Xêir zuôr muk cơưv đại học 2021: Shux xênhz piz kho đuô têx tsêr cơưv zuk xar muk cơưv, điểm siêz lok cux cxơưx tsav tsik tâu xêir zuôr

Ciês hâur hnuz xuz thơưx Bôv Zoz zux kriz cổng điện tử thik  thiêz xêir zuôr shux xênhz, Nguyễn Thùy Dương, shux xênhz tsêr cơưv cxênhx pêz Khoa học Zoz zux (tsêr cơưv Đại học Zoz zux, Đại học Quốc gia Hà Nội) tưz kriz sêiz thiêz kho đuô têx tsêr cơưv zuk xar tâu xêir zuôr muk cơưv. Uô ntêx thâuv thik tưr cơưv tiêr ntơưr, Thùy Dương đăngk cir muôx 10 kror qơư xar tâu muk cơưv zos Pov chir, Quản trị du lịch hâur Tsêr cơưv Đại học Khoa học xar hôiv thiêz Nhân văn (Đại học Quốc gia Hà Nội) thiêz iz cxiê luz stêr cơưv txơưr đuô. Đros điểm thik tưr tâu muôx 23,15, khối D, kik đuô pir li điểm tâu xêir zuôr muk cơưv chor nganhx no hâur tsêr cơưv shông 2020, Thùy Dương tưz cuêz tênhv kho đuô têx qơư thiêz têx tsêr cơưv xar tâu xêir zuôr muk cơưv co:“Uô ntêx thâuv zuôr thik tưr mak cur đăngk cir chiê tâu xêir zuôr muk cơưv khoa Du lịch hâur tsêr cơưv Khoa học xar hôiv thiêz Nhân văn. Đhâu thâuv pâuz điểm thik mak cur kho đuô qơư xêir zuôr chiê tâu muk cơưv khoa quản trị khách sạn hâur tsêr cơưv Đại học Hà Nội. Đhâu nriêr pâuz mak cur pov cur chor điểm cux siêz đuô pir đros điểm xêir zuôr hâur tsêr cơưv tsêiz no lok six ntâu taz sik cur cux lok six cxơưx. Viv điểm xêir zuôr shông no têx jâuv tsênhv zuôr siêz đuô thiêz”.

Tax tâu muôx 26,2 điểm, khối A1, taz sik đhâu thâuv sêiz shuôk điểm xêir zuôr muk cơưv têx shông uô ntêx, njuôk xav điểm xêir zuôr shông no hâur têx tsêr cơưv, Nguyễn Ngọc Quỳnh, shux xênhz Tsêr cơưv cxênhx pêz Hoàng Văn Thụ, quận Hoàng Mai (Hà Nội) cux kho đuô têx tsêr cơưv xar tâu xêir zuôr muk cơưv ciês hâur hnuz xuz thơưx:“Cur đăngk cir 7 kror qơư cơưv, kror xar tâu xêir zuôr uô ntêx ciês zos kỹ thuật tênhv, kror tiv oz zos kỹ thuật vật lý hâur Bách khoa. Têx qơưk txơưr mak zos hâur têx tsêr cơưv muôx điểm xêir zuôr kik đuô, cux muôx đros têx nganhx li hêik tas co. shông no cur pov điểm xêir zuôr cux siêz, cur cux muôx njil cxơưx thiêz, viv li cur xav kho đuô trâu têx luz tsêr cơưv muôx điểm kik đuô cov tâu xêir zuôr muk cơưv đại học siêz đuô”.

Hlôngr đuô tsêr cơưv xar muk cơưv cov huv đros khov trâu têx điểm thik tâu zos kror mak chor nênhs nhênhz chơưv tsik so hêik chor shux xênhz thâuv txos six hơưv xêir zuôr muk cơưv đại học chiê tâu xêir zuôr muk cơưv cov siêz tiv zix. Shux xênhz tsik tsuv khov ntâu hênhr trâu điểm txêik jênhv têx ntâuz ntơưr xêir zuôr thâuv hlôngr đuô têx tsêr cơưv zuk xar muk cơưv, viv muôx ntâu nganhx, ntâu luz tsêr cơưv mak chor điểm txêik jênhv ntâuz ntơưr txos trâu điểm tâu xêir zuôr muk cơưv sik txơưr lok six ntâu. Hlôngr trâu co, shux xênhz tsuv kho đuô xêir tsov  têx tsêr cơưv zuk xar muk cơưv cov truôx jông chiê tsik njiz trâus têx phiv liv lơưr tsưr ziv: sêiz shuôk jông điểm xêir zuôr shông uô ntêx thiêz xêir tsov chor tsêr cơưv zuk nhiêv muk cơưv uô ntêx hlo.

