Huôv tsar kinh têr, txo grêk yêiz pluôs truôx đrênhk trâu pêx xênhv tox siêz

Zơưv Chamalea Hồng chuôz zis nhoz jok Hành Rạc 1, thâuv ntêx  zos iz hâur chor chuôz zis pluôs nhoz xar Phước Bình. Shông 2013, tâu mặt trận, đoanx thể xar vênhv tôngv hlôngr yiêz tsoz chos, tsiêx tu zus, thôngx cxix paz txêik pênhr nhiêx liv kik txix zênhx hangx tsênhv chêi xar hôiv, zơưv chuôz zis tưz hlôngr 5 ha ar têz chos kôngz lôngk chiê chos tsoz chos điều. Truôx siêz sir jos, cơưv shâuv tsưr ziv huôv tsar uô txix chor nênhs uô ntêx lok sir zôngv khoa học kỹ thuật huôv tsar uô kôngz lôngk, khov co chuôz zis chor điều ziv hnuz ziv chuôz ndê, yênhx shông sâu sâu tâu 6 tấn ntâu nôngz txir điều. Grê muôs 42 cxênhz đêiv iz cir, iz shông zơưv chuôz zis sâu tâu muôx 150 triệu đêiv nhiêx. Txix têx pênhr cxênhx txuôs tâu co, zơưv Chamalea Hồng tror yưv pênhr chos shơư 70 tsoz txir lưk jôngr tơưr njuôz thiêz zuôr 4 tuk nhux đas nôngz lok zus. Txos nhiv o tix lâus chuôz zis chor nhux đas tưz huôv tsar muôx 10 tuk. Zơưv Chamalea Hồng, xar Phước Bình, huyện Bác Ái, tỉnh Ninh Thuận hêik:

“Zuk cxênhx txuôs nhiêx zuôr nzir ar, chos txir điều pov muôs tâu gri. Chos jux muk yênhx li nhiv no. zuk xar mak zuôr txos ar tsênhv yuôr mak chos txir lưk jôngr thiêz ntông nox txir”.

Zơưv Pi Năng Thiêng nhoz jok Hành Rạc 1, xar Phước Bình ziv chuôz zis cux yưv pênhr chos txir lưk jôngr tơưr njuôz. Xuz thơưx zơưv Thiêng tsuôk chos oz pêz tsoz siv, đhâu iz ntu pov tâu chêx cur kinh têr siêz đuô pir li chos blêx thiêz poz cưk viv li shông 2013, zơưv  chuôz zis tưz muôz 1 ha ar tox trôngz chos txir lưk jôngr tơưr njuôz. Zơưv Thiêng puz pâuz, txir lưk jôngr tơưr njuôz zos tsoz chos huv đros đêx ar thiêz qiv hơưv ntơưv tiv phaz, zôngx ziv tsoz phưz, tsik trâus caz hmoz ruôr hiêv ntâu. Đros gri muôs ntơưv vax txix 30.000 txos 50.000 đêiv iz cir, zơưv chuôz zis 1ha txir lưk jôngr tơưr njuôz paz muôx tâu phênhv sâu thiêz paz trâu chuôz zis huôv tsar kinh têr. Zơưv Pi Năng Thiêng nhoz xar Phước Bình, huyện Bác Ái, tỉnh Ninh Thuận hêik:

“Shông no cur chos nzor nzir iz ha txir lưk jôngr yiêz thiêz, chos txir lưk jôngr tơưr njuôz zos 1 ha, viv nhoz no muôx đêx ntưk sâuv trôngz viv li cur chiê đêx chiv chir zưs cux lok six zôngx ziv. Shông no cur tưz huôv star chos txir lưk jôngr thiêz uô tâu vax tsêr jông lơưv”.

Đros pêx xênhv li sir jos thiêz chính quyền, mặt trận, đoanx thể li têx paz ndar six hơưv, txos nhiv no xar Phước Bình muôx 130 ha txir lưk jôngr tơưr njuôz, sâu tâu muôx 30 triệu đêiv iz ha iz chiv. Đuô li, pêx xênhv xar Phước Bình tsênhv chos 741ha tsơưz thiêz sầu riêng paz muôzz nzir phênhv sâu txix 25-30 triệu đêiv iz ha iz shông. Khov co, tsôngv box nhoz tox siêz Phước Bình luz nênhx ziv hnuz ziv huôv tsar đuô…Pos Katơ Thị Gái, Chủ tịch UBMTTQ xar Phước Bình, huyện Bắc Ái, tỉnh Ninh Thuận puz pâuz:

“Lơưr Đảng li nghị quyết mak tsuv hlôngr đuô tsoz chos txir chor tsoz chos lur hnuz trâu chos chor tsoz chos ntêr hnuz chiê huôv tsar kinh tế, txix co Mặt trận cux yax kriê hêik pox nhuôs sêz kror tưs huv trâu tsoz chos tưs mak hlôngr chos zav tsoz chos co. Nhiv no mặt trận cux tsênhv sir jos yax kriê cov uô li chak lok thiv pluôs tâu truôx đrênhk”.

