Cách mạng hli 8 thiêz Quốc khánh 2/9 xor xưv lox nto bê hâur lịch sử mênhx cxưx Việt Nam

Hli 8 shông 1945, muôx Đảng Cộng sản Việt Nam zos Chủ tịch Hồ Chí Minh yênhx lix thiêz lênhx tov li chox cêr, pêx xênhv Việt Nam tưz sik đros sơưr tơưv txênhz ntâuz châuv tros châuz, paz râu pêz têz qơưk txix iz têz qơưk trâus tros châuz txênhz tsiv txov tưz zos yênhx luz têz qơưk dân chủ cộng hòa, pêx xênhv txix chor nênhs uô krêr tưz zos yênhx chor pêx xênhv độc lập, tự do, uô tsưr têz qơưk. Thiêz hnuz 2/9/1945 ntơưv quảng trường Ba Đình lịch sử, Chủ tịch Hồ Chí Minh tưz nhênhv “Tuyên ngôn độc lập” kriz xênhz têz qơưk Việt Nam dân chủ cộng hòa nhiv no zos Cộng hòa xar hôiv chủ nghĩa Việt Nam, zos luz têz qơưk công nông xuz thơưx ciês ntơưv Đông Nam Á.

Cách mạng hli 8 thiêz Quốc khánh 2/9 zos têx kror ntâuk chiv lox nto bê hâur lịch sử mênhx cxưx Việt Nam. Tưz kriz tơưv tâu mênhx cxưx iz ntu yiêz, ntu ntâuk zênhx tâu tros châuz, tơưv đhâu trâus tros châuz tsiv txov paz muôx tâu iz luz têz qơưk Cộng hòa dân chủ nhân dân. Zênhx lix co tưz paz lok six ntâu trâu pêx xênhv têx têz qơưk trâus tros châuz txênhz tsiv txov sâuv ntiêx têz sơưr tơưv txênhz ntâuk châuv tros châuz.

Xav txix chêix ntux lax shông 1945 co, tis njiê đuô ntu nênhx 76 shông txov nhêv thiêz phiv liv co, pêx xênhv sơưr đơưk lok six tso siêz lok mênhx cxưx li têx zênhx liv thiêz uô tâu co. Pêz têz qơưk txix iz têz qơưk trâus tros châuz txênhz tưz zos yênhx luz têz qơưk tiêx tuk, tự do, muôx qơư sơưr sâuv ntiêx têz. Nhiv no, côngv thôngx ntiêx têz pâuz txos Việt Nam tưz tsik zos iz mênhx cxưx sir jos ntâuk châuv tros châuz tuôx txênhz têz qơưk, mak tsênhv zos iz mênhx cxưx truôx siêz bo, sir jos hâur cxiv tsa luz nênhx yiêz tsâu sor, shir phaz, cxiv tsa têz qơưk cov huôv tsar truôx jông đuô./.

                                               (Vừ Chu BT-Lik Thox cxêik nhênhv)

Sâuv têz qơưk cơưx mênhv Mường Lai

Têz qơưk tưz huôv tsar hlôngr trâu iz ntu yiêz, Tuêv du kích Cổ Văn thâuv ntêx nhiv no tsuôk yuôr zơưv Hoàng Triều Cống, thâuv ntêx sir tas đas jos trox nya tir ntâus tros châuz, nhiv no tưz muôx 95 shông hnuz nhôngs. Txơưv muôx hnuz nhôngs siêz, taz sik zơưv tsênhv mênhx pêv, hnuz tưs cux tsês six hơưv nhênhz chơưv lix xưv, cxaz nzir chiê cxiv sâu tiêr zuk li fâu ntơưr lok tuêv du kích Cổ Văn. Zơưv Cống tror ndo txos ntu xuz thơưx phongz yaox cơưx mênhv: “Qir thơưx cur vênhv tôngv tâu 10 lênhx nênhs zos têx fôngx zưs hâur jos, đhâu co muôx ntâu lênhx pâuz txos thiêz thor muk uô tuz lênhv, tas nro muôx 27 lênhx. Tsôngv box mak muôx chôngz, hnuz tưs cux chêx chôngk chiê shâuv. Tsôngv box cux chiv chir tuôx paz, lơưr paz cxur cxuô zav…”

