Yên Bái paz txưv tsôngv box njiz phêv liv tiv moz Covid-19 taz por trơưk six hơưv, trơưk lênhx nênhs

Paz txưv nênhs lâuk

          Hâur jiês no, huyện Văn Chấn muôx 5 zav nênhs tâu paz txưv, hâur co muôx nênhs muôx côngz đros cơưx mênhv zos 450 lênhx, lênhx nênhs tâu paz txưv xã hội hâur yênhx hli zos 3 cxênhz 200 ntâu lênhx; nênhs zos ziv chuôz zis pluôs, chuôz zis zuôr xar pluôs 35 cxênhz 700 lênhx, chor tsênhv yuôr zos nênhs lox tôngv trâus tso tsês hôx thôngx lox tôngv, hôx thôngx uô hâux lưv, taz sik tsi muôx txâuk theox chênhv paz txưv tsi muôx hâux lưv uô, nênhs lox tôngv sik cir hôx thôngx lox tôngv trâus tsi muôx hâux lưv uô. Chiê taz por hâux lưv thôngz sâu, seiz car, muôz nhiêx paz txưv trơưk lênhx nênhs, tsi uô cxâuv, huyện Văn Chấn tưz chox kriê têx nganhx muôx txơưx jênhv thiêz têx tiv phaz heik cán bộ seiz car, qênhz yuôx cxôngx hâux lưv thôngz sâu chiê thix ziv paz txưv txos hâux lưv muôz nhiêx paz txưv. Zơưv Trần Đình Tứ, Phưv tsar phongx lox tôngv saz pênhz thiêz xã hội huyện Văn Chấn puz pâuz: Txos nhiv no, tas nro huyện tưz muôz 32 tỷ đeiv chiê paz 39 cxênhz lênhx nênhs tâu sơưv, chor tsênhv yuôr mak tror uô hâux lưv paz txưv:

          “Đros têx lênhx nênhs txơưr mak txos nhiv no tsưr tsix seiz car ntâuz ntơưr tưz jênhv tâu 766 ntâuz ntơưr lênhx nênhs lox tôngv tsi cir hôx thôngx, nênhs lox tôngv trâus tsi muôx hâux lưv uô nhoz 16 xã, thị trấn. Đhâu seiz car muôx 400 ntâu ntâuz ntơưr muôx txâuk theox chênhv muôz trâu tỉnh Yên Bái li Tuêv thường trực seiz car, thôngz đhâu”.

          Ntơưv thị xã Nghĩa Lộ, txos đraz hli 5 tưz uô tiêr hâux lưv paz txưv trâu 12 cxênhz 200 lênhx nênhs, đros tas nro chor nhiêx txiêx zos 10,5 tỷ đeiv ntâu, muôx nênhs muôx côngz thiêz nênhs muôx côngz li lênhx nênhs cxênhz jê, nênhs tâu paz txưv xã hội, ziv chuôz zis pluôs, chuôz zis zuôr xar pluôs. UÔ ntêx co, côngz xưv seiz car tưz xav tênhv tsênhz mênhx chiê tsi uô cxâuv, paz trơưk lênhx nênhs, trơưk tsưr ziv. Pos Hoàng Thị Hồng Hạnh, Phưv chủ tịch UB thị xã Nghĩa Lộ puz pâuz: Nhiv no têx lênhx nênhs txơưr, thị xã tsênhv chox kriê têx nganhx thiêz tiv phaz seiz car, thôngz sâu, muôz trâu tỉnh thôngz đhâu hâur six hơưv nzor tiv zix:

          “Hâur cuiz tênhv thôngz đhâu têx lênhx nênhs coar lik li: nênhs muôx côngz, ziv chuôz zis pluôs, chuôz zis zuôr xar pluôs, lênhx nênhs tâu paz txưv xã hội mak tsuv seiz shuôk cov jông. Tiv 2 zos chuôz tsar tuêv dân phố jêx jos li seiz car chiê uô cov jông. Đros thiêz 4 zav nênhs tsênhv yuôr mak pêz tsênhv tror uô jông hâux lưv seiz car chiê taz por trơưk tsưr ziv, lênhx nênhs txưv zênhv heik kriê tsênhz mênhx thiêz tuêv dân phố, jêx jos, xã phường seiz car, thị xã thôngz đhâu”.

          Đhâu thôngz sâu, tỉnh Yên Bái muôx 5 cxênhz ntâu lênhx nênhs muôx côngz đros cơưx mênhv thiêz 24 cxênhz ntâu lênhx nênhs tâu sơưv paz txưv xã hội tsênhv tâu paz txưv hâur yênhx hli; chor ziv chuôz zis pluôs thiêz chuôz zis zuôr xar pluôs zos 195 cxênhz ntâu lênhx. Đrâuv têx lênhx nênhs no, sâuv thax tsav tỉnh tsênhv muôx zuôr xar 6 cxênhz 900 ziv chuôz zis muôv muôs muôx phênhv sâu tsi nto 100 tsov đeiv tsuv tso tsês tsi huôx tôngv thâuv muôx moz covid-19 huôv xênhz. Têx lênhx nênhs lox tôngv tsi cir hôx thongx lox tôngv, taz sik tsi muôx txâuk theox chênhv jênhv bảo hiểm tsi muôx hâux lưv uô zos 2 cxênhz lênhx. Nênhs lox tôngv tso tsês hôx thôngx, so hâux lưv tsi tâu shơưv nhiêx shar ntơưv têx doanh nghiệp zuôr trâus tâu paz txưv zos 5 cxênhz ntâu lênhx....Đros thiêz têx cấp, nganhx, tiv phaz li sir jos, côngz xưv paz txưv têx lênhx nênhs trâus zênhr shar tiv moz covid-19 tưz thiêz tsênhv tâu Yên Bái uô jông trơưk lênhx nênhs, gôngr phênhv cxơưz tiês hâux lưv hôx phưx luz nênhx, hôx phưx uô xênhz yar kôngz nuv đhâu têx trâus zênhr shar tiv moz huôv xênhz./.

