Yên Bái: Yênhx puô hec ta blêx trâus puôk tsuôx, tiv ntux nas đêx cuôr nhaz, tsôngv px cxuô tsênhv qơư tsênhv chêx chôngk tror chos đuô têx kôngz lôngk lur hnuz nhôngs

Ntux nas đêx ngaz cuôr hâur ntâu hnuz đhâu, tưz uô trâu ntâu đrak liêx nhoz Văn Chấn trâus ar, poz jêz poz cuôr lok cxuz tas. Tsuôk xav xar Sơn Lương tưz muôx 80 ntâu hec ta, hâur tas nro 90 ntâu hec ta blêx trâus hiêv zuôr khưx hưx tsik tâu. Njiê trâu chor liêx trâus hiêv, tix lâus Lò Văn Tuyên, nhoz jok Tủ txos nhiv no cux tsênhv njênhs tsik tâu tâu. Chuôs li chuôz zis tưs hâur jok cux trâus hiêv blêx liêx, tix lâus chuôz zis muôx 1.500 ntâu yiv ndis liêx blêx trâus sâu tsik tâu:

“Pêz vav tiêk zos tâu têz qơưk thiêz cxuô cấp paz mak zuôr khưx phưx tâu liêx blêx viv chuôs li tas nro chor liêx sâu tsik tâu lơưv, tsik muôx lênhx tưs zuôr khưx phưx tâu. Tov ntêx no tsik pâuz yưv pênhr uô li chak lơưv, vav tiêk têz qơưk zuôr tsov cưv txos paz trâu pêx xênhv”.

Lơưr huyện Văn Chấn li thôngz sâu tsik tâu cxuô, jiês ntux nas đêx ngaz cuôr nhiv kruôr đhâu tưz uô 632 hec ta ntâu blêx liêx trâus hiêv, hâur co thax tsav pôngz không sâu tsik tâu muôx 157 hec ta, thax tsav trâus đêx ngaz zuôr tror khưx phưx tâu zos 239 hec ta. Đros co tsênhv muôx 129 hec ta poz cưk thiêz jâuz tâuv cxuô zav cux trâus hiêv, 31 hec ta pak njêl trâus pôngz plox khôngz, 370 hec ta tsoz chos lâm nghiệp trâus hiêv…

Đros têx trâus hiêv co, huyện Văn Chấn tưz hêik têx xar, thâuv đêx grêk tas mak sêiz đrơưv vêv xênhz đrak liêx, chos nzir trâu chor thax tsav trâus hiêv iz đraz. Đros têx qơư trâus ar, poz jêz poz cuôr lok cxuz, thâuv thoz huk tas zos txâuk tsar tov uô xênhz yar, mak zôngv têx zuz blêx tsênhv yuôr chiê chos đuô nzir; zos muôx tsik txâuk zuz mak chos ciês chor nôngz blêx lur hnuz Thiên ưu 8. Phongx kôngz nuv thiêz huôv tsar jêx jok huyện cux hêik paz sêi đrơưv 100% nôngz blêx, poz cưk trâu chor chuôz zis trâus hiêv khưx phưx uô xênhz yar. Zơưv Hoàng Hữu Dũng, Phưv trưởng phongx kôngz nuv thiêz huôv tsar jêx jok huyện Văn Chấn puz pâuz:

“Cux hêik cov paz nhiêx txiêx chiê pêx xênhv tror khưx phưx uô đuô, kho đuô liêx, têx qơưk muôx tsar tov thiêz huv chêix mak tror chos đuô blêx, têx qơư uô tsik tâu huv chêix lơưv mak hlôngr chiê chos têx zav tsoz chos txơưr đuô…”

Ntux nas sâuv thax tsav tỉnh Yên Bái tưz uô hiêv tas muôx 3.246 hec ta ntâu blêz, jâuz tâuv cxuô zav, hâur co xar muôx 2.200 hec ta blêx nhiv kruôr chos trâus đêx ngaz, ar, poz jêz cuôr lok cxuz. Uô lơưr Chủ tịch UBND tỉnh Yên Bái li chox kriê, Sở kôngz nuv thiêz huôv tsar jêx jok tỉnh tưz yênhx lix 5 tổ côngz xưv muôx 30 lênhx zos Giám đốc Sở uô trưởng đoanx muk côngv đros têx huyện, thị xar chiê chox kriê uô têx tsưr ziv kỹ thuật khưx phưx tror uô xênhz yar, sêiz đrơưv zos khưx phưx thax tsav blêx liêx trâus hiêv.

