Jax 3: Car seiz têx ar têz faz Bắc: Tsuv muôx têx tsưr ziv tsênhv tsênhz, jông thiêz zênhx max

Đhâu têx cêr pôngz siêz đros thiêz chênhr têx lênhx tsôngv box nhoz uô cê sâuv zuk têx ar têz, zơưv Xeir Muôk Xênhv Shôngx, 70 shông, nhoz jok Ma Lù Thàng, xã Huổi Lèng, huyện Mường Chà, tỉnh Điện Biên thiêx xar txos hâux lưv zuôr tsuv uô ntơưr côngk nhav sir zôngv ar trâu zuk têx liêx têz, txar têx tsi jông lok zar tov kaz no. Trơưk li zơưv Muôk, tsôngv box Hmôngz mak tsi so hlôngr uô têx liêx têz, tsênhz tiês zos thâuv tưs uô đeiv têz no tsuôs tas, tsi jông kôngz mak lơưr muôz tso tsês iz ntuk uô têz phaz, ntâu shông tov kaz mav tror luôx, uô đuô, tsuôk zos têx lâuk nênhs, muôx hnuz nhôngs hâur thax tsav thiêx pâuz tsênhz kror tưs zos zuk kuz liêx kuz têz, hok chor hluôk mal lơưr pâuz tsi tsênhz, thiêx uô trâu luôx zuôv cêv luôs lưv tus têx liêx têz, uô muôx têx cuz nxor, siz char siz chês, tsi jông siêz li ntơư: “Liêx mak muôx taz sik ar mak tsi tâu muôx, ar tsi muôx, ar liêx têz mak tsi muôx lênhx tưs muôx. Cur luz vax cur xor txix thâuv ntêx lol mak nhiv no tsi muôx lênhx tưs zuôr lok txênhz tâu lơưv. Zos têz qơưk, Chính phủ tưz muôx chei, txơưv tiêk zos ar têz lok tsuv uô ntơưr côngk nhav, thiêx tsi siz txênhz mak cur zênhx jông siêz, shir phaz lus uô xưz”.

Đại tá Vũ Tiến Dũng, Phưv Giám đốc Công an tỉnh Điện Biên heik pâuz, thâuv muôx siz txênhz ar liêx têz, zos cxuô ngênhx muôx vax huôv, lar heik zos cơ quan car seiz têx ar têz tsi đơưk tu zênhx max, tsi muôx qênhz shuôs, tâus nriêr lok tsôngv px têx tsưr ziv, siêz xar mak zuôr đơưk uô tsi tâu jông, tsi tu kaz: “Đros thiêz lưv lươngv công an mak pêz cux tưz muôx têx tsưr ziv nhênhz chơưv trâu tỉnh chiê chox kriê cxuô ngênhx muôx vax huôv, cấp ủy hâu nov moz siêz txos đơưk tu jông têx txuz nuv cuz nxor”.

Hok trơưl li zơưv Nguyễn Đăng Nam, Phưv Giám đốc Sở đêx ar thiêz tênhx qơư tỉnh Điện Biên, mak txos nhiv no phênhv ntâu têx txuz tsôngv px siz txênhz ar liêx têz hâur thax tsav tưz tâu đơưk tu, tâu nhos 90%. Taz sik, chiê đơưk tu tâu trơưk tsưr ziv têx txuz siz txênhz liêx têz ntêr hâur ntâu shông nhoz têx jêx jok, xã, huyện mak xuz thơưx tsuv qênhz shuôs đuô têx ntâuz ntơưr lok ar liêx têz chiê txo grêk tsơưs, truz lur hnuz nhôngs uô têx ntâuz ntơưr ar têz, muôz jông six hơưv trâu tsôngv px sir zôngv ar thâuv uô lơưr chei têz qơưk têx cui tinhv: “Ủy ban tỉnh cux tưz muôx chox kriê têx sở, ban, ngênhx, lar heik zos Ủy ban cxuô huyện, thị xã, TP tsuv cxiv kho cux li gra siêz txux chi tsưr ziv lês uô hâux lưv đơưk tu têx txuz siz pênhr cov”.

Tỉnh Sơn La tso tơưv tsưr ziv txos tas shông 2020 no, tsuv uô tiêr luôs hâux lưv côngz ntơưr côngk nhav sir zôngv ar jiês xuz thơưx trâu tsôngv px hâur thax tsav. Trơưk li zơưv Phạm Văn Thi, Phưv Giám đốc Sở đêx ar thiêz tênhx qơư tỉnh Sơn La, chiê uô tiêr têx ntâuz ntơưr no tsuv cxơưz tiês hâux lưv yax kriê chiê gra siêz tsôngv px sđ txux chi, tsưr ziv jênhv pâuz lok têx ntơưr côngk nhav sir zôngv ar co muôx liv li chas. Iz chas ntơư, heik têx Bộ, ngênhx T.Ư uô lơưr têx tsênhv chei cov fiv đros trâu tsênhv tsênhz, lar heik zos ntơưv têx thax tsav tox siêz đêz đrôngs, muôx ntâu tsôngv px heir nênhs tsơưs uô nênhx nhoz li Sơn La: “Pêz đros Sở Nhiêx txiêx zuôr nhênhz chơưv trâu Ủy ban tỉnh muôx têx ntâuz ntơưr heik Bộ nhiêx txiêx nhênhz chơưv paz iz phênhv nhiêx txiêx trâu tỉnh chiê fuô uô luôs hâux lưv uô têx ntơưr côngk nhav sir zôngv ar jiês xuz thơưx. Tiv 2 zos cux heik trâu Bộ nhiêx txiêx heik Chính phủ tso chei tsôngv px heir nênhs tsơưs, thax tsav tox siêz tâu txeik têx nhiêx uô ntâuz ntơưr sir zôngv ar ntêr hnuz nhôngs đuô pir li nhiv no”.

