Jax 3: Tsưr ziv tưs trâu qênhx shênhx “Muk đhâu ntus đriv uô lox tôngv tsik zos chêi” nhoz Tây Bắc?

Zơưv Khoàng Văn Quán, Chủ tịch Ủy ban xar Nậm Tin, huyện Nậm Pồ, tỉnh Điện Biên khav tênhv: Đhâu nus chor ziv chuôz zis muôx nênhs muk uô lox tôngv tsik zos chêi saz đrâuv têz qơưk tror lok mak phênhv ntâu hêik tiêk tiv phaz uô tsik tâu jông hâux lưv hlôngr yiêz tsoz chos, huôv tsar uô kôngz lôngk tsênhv uô tsik tâu trơưk tsưr ziv kriê. Tiv zix, muôx tsik tâu cxuô lok cơ sở cxuô zav, cêr muk lok phiv liv, têx kôngz nuv pêx xênhv uô tâu tsik muôx qơư muôs, tsik muôx phênhv sâu uô trâu pêx xênhv pôngz siêz, xar muk saz đrâuv têz qơưk chiê uô hâux lưv. Đros qênhx shênhx no, tỉnh Điện Biên cux xav jênhv zos tsôngv box muk uô lox tôngv trâu têx têz qơưk zos huv chêi mak cux jông, viv cêir chêx tâu hâux lưv uô, muôx nzir phênhv sâu thiêz cux paz trâu côngz xưv cxuôv yêiz thiv pluôs. Viv li tỉnh cux tsênhv muôx ziv chênhv trâu têx bôv, nganhx, Chính phủ hâur sêiz shuôk cir têx sêiz lax sik côngv nhoz Điện Biên đros Trung Quốc thiêz Lào li têx tỉnh. Txix co taz por jông tiv zix qênhx liv trâu pêx xênhv, zơưv Lê Văn Quý, Phưv chủ tịch UBND tỉnh Điện Biên hêik:

“Zuôr txos no chiê taz por qênhx liv cux li hâux lưv tsưr tsix trâu pêx xênhv Việt Nam muk uô lox tôngv saz đrâuv têz qơưk nhoz Trung Quốc thiêz Lào tâu muôx chêx cur, taz por qênhx công dân mak pêz cux hêik Chính phủ zuôr cir iz Hiệp định đros Trung Quốc thiêz iz hiệp định đros Lào chiê pêz uô tsênhz mênhx đuô hâux lưv nênhs lox tôngv tưz tsik zos nhoz Điện Biên xưz mak têx tỉnh muk Trung Quốc thiêz Lào lox tôngv cov huv chêi”.

Zơưv Đinh Quang Phửa, Phưv trưởng phongx An ninh đối ngoại Công an tỉnh Sơn La puz pâuz: tsưr ziv muôx chêx cur tiv zix nhiv no zos muôx hâux lưv uô truôx ntơưv qơư nhoz:

“Kror zov chênhr tiv zix zos tsuv sir jos uô côngz xưv yax kriê viv chor nênhs muk tsik zos chêi co phênhv ntâu zos nhoz đêz, tox siêz, muk tiv zos hâux lưv uô, phênhv sâu tsik truôx. Viv li, tsuv paz tsar tov chiê pêx xênhv muôx tâu hâux lưv uô truôx”.