Muôx tâu chêx cur li co, cxuô cấp mặt trận tưz kriz uô muôx chêx cur cxiv vênhv tôngv “Hlôngr yiêz tsưr ziv uô thiêz siêz xar trâ tsôngv box mênhx cxưx tsơưs nênhs chiê sir jos cov hla đhâu cêr pluôs truôx đrênhk”. Khov co pox nhuôs luz nênhx tâu hlôngr yiêz jux juk. Txos nhiv no, chor chuôz zis pluôs thiêz zuôr xar pluôs nhoz Phước Bình tưz tâu txo grêk tsơưs ntâu, phênhv sâu lênhx nênhs tax tâu 10 triệu đêiv iz lênhx nênhs iz shông. Zơưv Cao Anh Tuấn, Phưv chủ tịch Ủy ban Mặt trận têz qơưk huyện Bác Ái, tỉnh Ninh Thuận hêik:

“Tror phuôx huiz chêx cur tưz uô tâu haur shông đhâu, mặt trận zuôr thôngx ziv đros têx đoanx thể hâur huyện, xar cchoz jênhv vưv, tsưr ziv tsênhv tsênhz trâu yênhx taz viv hêik pox nhuôs hlôngr yiêz tsoz chos tsiêx tu zus”.

Đros trâu têx luôs hâux lưv uô thiêz tsưr ziv tsênhv tsênhz, vav tiêk hâur ntu zuôr txos no, luôs hâux lưv uô txo grêk yêiz pluôs nhoz xar Phước Bình hêik taz, huyện tox siêz Bác Ái, tỉnh Ninh Thuận hêik cxuô zuôr tror uô tâu truôx đuô luôs hâux lưv txo grêk yêiz pluôs truôx đrênhk đuô trâu thax tsav jêx jos tox siêz đêz đrôngl./.

(TTTPHCM-Lik thox cxêik nhênhv)

PHÊNHV HÊIK PÂUZ LOK TSƯR ZIV TIR THÊIR CAZ MOZ ƠƯK TRÂU TSIÊX CXU

Tsưr ziv phax tar caz moz ơưk Niu cát xơn

1. Lok zav moz ơưk:

Caz moz ơưk NCX zos zav moz siz cik phiv liv nhoz kêiz ol, nôngs tiv zos iz zav caz moz ơưk uô muôx yưv moz, nhoz cxuô hov hnuz nhôngs puôr lênhx zuôr trâus moz hur si, moz tsik so muôx đros ntâu zav moz txơưr đuô nhoz kêiz ol zôngx ziv trâus tuôs, trâus ruôr hiêv lok kinh têr ntâu. Chor kêiz ol tsik tâu cxax yuôx phax tar moz mak thâuv trâus cik moz zuôr tuôs tas hur si.

Caz moz NCX tsik so cik txix kêiz ol muôx moz trâu chor tsik trâus moz lok sik cik đhâu têx flâuz kê, têx zav chuôz zênhx hâur tu zus, zav nox đêx hâuk, têx zav vuôz tsuôz, nênhs tu zus li têx khâu, trik yo muôz caz moz.

2. Moz muôx yưv:

Kêiz gênhk, tik nthuôr, pox kêiz tsik xar tsâux, lâu kêiz tsik xar kuô; luz txiê o lox; kêiz tso qir uô cuô, đơưz lok sik njuôz muôx njil nhênhv; têx iz kêiz xiêz đuz (uô tsik yuô tâu pa); tơư kruôr thiêz txiêk, tuôr oz cxêik tơư gra mak muôx cuô ntưk lok đhâu kror ndâux; ntâu tuk muk cir lênhk, chax đaz lêv, nox tsik ndax têx jâuz krâur…

3. Phax moz:

Kêiz thâuv trâus cik caz moz NCX mak tsik muôx yuôx chơưv kho. Jông đuô zos phax tar tsik chiê trâus moz. Tsưr ziv phax tar zos cxax yuôx vắc xin phax moz; tso cuô vắc xin la sô ta trâu kror muôs, kror njưs, kror ndâux têx mê nhuôv kêiz tsik tâu muôx oz hli hnuz nhôngs (txix hnuz tiv 61 tror muk); tsik muôs têx kêiz trâus moz, tsik muôz têx kêiz trâus tuôs co por tsês trâu cxiê qơư mak tsuv muôz chox muk phâuk.

4. Kho moz:

Nhiv no tsênhv tsik tâu muôx zav yuôx tưs chơưv kho zav moz no./.

(Thu Thùy-Lik Thox cxêik nhênhv)