Lơưr co, Sở kôngz nuv thiêz huôv tsar jêx jok hêik têx tiv phaz sêi đrơưv bax cov txâuk chor zuz nôngz blêx chiê pêx xênhv tror chos đuô têx thax tsav blêx trâus hiêv pôngz khôngz. Têx zav nôngz blêx tâu sir zôngv zos chor nôngz blêx lur hnuz, six hơưv tsêz chos uô ntêx hnuz 5/8.

Đros co, Sở kôngz nuv thiêz huôv tsar jêx jok cux sik côngv đros têx tiv phaz sêiz đrơưv qênhz shuôk têx thax tsav blêx liêx, jâuz tâuv cxuô zav, tsoz chos côngz nghiệp, tsiêx cxu trâus hiêv hâur jiêx đêx ngaz cuôr, hêik muôx tsưr ziv paz trâu pox nhuôs thax tsav trâus hiêv sêiz đrơưv tror khưx phưx uô xênhz yar. Zơưv Đỗ Đức Duy, Chủ tịch UBND tỉnh Yên Bái puz pâuz nzir:

“Pêz cux njuôk xav muôx kho đuô, lơưr co mak muôx têx qơư tsuv hlôngr đuô tsoz chos tsiêx zus cux xưk li hlôngr yiêz đuô tsưr ziv uô xênhz yar chiê uô chak cov taz por tâu truôx tiv ntux têz uô hiêv lok sik paz txo grêk tsơưs tiv zix têx trâus hiêv tiv ntux têz uô hiêv txos trâu uô xênhz yar kôngz nuv, chiê tsik trâus pôngz plox thiêz trâus hiêv ntâu. Kror co zuôr paz tuôr truôx thiêz gra siêz luz nênhx trâu pêx xênhv”.

Vav tiêk, đros têx tsưr ziv uô jông cxix cxuô đros trâu hâu nov tỉnh yên Bái li sir jos, têx trâus hiêv tiv ntux nas chuô uô muôx yưv hêik cxuô thiêz têx trâus hiêv hâur uô kôngz lôngk zuôr nzor huôv tsar uô tâu truôx./.

                      (Tuấn Xuân-Lik Thox cxêik nhênhv)

Lênhx bôv đôiv lâuk Trần Văn Chung paz cxuô lênhx sơưr sơưr sik đros hla đhâu yeiz pluôs

Đhâu tir ntâuk tros châuz tror lok trâu vax tsêr, zơưv Trần Văn Chung luz nênhx thâuv xuz thơưx lok six txov nhêv. Taz sik, khov gruôs thiêz sir jos khưr huôv tsar uô nox, cxênhx txuôs hâur sir zôngv, jux juk tov kaz no zơưv tưz txuôs tâu mê njik nhiêx txiêx zuôr tâu 3 ha ar liêx têz chiê uô nox. Shông 2011, tâu hâu nov ntơưv qơư thiêz têx ngênhx car uô đreiv têx hâux lưv kôngz nuv moz siêz paz max txos, zơưv Chung tưz yênhx lix tổ hợp tác huôv tsar uô têx nôngz blêx Thanh Mỹ, car uô đreiv thiêz côngz têx nôngz blêx heik sâuv trâu tsôngv box sđ tsêz chos thiêz uô têx nuv txơưr đuô. Thâuv cxaz chuôz đros tổ hợp tác zos zơưv Chung seiz car, têx lênhx đros uô hâux lưv hâur co tâu paz lok sâuv tsưr ziv uô têx nôngz blêx chos, tâu sâu zuôr têx blêx đros thiêz grê siêz đuô pir li hâur ciêz đrôngs txix iz cxênhz txos 2 cxênhz đeiv iz cir. Txix ntơư tsi tsơưs lênhx tsôngv box ntơưv qơư cux tưz hla đhâu yeiz pluôs txix Tổ hợp tác no. Lar heik li zơưv Phan Văn Trinh, iz hâur têx ziv chuôz zis đrav ntêx muôx luz nênhx txov nhêv yax, txix thâuv đros uô hâux lưv hâur zơưv Chung qơư tsiv uô têx nôngz blêx no lok, zơưv chuôz zis luz nênhx tưz nhoz khênhr đuô, tsi yuô txov. Nhiv kruôr no, zơưv Trinh tưz cxiv uô tâu vax tsêr jông nhoz, tas muôx 300 ntâu tsov đeiv. Zơưv Phan Văn Trinh heik:

“Thâuv ntêx tsi tâu đros uô hâux lưv hâur Tổ họp tác mak cur chuôz zis txov nhêv cơưk. Cux khov muôx tổ hợp tác thiêz tâu hâu nov ntơưv qơư paz, cur chuôz zis luz nênhx nhiv no tưz tsi yuô txov li đrav ntêx lơưv. Vax tsêr cux uô tâu, muôx vax muôx tsêr jông đros luôs nhoz”.