Lơưr chôngz lênhx nênhs nhênhz chơưv, zos pir li shông 2020, mak chor điểm thik tưr cơưv tiêr ntơưr cxênhx pêz shông no siêz đuô nhoz iz cxiê khối thik, viv li, shux xênhz tsuv uô jông sêiz shuôk, xêir tsov têx tsêr cơưv cov jông thiêz cxaz nzir ntâu luz tsêr cơưv xêir tsov chiê tâu xêir zuôr muk cơưv. Pos Nguyễn Thị Thu Thủy, Vụ trưởng Vụ Zoz zux đại học, Bôv Zoz zux hêik tiêk, đros điểm thik shông no muôx ntâu txơưr txar, xav tas nro chor shux xênhz thik tưr tâu điểm siêz mak cux tsik cxoz tso siêz thiêz uô jông xêir tsov cov jông:“Shux xênhz tsuv xêir tsov chor tsêr cơưv zuk nhiêv cơưv tiv zix, xar muk cơưv tiv zix uô ntêx hlo, thiêz têx qơư cơưv muôx điểm xêir zuôr siêz uô ntêx hlo. Fênhx six mak kror xêir tsov uô ntêx co zuôr zos kror tâu njuôk xav xêir zuôr muk cơưv siêz đuô hur si. Tsuv sêiz shuôk jông chor điểm tâu xêir zuôr muk cơưv hâur têx tsêr cơưv, nganhx cơưv nhoz têx shông uô ntêx chiê xêir tsov tâu têx nganhx, tsêr cơưv huv đros trâu zuk chor điểm thik cơưv tiêr ntơưr cxênhx pêz”.

Lơưr Bôv Zoz zux li tsưr ziv, six hơưv xêir zuôr muk cơưv đại học, cao đẳng, shux xênhz zuôr tâu kho đuô chor tsêr cơưv zuk xar muk cơưv đăngk cir tâu xêir zuôr muk cơưv txix hnuz 29/8 txos 5 six zuôr tsâuk ntux hnuz 5/9, iz lênhx nênhs tâu xêir tsov, kho đuô têx tsêr cơưv co trơưk tsưr ziv trực tuyến 3 jiês./.

(VOV-Lik Thox cxêik nhênhv)

Tsuv zuôr trâul txos tsôngv px thiêz hâu nov ntơưv qơư cêr sik thôngx siêz, côngv têk

Hnuz 18/6/2021, Ủy ban mênhx cxưx tso tơưv Quyết tinhv sôr 433/QĐ-UBDT (QĐ 433), cir ntơưr trâu 22.027 lok six txov nhêv nhoz thax tsav tsôngv box heir nênhs tsơưs thiêz tox siêz hâur 40 tỉnh, TP. Co zos qơư chiê fuô uô têx tsênhv chei yưv pênhr, paz max huôv tsar kinh tế-XH txix nhiêx txiêx têz qơưk ntu 2021-2025.

Iz chas co, jok lok six txov nhêv zos jok muôx chor chuôz zis pluôs txix 20% tror zar sâuv (đros thiêz thax tsav tiêx đras niêv đêx Cửu Long zos txix 15% tror zar sâuv lok sik iz jok muôx ntâu đuô 30 chuôz zis heir nênhs tsơưs). Chor jok muôx chuôz zis pluôs txix 15% txos 20% tror zar hâur (đros thiêz thax tsav tiêx đras niêv đêx Cưu Long txix 12% txos 15%), zos muôx 60% ntâu chuôz zis pluôs zos chuôz zis heir nênhs tsơưs; tsi tâu muôx cêr muk lol txos tsênhv qơư xã lok sik muôx taz sik tsi tâu tâu cxiv uô jông, phiv liv muk lol, lar heik zos hâur cheix ntux nas; tsi tâu muôx tênhv tênhz têz qơưk tơưk pov cêr lok sik tưz muôx taz sik 30% ntâu chuôz zis tsi tâu sir zôngv tênhv tênhz têz qơưk mak tâu xav zos jok lok six txov nhêv.

