Tuôr truôx tuk thax tsav ntus đriv têz qơưk

Pluôs hmo ntơưv qơư sêiz jor Lũng Cuổng (Zênhx Pênhz phax Cô Ba, huyện Bảo Lạc, tỉnh Cao  Bằng) tsik so tâu nox thâuv 6 six tsâuk ntux. Chor tuz lênhv Pênhz phax nox mor nzor thiêz sêi chiê bax uô hâux lưv qênhz yuôx thâuv hmo ntux. Qơư sêiz jor no nhoz lok six đêz, lok muk trâu tsênhv qơư xar mak tas muôx yênhx six hơưv muk tơưv, pluôs mor nox hâur thax tsav qơư har jôngr no txơưv tsik muôx ntâu zav lok cux muôx jâuz njuôz, grêix njêl zos pox nhuôs nhoz đrav têx jêx jok nhiv kruôr gra tuôx puz. Đại úy Cao Văn Tám puz pâuz: Nhoz ntơưv no mak muôx đêx tsơưs xưz, pox nhuôs lok six sir jos cxênhx txuôs taz sik cux chaz car tok đêx lok trâu bôv đôiv zôngv, thiêz chaz tênhv tơưl cov pov cêr. Ciês qơư nox nhoz cux zos bôv đôiv, dân quân, pêx xênhv sik côngv đros paz uô, kho cov jông hâur shông đhâu:

“Pox nhuôs lok six moz siêz txos thiêz nhiêv bôv đôiv, tsik so tuôx zos pov bôv đôiv tsik muôx jâuz nox mak cux gra jâuz, cxur tuôx puz trâu bôv đôiv chiê uô nox. Fênhx six mak pêz muôz nhiêx trâu pox nhuôs lơưr paz zuôr, 2-3 hnuz iz jiês viv ntơưv no mak đêz ciêz, cêr muk lok đaz tuôs phiv liv”.

Lũng Cuổng zos iz hâur Zênhx Pênhz phax Cô Ba li 9 kror qơư sêiz jor, cux zos iz hâur Bôv đôiv Pênhz phax Cao Bằng li 125 kror qơư sêiz jor. Thax tsav sêiz jor, qênhz yuôx mak đar, phiv liv, chêix ntux sor mak sor cuz, chêix ntux no mak no njiv. Txơưv tiêk qênhx shênhx nhiês muk lok đhâu ntus đriv tưz tâu txo grêk tsơưs pir li six hơưv ntu uô ntêx tsiêz, ntus đriv Cao Bằng muôx 333 cêik cêr ntâu cux tsênhv zos kror qơư phiv liv. Nênhs muk lok đhâu ntus đriv tsik zos chêi phênhv ntâu zos nênhs Việt Nam nhiês muk uô hâux lưv txix thâuv ntêx nhiv no tror lok, lok sik nênhs hâur têz qơưk nriêr cêr nhiês muk trâu saz têz qơưk đrâur đhâu nox tsiêz tas. Pâuz muôx qơư sêiz jor, lơưr muôz siz phêiz uô ntâu paz nênhs, iz paz muôx oz pêz lênhx nênhs mus uô cê, uô phiv liv trâu côngz xưv qênhz yuôx. Tsik tâu hêik txos chor nênhs paz nriêr cêr muk đhâu ntus đriv, lok sik chor nênhs fêv zuôr muôs hax huv chuôr, hax huv txưr. Lưx lươngv Pênhz phax sik côngv đros công an viên, dân quân sêiz jor yênhx hnuz hmo, tsik so hlôngr yiêz tsưr ziv qênhz yuôx, nriêr pâuz xor mông txix pêx xênhv chiê sêiz jor, tir tar thiêz xưv lik, chor nênhs co muk cêv kuôk lơưr cui tênhv. Thiếu úy Hoàng Giàu Quý, tsar qơư sêiz jor Lũng Cuổng puz pâuz, đrâuv qênhz yuôx, tsênhv sik côngv jông đros chính quyền ntơưv qơư yax kriê, hêik pox nhuôs paz trâu bôv đôiv:

“Zuk cux zos mênhx cxưx Cho viv li zuk hêik tâu luk, pâuz tâu luk. Đros pêx xênhv nox, đros pêx xênhv nhoz, đros pêx xênhv uô, đros pêx xênhv xênhz huôx mak thiêx pâuz tâu lơưr têx phongx cxưx, luz nênhx, txix co zuk cê hêik, cê yax kriê cov lơưr pâuz tsênhz lok caz moz Covid-19 đuô. Pov chor nênhs nhiês muk lok đhâu ntus đriv tsik zos chêi mak pox nhuôs zuôr paz hêik trâu bôv đôiv pâuz. Zuk pâuz tâu txos pox nhuôs luz nênhx mak pox nhuôs cux nhiêv zuk đuô”.

Zênhx sưv đros hâur hâux lưv tuôr truôx ngaz tuk ntus đriv têz qơưk, nhiv no muôx nzir hâux lưv phax tar caz moz, chor tuz lênhv bôv đôiv Pênhz phax thiêz pêx xênhv hax zav sik côngv siêz đuô. Niêv tix Vương Thị Lập, Phưv Bí thư xar Cô Ba puz pâuz:

“Cấp ủy, chính quyền tưz hêik chor lưx lươngv dân quân tự vệ, công an viên tsik so đros bôv đôiv Pênhz phax sêiz jor yênhx hnuz hmo ntơưv têx qơư sêiz jor, uô truôx jông côngz xưv phax tar moz Covid-19 sâuv thax tsav”.

“Phax tar caz moz li phax tar tros châuz”. Đros chor tuz lênhv Bôv đôiv Pênhz phax, côngz xưv nhoz ntus đriv xưk li tsik yuô phiv liv khov muôx cêr sik côngv siêz đros tsôngv box thiêz tâu tsôngv box nhoz thax tsav ntus đriv sik đros paz uô./.

(TTĐB-Lik Thox cxêik nhênhv)

Nhân viên y tế jêx jos nhoz Sơn La sir jos viv côngv thôngx li

 đas jos

          Niêv lâuk Lò Thị Lan, cưk yuôx y tế jos Hôm, xã Chiềng Cọ, TPSơn La đros têx fôngx zưs niêx hnuz muk txos yênhx ziv chuôz zis seiz njuôs yênhx lênhx nênhs chiê phax tar moz covid-19. Niêv lâuk Lan puz pâuz: Shông 2002, thâuv cơưv tiêr tỉnh Sơn La li lớp Sơ cấp y tế jêx jos khóa xuz thơưx, niêv lâuk tror lok jos Hôm uô y tế jêx jos cxôngx co txos nhiv no.

          Jos Hôm muôx 300 ntâu ziv chuôz zis đros 1 cxênhz 400 lênhx nênhs. Zuôr xar 20 shông uô y tế jêx jos, niêv lâuk tsi ndo tưz muk txos hor ntâu chuôz zis, njiz tsôngv box chiê yax mông, zaoz zux thiêz tsoz phưz đas jos trâu pox nhuôs thiêz....Đros niêv lâuk, iz hâur têx chiv nhênhv mak niêv lâuk ndo njôngr zos jiês iz lênhx pox niêv xênhz mê nhuôv nzeiz hâur tsêr, thâuv jênhv tâu xor mông, niêv lâuk tưz ciêr chênhr muk tơư 3 cei cêr hâur hmo ntux chiê chơưv paz lênhx pox niêv co, txeik tâu iz tul mê nhuôs, yuôr iz tul mak tsuv ciêr chênhr xa muk tsêr kho moz, môngr jông 3 niêv tuz puôr lênhx tâu taz por:

          “Cxôngx co cur xar njôngr sir jos yax mông, tôngv vênhx têx pox niêv hâur hov hnuz nhôngs xênhz zus uô ntêx thâuv xênhz zus tsuv yax six muk seiz njuôs đas jos, xênhz mak muk qơư y tế chiê taz por thiêz tâu tsoz phưz jông”.