          Hnuz no, nhoz tsênhv qơư xã Mường Lai, qơư di tích lix xưv cơưx mênhv Cổ Văn tâu cxiv uô jông thiêz hur si zos qơư ndo txiêx njik têx lênhx zênhz shôngx liệt sĩ tưz tâu UB tỉnh Yên Bái côngz jênhv zos Di tích lix xưv-vênhx huôv cấp tỉnh. No zos qơư khơưk tsês têx lix xưv jông, cux zos qơư chiê têx tuz nhuôs tuôx nriêr pâuz lok lix xưv têz qơưk. Tix lâuk Hoàng Văn Thiệu, Bí thư Đoàn xã Mường Lai puz pâuz: “Đoanx hluôk nênhs tsưr tsix yax mông trâu đoàn viên hluôk nênhs lok tiv phaz, têz qơưk li lix xưv chax chês; pâuz lok di tích lix xưv Cổ Văn. Đhâu co, paz đoàn viên txưv haox, muôx têx huôx tôngv chiê gôngr phênhv huôv tsar têz qơưk”

          Mường Lai nhiv no tsênhv yuôr 5% ziv chuôz zis pluôs. Tsôngv box mênhx cxưx Tày thâuv ntêx zênhz shông sir tas đas jos trox nya tir ntâus tros châuz, nhiv no sir jos cxiv tsa nôngx cxênhz yiêz. Ntâu trâur nuv tsiv uô kôngz nuv chox lok chêx cuk siêz, trâur nuv chos ntông thiêz txâuk ntông zaz zâuv yênhx puôk lênhx nênhs lox tôngv, iz cxiê qơư txâuk poz jêz cux huôv tsar… Têx cêr muk lok hâur jêx jos tâu tsôngv box nquôr bê tông zôngv ziv muk lok. Mê nhuôs puôr lênhx tâu muk cơưv ntơưr, tsôngv box tâu seiz njuôs thiêz kho moz; zuôr xar 70 ziv chuôz zis tâu sơưv cêr chei thâuv tưs cux tâu cấp ủy têx cấp thiêz tas nro tsôngv box tsov cưv, paz txưv, taz por luz nênhx tsâu sor, cxix cxuô. Zơưv Triệu Văn Huấn, Bí thư Đảng ủy xã Mường Lai puz pâuz: Njuôs xav shông 2022, xã zuôr tax nôngx cxênhz yiêz: “Phuôx huiz cêr chax chês zênhz shôngx, Đảng ủy, chinhr quyênx tiv phaz tror uô jông côngz xưv zaoz zux chinhr trị siêz xar, cêr chax chês têz qơưk trâu cán bộ, đangv viên thiêz tsôngv box, tiv zix zos hluôk nênhs. Chuôz tsar côngz xưv cxiv tsa Đảng, cxiv tsa chor cán bộ, công chức moz siêz đros hâux lưv uô, jê đros tsôngv box. Phuôx huiz tiv phaz li têx muôx jos, cxơưz tiês huôv tsar kinh têr li chos blêx liêx, chos ntông nox txir, chos jôngr chêx chôngk chos ciêv fix. Chuôz tsar huôv tsar ju lix, huôv tsar têx tsiv grê vênhx huôv thax tsav tsôngv box mênhx cxưx tsơưs nênhs”.

          Mường Lai têx hnuz no, luz nênhx tsâu sor đros thiêz têx hlôngr yiêz jông. Têz qơưk cơưx mênhv tsi taz muôx lix xưv jông txưv haox mak tsênhv cxôngx têx jêx cưr cxiêx Tày heik txos luz nênhx tâu pox nhuôs tuôr tsês cxôngx cxênhx nênhs no txos cxênhx nênhs tov kaz, tiêv tiêv tsi chiê pôngz plox./.

