Lai Châu: pêx xênhv txar qơư nhoz yiêz muôx tsik txâuk đêx sir zôngv

Đhâu ciês coz nas lok nzor hâur shôngk shông, cux zos six hơưv chor jok nhoz yiêz Chiềng Na, Thền Chồ, Thèn Nưa, thị trấn Phong Thổ muôx nzir đêx yiêz chiê sir zôngv hâur luz nênhx. Taz sik, đêx pêv hâur ntưk lok ziv ntâu mak đêx xênhz huôx hax zav tsik hur, trâus têx vuôz tsuôz kiêk nênhs. Qir tiv zos pêx xênhv nhoz thax tsav pêv hâur đêx nquôr têx đêx xênhz huôx ntưk lok trâu têx cưx đêx thiêx uô trâu têx đêx sir zôngv ntơư trâus vuôz tsuôz kiêk nênhs. Qênhx shênhx no tưz muôx hâur 10 ntâu shông lok no, taz sik cux tsik tâu sêiz car truôx.

Zơưv Lâm Văn Phiếu, nhoz jok Chiềng Na hêik: txix thâuv txar lok trâu jok yiêz txos nhiv no tưz 10 ntâu shông lơưv, taz sik pox nhuôs tâu sir zôngv đêx hur huv vêv xênhz tsuôk zos phênhv tsơưs. Chêix ntux kruôr tsik muôx đêx, pox nhuôs tsuv sir zôngv thôngz chiê muk thâuv đêx lok zôngv, hok chêix ntux nas muôx đêx taz sik ho đro tsik hur. Cux zênhx pâuz tiêk chor đêx nhoz têx cưx đêx liv muox ntâu vuôz tsuôz tsik hur, têx thâuv tsênhv muôx têx têik yuôx tsuôs đrox shơư đros, taz sik pox nhuôs cux lav sir zôngv. Zơưv Lâm Văn Phiếu hêik:

“Pêz cux zênhx pâuz tiêk đêx tsik taz por vêv xênhz. Viv nhoz pêv hâur pêx xênhv uô liêx, zôngv yuôx tuôx đrox, tuô caz, muôz chor têiv trâu yuôx por trâu hâur đêx, taz sik tsik pâuz uô chak tsuôk lav sir zôngv chor đêx co xưz”.

Shông 2006, zuôr xar 200 ziv chuôz zis nhoz thax tsav cxiv uô pak đêx tênhv Sơn La, tâu txar lok nhoz ntơưv 3 luz jok Chiềng Na, Thèn Nưa, Thền Chồ, thị trấn Phong Thổ. Ntơưv no, pêz luz jok tâu yưv pênhr uô thiêz zôngv uô cê iz côngz trinhx đêx hur thiêz sir zôngv đêx kuôk co muôx 1 cêik cêr. Taz sik, thâuv côngz trinhx tâu uô tiêr, tsuôk muôx mê njik đêx ntưk lok trâu pak tsês chiê 10 ntâu ziv chuôz zis nhoz iz ndis ntơư sir zôngv hâur iz ntu tsik ntêr. Chor chuôz zis txơưr đuô mak tsuv zôngv đêx hâur cưx đêx liv tiv tsik muôx đêx txâuk đêx. Qir tiv tâu pêx xênhv nhoz no puz pâuz zos tiv côngz trinhx tâu yưv pênhr uô tsik taz por tsơưr lươngv, qênhz yuôx hâur đêx tsik truôx jông, viv li đêx ntưk lok tsơưs, côngz trinhx sir zôngv tsik tâu muôx iz hli tưz tsik jông tas. Zơưv Lâm Văn Minh, tsưr jok Chiềng Na, thị trấn Phong Thổ puz pâuz:

“Pêz txar lok txix shông 2006, phênhv ntâu pêz 3 luz jok puôr lênhx zôngv đêx hâur cưx đêx liv chiê xênhz huôx. Hok đêx hâuk, zôngv uô jâuz mor mak pêz zuôr thôngz lok chor muk gra đêx txix kror đêx nhoz txox cêr muk trôngx đriv. Xar hêik trâu Ban sêiz car dự án nriêr hâur đêx yiêz lok trâu pox nhuôs chiê muôx tâu đêx sir zôngv”.

