Jax thưr 6, hnuz 3/6/2016:

Yên Bái: Bax seiz njuôk shuôs, kho moz trâu tsôngv box hâur luz chêix so sor

Ntơưv tsêr kho moz đa khoa tỉnh Yên Bái, hâur têx hnuz no, chor nênhs moz tuôx seiz njuôk shuôs, kho moz chuôz tsar chôngz lênhx. Xav kror đruôz đraz iz hnuz muôx 400 txos 450 lênhx, têx hnuz muôx ntâu mak ndê txos 600 lênhx nênhs. Li ntơư ntâu đuô pir li 1, 2  luz hlik uô ntêx. Têx lênhx nênhs moz tuôx seiz njuôk kho moz ntơưv no, phênhv ntâu zos têx nhuôs zâu moz khâuz thuôs, moz njưk, moz ka; chor nênhs lâuk mak moz tâuz hâu, moz têx poz cxa….. Iz cxiê khoa li Khoa kho moz mê nhuôv zâu, Khoa nội,….tsêr kho moz tỉnh muôx kênh thâuv lok six chôngz nênhs moz tuôx nhoz kho moz. Bác sỹ Nông Văn Hách, tsar khoa nội AB heik pâuz:

“ Pêz njiz trâus lok six ntâu phiv liv hâur phưv vưx, viv têx nênhs moz lok six chôngz pir li têx hnuz fênhx yax. Iz chas ntơư khoa ho tsi tâu muôx txâuk têx chuôz zênhx trơưk li nênhs moz tsưr ziv, siêz xar”.

Tsuôk hâur 5 luz hlik hâur shôngk shông no, tas nro tỉnh Yên Bái tưz muôx  lok six chôngz nênhs moz tuôx trâu têx qơư y tế chiê seiz njuôk shuôs, kho moz, zuôr xar 100 cxênhz lênhx zos tsuv nhoz kho moz trâu têx tsêr kho moz.

Njuôk xav hâur six hơưv zuôr txos no, ntux zuôr cuz  sor, lok nas thiêz nông ntâu. Co zos six hơưv zôngx ziv muôx yưv ntâu zav moz li: Moz khâuz thuôs A/H5N1, A/H1N1, moz vưv, moz suôz liêz, moz plaz trơưk….. Chênhr viv li, iz chas yax kriê chiê trâu tsôngv box sđ gra siêz tsưr ziv, phax tir thêir têx moz hâur cheix ntux sor, tỉnh Yên bái cux bax tsưr ziv phênhz nzir têx yuôx kho moz, tso nzir cưk yuôx, bác sỹ car uô đreiv hâux lưv, nzir txax pư trâu nênhs moz tuôx nhoz, pư kho moz ntơưv têx tsêr kho moz, tsênhv qơư y tế chiê uô jông hâux lưv tsoz phưz đas jos trâu tsôngv box. Zơưv Nguyễn Văn Tuyến, Giám đốc Sở y tế tỉnh Yên Bái heik:

“ Tiv iz zos tror cxaz nzir chuôz zênhx seiz njuôk shuôs, kho moz trâu têx tsêr kho moz txix tỉnh txos têx tsêr kho moz hâur huyện, qơư seiz njuôk shuôs moz thax tsav thiêz têx qơư y tế hâur xã. Tiv 2 zos kriê cxaz txux chi tsưr ziv uô nuv yuôr trâus trâu têx canr bôv, lar heik zos canr bôv car uô đreiv têx hâux lưv kho têx moz hnhar. Tiv 3 zos hlôngr yiêz tsưr ziv, cui tinhv seiz njuôk shuôs, kho moz, txo grêk tsơưs six hơưv trâu têx nênhs moz tsuv nhoz tok chiê tâu qênhz njuôk shuôs moz. Tiv 4 zos chuôz tsar tiês têx cêr paz, kriê lơưr têx hloz thênhv siêz txux chi, tsưr ziv uô nuv txos trâu chor canr bôv, y bác sỹ têx tsêr kho moz thênhv kis”.

Cheix ntux sor shông no, njuôk xav zuôr txơưr txar ntâu thiêz phiv liv, têx jiês zuôr muôx ntâu zav moz huôv xênhz, siz cik sei. Ngênhx muôx vax huôv tỉnh Yên Bái tưz bax jông tsưr ziv chiê tir thêir têx moz gênhs thiêz kho moz zuôr paz txo grêk tsơưs  moz huôv xênhz, cux li paz por hưv truôx tuk đas jos trâu tsôngv box. Taz sik, ngênhx y tế luk kriê, chiê taz por jông đas jos trâu zuk tiz nênhs thiêz chuôz zis, sđ tsuv nox nhoz hur si, tsik uô vuôz tsuôz kiêk nênhs, ngaz tuk thiêz nox txâuk têx jâuz mor./.

                                 ( Thừa Xuân-Riê lâux cxeik, nhênhv)

Phênhv thưr 6 hnuz xiêz 3.6.2016:

          Grê 8: Siz zuôr uô txix gơưv

          1. Tuz, nxêik hluôk siz zuôr tsuv uô trơưk têx chêi li đrav kaz:

          a) Lênhx tuz ntơư txưv 20 shông tror sâu, lênhx nxeik txưv 18 shông tror sâu.

          b) Siz zuôr zos tuz nxeik tưx cuiz tênhv

          c) Lênhx nênhs mênhx pêv

          d) Sik zuôr tsi uô cxâuv iz hâur têx chêi trâus txưr tsi puz siz zuôr lơưr cui tênhv ntơưv điểm a,b,c thiêz d ntu 2 grê 5 hâur hâur chêi no.    

Grê 9: Uô ntơưr siz zuôr

          1. Siz zuôr tsuv tâu uô ntơưr zos đrêiv chêi têz qơưk, zos đrêiv cui tênhv.

          Siz zuôr tsik uô ntơưr trơưk cui tênhv ntơưv ntu no mak tsi huv cêr chei têz qơưs.

          2. Niêv txir tưz siz đrâux tas, xar tror xav tênhv uô niêv txir tsuv tror muk uô ntơưr siz zuôr.

          Grê 10: Zos siz zuôr tsik trơưk chêi, lênhx nênhs muôx vax huôv hêik tso tsês tsik siz zuôr.

          1. Nênhs trâus zuôv siz zuôr, trâus đas nziês siz zuôr, lơưr chêi têz qơưs cui tênhv, lênhx nênhs muôx vax huôv hêik Tòa án tu tso tsês tsik siz zuôr trơưk li ntu 2 grê no, viv uô cxâuv cui tênhv ntơưv điểm b ntu 1 grê 8 chêi no.

          2. Lênhx nênhs, cơ quan, tsưr tsix, muôx vax huôv heik tòa án tso tsês tsik siz zuôr, tiv uô cxâuv cui tênhv ntơưv điểm a,c thiêz d  ntu 1 grê 8 chêi no:

          b) Cơ quan sêiz car têz qơưk lok chuôz zis

          c) Cơ quan têz qơưk sêiz car mê nhuôs zâu;

          d) Hôiv liên hiệp pox niêv.

          3. Lênhx nênhs, cơ quan, tsưr tsix txơưr thâuv pov siz zuôr tsi trơưk chêi têz qơưs, muôx vax huôv hêik têx cơ quan, tsưr tsix tâu cui tênhv ntơưv điểm b,c thiêz d ntu 2 grê no heik tòa án tso tsês tsik puz siz zuôr cov zos đrêiv chêi têz qơưs./.

          (Tuyết Lan- Txâur Vax cxeik nhênhv)