Têx cui tinhv uô ntov đuô ntu thâuv ntêx viv li hâur 2021-2025, chor jok lok six txov nhêv nhoz thax tsav tsôngv box heir nênhs tsơưs thiêz tox siêz txo grêk tsơưs. Têx li heik no uô tsi jông, tuôr thênhv txos uô lơưr têx tsênhv chei nhoz cxuô thax tsav qơư; lar heik zos hâur ngênhx y tế thiêz zoz zux. Tsênhv tsênhz tso pov, thâuv têx qơư co nhoz hâur bê jok, thax tsav txov nhêv, tsôngv px tâu sơưv têz qơưk têx chei paz hâur iz ntuk ntêr. Chênhr viv li, thâuv tsi tâu têz qơưk paz lơưv, iz cxiê lênhx px zuôr mê njik pôngz siêz thiêz muôx lul heik lol têx hlôngr yiêz no. Zơưv Xâur Xênhv Zax, tsar jok Đồng Ruộng, xã Kiên Thành, huyện Trấn Yên, tỉnh Yên Bái, zos iz hâur têx jok hla đhâu jok txov nhêv hâur ntu zuôr txos, heik lol têx tsưr ziv vênhv tôngv tsôngv px hâur ntu yiêz li no:“Sir jos yax kriê, heik cov tso têx tuz nhuôs muk cơưv ntâuz cơưv ntơưr cxix cxuô, tsi chiê lênhx nhuôv tưs trâul tsi pâuz ntơưr, tsi tâu muk đros luôs lưv tus cơưv txux chi. Đhâu ntơư, cux yax kriê trâu px cov zuôr têx ntơưr seiz njuôk shuôs moz cxix cxuô 100%”.

Tsuv khav tinhv, têx hlôngr yiêz lok thax tsav txov nhêv trơưk Quyết tinhv 861  thiêz Quyết tinhv 433  zuôr uô tuôr thênhv, tsi yuô jông txos hâux lưv fuô uô tsênhv chei hâur thax tsav qơư, lar heik zos buôk ti uô trâu ntâu chuôz zis, tiv zix zos têx chuôz zis tsôngv box heir nênhs tsơưs muôx luz nênhx txov nhêv. Thax tsav txov nhêv cxiv kho têx cui tinhv, chei paz cux uô tsi jông txos ntâu lênhx nênhs, lar heik zos têx nhuôv shux xênhz, cưk kriê ntơưr, canr bôv, công chức, viên chức, nênhs lox tôngv uô nênhx nhoz thiêz uô hâux lưv ntơưv thax tsav txov nhêv. Shux xênhz tsi tâu sơưv têx chei paz trơưk li têx chuôz zis tsôngv box heir nênhs tsơưs tox siêz đêz đrôngs, zuôr uô phiv liv trâu hâux lưv hu zâuv têx nhuôs tuôx tsêr cơưv, cơưv ntơưr, uô tsar ndê têx nhuôs tso ntơưr tsês thiêz txo grêk tsơưs chor nhuôv gruôs tuôx tsêr cơưv, cơưv ntơưr, uô tsi jông txos tsơưr lươngv zoz zux, phổ cập zoz zux….., lar heik zos têx lênhx shux xênhz vax tsêr nhoz đêz tsêr cơưv, niêv txir tok thiêz xa tsi yuô tâu chor nhuôs tuôx muk tsêr cơưv hâur niêx hnuz. Taz sik chiê shux xênhz niêv txir thiêz têx nhuôv shux xênhz pâuz tsênhz lok têz qơưk têx chei yiêz no, ngênhx zoz zux tỉnh no tưz bax tso tơưv têx tsưr ziv. Zơưv Đào Anh Tuấn, Phưv Giám đốc Sở Zoz zux tỉnh Yên Bái heik pâuz:“Sở tưz bax tsưr ziv, hux jos đros têx cơ quan cik txos, cxuô thax tsav qơư chiê cxơưz tiês uô luôs hâux lưv yax kriê, vênhv tôngv, hu zâuv têx nhuôs shux xênhz tuôx tsêr cơưv, cơưv ntơưr. Sở tưz cxiv uô tsưr ziv, phuôx tôngv phôngz yaox siz hluz siz paz hâur tas nro ngênhx, chiê paz max chor shux xênhz thax tsav heir nênhs tsơưs, thax tsav tsôngv box muôx luz nênhx txov nhêv zos “ Tsêr cơưv sik paz hâur tsêr cơưv, lớp siz paz hâur lớp, shux xênhz thax tsav tsi txov nhêv paz chor shux xênhz muôx luz nênhx txov nhêv”.