Tso tsês côngz trinhx tok đêx cxiv uô tas yênhx tỷ nhiêx, txix dự án txar qơư nhoz yiêz, shông 2013 txix phênhv pênhr đêx hur jêx jok, Tsênhv qơư đêx hur thiêz vêv xênhz tênhv qơư jêx jok tiv phaz tror yưv pênhr uô côngz trinhx đêx hur trâu pox nhuôs txar qơư nhoz yiêz ntơưv no. Taz sik iz jiês thiêz côngz trinhx đêx hur no tsuôk txâuk phưx vưv trâu xar muôx 10 chuôz zis, thiêz tsik tâu muôx iz luz hli, côngz trinhx tưz tror tsik muôx đêx thiêz tsik jông tas. Txos nhiv no, txơưv pox nhuôs tưz hêik ntâu jiês trâu chor cơ quan muôx vax huôv thiêz chính quyền tiv phaz, taz sik têx luk têz cux tsuôk zos nhoz sâuv ntơưr xưz. Zơưv Đèo Văn ninh, phưv chủ tịch UBND thị trấn Phong Thổ, huyện Phong Thổ puz pâuz:

“Lok côngz trinhx đêx hur, xuz thơưx trâus puôk tsuôx zos tiv đêx cuôr tas car đêx. Côngz trinhx tiv oz đhâu thâuv uô tiêr pêz cux yênhx lix tổ chiv chir sêiz car, taz sik cux tsik txâuk đêx viv li pox nhuôs cux tsuv zôngv đêx hâur têx cưx đêx. Pêz cux hêik trâu UBND huyện thiêz UBND huyện cux sêiz shuôk muôz pênhr chiê yưv uô chaz đêx txix Công ty đêx hur trâu pox nhuôs sir zôngv”.

Pêx xênhv txar qơư nhoz yiêz chor côngz trinhx đêx tênhv sâuv thax tsav tỉnh Lai Châu luz nênhx tưz muôx ntâu hlôngr yiêz. Taz sik, têx côngz trinhx yưv pênhr uô cux tsênhv yuôr ntâu kror phiv liv; hâur ntơư zos têx côngz trinhx tok đêx cxiv uô tsik tâu truôx, px tsik muôx txâuk đêx hur sir zôngv hâur luz nênhx. /.

(Khắc Kiên-Lik Thox cxêik nhênhv)

Cxơưz tiês huôv tsar đảng viên pox niêv heir nênhs tsơưs

Huôv tsar đảng viên pox niêv heir nênhs tsơưs nhoz thax tsav tox siêz faz Bắc hâur ntu đhâu zos iz luôs hâux lưv zov chênhr tâu cấp ủy cxuô cấp moz siêz txos, uô jông chiê paz gra siêz tsưr tsix cơ sở đảng txux chi tsưr ziv chox car thiêz lês uô truôx cxuô luôs hâux lưv tso tơưv. Chênhr viv li, hâux lưv huôv tsar đảng viên pox niêv tâu moz siêz, lês uô tâu jông. Taz sik, pir li zoz qơưx, nhoz iz cxiê thax tsav qơư cux tsênhv uô tsi yuô tâu luôs hâux lưv co. Nhoz iz cxiê suôv qơư, chor đảng viên pox niêv lok six tsơưs, muôx têx chi bộ tưz tso tsi tâu iz lênhx pox niêv tưs nhoz hâur đảng viên hlo.

Thiếu tá Lã Quý Bằng, lênhx tưz muôx six hơưvv, hnuz nhôngs ntêr uô hâux lưv ntơưv Zênhx pênhz phax Mường Nhà, huyện Điện Biên, tỉnh Điện Biên heik pâuz, txơưv tiêk xã tưz muôx Nghị quyết lok hâux lưv huôv tsar đảng viên hâur thax tsav tsôngv box heir nênhs tsơưs, lar heik zos huôv tsar đảng viên pox niêv, taz sik luôs hâux lưv huôv tsar đảng viên nhoz Na Tông tsênhv njiz ntâu phiv liv. 6 luz hlik hâur shôngk shông 2017, tas nro tỉnh Điện Biên xeir tâu 1.266 lênhx nhoz hâur đảng viên, hâur ntơư đảng viên pox niêv tsuôk muôx 473 lênhx đôngx chir.