(Tuấn Xuân- Txâur Vax cxeik nhênhv)

Tsưr ziv chos thiêz tu têx txir lưk hmaz lok zos txir Lol Tsuôk

Vax txir lưk hmaz

Têx txir lưk hmaz co hloz lox jông, muôx ntâu hmaz thiêz hloz sei, zos txiêr têx hmaz tsi so thiêz uô tâu trơưk li tsưr ziv kriê mak zuôr tơưs ntâu pax.

Bax ar chos:

Têx ar têz chos zav txir no tsi thav zos ar têz jông, tsuôk zos têx liêx têz ar nxênhr, tsi muôx đêx tênhr. Uô ntêx thâuv zuôr chos, sđ tsuv đoz, suô hur si têx đrox, huk cov têx ar tiêx thiêx jông mul lok shuôs thiêz tu tsoz lưk hmaz, zos ar têz nxaz mak sđ muôz huk uô têx caz cov đêx ntưk tâus, đêx thiêx tsi cuôr yôngz têx ar têz.

Kror chos khơưz đar iz đok ntâu, toz iz đok ntâu, muôz ar tor shơư trâu 20 cir qir tsiêx cxu tưz tsês ntêr thiêz kruôr, đros trâu 03-05 cir qir supe lân thiêz iz điêr têx yuôx cxiz, por hưv tsoz zuz câuk txir đros trâu mê njik hmôngr jêz siz. Đhâu muôz têx li heik sâuv tor siz shơưk tâu mak sđ muôz tso trâu hâur kror, vâuv tsês li co iz luz hlik uô ntêx thâuv zuôr chos.

Six hơưv chos thiêz chos li chas

Cux seiz thax tsav qơư chos co li chas, ar jông lok tsi jông, nxaz lok tsi nxaz chiê chos thiêz uô txax trâu huv đros.

Six hơưv chos tsoz txir lưk hmaz muôx têx chos tâu hâur niêx shông, taz sik jông đuô hur si zos txix thâuv hli 4 txos hli 6 hli ntiêx têz. Thâuv luz six hơưv co zos six hơưv ntux nhiv kruôr nzênh trâu cheix ntux nas, Tsoz chos hloz lox jông đuô thiêz tsi yuô zưs ntâu đêx.

Tsưr ziv tu:

Zưs đêx: Tsoz txir lưk hmaz zuôr trâul txos ntâu đêx, taz sik ho tir tsi tâuk đêx, tsuv tsi so qênhz shuôs sêz pok nông thiêz zưs đêx cov huv đros, lar heik zos thâuv ntu nhiv kruôr hlar, nrâu têx câuk đhâu sâu đê tas têx txir, ntu nhiv kruôr tơưs pax txi txir ntơư txos trâu thâuv sâu đê chor txir. Hâur cheix ntux kruôr muôx têx sđ zôngv chor xuô blêx, kuôr blêx.... lok vor trâu têx hâur pâuk txir.

Nthuô, đoz đrox: Nthuô, đoz đrox tsi so, tsơưs tsơưs 4-5 jiês iz shông, tsi so txiêr yiz têx hmaz, blôngx cov nkra đris, txo grêk tsơưs tâu têx caz hmoz tho nox uô ruôr hiêv.

Txiêr yiz têx hmaz, blôngx: Thâuv tsoz txir lox siêz muôx nhos iz thiêr ntơư, mak sđ muôz njik đê por tsês chiê txox hmaz nrâu, hlar đuô lưv txox hmaz mok, hưv tsês têx txox lox, jông gâux.

Thâuv chor hmaz txir qir ndê pur tas trâu luz txax, sđ tsuv tsi so txiêr yiz têx hmaz mê, tsi yuô jôngx gâux, trâus caz hmoz tho nox ntơư por tsês. Đhâu sâu đê têx txir tas, chiê chiv tov kaz txi txir ndư, sâu đê tâu nju, tsuv muôz têx txox hmaz tưz txi txir txiêr por tsês. Zuôr txox hmaz lox thiêz têx txox hmaz mok tuôx hâur ar tuôx trâu sâuv luz txax xưz. Đhâu iz ntuk, tsoz txir lưk hmaz zuôr hlar têx câuk yiêz thiêz mok tuôx, chor câuk co thiêx zos têx câuk thiêz hmaz jông./.

(Thu Thùy-Riê Lâux cxeik, nhênhv)