Qơư kriê txux chi trâu canr bôv thax tsav tox siêz heir nênhs tsơưs

Tsôngv box thax tsav tox siêz xav tiêk, tsêr cơưv tsês trâu chor nhuôs heir nênhs tsơưs tox siêz  cơưv zos Đảng, pêz têz qơưk tsênhv chei tsov cưv đros thiêz thax tsav tox siêz heir nênhs tsơưs, paz txo grêk cêr siz kuôk cêv đêz lok sâuv yeiz pluôs thiêz huôv tsar cêr uô nox nhoz thax tsav tox siêz thiêz tiêx đras. Zơưv Mong Công Hải, zos iz hâur yênhx cxênhz lênhx heir nênhs tsơưs nhoz tox siêz Nghệ An yênhx iz lênhx canr bôv muôx txux chi txix tsêr cơưv no lok, nhiv no zos chánh án toax anr huyện Tương Dương. Zơưv Hải heik lok cêr uô tsâus ntâu txos luz tsêr cơưv tưz kriê txux chi trâu zơưv yênhx lênhx nênhs muôx liv li hnuz no:

  “Thax tsav qơư no zos qơư kriê txux chi, cêr uô nênhx jông trâu lênhx tiz nênhs, chênhr têx canr bôv huyện, hâu no huyện phênhv ntâu cux zos tơưv txix tsêr cơưv no lok”.

33 shông đhâu, hâur niêx shông, chor shux xênhz nhoz tsêr cơưv no cơưv tâu ntơưr coz tsav txix 50-60%, chor shux xênhz cơưv tas ntơưr  lớp 12 muôx 98-100%, têx shux xênhz tâu muk cơưv trâu têx tsêr cơưv đại học tsuôk tâu 1-7% hâur 5 shông xuz thơưx, txos nhiv no zos 80-85%. Tsêr cơưv hmôngr jông tâu Đảng, têz qơưk muôz côngz mênhx uô tâu nuv jông hov iz, hov 2, hov 3 thiêz tsi so tâu T.Ư, tỉnh muôz ntơưr kruôs. Cưk kriê Nguyễn Văn Trung, thơưx seiz car tsêr cơưv heik pâuz, tuôx cơưv ntơưv tsêr cơưv no zos têx shux xênhz heir nênhs tsơưs nhoz txix 11 huyện tox siêz hâur tỉnh tuôx cơưv. Hâur ntơư, nênhs Ơđu zos heir nênhs tsơưs đuô hur si hâur têz qơưk nhiv no. Chênhr viv li, tsêr cơưv thâuv tưs tưz xav tinhv tsuv sir jos sik thôngx siêz truôx nhoz têx shux xênhz, paz têx nhuôs khưx phưx cxuô cêr txov muôx tsi txâuk lok cxuô zav thâuv chor nhuôs tuôx nhoz cơưv ntơưr đêz vax tsêr, jêx jok. Cưk kriê Trung heik:

“Ciês lok sâuv têx txux chi uô si lov jêv mak tâu taz sik tsi muôx qơư tưs đar trâu têx shux xênhz uô si, lov jêv. Iz tsêr cơưv heir nênhs tsơưs phưv thôngz chêx chôngz lok zos tsêr cơưv Dân tộc nội trú xưk li cur trường mak lok six ntâu heir nênhs tsơưs. Muôx shux xênhz Ơđu tsi txâuk điểm cux zuôr tuôx cơưv. Chor nhuôs lok six ciêz thiêz mnôngs luk, tuôx nhoz no cơưv ntơưr mak muôx tsưr ziv zos tsơưr lươngv vênhx huôv, txiv ngaz ngaz tuk thiêz têz qơưk tsênhv chei”.

Shux xênhz phênhv ntâu zos nhoz têx thax tsav txov nhêv, thâuv lơưr tuôx cơưv, chor nhuôs tâu sơưv têz qơưk têx tsênhv chei paz lok  sâuv nox nhoz, cơưv ntơưr thiêz têx tsênhv chei xênhz huôx txơưr đuô. Shux xênhz Cao Thị thùy Trang, heir nênhs Poz Ziz, cơưv ntơưr lớp 11, vax tsêr nhoz Anh Sơn heik:

“Cur lok six shir phaz viv tâu tuôx cơưv trâu hâur tsêr cơưv no. Cur lok six hmôngr jông thiêz cur xar tiêk, zuôr sir jos cơưv cov tâu txux chi jông”.

Hnuz no, hâur tas nro ngênhx zoz zux hâur thôngz têz qơưk hnuz hội, têx nhuôs shux xênhz nhoz tsêr cơưv Dân tộc nội trú Nghệ An tưz nthuôr uô cêr lov jêv; heik lok ngênhx kriê txux chi li côngz đas jos lox thiêz uô tsâus ntâu txos Đảng, chính phủ têx txiêx njis, tsênhv chei tsês trâu tsôngv box heir nênhs tsơưs nhoz thax tsav tox siêz./.

