Jax sâu thưr 6, hnuz xiêz 1/7/2016:

Hlôngr yiêz nhoz thax tsav ntus đriv Đắc Lắc

Nhoz thax tsav tox siêz đêz đrôngs, hâur ntu đrav ntêx, 100 ntâu ziv chuôz zis, xar muôx 500 lênhx tsôngv box têx heir nênhs li: Ê-đê, Mnông, Ja-rai, Lào nhoz jok Đrang Phôk luz nênhx puôr lênhx zos khov trâu têx har jôngr, har xuz tsuôs li: Zok tuô têx tsiêx kuk, luôx têz, ntor jôngr chiê chos kôngz lôngk. Shông  2007, lưv lươngv pênhz phax Đắc Lắc tưz uô ntêx nyuôs đros hâu nov ntơưv qơư krêz uô têx par liêx đar muôx 17ha, iz chas cxiv uô têx cưx đês tok đêx lok uô liêx…. Đội côngz xưv zênhx pênhz phax Sê-rê-pốc tưz đros đreiv tsôngv box nox nhoz, đros tsôngv box uô liêx têz, paz lơưr chos, uô blêx liêx 2 chiv iz shông, jux juk truôx tuk luz nênhx. Pos Bun Kẹo Lào, iz lênhx tsôngv box nhoz hâur jok Đrang Phôk heik pâuz:

“ Txix thâuv muôx têz qơưs paz mak  pêz tsôngv box luz nênhx tưz hlôngr yiêz ntâu, tsi trâus yeiz lơưv; nhiv no uô blêx liêx cux sâu tâu nju, ntâu đuô pir li đrav ntêx”.

Tsoz phưz đas jos trâu tsôngv box, hâur 10 shông đrav ntêx, bộ đội pênhz phax Đắc Lắc tưz hu zâuv sđ siz chos paz cxiv uô qơư seiz njuôk shuôs moz bộ đội thiêz tsôngv box trâu ntơưv jok Đrang Phôk, tso canr bôv y tế muôx txux chi, tsưr ziv tuôx uô hâux lưv kho njuôk moz thiêz muôx cxix cxuô chuôz zênhx đros trâu têx yuôx kho chơưv kho moz trâu tsôngv box. Khov li ntơư, jok Đrang Phôk, tưz tsi pov muôx moz uô no, moz suôz liêz huôv xênhz. Tsôngv box tưz pâuz tsưr ziv phax txar jav, tsi nox têx zav nox tsi tâu….Zơưv Y Không, nhoz jok Đrang Phôk heik:

“ Pêz tsôngv box nhoz tox siêz, đrav ntêx muôx moz cux tsi muôx cưk yuôx lok si tsêr kho moz đaz tsi hlo, tsuôk zos uô nênhz seiz xưz. Nhiv no mak muôx têx tuz lênhv pênhz phax 743 tuôx paz, bộ chỉ huy pênhz phax tsi so muôz yuôx tuôx paz kho moz, seiz njuôk shuôs moz. Yuôx kho moz mak tâu muôz tuôx txos ntuô ntơưv tsêr, paz tsôngv box tox siêz đêz đrôngs li pêz kho jông têx moz gênhs. Pêz uô tsâus ntâu hênhr txos têx tuz lênhv”.

Lok sâuv têx tuz lênhv pênhz phax hâux lưv paz tsôngv box, Đại úy Phạm Văn Hứng, chính trị viên Phưv zênhx pênhz phax Sê-rê-pốc  heik:

“ Uô jông hâux lưv vênhv tôngv tsôngv box, huôv tsar uô nox, tsêz chos kôngz lôngk, gra siêz luz nênhx trâu tsôngv box, mak hâux lưv uô tâu zos tsôngv box sđ luz nênhx iz hnuz tsar ndê jux juk, têx tuz nhuôs tâu muk đros luôs cơưv ntơưr cxix cxuô, paz gra siêz txux chi, tsưr ziv jênhv pâuz, jux juk tso tsês têx cêr nênhx pôngz kaz, thiêz tsôngv box sir jos đros têx tuz lênhv pênhz phax tsưx phưv truôx thax tsav đriv têz”.

Khov muôx têz qơưs thiêz têx tuz lênhv pênhz phax cêr  paz, jok Đrang Phôk tưz tâu sir zôngv tênhv tênhz têz qơưs, muôx côngz trênhx đêx xênhz huôx chêx tsôngk, muôx qơư y tế, tsêr cơưv ntơưr trâu têx nhuôs zâu…., tsôngv box luz nênhx ziv hnuz ziv tâu hlôngr yiêz. Zơưv Lê Tiến Dũng, Phưv Chủ tịch UBND xã Krông Na, huyện Buôn Đôn heik pâuz:

“ Đrav ntêx tsôngv box uô liêx têz lơưr têx tsưr ziv kuz thâuv nzor viv li kôngz lôngk sâu tsi tâu nju. Thâuv muôx lưv lươngv paz, lar heik zos têx tuz lênhv pênhz phax kriê tsưr ziv uô nox chiê tsôngv box uô lơưr, txix ntơư sđ luz nênhx tưz tâu hlôngr yiêz thiêz txo grêk tsơưs têx phiv liv ntor luôx jôngr uô liêx têz, tsôngv box tsưr ziv jênhv  pâuz lok por hưv jôngr cux tâu gra siêz, paz taz por tuôr truôx têx jôngr ntông, chiv xênhz đrox tsuôs”.