          Thâuv moz Covid-19 huôv xênhz, têx cán bộ y tế jêx jos cux chênhr zos têx lênhx nênhs paz pox nhuôs pâuz tâu xor mông, cux xưk li heik kriê têx tsưr ziv phax tar moz....Nhiv no txos Chiềng Cọ, tsôngv box cxôngx têx jêx jos nhoz đêz tiv zix txos têx jos tsênhv qơư, lênhx tưs cux chox đeiv bos kror ndâux, uô jông têx tsưr ziv phax tar moz tưz tâu heik kriê. Tix lâuk Tòng Văn Đoàn, nhân viên y tế jos Ngoại, xã Chiềng Cọ, TP Sơn La puz pâuz:

“Heik trâu tsôngv box muôx têx lênhx nênhs mak to tâuz, muôx têx lênhx mak heik tiêk tsi  pov muôx moz huôv xênhz nhoz tưs. Taz sik moz lok six riêz nênhs viv li zuk muk yax mông trâu tsôngv box mak lơưr cux pâuz lok moz li kror riêz nênhs thiêz uô jông tsưr ziv phax tar moz” .

Sir jos nhoz truôx qơư uô hâux lưv yax mông, zaoz zux đas jos trâu tsôngv box, cxaz chuôz uô têx huôx tôngv chuyên môn lok y tế nhoz ntơưv qơư li chơưv paz qir thơưx, cxaz chuôz uô têx tsaz yênhx y tế têz qơưk...têx lênhx nhân viên y tế jêx jos tưz gôngr phênhv coaz tsôngv uô hlôngr yiêz tsôngv box li siêz xar lok por vêv, tsoz phưz đas jos, phax tar moz gênhs thiêz thâuv tưs cux tâu pox nhuôk nziv hluz. Niêv lâuk Lò Thị Xuân, tsôngv box jos Hôm, xã Chiềng Cọ heik:

“Tâu y tế tsov cưv thiêz chox kriê zuk chox mê nhuôs muk cxax yuôx phax moz cxix cxuô, hâur ntu muôx moz huôv xênhz mak chox đeiv bos kror ndâux, nzuôr tês hur si. Đhâu co zuk pov chuôz zis li đas jos tâu muôz siêz thiêz tsi cxơưx lok moz huôv xênhz thiêz”.

Zơưv Cà Văn Hòa, Phưv Chủ tịch UB xã Chiềng Cọ, TPSơn La cux puz pâuz: Khov chor nhân viên y tế jêx jos li têx sir jos, txơưx jênhv mak nhiv no qênhx shênhx chiv chir kho moz gênhs ntơưv tsêr li uô nênhz, hu plis....nhoz Chiềng Cọ txu grês ntâu. Thâuv muôx moz gênhs pox nhuôs pâuz muk nriêr têx nhân viên y tế, bác sỹ nhoz têx Tsênhv qơư y tế thiêz tsêr kho moz chiê tâu seiz njuôs thiêz kho moz:

“Li ntu tov ntêx, tsênhv phêv liv lok chuôz zênhx y tế, yêz muk lok, taz sik đros têx nhân viên y tế jêx jos li têx sir jos gôngr côngv mak cur pov y tế jêx jos zos zuôr trâus muôx hâur sêv phêv, tiv zix zos nôngx cxênhz chiê paz thiêz tsoz phưz đas jos qir thơưx trâu tsôngv box nhoz sâuv thax tsav”.

Txơưv côngz xưv muôx ntâu phêv liv, nhiêx shar tsơưs, taz sik têx nhân viên y tế jêx jos nhoz Chiềng Cọ tsênhv sir jos chiê yax mông, vênhv tôngv tsôngv box uô jông têx chính sách y tế. Đros lơưr, kror jông siêz tiv zix zos tsôngv box lênhx tưs cux muôx jông đas jos, sik đros cxiv tsa jêx jos ziv hnuz ziv tsâu sor, shir phaz./.

(Trấn Long-Txâur Vax cxeik nhênhv)