Xưv lik tsưr tsix sir zôngv zax zênhz tsik trơưk chêi

Xor mông txix Bôv Công an hêik pâuz, chor nênhs sir zôngv zax zênhz tsik zos chêi hâur têx shông đhâu ziv hnuz ziv chuôz ndê thiêz txơưr txar phiv liv, tiv zix zos txix thâuv Bôv chêi Hình sự shông 1999 (kho đuô, cxaz nzir shông 2009) tâu uô trơưk mak sir zôngv tsik zos chêi zax zênhz tsik trâus xav tiêk zos nênhs phamv cxâuv thiêz tsik trâus xưv lik hình sự. Kror huôv tsar ntâu zav tsưr ziv kinh doanh li vũ trường, quán Bar, tsêr nox hâuk…tưz paz trâu cxuô lênhx nênhs zôngx ziv tsưr tsix sir zôngv zax zênhz đuô.

Ntâu jiês sir zôngv zax zênhz, tiv zix zos zax zênhz tổng hợp, txix ciês jiês sir zôngv xuz thơưx tưz uô hiêv thiêz phiv liv trâu nênhs sir zôngv thiêz uô tsik ngaz tuk; tiv zix nênhs sir zôngv zax zênhz tổng hợp mak zuôr uô tsưr lok zos tsưx phưv zuk tuk khênhx tsik tâu, uô muôx yưv têx txuz án, thiez cêr cxơưx trâu pêx xênhv, muôx têx txuz mak chor nênhs co tưz tuô tuôs ciês zuk chor nênhs cxênhz jê. Ho tsik tâu muôx chêi cui tênhv lok sêiz car xưv lik chor nênhs no viv li txơưv pâuz tâu têx phiv liv tsik jông trâu xar hôiv, taz sik sêiz car nênhs sir zôngv tsik zos chêi zax zênhz tsênhv tsik tâu moz siêz txos cov huv đros, uô trâu têx phiv liv, chor nênhs sir zôngv zax zênhz uô hiêv trâu xar hôiv ntu đhâu lok six zov chênhr. Lơưr Luật sư Nguyễn Anh Đức, Đoanx Luật sư thành phố Hà Nội mak hâux lưv tsưr tsix sir zôngv tsik zos chêi zax zênhz zos kror lok six zov chênhr, viv li lơưr cui tênhv ntơưv Grê 255, BLHS 2015 cui tênhv lok kror cxâuv Tsưr tsix sir zôngv tsik zos chêi zax zênhz zuôr trâus xưv bluô li đrav kaz:

“Zax zênhz zos zav tsơưr uô muôx zênhk tâu cui tênhv hâur bê ntơưr zos chính phủ tso tơưv lơưr chêi phax tar zax zênhz shông 2000. Trơưk chêi mak sir zôngv zax zênhz tsik zos chêi trâus txưr hur si. Viv li bôv chêi hình sự shông 2015 tưz tso tơưv ntơưv grê 255 Bộ chei hình sự lok kror cxâuv sir zôngv tsik zos chêi zax zênhz mak trâus xưv bluô cơư tux txix 2 shông txos 7 shông.

Phamv cxâu iz hâur têx kror li đrav kaz, mak trâus xưv bluô cơư tux txix 7 txos 15 shông li: Phamv cxâuv txix oz jiês tror sâur đros thiêz txix oz lênhx nênhs tror sâur; Đros chor nênhs txix txưv 13 shông txos tsik tâu muôx 18 shông; Đros thiêx nênhs cxâuv zos pox niêv sik pâuz tiêk  tsênhv xênhz nhuôs hâur chêr; Đros thiêz nênhs tsênhv chiv zênhk zax zênhz; Uô phiv liv txos chor nênhs txơưr đuô li đas jos mak têx trâus saz sâuv txix 31% txos 60%; Uô cik moz phiv liv trâu chor nênhs txơưr; Tror phamv cxâuv phiv liv đuô.

Phạmv cxâuv iz hâur têx kror li đrav kaz, mak trâus xưv bluô cơư tux txix 15 txos 20 shông, li: Uô hiêv txos đas jos têx nênhs txơưr đuô mak trâus saz, trâus hiêv txos đas jos txix 615 tror sâur lok sik uô tuôs nênhs; Uô hiêv txos đas jos txix 2 lênhx nênhs tror sâur mak têx trâus hiêv trâu iz lênhx nênhs txix 31% txos 60%; Uô cik moz phiv liv trâu 2 lênhx nênhs tror sâur; Đros thiêz nênhs tsik tâu muôx 13 hsông.

Phamv cxâuv iz  hâur têx kror li đrav kaz, mak trâus xưv bluô cơưv tux txix 20 shông lok sik cơư tux tas siv nênhx, li: Uô hiêv txos txix oz lênhx nênhs tror sâur li đas jos mak iz lênhx nênhs trâus saz pôngz đas jos txix 61% tror sâur; Uô tuôs txix oz lênhx nênhs tror sâur”.

Luật sư Nguyễn Anh Đức, Đoanx Luật sư thành phố Hà Nội li têx nhiv kruôr hêik pâuz tas sâur tưz phênhv tưs paz trâu cxuô lênhx sơưr đơưk pâuz tâu têx kror xưv bluô trâu hâux lưv sir zôngv tsik zos chêi zax zênhz./.

