Jax sâu thưr 7 hnuz 2/7/2016

Tsôngv box Hmôngz li chor ntâuz trâus lâus zaz zâuv tsôngv kruô sêiz shuôk

Thâuv tuôx ndis shuôk ntơưv chor jêx jok nhoz Sa Pa, tsôngv kruô hâur thiêz đrâuv têz qơưk lok six nhiêv chor trik yo tâu chor pox niêv Hmôngz uô. Tas nro txix muôz ntuôs lok sơưk uô yênhx ntâuz, jak, đhâu c mav xơưk uô yênhx têx khâuz ndơưk jông gâux puôr lênhx tâu max mav uô iz kror jux juk.

Ntâuz tâu uô txix ntuôs thiêz uô đhâu ntâu ntu thiêz yênhx chor ntâuz pas. No zos kror hâux lưv tsuv siêz ntêr thiêx uô tâu. Tsôngv box Hmôngz li chor pax ntâuz xuôk têk xơưk txơưv tiêk tsik siz luôs, tsik jông gâux chuôs li xuôk mêir xơưk, taz sik chênhr kror co thiêx uô muôx yưv kror jông gâux trâu têx hax huv no. Niêv tix Hoàng Hải Yến, iz lênhx kruô tuôx txix Hà Nội puz pâuz:

 “Cur tuôx ciêz Sa Pa lok six ntâu thiêz pov pêx xênhv muôs chor zav trik yo ntâuz trâur lâus  xuôk mêir xơưk thiêz gra txix cxuô qơư lok muôs thiêz. Taz sik đhâu thâuv sêiz, zuôr thiêz sir zôngv mak cur pov cux nhiêv chor hax huv pox nhuôs uô ntơưv no đuô viv muôx yưv tâu kror jông, hêik tơưv tâu têx vênhx huôv tsôngv box Hmôngz nhoz no”.

Fâuv nênhs uô ntêx kriê trâu fâuv nênhs tov kaz, tsik pâuz uô ntâuz xơưv trik yo cxôngx nzor no muôx đros tsôngv box Hmôngz thâuv tưs, tsuôk pâuz tiêk chỏ nhuôs nxêik mak lênhx tưs cux pâuz uô ntâuz thiêz xơưk trik yo. Hâur tsôngv box Hmôngz li chor jêx jok, luz tsêr tưs cux muôx nto ntâuz chiê uô ntâuz thiêz xơưk khâuz ndơưk. Lênhx pox niêv Hmôngz txơưv muk kror tưs, uô đaz tsi, tsuôk oz cxêik têk tsik uô đaz tsi mak xơưk trik yo hur si. Iz kror hax huv puôr lênhx hêik tơưv tâu pox niêv Hmôngz li kror sir jos, phiv liv. Niêv tix Lý Thị Do, nhoz xã Lao Chải, huyện Sa Pa hêik:

 “Chiê uô tâu iz kror hax huv jông mak uô ntêx tsuv xêir tsov tâu ntâuz jông. Uô ntêx mak tsuv muôx iz kror ntâuz jông huv đros thiêz zuôr xơưk tâu huv thiêz jông. Tsôngv box Hmôngz chor trik yo mak phênhv ntâu zos đuz thiêz njuôz”.

Taz sik nganhx nghêx côngx nzor no cux tsênhv njiz phiv liv tiv nền kinh tế thị trường huôv tsar hênhr, muôx ntâu hax huv jông li co tâu uô txix kỹ thuật công nghiệp yiêz. Viv li, tuôr chiê thiêz huôv tsar têx tsiv gri vênhx huôv cxôngx nzor tsênhv tâu tiv phaz tsov cưv txos, paz trâu pêx xênhv cê tuôr chiê tâu kror vênhx huôv jông, cê gra siêz tâu kinh tế txix nghêx cxôngx nzor. Zơưv Hứa Tân Hưng, bí thư huyện ủy Sa Pa, tỉnh Lào Cai puz pâuz:

 “Nhiv kruôr đhâu pêz tưz choz trâu phongx coangr lik du lịch huyện tror tso tơưv chor đề án uô chak cov hêik pâuz đuôz lok tsôngv box li nghêx cxôngx nzor, têx vênhx huôv jông thiêz du lịch jêx jok Sa Pa, chiê uô chak cov khav tênhv tâu vênhx huôv tox siêz”.

Chiê tuôr chiê tâu nghêx cxôngx nzor nhoz tiv phaz thiêz uô kror co zos kror paz muôx phênhv sâu trâu pêx xênhv, chuôs li chor xã zuôr huôv tsar tâu du lịch nhoz Sa Pa puôr lênhx sêiz no zos iz hâur têx kror liv hâur zaz zâuv kruô du lịch tuôx trâu jêx jok. Lok six ntâu dịch vụ du lịch tâu pox huôs uô đros co zos chor hax huv ntâuz trâur lâus tâu muôs, thôngx cxix têx tsưr ziv uô cux tâu uô ciês hâur tsêr chiê piêr lok zuk mênhx cxưx li nghêx cxôngx nzor chiê tsôngv kruô pâuz./.

(Thanh Thủy-Lik Thox cxêik nhênhv)

Phênhv thưr 7, hnuz  xiêz 2/7/2016

Chơưr blâuv Quảng Nguyên-Hà Giang

(Nhạc nền khèn Mông…)

Muôx 4 ntu uô thiêx uô tâu chơưr blâuv tsư kaz fiv đros thax tsav qơư ntơư; ntơư zos muôz cxur blâuv uô-vâuv-xưr, chuz thiêz ntiv trâu hâur hưx. Blêx blâuv ntơưv thax tsav qơư  xã Quảng Nguyên, tsuôk uô tâu iz chiv iz shông.

Tsôngv px nhoz thax tsav qơư no xav tiêk: Chor blêx blâuv ntơư, thâuv cxơưr thiêz siêr mak tsư kaz hênhr; viv ntơư zos thax tsav qơư muôx chuô, muôx ar thiêz muôx đêx nyiêz lax siêz hênhr thiêx uô trâu cxuô zav tsoz chos thiêz têx blêx ntơư tsư sha, tsư kaz.

Zos muôx zav cxur jông, lênhx nênhs uô chơưr tsênhv muk đê cxuô zav yuôx đrox njuôz pêv têx har jôngr li: Đâux txis, Thục địa, Đương quy…chiê chox lok uô xaz. Thâuv muôz chor cxur ntơư tsâu thiêz chuz tâu siêr, tsês cov txiêk sor so, mav muôz xaz fông cov nzơưk; đhâu ntơư tsuv muôz vâuv đruôz 3 hnuz, chor chơưr ntơư tuôx xaz cxix, hnor tsư kaz, mav muôz ntiv trâu hâur huz thiêz nquôr mê njik đêx shơư, đo cov nzơưk thiêz tsâu 13 hnuzx mav chox muk tsês chiê.

Ntơư zos muôz iz chiêz cxur uô tâu iz lir chơưr blâuv tsư ha lơưk thiêz trơưk li cxuô lênhx nênhs nhênhz chơưv njuôk xav tiêk: Zav chơưr blâuv ntơư cux jông hâuk cxaz nzir đas jos, muôx liv trâu lênhx nênhs luz chêr./.

                                           (Tsu cxêik, nhênhv-k/t báo tin tức)