Yuôr tix lâus Trần Văn Triều, đros nhoz thiêz uô hâux lưv hâur hợp tác no heik pâuz, txix thâuv tâu côngz têx nôngz blêx jông chos, tâu heik kriê tsưr ziv uô, tix lâus qir uô tâu trơưl têk đuô. Iz chas ntơư, tix lâus cux xưk li têx lênhx txơưr đuô puôr lênhx tâu paz lok sâuv jiêz, kra thiêz sâu zuôr têx blêx gri siêz đuô pir li hâur ciêz đrôngs viv li phênhv sâu tâu truôx tuk. Tix lâus Trần Văn Triều shir phaz heik:

“Thâuv đros nhoz hâur tổ hợp tác, zuk tâu cơưv shâuv, tâu heik kriê lok têx tsưr ziv uô nox, uô kôngz thiêz zuk têx blêx muôs tâu gri đuô pir li saz đrâuv. Khov li ntơư mak sâu tâu ntâu đuô”.

Nhiv no, Tổ hợp tác nôngz blêx Thanh Mỹ zos lênhx bôv đôiv lâuk seiz car co muôx 22 lênhx thiêz tưz uô tâu 15 chiv nôngz blêx, iz chiv 30 ntâu ha, hâur co muôx 80% ntâu têx nôngz blêx tâu tsôngv box hâur xã zôngv chos. Tổ hợp tác no tsênhv uô têx ntâuz ntơưr uz no chiê huôv tsar yênhx hợp tác xã. Zơưv Trần Văn Chung, bôv đôiv lâuk, tsar ban seiz car Tổ hợp tác nôngz blêx Thanh Mỹ heik pâuz:

“Tsưr ziv xar zos muôx têx huôv tsar yênhx hợp tác xã, chiê muôx qơư sâu zuôr tsôngv box têx kôngz, tsôngv box tso siêz. Uô li ntơư mak tsôngv box sđ luz nênhx thiêx zuôr truôx tuk thiêz tso siêz uô nox uô hâuk đuô”.

Tsi tiêk hla đhâu yeiz pluôs  thiêz paz lưv tuk txơưr đuô sik đros sir jos huôv tsar uô nox, zơưv Chung thâuv tưs tưz zos lênhx uô ntêx nyuôs hâur hâux lưv txiv ngaz XH ntơưv qơư, xưk li gôngr paz nhiêx txiêx, hnuz côngz lox tôngv chiê cxiv uô, kho đuô têx cêr mul lok jêx jok; paz nhiêx cxiv uô tsêr nhoz trâu têx chuôz zis pluôs thiêz sir jos paz nhiêx txiêx, têx huv uz no jông siêz trâu ntơưv qơư. Jê lok no, lênhx bôv đôiv lâuk Trần Văn Chung tsênhv paz nhiêx zuôr 100 tuk ndêx tênhv tênhz tơưk pov cêr hâur jêx jok thiêz zos lênhx uô ntêx hlo uô têx nuv lok truôx tuk thax tsav qơư nhoz hâur xã.

Tuôx txos xã Thanh Mỹ, huyện Châu Thành, tỉnh Trà Vinh hnuz no,  zuôr zôngx ziv seiz pov thax tsav txov nhêv đrav ntêx nhiv no tưz muôx ntâu hlôngr yiêz. Têx uô tâu co zos muôx lênhx bôv đôiv lâuk Trần Văn Chung li txux chi, côngz đas jos gôngr paz. No zos iz hâur têx lênhx bôv đôiv lâuk tưz thiêz tsênhv sir jos uô lơưr Lâuk Hôx têx cêr nênhx jông thiêz khav tinhv zuk pưs txux zov chênhr hâur hâux lưv cxiv tsa thiêz tsưx phưv têz qơưk hâur ntu hlôngr yiêz./.

(TTĐBSCL-Riê Lâux cxeik, nhênhv)