2018. Têx tsênhv chei nhiêx txiêx hâur ntâu têz qơưk (pir li Mỹ) zuôr tiz jông seiz car đuô chiê ngênhx kinh tế Mỹ tuôr truôx phênhv tsar ndê, nhiêx txiêx ntiêx têz trâus pôngz gri cux txo grêk tsơưs, têx tsi jông hâur ngênhx kinh tế nhiv kruôr huôv tsar cux txo grêk, grê trox yêz tsi ndê ntâu....zuôr muôx têx chei paz trâu kinh tế VN hâur shông 2019. Têx txơưr txar hâur ciêz đrôngs hâur têz qơưk cux tâu njuôk xav zuôr muôx ntâu cêr paz trâu tsar ndê kinh tế hâur shông 2019, co zos: Tsênhv chei paz cxơưz kinh tế xiz nênhs, hlôngr yiêz trâur nuv tsar ndê, tênhx qơư uô lax luôv tror tâu hlôngr yiêz.... Co zos têx qir tiv chênhr mak pêz tso tơưv lok njuôk xav kinh tế VN tsar ndê 7% hâur shông 2019, têx nhiêx txiêx  trâus pôngz gri tsơưs đuô 4%.

Nuk: Têx ngênhx công nghiệp tsiv uô thiêz dịch vụ tâu jênhv tinhv zos têx jông thiêz zov chênhr trâu chuôz tsar kinh tế shông 2018. Uô li, hâur shông 2019 no tuk đaz tsi zuôr zos kror jông trâu chuôz tsar kinh tế, thor cox heik pâuz?

Zơưv Trương Văn Phước: Pêz xar, txơưv txo grêk taz sik công nghiệp tsiv uô thiêz dịch vụ cux tsênhv muôx ntâu kror jông chiê huôv tsar hâur shông 2019. Shông 2018 kôngz nuv huôv tsar jông taz sik nhoz 2, 3 luz hlik hâur kaz shôngk shông muôx têx txo grêk, tiv tênhx qơư ntiêx têz uô hiêv txos. Đros thiêz têx tsênhv chei hâur six hơưv đhâu, tsuv muôx têx li heik co chiê pâuz tsênhz hâur ngênhx  kinh tế li chas. Heik cxuô, kinh tế VN tsar ndê hâur shông 2019 zos jông thiêz tâu 7%.

Nuk: Uô li trơưk cox, kror tưs zos têx phiv liv yax hâur kinh tế têz qơưk hâur shông 2019?

Zơưv Trương Văn Phước: VN cêr phiv liv nhoz hâur têx phiv liv ngênhx kinh tế ntiêx têz, tiv pêz tưz sik côngv trâu ngênhx kinh tế ntiêx têz. Ntiêx cêr cxơưx lox yax nhiv no zos cuz nxor lok muôv muôs thâuv tưs cux muôx 2 tos, viv Mỹ-Trung têx cêr cuz nxor lok muôv muôs zuôr uô tsi jông txos VN cêr muôv muôs txix phênhv tsar ndê 5% ntâu shông 2017 tưz grêk yuôr 4% ntâu hâur shông 2018, têx njuôk xav no tso pov VN cêr muôv muôs, lax luôv shông 2019 zuôr tror txo grêk nhos 4%. Pêz zos iz ngênhx kinh tế krêz đar hâu cêr thiêz pêz li cêr chuôz tsar kinh tế khov ntâu lok muôs têx xiv huv trâu luôs 2 chas têz qơưk đrâuv, zos sâuv ntiêx têz txo grêk, thâuv co têz qơưk têx xiv huv muôs trâu luôs 2 chas têz qơưk đrâuv zuôr njiz phiv liv. Co zos têx  phiv liv, thiêz phiv liv lox đuô zos pêz tsưr ziv tuôr xav, fiv đros trâu têx tsênhv chei ntơư li chas? chiê yưx tâu têx tsi jông thiêz phiv liv co por tsês.

Thor uô cox tsâus ntâu, tưz tsês six hơưv, hnuz nhôngs đros pêz thav  lok têx li heik sâuv!

