Jax 1: Cêr pôngz siêz nhoz têx qơư sik txênhz ar

Jok Ma Lù Thàng, xar Huổi Lèng, huyện Mường Chà, tỉnh Điện Biên tưz đhâu 3 shông, cêr pôngz ziêz cux tsênhv muôx nhoz đrêiv. Zơưv Shôngx Sái Dơ, mênhx xưx Hmôngz, zus shông 1950 luz tsêr ntông zâu kror trôngx cơư trơưr njiês nti xưk li nhiv kruôr muôs nênhs tuôs tsik ntêr. Zơưv zos iz hâur 3 lênhx nênhs trâus tuôs nhoz txuz án phiv liv ntơưv Ma Lù Thàng thâu hâur shông 2017, uô 4 lênhx nênhs tuôs. Tsuôk tiv sik txênhz thax ar têz mak yênhx txuôk tưz tsuôr trâus niêv txir thiêz tuk cưr nzơưs. Lơưr Shôngx A Hí, zus shông 1997, zos Shôngx Sái Dơ tưz tuz tiv 7, nênhs uô muôx yưv phiv liv no trâu chuôz zis đhâu ciês co cox tưz nox yuôx tuôs. Thax ar têz sik txênhz pâur txix 4 lênhx nênhs co jiês no trâus tso khôngz. Thax ar têz no Hí cux tsik pâuz shor lox đar bâuv li chak, ntus têz txix kror tưs, shor zuôr txos no puôk tror muôx siz txênhz thiêz tuô tuôs nênhs nzir lơưv? Tsuôk pâuz, tsênhv lok six cxơưx trơưr hâur siêz xưz, thâuv tưz tsik zos Shôngx A Hí ziv chuôz zis xưz mak tas nro jok Ma Lù Thàng, lênhx tưs cux tsik tâu muôx ntơưr muôx qênhx sir zôngv ar, phênhz tsênhz mênhx zuk thax ar têz lox đar li chak ntus têz txix tưs: “Nhiv no yuôr cur xưz, cur tsênhv hluôk cux tsik tâu pâuz uô đaz tsi, luz nênhx cux txov nhêv hênhr. Thax ar têz sik txênhz co mak cur cux pâuz tsik tsênhz viv li cux tsik tâu car uô, nhiv no tsês khôngz xưz. Lok ntơưr ar têz mak ntơưv jok no tsik tâu muôx lênhx tưs uô hlo, têx ar têz thiêz ar uô tsêr nhoz lok cux tsik tâu muôx”.

4 shông cux tưz đhâu, Làng Cài, xar Lâm Giang, huyện Văn Yên, tỉnh Yên Bái cux tsênhv ndo njôngr. Zar hnuz kêix 12/8/2015 cux tiv siz char siz chês txix sik txênhz ar têz, Đặng Văn Hùng, 25 shông, tưz uô hiêv txos 4 lênhx nênhs hâur iz chuôz zis. Lênhx tưs hnor hêik txos txuz hâux lưv no mak cux nyêi, tsik pâuz tiêk shor tiv li chak tsuôk txix têx ar têz nhoz đêz pêv têx ntus jôngr mak zuôr tuô tuôs nênhs li co! Hok chor nênhs uô hâux lưv tu plâuz ntơưv tiv phaz mak cux xar tsik tâu tiêk têx hâux lưv no zuôr muôx yưv phiv liv li co txơưv tiêk uô ntêx co iz ciêz, zơưv Phan Văn Chung, zos nênhs trâus hiêv txir, zơưv txir tưz hêik trâu chính quyền pâuz lok oz txir tuz Đặng Văn Hùng têx luk hêv: “Cur tưz hêik trâu tsar jok pâuz tiêk zoưv Mừu oz txir tuz hêv, tsik khênhr uô, thâuv co mak tsar jok thiêz Bí thư chi bộ hêik tiêk tâu lơưv, zos nênhs hâur tsêr nhoz siz jê mak max mav hêik xưz tsik cxoz uô muôx yưv yênhx têx hâux lưv lox”.

Cux ntơưv Văn Yên (Yên Bái), hnuz 28/4/2019, Nguyễn Văn Mạc, zus shông 1968, nhoz ntơưv jok Trung Tâm, xar An Bình tưz xuôk triêv tuô tuôs oz lênhx nênhs cux tiv zos sik txênhz ar. Zos xor xưv muôx tsơưs nhoz pêx xênhv tox siêz. Tưz tsik zos uô trâu sơưr đơưk thav txos ntâu, chor txuz án tuôs nênhs muôx yưv txix sik txênhz ar tsênhv uô trâu sơưr đơưk cxơưx hlo. Thượng tá Nguyễn Trọng Chức, Trưởng phongx An ninh đối ngoại-Công an tỉnh Yên Bái puz pâuz: “Lưx lươngv Công an li phiv liv thâuv tu plâuz cik txos đêx ar zos tsik tâu cxaz chuôz thiêz pâuz ciês txix thâuv piz muôx yưv, ntâu txuz tưz zênhx sik txênhz txos ntu phiv liv thiêz tưz muôx yưv trâus saz trâus tuôs nênhs lơưv”.

Thượng tá Điêu Chính Huyến, Phưv Trưởng Công an huyện Mường Chà, tỉnh Điện Biên cux hêik tiêk: Hâux lưv sêiz car đêx ar tsik tâu truôx txix tiv phaz, tiv zix zos tsik tâu muôx ntơưr muôx qênhx sir zôngv ar trâu pêx xênhv zos qir tiv uô muôx yưv siz txênhz, siz pênhr truz ntêr cik txos đêx ar, txix co uô trâu chor ziv chuôz zis, tiz nênhs tsik thôngx siêz, siz pênhr hla đhâu thênhv, chôngz nênhs uô muôx yưv tsik ngaz tuk xar hôiv: “Đhâu txuz hâux lưv ntơưv Ma Lù Thàng, pêz xav jênhv no zos qir tiv muôx yưv sik txênhz, uô tuôs nênhs. Viv pox nhuôs nhoz no uô têz lơưr tsưr ziv, uô iz oz shông ar tsuôs mak tsês ar têz khôngz oz pêz shông mav ho tror luôx uô. Thiêz chính quyền tiv phaz li hâux lưv sêiz xar đêx ar, zos tsik njuôk hov, muôx ntâuz ntơưr mak zuôr muôx yưv siz txênhz, siz pênhr uô phiv liv txos tsik ngaz tuk”.

Têx txuz án phiv liv tuôs nênhs zov chênhr cik txos sik txênhz ar ntu đhâu nhoz têx tỉnh Tây Bắc tưz puz pov têx phiv liv tsik jông hâur hâux lưv sêiz car tsik tâu đêx ar, uô tsik tâu ntơưr muôx qênhx sir zôngv ar trâu pêx xênhv txix ciês ntơưv tiv phaz./.

(TTTB-Lik Thox cxêik nhênhv)