Zơưv Đinh Văn Thơ, Phưv Giám đốc Sở lox tôngv-Xaz pênhz thiêz Xar hôiv tỉnh Lào Cai khav tênhv: nriêr hâux lưv uô muôx phênhv sâu siêz zos nênhs lox tôngv li zoz qơưx huv đros, viv li muôx chôngz lênhx nênhs muk uô jos trâu saz Trung Quốc cox zos kror tsuv muôx xưz viv phênhv sâu siêz đuô. Chiê paz tsar tov trâu pêx xênhv, txix hli 10 tsêiz o txos nhiv no, tỉnh Lào Cai tưz uô siv tso 300 lênhx lox tôngv muk uô hâux lưv ntơưv Công ty Hữu Hạn Khoa học-kỹ thuật Huệ Hồng nhoz Hà Khẩu (Vân Nam-Trung Quốc), xuz thơưx tưz paz muôx tâu chêx cur jông. Taz sik, nhiês cêr muk uô lox tôngv mak tsik tâu chêi têz qơưk por vêv thiêz muôx yưv ntâu phiv liv li txiêz nanv, nhiêx hli tsik truôx, muôl muôs lênhx nênhs, muôl muôs zax zênhz, tsik ngaz tuk thax tsav ntus đriv…Viv li, tsuv muôx chêi lok nênhs lox tôngv nhoz oz saz ntus đriv cov huv đros.

“Nhiv no vênhv thix lox tôngv muk uô hâux lưv đhâu têx ntâuz ntơưr tưz cir jênhv mak tâu uô lõ six jông lơưv. Taz sik đros lox tôngv muk đhâu ntus đriv tsik zos chêi  txơưv tưz tâu oz tos hêik txos taz sik cux tsênhv yuôr phiv liv. Viv li pêz vav tiêk nhoz Việt Nam thiêz Trung Quốc muôx iz Hiệp định lok sêiz car lox tôngv, co cux zuôs zos kror pháp lý siêz tiv zix chiê pêz uô jông hâux lưv sêiz car lox tôngv muk lok đhâu ntus đriv”.

Zơưv Đinh Văn Thơ puz pâuz nzir, đros thiêz paz tsar tov trâu pêx xênhv muk đhâu ntus đriv uô hâux lưv, tỉnh Lào Cai cux tsênhv chuôz cxaz kriz uô têx tsênhv chêi kriê hâux lưv uô, tsov cưv cêir chêx hâux lưv uô trâu lox tôngv jêx jok, lox tôngv ntơưv thax tsav txov nhêv; tror zok nriêr, phuôx huiz têx pênhr jos ntơưv tiv phaz chiê paz uô bluô nux truôx ciês sâuv zuk qơư nhoz. Tuôr chiê nênhs lox tôngv tox siêz uô nox truôx ntơưv zuk qơư nhoz hâur qênhx shênhx luz nênhx txov nhêv zos iz kror tsik zôngx ziv uô. Taz sik zuôr lok six zôngx ziv zos tiêk chor tiv phaz nriêr tâu tsưr ziv huôv tsar kinh tế muôx chêx cur trâu yênhx jêx jok, yênhx ziv chuôz zis. Muôx txâuk nox, txâuk hnar, luz nênhx ziv hnuz ziv jông đuô mak zuôr tsik muôx lênhx tưs xar tso zuk qơư nhoz tsês.

Tsôngv fôngx zưs sơưr đơưk hmor yuô! Têx tsưr ziv mak chor tỉnh hâur thax tsav Tây Bắc tsênhv kriz uô: Nriêr tsưr ziv huôv tsar uô kinh tế truôx, zaz zâuv yưv pênhr, paz muôx hâux lưv uô trâu pêx xênhv nhoz tiv phaz, cir ntơưr sik côngv lox tôngv đros luôs oz chas têz qơưk chiê txo grêk tsơưs qênhx shênhx uô lox tôngv tsik zos chêi…taz sik chiê txos thâuv têx tsưr ziv no tâu kriz uô mak tsênhv yuôr tsik pâuz pêx tsơưs lênhx nênhs nhoz tox siêz Tây Bắc cux tsênhv zok riêr hâux lưv uô ntơưv luôs têx têz qơưk, zuôr zôngx ziv njiz trâus ntâu phiv liv. Đros têx kror tsênhv tsênhz li co mak luôs hâux lưv uô trâu nênhs lox tôngv tsênhv zos iz kror tsuv uô sêi đrơưv chiê txo grêk qênhx shênhx nhiês muk đhâu ntus đriv uô lox tôngv tsik zos chêi tsênhv muôx yưv li hêik co./.