(TTT-Riê Lâux cxeik, nhênhv)

Hlôngr yiêz ntâu hâur côngz xưv tso nhoz đảng viên ntơưv Điện Biên

Đros Ban thường vụ Tỉnh ủy li chox kriê, Ban tsưr tsix Tỉnh ủy li kruôz kriê, ntu đhâu cxuô cấp đảng hâur tỉnh Điện Biên tưz sir jos chox kriê muôx chêx cur côngz xưv cxiv tsa đảng, kho đuô tsưr tsix cơ sở Đảng, tiv zix zos côngz xưv cxiv tsa nhoz đảng viên, cxiv tsa tsưr tsix Đảng jông, truôx tuk. Txix hâur shôngk shông 2016 txos tas hli 6/2017, tas nro tỉnh tưz tso nhoz hâur đảng tâu muôx 3.722 lênhx đảng viên, chôngz đuô 30% pir li tỉnh luôs hâux lưv tơưv.

Đros tsưr ziv uô huv zos thiêz tax tâu zoz qơưx tsênhv tsênhz nhoz tiv phaz, shông 2016 thiêz 6 luz hli hâur shôngk shông 2017, chor chi bộ nhoz tsưr tsix cơ sở Đảng xã, phường, thị trấn tưz tso nhoz hâur Đảng tâu muôx 2.403 lênhx đảng viên, tsav muôx 64% ntâu pir li tas nro chor đảng viên yiêz tâu nhoz hâur Đảng. Kror zov chênhr hâur côngz xưv tso nhoz đảng viên ntơưv chor Đảng bộ xã, phường, thị trấn txix hâur shôngk shông 2016 txos nhiv no tưz muôx nzir 44 luz jêx jok muôx đảng viên, paz txo grêk chor jêx jok tsik muôx đảng viên txix 95 hâur 1.813 jêx jok txo grêk  yuôr 51 jêx jok; chor jêx jok tsik tâu muôx chi bộ tsuv xênhz huôx uô cê txix 328 jok, nhiv no yuôr 271 jok; phêiz thiêz yênhx lix yiêz 57 chi bộ jêx jok.

Đảng bộ huyện Mường Nhé tso đảng viên nhoz cơ quan xã lok xênhz huôx đảng đros jêx jok hâur têx xã txov nhêv, iz thênhv jux juk paz huôv tsar đảng viên yiêz. Cxuô cấp ủy Đảng tưz lok six tsov cưv txos huôv tsar đảng viên zos chor nênhs uô cán bộ, công chức cấp xã, mênhx cxưx tsơưs nênhs, hluôk nênhs, bộ đội uô tiêr jênhv vưv quân sự, dân quân tự vệ, chor cán bộ nhoz têx jêx jok. Chor đảng viên yiêz zos chor nênhs hluôk, iz cxiê jêx jok thâuv ntêx tsênhv njiz phiv liv hâur côngz xưv tso nhoz đảng viên mak nhiv no cux muôx cxuô đảng viên, iz cxiê lênhx zos nênhs nhoz tiv phaz, zos mênhx cxưx tsơưs nênhs, tưz phuôx huiz tâu kror zov chênhr hâur cxiv tsa jêx jok yiêz, huôv tsar kinh tế, hla đhâu cêr yêiz pluôs, muôx luz nênhx truôx tuk.

Zơưv Shôngx Xênhv Muôk, Phưv tsar Ban Tsưr tsix Tỉnh ủy Điện Biên puz pâuz: Chiê iz thênhv jux juk khưx phưx têx phiv liv no, chor tsưr tsix đảng tsuv hêik Trung ương thiêz Cấp ủy đảng thênhv siêz li têx nghị quyết trâu cán bộ, đảng viên tiv phaz pâuz chiê gra siêz jênhv pâuz thiêz txơưx jênhv lok côngz xưv huôv tsar đảng viên; thôngx cxix chox kriê chor tsưr tsix cơ sở Đảng cxiv tsa tsưr ziv tsênhv tsênhz; phêiz côngz đảng viên sêiz shuôk, paz trâu chor nênhs tsiv txiêx, uô tâu ntâu luôs hâux lưv jông chiê nhoz hâur Đảng. Chor tsưr tsix đoanx thể hâur cxiv luôs chính trị txix tỉnh txos tiv phaz tsuv phuôx huiz zuk li pưk txux, txơưx jênhv chiê paz trâu chor nênhs nhoz zuk đoanx thể thiêz hêik trâu chi bộ pâuz, taz por tsơưr lươngv. Ntơư zos iz hâur têx tsưr ziv chiê ntâuk gri yênhx tsưr tsix đảng thiêz yênhx lênhx đảng viên uô tiêr lok tsik tiêr zuk têx luôs hâux lưv zok muôz./.

(Báo xây dựng Đảng-Lik Thox cxêik nhênhv)