                                                                                 (Đinh Tuấn-Txâur Vax cxeik nhênhv)

Lâul jok A Bơ cơưv shâuv thiêz uô lơưr zoưv hloz Hôx

Têx hnuz kax hli 8, qênhx shênhx caz moz Covid-19 nhoz têx tỉnh faz Nam txơưr txar phiv liv, ntơưv tỉnh Kon Tum tưz muôx 21 lênhx nênhs tror lok txix qơư muôx caz moz trâus cik caz moz Sát-Covi-2. Đros caz moz zôngx ziv cik tâu trâu hâur côngv thôngx, lâul jok A Bơ, Bí thư Chi bộ jok Tua Tem, xar Đắk Long, huyện Đắk Hà tsik so muk trâu yênhx chuôz zis chiê yax kriê, hêik pêx xênhv sơưr đơưk uô jông vêv xênhz tênhv qơư uô nênhx nhoz, sir zôngv têx cuô yuôx lok zos xaz phongx nzuôr têk, chox đêiv bos kror ndâux thâuv muk lok tâus cêr thiêz hêik pâuz ciês thâuv muôx nênhx cxênhz jê tror lok txix têx qơư muôx caz moz. Iz lo luk lâul jok A Bơ hêik, pêx xênhv jok Tua Tem puôr lênhx ndo njôngr thiêz uô trơưk jông. Thâuv tâu nus lok tsưr ziv uô hâux lưv yax kriê, hêik sơưr đơưk, lâul jok A Bơ luôs nxi hêik, tsik muôx tsưr ziv tưs hlo, zuk moz siêz, txoz cxơưx trâu côngv thôngx chêk pox nhuôs cux pâuz tâu zuk siêz thiêz njênhs, uô trơưk xưz: “Cur tsik so đros đrêiv pêx xênhv sơưr đơưk, muk ti gâuk tsêr chiê yax kriê trâu pêx xênhv pâuz, tiv zix zos lok tsưr ziv xar thiêz uô chiê huôv tsar kinh tê cov ziv hnuz ziv hênhr đuô. Lok sik côngv siêz hâur qơư pêx xênhv nhoz, têx tuz nhuôs cơưv ntâuz ntơưr mak tsuv muôx thiêz tâu uô jông. Cxiv tsa luz nênhx vênhx huôv hâur jêx jok cov pêx xênhv pâuz uô nox, tu zus tsiêx cxu, chos kôngz lôngk huôv tsar kinh têr thiêz cơưv ntâuz ntơưr cov txơưx njê đuô”.

Shông no txơưv tưz muôx 70 shông taz sik lâul jok, Bí thư chi bộ A Bơ cux tsik so muôx njêx muôs ntơưv cxiêx qơư. Đros sir jos, txơưx jênhv thiêz chênhz zênhv txix zos iz lênhx cưk kriê ntơưr, thiêz uô côngz xưv sêiz car tsêr cơưv ntơưr cux tưz paz trâu lâul A Bơ lok six ntâu. Muôx txux chi sư phạm đros trâu txơưx uô jông hêik kriê, Đảng, Têz qơưk têx cêr chêi đhâu lâul A Bơ hêik kriê mak tâu pox nhuôs pâuz sêiz thiêz tsênhz đuô. Iz zav li hâux lưv uô lơưr huôv tsar đảng hâur tsôngv box muôx đạo, Chi bộ jok Tua Tem lâul A Bơ uô Bí thư muôx 11 đảng viên mak 10 lênhx đảng viên zos chor nênhs trơưk đạo. Hâur uô lơưr Bôv Chinhr triv li Chỉ thị sôr 05 “Lok sir jos cơưv shâuv thiêz uô lơưr zơưv hloz Hôx cêr uô nênhx jông”, Chi bộ jok Tua Tem tsik so uô tâu jông đuô 9 Chị bộ hâur Đảng bộ xar. Bí thư Đảng ủy xar Đăk Long Trần Ngọc Trực, puz pâuz: “Đảng bộ ntâuk gri lok Chi bộ no hâur kriz uô Chỉ thị 05 mak uô tâu lok six jông. Lok côngz xưv kriz uô txos trâu yênhx lênhx đảng viên. Muôx ntâu tsưr ziv uô tâu lok six jông. Đảng viên, pêx xênhv thôngx ziv uô trơưk siêz. Sơ kết 5 shông uô lơưr Chỉ thị 05, Chi bộ thiêz zơưv A Bơ tâu Đảng bộ xar hêik cov Ban Thường vụ Huyện ủy sêiz shuôk khơưk muôz ntơưr kruôk trâu tập thể thiêz chor nênhs hâur Chi bộ no uô tâu jông lơưr Chỉ thị 05”.