(TTTB-Lik Thox cxêik nhênhv)

Lênhx thơưx tuz lênhv 71 shông nhoz hâur đảng zos tsov iêr chi cax lus hâur luz nênhx

Thiếu tướng Bùi Đức Tùng chuôz zis luz tsêr nhoz hâur jok 24, xã Nghi Phú, TP Vinh, Nghệ An. Nhoz hâur đrôngs, suôv qơư đrav ntêx cux tsênhv zos jok, viv li iz ndis zơưv têx vax tsêr puôr lênhx muôx pak đêx, vax txir lưk pax, txir mo môngk, tsơưz, poz cưk.....hur si. Hâur zơưv luz tsêr, đeiv đuôz zơưv nhiêv khơưk jông tsês yax, tâu đei ntơưv iz đraz faz nja qar kruô zos đeiv đuôz cxeik đros Đại tướng Võ Nguyên Giáp đros trâu ntâu côngz mênhx, chiê ndo txos têx six hơưv, hnuz nhôngs tir ntâul trok châuz Pháp, “9 shông uô iz Điện Biên” ; tưz ntâu jiês trâul moz trâus saz, trâus ntâuk tuô. Thiếu tướng Bùi Đức Tùng xênhz shông 1928, nhoz xã Thạch Sơn, huyện Anh Sơn, Nghệ An. Shông 1945, nhiv kruôr muôx 17 shông, zơưv tưz sơưr cêr muk uô tuz lênhv. Tsuôk 2 shông tov kaz, lênhx tuz lênhv hluôk no tưz hmôngr jông tâu tso nhoz hâur Đảng Cộng sản VN. Hâur ntu tir ntâul trok châuz Pháp, zơưv tưz muôx njêx muôs nhoz phênhv ntâu têx qơư tsav trok zov chênhr li: Qơư tsav trok Việt Bắc, qơư tsav trok Ntus đriv cheix ntux no shông 1947, qơư tsav trok thường Lào, Tây Bắc thiêz tsav trok Điện Biên Phủ. Hâur jiês tir ntâul trok châuz Mỹ tsưx phưv têz qơưk, zơưv tâu tso muk qơư tsav trok Tây Nguyên thiêz Quân khu 5. Đhâu têz qơưk tiêx tuk, zơưv tâu tso lok Bộ tư lệnh Quân khu 4, uô lênhx thơưx Bộ chỉ huy Quân sự tỉnh Nghệ An txos thâuv tax so lâuk. Zơưv tsênhv zos  đại biểu Côx hôiv khóa 8, uô Chủ tịch Hội bôv đôiv lâuk Nghệ An, Ủy viên Thường vụ Hội bôv đôiv lâuk VN. Txơưv nhoz kror tưs, uô zav hâux lưv tưs lok zơưv cux puôr lênhx uô tiêr tâu jông têx hâux lưv zok muôz, tsiv nhos zos luz côngz bê “Lênhx tuz lênhv zơưv Hloz Hôx”. Đại tá Tạ Quang Dư, kuz canr bôv nhoz Bộ chỉ huy Quân sự Nghệ An, nhiv no zos Chủ tịch hội têx lênhx nênhs trâul tsơưr tưx da cam TP Vinh, heik:

“Đros thiêz iz lênhx tưz muôx 90 ntâu shông, taz sik đôngx chir Bùi Đức Tùng thâuv tưs cux tsênhv uô đreiv tâu trơưk li lênhx tuz lênhv zơưv hloz Hôx, uô tâu lơưr Đảng cộng sản VN têx luk choz kriê, thâuv tưs tưz zos tsov iêr chi cax trâu chuôz zis, pox niêv mê nhuôv cux xưk li tsôngv px sđ hâur jêx jok cơưv shâuv, uô trơưk. Đros thiêz iz lênhx canr bôv, iz lênhx đảng viên xưk li co mak têx cêr uô jông, chi cax co  nhoz đreiv hâur iz siv nênhx”.