(VOV4-Lik Thox cxêik nhênhv)

Pox niêv Sóc Trăng đros trâur nuv “Sâu têx hưx cxuô zav muôs tâu nhiêx”

          Txos zar hnuz keix hnuz 19 yênhx hli paz pox niêv ho gra hnaz muk sâu têx vuôz tsuôz ntơưv qơư xênhz huôx côngv thôngx nhoz Phước Thuận, xã Phú Tân, huyện Châu Thành chiê muôs. Pos Triệu Thị Vui puz pâuz, têx zav vuôz tsuôz li hưx, teik choz lok sik têx tul pak zak zưr....tưz đhâu sir zôngv, njuôs xav chox muk muôs tâu zuôr gôngr phênhv muôx pênhr huôx tôngv lok sik yênhx lix cuiv cxênhx txuôk. Pos Triệu Thị Vui pheiz kênh cxaz, cxôngx thâuv trâur nuv no tâu krêz uô, tênhx qơư nhoz jêx jos hlôngr yiêz hâur yênhx hnuz:

          “Cxaz chuôz Câu lạc bộ no uô ntêx zos zuk chuôz zis cux tâu hur đu đuô, đhâu co zuk yax kriê trâu pox niêv hâur jêx jos, vênhv tôngv pox niêv sik côngv tês por vêv tênhx qơư”.

          Yuôr ntơưv pox niêv jos An Trạch, xã An Hiệp, huyện Châu Thành li Câu lạc bộ “Sâu têx vuôz tsuôz chiê muôs zuôr nhiêx txiêx yênhx lix cuiv cxênhx txuôk” txơưv nhiv kruôr yênhx lix kuôk nor zuôr xar iz shông taz sik huôx tôngv cux muôx chêx cuk. Niêv lâuk Thạch Thị Saly nhoz jos An Trạch puz pâuz, uô ntêx thâuv cxaz chuôz trâur nuv, pox niêv tâu kriê cxaz tsưr ziv pheiz thiêz yưr lir têx vuôz tsuôz kiês nênhs. Đhâu iz ntu, txos nhiv no, hâux lưv sâu têx vuôz tsuôz kiês nênhs tưz yênhx iz cêr cor cav, paz vax tsêr hur đu đuô lok six ntâu:

          “Thâuv pêz nhiv kruôr cxaz chuôz, CLB paz pêz pâuz ntâu kror jông đuô, txơưx pheiz têx zav vuôz tsuôz kiês nênhs, txơưx tuôr jông vêv xênhz vax tsêr, tênhx qơư hur đu. Đrâuv co, paz trâu pox niêv muôx cxaz nhiêx txiêx cxơưx trâu luz nênhx hâur chuôz zis”.

          Iz luz hlik, txơưv iz lênhx muôs têx vuôz tsuôz vô cơ tsuôk cxôngx 10 cxênhz – 20 cxênhz đeiv lok sik ntâu tiv zix cux zos 40 cxênhz đeiv, taz sik pox niêv cux sir jsó cxaz chuôz tsi zos viv nhiêx txiêx mak coaz tsôngv tiv zix zos por vêv tâu tênhx qơư tsi trâus kiês nênhs. Chor nhiêx txiêx muôs chor hưx teik zak zưr iz lênhx tuôr tsês 10 cxênhz đeiv chiê cxênhx txuôk lok sik gôngr uô pênhr, chor tsênhv yuôr gôngr trâu Chi hội tsar. Kaz shôngk shông chor nhiêx txiêx no zuôr tâu thêv trâu têx pox niêv.

          Txos nhiv no, trâur nuv “Sâu têx vuôz tsuôz vô cơ chiê muôs tâu nhiêx txiêx” tưz puôr lênhx tâu krêz uô nhoz tas nro jos Phước Thuận xã Phú Tân thiêz têx jos An Trạch, Bưng Tróp thiêz jos Giồng Chùa A xã An Hiệp, jos Mỹ An xã Thiện Mỹ...Trâur nuv no tưz uô hlôngr yiêz ntâu pox niêv thax tsav nôngx cxênhz li siêz xar por vêv tênhx qơư. Niêv lâuk Phạm Thị Ngọc Bích, Chủ tịch Hội liên hiệp pox niêv xã An Hiệp, huyện Châu Thành puz pâuz, trâur nuv tưz chox lok 3 liv zix lox, co zos muôz siêz tsôngv box li siêz xar hâur por vêv tênhx qơư khov yưr lir têx vuôz tsuôz kiês nênhs, paz pox niêv muôx nhiêx txiêx cxênhx tsês thiêz muôx tâu tênhx qơư hur đu jông đuô, gôngr phênhv uô tiêr ploz tsênhr tênhx qơư hâur 19 ploz tsênhr lok cxiv tsa nôngx cxênhz yiêz.

          “Thôngz đhâu CLB tưz paz pox niêv jênhv pâuz tâu têx zav vuôz tsuôz kiês nênhs, txơưx zôngv têx vuôz kiêz hữu cơ vâuv uô qir zuôv trâu tsoz chos. Đrâuv co pox niêv pâuz yax mông trâu côngv thôngx cux xưk li têx lênhx nênhs hâur chuôz zis thiêz”.

          Shông 2014, Hội pox niêv tỉnh Sóc Trăng li trâur nuv “sâu têx vuôz tsuôz muôs tâu nhiêx txiêx” tưz tâu xeir pov chiê hêik hâur jiês cơưv thax tsav Duyên hải jiês tiv 3 ntơưv Campuchia thiêz Thái Lan zos tsưr tsix ntiêx têz tsưx phưv tênhx qơư kriz cơưv. Cxôngx co, Hội liên hiệp pox niêv tỉnh Sóc Trăng krêz uô đêz đar, huôv tsar trâur nuv no. Trâur nuv tưz gôngr phênhv hlôngr yiêz tsôngv box li siêz xar lok por vêv tênhx qơư, gôngr phênhv txu grês têx vuôz tsuôz kiês nênhs tâu tso lok hâur thax tsav nôngx cxênhz./.

(Thạch Hồng-Txâur Vax cxeik nhênhv)