Tsênhv thâuv ngênhx muôx vax huôv cux tsênhv njiz trâus têx phiv liv hâur fuô uô luôs hâux lưv uô têx ntâuz ntơưr sir zôngv ar thiêz hâur đơưk tu têx cuz nxor lok siz txênhz ar têz mak nhiv no tsi tâu tâu pov muôx iz kro tưs tsôngv px tox siêz Tây Bắc zuôr moz siêz txos hâux lưv muk đas cir uô têx ntơưr côngk nhav sir zôngv ar hlo, chiê por hưv zuk têx liêx têz tsi trâus pôngz, tsi trâul luôs lưv tus txênhz.

Đhâu têx li heik no tso pov, siz txênhz ar têz nhoz têx jêx jok, thax tsav tox siêz cux tsênhv zos iz kro lok six phiv liv, lax đơưk uô tâu. “Iz côngs ar, lênhx nênhs txox siê” cux tsênhv zos tsôngv px, têx chuôz zis, jêx jok nhoz thax tsav tox siêz Tây Bắc cêr cxơưx thiêz nyei trưs hâur niêx hnuz./.

                        (TTTB-Riê Lâux cxeik, nhênhv)

Têz nus lok phax tar moz lok cêr uô pa tiv caz moz côrôna uô moz yưv

Nữ: Têx lênhx nênhs tưs zuôr trâus chox đeiv bos kror ndâux y tế?

Nam: Co zos cán bộ y tế tsoz phưz, kho moz trâu lênhx nênhs njuôs xav trâus moz, nênhs moz li cêr uô pa...Nênhs tsoz phưz lok sik nhoz jê lênhx nênhs njuôs xav trâus moz, nênhs moz lok cêr uô pa. Nênhs moz lok sik njuôs xav trâus moz pov gru, iz chêr cuz sor, lok njưs...tas nro têx lênhx nênhs mul qơư y tế.

Nữ: Thâuv tưs zuôr trâus chox đeiv bos kror ndâux y tế?

Nam:

          Thâuv tsoz phưz, seiz car, kho moz trâu lênhx nênhs moz lok sik njuôs xav trâus moz, nênhs moz lok cêr uô pa lok sik seiz njuôs moz.

          Thâuv tsoz phưz lok sik nhoz jê nênhs moz lok sik njuôs xav trâus moz lok cêr uô pa.

          Thâuv mul seiz njuôs, kho moz ntơưv qơư y tế; thâuv tâu heik chiv chir seiz njuôs, cêv kuôk hâur tsêr.

          Thâuv mul uô hâux lưv, seiz nus, tsoz phưz ntơưv qơư y tế.

          Nữ: Chox đeiv bos kror ndâux li chas thiêx li zos?

          Nam:

          - Đeiv bos kror ndâux y tế tsuôk zôngv iz jiês, tsi tror zôngv đuô.

          - Thâuv chox đeiv bos kror ndâux tsi zôngv tês cor trâu saz đrâuv đeiv bos kror ndâux.

          - Thâuv hlê đeiv bos kror ndâux tsuôk zôngv tês tuôr 2 txox hluô đei ntơưv kror njêx, tsi zôngv tês tuôr saz đrâuv đeiv bos kror ndâux chiê hlê.

          - Zôngv yuôx phongx lok sik cồn nzuôr tês cov hur thâuv hlê đeiv bos kror ndâux.

          Nữ: Lênhx tưs tsuv chox đeiv ntâuz bos kror ndâux?

          Nam: Têx lênhx nênhs muôx đas jos, tsi muôx têx moz yưv lok cêr uô pa li gru, iz chêr cuz sor, lok njưk....

          Nữ: Thâuv tưs tsuv chox đeiv ntâuz bos kror ndâux ?

          Nam: Thâuv mul txos têx thax tsav muôx chôngz lênhx nênhs li qar yêz kruô, yêz za, ciêz, tov têx cêr muôx chôngz lênhx nênhs mul lok.

          Nữ: Chox đeiv ntâuz bos kror ndâux li chas thiêx li zos chiê phax tar moz muôx chêx cuk?

          Nam:

          Chox đeiv ntâuz bos kror ndâux their tas kror ndâux kror njưk.

          Thâuv chox tsi zôngv tês cor trâu saz đrâuv đeiv ntâuz bos kror ndâux.

          Thâuv hlê đeiv ntâuz bos kror ndâux tsuv tuôr 2 txox hluô đei ntơưv kror njêx, tsi tuôr đeiv ntâuz chiê hlê.

          Nxuô cov hur đeiv ntâuz bos kror ndâux cxôngx yuôx phongx chiê tror zôngv đuô.

          Yax six zôngv yuôx phongx nzuôr tês chiê phax tar moz. Bộ y tế cux heik mênhx: Têx lênhx nênhs muôx đas jos, tsi trâus moz lok cêr uô pa mak tsi zuôr zôngv đeiv bos kror ndâux thâuv tsi zuôr trâus lok sik zôngv ntâuz bos kror ndâux chiê por vêv đas jos./.

(VOV4-Txâur Vax cxeik nhênhv)