(BTS-Riê Lâux cxeik, nhênhv)

 

 

 

Điện Biên du lix tsênhv taz tov huôv tsar

 

 

          Hâur oz pêz shông đhâu lok no, tsôngv kruô tuôx ndis shuôk têz qơưs trâu cxuô thax tsav qơư di tích têz qơưs ziv hnuz ziv tsar ndê siêz. Xav hâur shông 2016 tưz muôx txos 310 cxênhz lênhx kruô; shông 2017 tsôngv kruô tsar ndê 380 cxênhz lênhx thiêz xav tas shông no, muôx xar txos 400 cxênhz lênhx kruô. Zơưv Lê Văn Quý, phó chủ tịch tỉnh Điện Biên hêik pâuz tiêk: Trơưk li njuôk xav hâur shông 2019, tỉnh Điện Biên zuôr muôx 800 cxênhz lênhx kruô tuôx ndis shuôk; hâur ntơư muôx 180 cxênhz lênhx zos tsôngv kruô oz chas têz qơưs; sâu tâu txix cxuô luôs hâux lưv huôv tsar uô du lix zuôr sâu tâu lok 1.360 tỷ đêiv nhiêx, tsar ndê 10% pir li shông uô ntêx.

          Hâur shông đhâu mak pêz cux sir jos huôv tsar cxiv uô vax tsêr du lix, tsưr tsix txuôk đros cxuô lênhx sđ muk sêiz shuôk têz qơưs uô si thiêz hêik kriê tsôngv kruô oz chas têz qơưs tuôx sêiz shuôk txos Điện Biên thiêz hêik kriê tsôngv kruô sđ pâuz txos Điên Biên”

          Trơưk li sở vênhx huôv du lix tỉnh Điện Biên hêik pâuz: bax trâu jiês chiv nhênhv 65 shông tir ntâuk zênhx tros châuz Điện Biên phủ; tsuv huôv tsar truôx du lix lịch sử, zôngx ziv trâu tsôngv kruô tuôx ndis shuôk zôngx ziv thiêz hâur shông 2019, đơn vị tsênhv zuôr tso tơưv cxuô luôs hâux lưv chiê tror cxiv kho đuô cxuô thax tsav qơư du lix cov jông jav đuô thiêz huv đros. Zơưv Nguyễn Anh Đạo nhoz sở vênhx huôv tỉnh Điện Biên hêik pâuz:

           “Cxuô luôs hâux lưv muôz pênhr nhiêx cxiv uô zos tror kho đuô cxuô thax tsav qơư di tích thiêz cxuô thax tsav qơư du lix cov jông iz zav li ntu đrav ntêx thiêz têx côngz trênhx thâuv uô tâu chox lok sir zôngv tsuv uô cov truôx zos đrêiv dli di tích lịch sử  đrav ntêx”

          Taz sik, nhiv no du lix lịch sử Điện Biên cux tsênhv huôv tsar uô tsik tâu truôx pês tsơưs. Viv hâur 45 thax tsav qơư di tích tir ntâuk zênhx tros châuz Điện Biên phủ mak nhiv no nhiv kruô cxiv kho tâu 7 thax tsav qơư thiêx huôv tsar tau truôx. Pos Nguyễn thị Thanh Hương, phưv tổng cục trưởng tổng cục du lix, Bộ vênhx huôv xav tiêk:

           “Điện Biên tsuv chêx chôngk huôv tsar cxuô zav hax huv du lix; kror tiv oz zos lênhx nênhs cxươz cxiz huôv tsar uô du lix Điện Biên cux li lênhx nênhs hêik kriê lok cxuô thax tsav qơư  du lix, tsuv cơưv đhâu tsêr cơưv, muôx tsưr ziv, txux chiê siêz”

          Tâu tsôngv px cxuô hêir nênhs thiêz hâu nov tỉnh Điện Biên sir jos moz siêz huôv tsar uô, txơưv li chas, luôs hâux lưv huôv tsar du lix hâur thax tsav tỉnh tsênhv ziv hnuz ziv huôv tsar tâu truôx huv đros thiêz tsiv nhos zos thax tsav qơư nto bê ntâuk zênhx tros châuz Điện Biên phủ./.