Iz lênhx px sđ tsuv pâuz tsênhz tiêk, kinh tế-XH ziv hnuz ziv huôv tsar, luz nênhx iz hnuz tâu gra siêz jux juk cux iz zav li têz qơưk têx chei paz iz hnuz zuôr tsơưs jux juk. Chênhr viv li, sđ tsuv sir jos thiêz, gra siêz txux chi tsưr ziv huôv tsar uô nox chiê hla đhâu yeiz pluôs, uô bluô nux. Chiê txix ntơư, thax tsav tsôngv box heir nênhs tsơưs thiêz tox siêz đros trâu tas nro têz qơưk uô tâu têx luôs hâux lưv zok muôz trơưk li Đảng Nghị quyết Đại hội tiv 13 tưz tso tơưv, zos chox pêz têz qơưk yênhx têz qơưk huôv tsar muôx phênhv sâu tâu siêz lok shông 2045./.

(VOV4-Riê Lâux cxeik, nhênhv)

Tsôngv box Poz Ziz Tây Bắc li njêl kâuz-zav nox kaz

          Chiê uô tâu chor njêl kâuz nox kaz, tsư ha, mak xeir njêl thiêz tsưr ziv uô zos zov chênhr đuô hur si. Tsôngv box khênhr xeir zuôr chor njêl ntâuk muôz tâu đrav têx đêx lox, pak đêx lok sik njêl zus hâur têx pak tsi muôz têx jâuz uz no puz ntơư lok uô. Chor njêl zuôr muôz uô njêl kâuz ntơư zos njêl pok nêiz mê, njêl tầm luôx 2, 3 nti lok sik njêl nox jâuz lox cux tâu, taz sik zos muôz njêl lox uô mak zuôr muôx grêix thiêz kaz đuô, đros trâu têx txux lov li: Kriêr tox kênhz, kix, njêr. Tus njêl lox đhâu thâuv tưz cxôngr uô têx đưz đeiv jông nox, muôx têx sđ muôz chor poz cxa lâux poz tsês, gra muk tsâus nzuôr hur tso trâu hâur têx tơưz, saz chiz  cov kruôr đêx, zos njêl tsi tâu tsâus nzuôr hur mak zuôr tsư nhôngk, uô tâu tsi kaz. Zav njêl kâuz co thâuv tưs tưz zuôr tsuv muôx têx hmôngr krâur, hmôngr cxur blâuv ciz gis, đax tsư ha jov uô hmôngr lok uô shơư. Đhâu thâuv bax tâu tas têx hmôngr cxur blâuv li heik sâuv, muôz chor hmôngr co đo tor shơư trâu têx kriêr tox kênhz, kix, njêr cov cxuô li muôz lok đo shơư têx grêix njêl. Zơưv Lường Văn Muôn, nhoz jok lầu, phường Chiềng Lề, Tp Sơn La, tỉnh Sơn La heik pâuz:“Têx txux lov muôz đo tor shơư trâu chor hmôngr cxur ciz gis ntơư, đhâu co thiêx muôz đo shơư têx grêix njêl, uô li no chor txux lov thiêx thơưv cxuô trâu chor grêix đuô. Xar cov chor grêix njêl kâuz sei đuô mak muôx têx muôz nzir mê njik suz thax njêr lok đo shơư trâu thiêz”.