Đôngx chir Phàn Sành Phấu, Bí thư Đảng ủy xã Nậm Ty, huyện Hoàng Su Phì, Hà Giang cux heik pâuz, Đảng bộ xã muôx 333 lênhx đảng viên, taz sik chor đảng viên pox niêv heir nênhs tsơưs tsuôk tsav 20%.

Qir tiv huôv tsar đảng viên pox niêv njiz ntâu phiv liv, xuz thơưx zos viv txux chi kis. Muôx têx xã, jêx jok đêz đrôngs mak têx pox niêv ho tsi pâuz nhênhv, tsi pâuz sâu thiêz tsi tsơưs lênhx pox niêv heir nênhs tsơưs tsi pâuz luk Choz Tsiz. Luz nênhx txov nhêv, muôx kênh thax tsav qơư cux tsênhv tuôr tsês têx cêr nênhx pôngz kaz li: Siz zuôr nzor, xênhz zus ntâu mê nhuôv..... Thiêz lơưr cux tsênhv seiz hloz txos txir nênhx, tsi yuô moz siêz txos têx pox niêv, tuk pox niêv thâuv tưs txux chi tưz zuôr kis đuô tuk txir....... cux zos iz kro uô trâu têx pox niêv tsi moz siêz, tsi xar sir jos.

Tsênhz tiês tso pov, xar cxơưz tiês luôs hâux lưv huôv tsar đảng viên pox niêv nhoz thax tsav tsôngv box heir nênhs tsơưs thiêz tox siêz, cxuô cấp ủy Đảng tsuv xav tinhv đảng viên pox niêv heir nênhs tsơưs li pưs txux zov chênhr. Hâur ntơư, moz siêz txos xeir zuôr, kriê cxaz txux chi tsưr ziv trâu têx pox niêv chiê huôv tsar đảng viên. Sir jos uô jông cxuô cấp ủy luôs hâux lưv chox car hâur côngz xưv vênhv tôngv tsôngv box sđ thiêz cxiv tsa têx đoanx thêv cov truôx vênhk.

Đôngx chir Phan Bá Hùng, Phưv Ban tsưr tsix Tỉnh ủy Điện Biên heik pâuz hâur six hơưv zuôr txos, Điện Biên moz siêz lês uô jông luôs hâux lưv heik sâuv, gra siêz Mặt trận tổ quốc thiêz têx đoanx thêv nhoz ntơưv qơư li tsơưr lươngv têx nuv uô, uô jông hâux lưv zoz zux chính trị, siêz xar, tsưr ziv uô nênhx trâu têx hluôk nênhs, hội viên. Sir jos uô jông Mặt trận tổ quốc thiêz têx đoanx thêv li hâux lưv hâur yax kriê, vênhv tôngv têx hluôk nênhs, pox niêv vir ndâuk sđ sik tưr huôv tsar uô nox uô hnhar, cxuz cêr yeiz pluôs, cxiv tsa jêx jok yiêz, tuôr truôx txiv ngaz, ngaz tuk XH. Đhâu ntơư xeir tsov tâu têx lênhx nênhs tsiv txiêx, chor pox niêv uô tâu hâux lưv jông chiê tso nhoz hâur Đảng.

Trơưl li zơưv Hoàng Đình Thu, Vụ tsar Vụ cxiv tsa cxix luôs chính trị, Ban chox kriê faz Bắc, hâur ntu zuôr txos, têx tỉnh thax tsav faz Bắc tsuv tror heik cấp ủy cxuô thax tsav qơư uô lơưr jông Đảng, têz qơưk têx chei, cui tinhv lok huôv tsar canr bôv pox niêv, hâur ntơư zov chênhr zos huôv tsar đảng viên pox niêv zos canr bôv thiêz lox tôngv. Lar heik zos têx pox niêv heir nênhs tsơưs nhoz thax tsav tox siêz đêz đrôngs./.

                          (KT Tạp chí XDĐ-Riê Lâux cxeik, nhênhv)