                                                    (Tsu cxêik nhênhv-Vũ Lợi, TTTB)

 

 

 

 

Hâur shông, chuôs njiz lênhx tưr thik tâu jông Pencak Silat ntiêx têz

 

 

Đhâu sik tưr thik Pencak Silat ntiêx têz 2018 ntơưv Xinh ga po đros thiêz thik tâu pax cuz, Quàng Thu Nghĩa lok shuôs tsêr 2, 3 hnuz ntơưv suôv qơư chos ntâu tsơưz, txir mo môngk jok Tô Pang, xã Chiềng Pằn, huyện Yên Châu, tỉnh Sơn La. Nghĩa lok six shir phaz viv zuk tiz nênhs tưz đros paz trâu VN têx tuz nxeik hluôk sil tưr đros luôs 2 chas thax tsav sâuv ntiêx têz  tâu jông, lar heik zos cux paz uô chi cax zuk thax tsav qơư nhoz suôz bê.

Pencak Silat zos jax txux chi ntâuk têl tơư shâuv trơưk luôs 2 chas têz qơưk đrâuv lol hâur  VN thiêz yênhx VN iz hâur têx jax txux chi zov chênhr sik đros luôs 2 chas têz qơưk sâuv ntiêx têz tưr thik. Đros thiêz txir nênhx cux li pox niêv, co zos iz jax buôk ti siz tưr ntâuk têl tơư, tsuv muôx txux chi tsưr ziv, đas jos, sei đrơưv thiêz siêz truôx, uô trơưk têx cui tinhv hâur têx jax thik. Txơưv tiêk nzor muôx txux chi, đas jos jông thâuv tsênhv cơưv ntơưr cxênhx 2, taz sik đros thiêz Nghĩa, iz jax txux chi li no zos lok six yiêz, thiêz xưk li zos zuk hmôngr:

“Tsênhz tiês xuz thơưx cur cux tsi pâuz txos jax txux chi no zos đaz tsi. Hâur cur siêz tsênhv xar tiêk, muôx têx chor cưk kriê xeir zuôr cur tuôx chiê tror đhiê siêz xưz, cur cux xar li co, cur tsi pâuz jax no zos jax ntâuk têl tơư. Cur qir cơưv shâuv jax txux chi no txix shông 2013 lok”.

Shông 2013, thâuv nhiv kruôr cơưv ntơưr lớp 8, Quàng Thị Thu Nghĩa tâu Tsênhv qơư kriê shâuv thiêz sik tưr thik têx jax txux chi vênhx huôv tỉnh Sơn La xeir nhoz hâur têx lênhx thik jax txux chi Pencak Silat tỉnh. Cê cơưv ntơưr, cê cơưv shâuv têx txux chi ntâuk têl tơư, cux li hâur six hơưv, hnuz nhôngs cơưv shâuv, sik tưr thik, Nghĩa njiz tsi tsơưs têx moz gênhs thiêz tsuv nhoz kho moz ntơưv tsêr kho moz ntâu jiês. Thiêz hur si têx jiês sik tưr thik tsi zênhx, trâus saz hnhar, Nghĩa tưz muôx jiês xar tiêk tso tsês tsi shâuv uô têx txux chi no. Taz sik khov muôx chor cưk kriê ntơưv tsênhv qơư kriê shâuv têx txux chi cêr moz siêz paz max txos, cux li chuôz zis, fôngx zưs  têx luk tôngv zênhx, heik kriê mak Nghĩa ho tror muôx nzir đas jos chiê sir jos cơưv shâuv, hla đhâu têx phiv liv. Pos Quàng Thị Thương, Quàng Thị Thu Nghĩa lênhx niêv heik:

“Xuz thơưx zos lênhx uô niêv uô txir li cur no cux lok six cxơưx, tâu chor cưk kriê nhoz pêv co moz siêz txos mak chuôz zis cux lok six tso siêz. Tưr thik tas jâuv no ho txos lưv jiês txơưr đuô, jux juk Nghĩa cux hla đhâu têx phiv liv, vav chiê siêz tiêk tul nhuôs zuôr tror sir jos cơưv shâuv, hla đhâu têx phiv liv chiê tưr thik tâu jông”.