Tưz 91 shông thiêz 71 shông nhoz hâur Đảng, thiếu tướng Bùi Đức Tùng cux tsênhv ndo njôngr, sei đrơưv, uô nênhx shir phaz lus. Zơưv heik, lênhx đảng viên, txơưv nhoz kror tưs, tsênhv uô hâux lưv lok sik tưz so lâuk puôr lênhx zuôr trâul txos siêz truôx lok chính trị, thâuv tưs tưz jông siêz, shir phaz lus paz cxơưz trâu Đảng tsưr ziv, chính trị. Nhiv no, sâu cxuô qơư yax xa mông thâuv tưs tưz muôx têx mông heik tsi jông, uô hiêv txos Đảng, taz sik canr bôv đảng viên tsuv pâuz xeir tsov têx mông thiêz njênhs  trâu Đảng, Lâuk Hôx cêr tsưr ziv chox car, tsi njênhs, tsi mnôngs têx nênhs fêv nziêk đas, tsi chuôz têk paz chor nênhs fêv uô têx nuv tsi trơưk chei. Zơưv moz siêz thiêz njênhs njôngr trâu cxiv tsav phax tar têx nênhs nox nhiêx têz qơưk zos pêz Đảng uô, zuôr uô tâu trơưk tsưr ziv siêz xar. 2 jiês tir ntâuk tsav phiv liv thiêz txov nhêv njuôr, iz đraz nênhx uô tuz lênhv tir ntâul trok châuz tưz uô trâu zơưv muôx nzir cêr chiê siêz, njênhs njôngr trâu Đảng tsưr ziv chox car; mak têx đôngx chir hâu nov lox muôx pưx txux thiêz txơưx jênhv lok six zov chênhr. Jiês tir thêir, phax tar têx nênhs nox nhiêx têz qơưk zuôr tsênhv tsênhv uô tâu jông, paz cxiv kho cêr chiê siêz, njênhs njôngr trâu canr bôv đảng viên thiêz tsôngv px, tsi muôx kror tưs txưr. Thiếu tướng Bùi Đức Tùng heik:

“Phax tar nox nhiêx têz qơưk , mal no zos tập thể Bộ chính trị hâur Ban bí thư, T.Ư heik cxuô. Taz sik txơưv li chas, chor nênhs sơưr thơưx, têx lênhx lês uô luôs hâux lưv no, têx lênhx chox kriê, mak lol six zov chênhr. Tsôngv px, đảng viên cêr chiê siêz, njênhs njôngr hâur jiês phax tar nox nhiêx têz qơưk tâu cxiv kho, tâu gra siêz. Tsênhz tiês uô tâu li ntơư. Cur zos lênhx đảng viên shông no 70 nhoz hâur đảng lơưv, phax tar nox nhiêx têz qơưk li co zos tưz uô tâu iz kro, txơưv tsênhv zuôr tror uô, sir jos thiêz uô tsênhz mênhx đuô”.

Lênhx tuz lênhv lâuk heil sâuv, tsi muôx iz jiês tưs zuôr cxơưx thiêz sưz hâur luz nênhx, cxuô luôs hâux lưv. Zơưv thâuv tưs tưz uô nênhx luôs nxi, shir phaz lus, cê muôx liv trâu zuk tul khênhx, taz sik cux zos tsưr ziv, têx luk choz kriê trâu chor tuz nhuôs cêr nhiêv têz nhiêv qơư, cơưv shâuv, uô trơưk têx lâuk cêr uô nênhx jông, tsiv txiêx, siz chos cxiv tsa luz nênhx tsâu sor, truôx tuk trâu tsôngv lax px, têz qơưk./.

(Quốc Khánh VOV1-Riê Lâux cxeik, nhênhv)