          Đhâu thâuv đo, uô tas li heik sâuv, sđ li muôz chor grêix njêl thiêz txux lov ntơư tso trâu hâur huz. Uô ntêx thâuv muôz tso hâur huz, tsôngv box khênhr zôngv muôz iz kro hmôngr cxur đo shơư têx txux lov sâuv tso puô hâur kaz chiê cov chor grêix njêl tsi trâul tuôx pưv. Thâuv sđ muôz tso hâur huz tsuv zôngv têk niêv cov chênhr chor grêix trâu, zos tsi uô li, têx grêix njêl zuôr kâuz tsi jông thiêz nox tsi yuô tsư kaz. Chor grêix njêl đhâu thâuv muôz tso hâur huz, tsuv tsês muôx nhos iz ciêz txơưx jông nox, thâuv co chor njêl tưz kâuz thiêz tsi hnor tsư nhôngk lơưv. Zơưv Lường Văn muôn heik pâuz nzir:“Thâuv ntêx tsôngv box uô chiê tsês hâur yênhx hli, tâu nox ntêr, viv ziv tsês tâu ntêr chor grêix njêl co ziv kâuz jông, ziv tsư ha, nox kaz đuô. Xar cov têx grêix njêl kâuz no tsês tâu ntêr, tsuv tsưv ziv txos chor njêr muôz trâu chor grêix njêl co. Zos njêr tsơưs mak chor grêix njêl kâuz sei đuô, taz sik tsês tsi tâu ntêr, viv li tsuv muôz njêr cov huv xưz”.

          Thâuv ntêx, têx grêix thiêz njêl tsi muôx ntâu li nhiv no. Thâuv tưs tso pak njêl, lok sik ntâul muôz tâu njêl đrav têx đêx lox, pak đêx lok, tsôngv box Poz Ziz khênhr muôz uô njêl kâuz chiê tsês tâu nox ntêr. Nhiv no, tsôngv box Poz Ziz Tây Bắc zav grêix njêl kâuz co tsi tiêk zos chuôz zis zav nox hâur têx pluôk nox niêx hnuz, mak lơưr tsênhv uô trơưk li tsôngv kruô đas cir, zuôr txos thiêz. Chênhr viv li, zav nox co ziv hnuz ziv tâu ntâu tus chôngz lênhx pâuz txos thiêz nhiêv nox. Hâur niêx hnuz sđ khênhr muôz zav grêix njêl kâuz co lok nox ciês cux tâu, viv tưz tâu muôz đruôz tsês hâur huz siêr jông, shơư têx txux lov hur si, nox njư têx jâuz nox nhôngk li: Blôngx chêr, blôngx tuôz thox, têx zav jâuz blôngx ntông mê njik pluôk ntơư lok six nziv. Lok sik muôz chor grêix njêl kâuz co ciz lok sik chi mak thâuv nox lok six tsư ha, nưk cux kaz txơưr lơưv nưk iz zav thiêz. Niêv lâuk Nguyễn Thị Huệ, kuz qơư nhoz Thanh Hóa tuôx uô nênhx nhoz ntơưv Sơn La tưz tâu ntâu shông  lok no heik:“Cur tuôx nhoz no tâu ntâu shông, thiêz tâu nox lok six ntâu tsôngv box Poz Ziz têx zav nox muôz njêl uô. Iz zav nox nưk puôr lênhx muôx nưk iz kro kaz  txơưr tsi siz thôngx. Hok chor grêix njêl kâuz mak nox muôx iz tsok kaz jiz, mê njik trok, tsư ha, tsư txux lov…”.

          Tuôx txos trâu cxuô jêx jok tsôngv box Poz Ziz tox siêz Tây Bắc, tsôngv kruô sđ tsuv ndo njôngr nox siv têx zav nox kaz muôz njêl uô, hâur co muôx tsôngv box nhoz thax tsav no li zav njêl kâuz./.

                              (Lường Huyền-Riê Lâux cxeik, nhênhv)