Quàng Thị Thu Nghĩa tưz muôx jiês cxaz chuôz tưr thik ntâu jiês jax Pencak Silat hâur têz qơưk, thax tsav thiêz sâuv ntiêx têz. Txos iz jiês no, Nghĩa tưz thik tâu 14 huy chương cxuô zav. Ciês shông 2018, zos shông thik tâu 4 huy chương cuz cấp têz qơưk thiêz ntiêx têz. Lar heik, ntơưv jiês thik châu Á shông 2018 tsưr tsix nhoz Ấn Độ, Quàng Thị Thu Nghĩa xênhz shông 1999 tưz tưr thik tâu huy chương cuz. Nghĩa huy chương cuz co tưz paz jông trâu têx tuz nxeik hluôk VN tưr thik tâu hov iz tas nro đoanx. Tsi tiêk li heik co, jê lok no, ntơưv jiês thik siz tưr ntâuk têl tơư ntiêx têz shông 2018 tâu tsưr tsix ntơưv Xinh ga po, Quàng Thị Thu Nghĩa tưz thik tâu huy chương cuz thiêz tror iz jiês thiêz paz lok six jông trâu chor tuz nxeik hluôk VN tưr thik tâu hov 2 tas nro đoanx. Cưk kriê Trần Huy, Phưv tsar phongx Thêv thao -Lênhx thơưx kriê jax txux chi heik sâuv-Tsênhv qơư kriê shâuv têx txux chi thiêz tưr thik tỉnh Sơn La, lênhx paz ntâu đas jos kriê txux chi tsưr ziv trâu Nghĩa heik pâuz:

“Hâur six hơưv cơưv shâuv mak Nghĩa thâuv tưs tưz sir jos cov tưr thik tâu jông. Muôx têx jiês tưr thik tsi yuô tâu trơưk tsưr ziv siêz xar mak Nghĩa ziv sir jos đuô hâur têx jiês tov kaz, txix têx jiês tưr thik hâur têz qơưk, hâur Đông nam Á, Châu Á thiêz hli 12 nhiv kruôr đhâu zos thik tâu hov iz ntiêx têz. Co cux zos kror thik tâu jông yax mak Nghĩa tâu cxaz chuôz. Đhâu têx txux chi tsưr ziv jông thiêz sir jos mak Nghĩa tưz uô tâu trơưk tsưr ziv”.

Nhiv no, iz chas six hơưv cơưv shâuv hâur niêx hnuz ntơưv tsênhv qơư shâuv uô têx txux chi têz qơưk Hà Nội, Nghĩa tsênhv cơưv shông tiv 2-Khoa seiz car thể dục thể thao hâur tsêr cơưv Đại học Thể dục thể thao Bắc Ninh. Lok sâuv zuk têx tsưr ziv siêz xar trâu luz nênhx ntu tov kaz no, Quàng Thị Thu Nghĩa heik:

“Cur tsưr ziv xar, tov kaz no cur xar yênhx iz lênhx nênhs sik đros luôs tưr thik tâu jông têx jax txux chi, cux li yênhx iz lênhx cưk coz kriê shâuv têx txux chi co chiê tror krêz đar nthuôr uô jax txux chi no trâu cxuô lênhx sđ puôr lênhx đros pâuz txos, lar heik zos têx tỉnh tox siêz li pêz Sơn La”.

Đros thiêz têx txux chi tsưr ziv tưr thik tâu jông, Quàng Thị thu Nghĩa hmôngr jông tâu Ủy ban tỉnh Sơn La kruôs zos “Lênhx txơưx njê, muôx txux chi tsưr ziv jông shông 2018; tâu Tổng Cục thể dục thể thao muôz ntơưr kruôs./.

(Đức Anh-Riê Lâux cxeik, nhênhv)