Jok Đrang Phôk tsuôk zos iz hâur ntâu luz jok nhoz thax tsav ntus đriv tsênhv hlôngr yiêz đros trâu bộ đội pênhz phax Đắc Lắc têx  tsưr ziv, đas paz. Hâur 4 shông jê lok no, pênhz phax Đắc  Lắc tưz tsưr tsix kriê hâur pâuk ntơưr trâu tsôngv box thax tsav ntus đriv, seiz njuôk shuôs moz, muôz yuôx tsi zuôr nhiêx trâu 10 cxênhz ntâu lênhx nênhs, cxiv uô yênhx châuv côngz trênhx trâu tsôngv box thiêz cxiv uô yênhx puô luz tsêr puz trâu têx ziv chuôz zis muôx luz nênhx txov nhêv ntơưv têx xã ntus đriv. Tso nzir têx canr bôv đảng viên muk xênhz huôx ntơưv têx jêx jok, đros tsôngv box nhoz, đros tsôngv box uô hâux lưv paz lơưr uô têx nuv hâur niêx hnuz, têx tuz lênhv pênhz phax đros đreiv tsôngv box, siz chos cxiv tsa, tsưx phưv truôx thax tsav đriv têz. Đại tá Nguyễn Lương Hòa, chính ủy Bộ chỉ huy bộ đội pênhz phax tỉnh Đắc Lắc heik:

“ Pêz xav tinhv hâux lưv vênhv tôngv tsôngv box zos hâux lưv zuôr trâus uô, thiêz zos tsưr ziv chiê fuô kriê uô têx tsưr ziv, nuv txơưr đuô. Sik pheiz kênh têx phiv liv, cêr txov đros tsôngv box thax tsav ntus đriv, bộ đội pênhz phax Đắc Lắc tưz fuô kriê uô lok six ntâu tsaz yênhx muôx liv XH thiêz jông li: Tsaz yênhx uô tsêr sor siêz puz nênhs pluôs nhoz thax tsav ntus đriv, muôz zuz nôngz kôngz, tsiêx cxu paz trâu  nênhs pluôs, tsaz yênhx chuôz cxaz đas jos trâu têx nhuôs muk tsêr cơưv chiê cơưv ntơưr, kriê hâur pâuk ntơưr trâu têx lênhx tsôngv box tsi tâu pâuz ntơưr”./.

( TTTN-Riê Lâux cxeik, nhênhv)

Phênhv thưr 6 hnuz 1/7/2016

Grê 71: Vax huôv tsoz phưz thiêz tu zus

1. Niêv txir muôx vax huôv siz luôs, sik đros tsoz phưz, tu zus teexx mê nhuôs lox hloz tsik tâu yênhx nênhs, mê nhuôs tưz yênhx nênhs, taz sik ho zos nênhs tsik muôx đas jos lox tôngv thiêz tsik muôx cxuô zav chuôz zênhx chuôz tav tu zus zuk.

2. Mê nhuôs tsuv tâu vax huôv tsoz phưz, tu zus niêv txir, tiv zix thâuv niêv txir tsik muôx đas jos dân sự, muôx moz gênhs, lâul, trâus sev khiz luz chêr; Zos tiêk chuôz zis muôx chôngz mê nhuôs, chor nhuôs tsuv sik đros tsoz phưz, tu zus niêv txir.

Grê 72. Tsuv tâu kruôz kriê mê nhuôs

1. Niêv txir tsuv tâu kruôz kriê mê nhuôs, tsoz phưz thiêz paz trâu mê nhuôs tâu muk cơưv ntơưr.

Niêv txir paz muôx tsar tov trâu mê nhuôs uô nênhx nhoz hâur tênhv qơư vax tsêr tsâu sor, siz hluz; zos nênhs uô jông cxuô kror trâu mê nhuôs cơưv shâuv; sik côngv truôx đros tsêr cơưv ntơưr, cơ quan, tsưr tsix hâur kruôz kriê mê nhuôs.

2. Niêv txir yax kriê mê nhuôs xêir hâux lưv uô; tsov cưv txos mê nhuôs li tsưr ziv xêir tsov hâux lưv uô, cxaz chuôz huôx tôngv chinhr trị, kinh tế, vênhx huôv, xã hội.

3. Niêv txir tâu vax huôv hêik trâu cơ quan, tsưr tsix đrâur paz chiê uô hâux lưv kruôz kriê mê nhuôs thâuv njiz phiv liv./.

(Tuyêt Lan-Lik Thox cxêik nhênhv)