Phuôx huiz zuk li pưk txux, Lâul jok, Bí thư Chi bộ jok Tua Tem A Bơ tưz muôx ntâu gôngr côngv trâu huôv tsar jêx jok thiêz xar Đăk Long. Kuôk no 7 shông ntu thâuv xar Đăk Long tâu yênhx lix chor chuôz zis yêiz pluôs muôx 73% ntâu. Nhiv no tưz grêk tsơưs txos yuôr muôx 37% ntâu. Hâur huôv tsar kinh têr hlôngr yiêz luz nênhx, lâul jok A Bơ cê zos nênhs uô ntêx hlo, cê phêiz kênh têx tsưr ziv, chênhz zênhv, kruôz kriê pox nhuôs lok kỹ thuật chos, tu cà phê, cao su; phax moz trâu nhux, tưv, huôv tsar tu zus buô têz txuôv… Zơưv A Sự, Chủ tịch UBMTTQ Việt Nam xar Đăk Long puz pâuz, jok Tua Tem muôx 125 ziv chuôz zis mênhx cxưx tsơưs nênhs Xơ Đăng, lâul A Bơ zos iz lênhx nênhs uô ntêx hlo hâur phuôx huiv sik côngv siêz, zos nênhs trâu cxuô lênhx nênhs thiêz côngv thôngx cơưv shâuv uô trơưk: “Lâul jok A Bơ lok six sir jos, moz siêz thiêz zos nênhs uô ntêx hlo trâu têx tuz nhuôs hâur chuôz zis thiêz cxuô lênhx nênhs hâur jok cơưv shâuv, uô trơưk. Thâuv cơưv jêx jok lâul jok A Bơ hêik mak pox nhuôs sơưr đơưk zênhx njênhs njôngr thiêz uô trơưk xưz”.

Đros pêx xênhv luz nênhx ziv hnuz ziv tâu hlôngr yiêz jông đuô, têx shông jê lok no nhoz xar Đăk Long, huyện Đăk Hà, tỉnh Kon Tum, khov muôx chor nênhs uô ntêx hlo li lâul jok A Bơ, mênhx cxưx Xơ Đăng li ntâu kror vênhx huôv jông cxôngx nzor tâu tuôr tsês chiê thiêz phuôx huiz. Xar Đăk Long muôx 5 jêx jok mak tas nro chor jêx jok co puôr lênhx uô tâu tsêr rông huv zos lơưr mênhx cxưx Xơ đăng li têx vênhx huôv cxôngx nzor, zos qơư chiê xênhz huôx, cơưv shâuv côngv thôngx. Chor đôiv đruôk tôngx nxêz tôngx, đhiê pax vuôs xoang tâu tuôr tsês chiê thiêz kruôz kriê trâu cxênhx hluôk. Iz cxiê zav hâux lưv uô cxôngx nzor li hiêz tơưz, lêr, uô ntâuz…tsênhv zos têx hâux lưv uô paz trâu mênhx cxưx Xơ đăng nhoz ntơưv no huôv tsar kinh têr ziv chuôz zis./.

(TTTN-Lik Thox cxêik nhênhv)