Bôv đôiv thiêz tsôngv box sik côngv têk cxiv tsa jêx jok yiêz nhoz huyện Buôn Đôn

Txox cêr muk txix jok 10 trâu jok 11, xã Ea Bar, huyện Buôn Đôn, tỉnh Đắc Lắc, muôx zuôr xar iz cêik cêr tưz tâu luôv xuôz jêz, xi măng đar 3 thiêr ntâu; 2 saz ntus cêr cux tâu cxiv uô tiêx jông mul lok. Tâus mul lok sâuv txox cêr no hâur niêx hnuz, tix lâus Phùng Văn Thời, nhoz jok 11, xã Ea Bar, huyện Buôn Đôn heik, txox cêr no uô tiêr tưz uô hlôngr yiêz tas nro 2 luz jok, paz tsôngv box mul lok thiêz thâux xa têx xiv huv kôngz nuv tâu zôngx ziv đuô pir li đrav ntêx. No zos txox cêr têz qơưk thiêz tsôngv box sik đros uô, lar heik zos têx canr bôv chiến sỹ hâur Ban sêiz car quân sự huyện Buôn Đôn paz tas nro hnuz công uô cêr. Tix lâus Phùng Văn Thời heik:

“Txox cêr no đrav ntêx zos cêr ar thiêz nxaz, bluô, tsôngv box mul lok phiv liv cơưs. Đhâu thâuv tâu bôv đôiv paz hnuz côngz uô cêr luôv xuôz jêz đu lul muk lok zôngx ziv, nhiv no tsôngv box mul lok thiêz thâux xa têx kôngz hâur têx hnuz muôx ntux nas mak tưz tsi txov li đrav ntêx lơưv. Khov têx bôv đôiv paz cxiv uô jêx jok yiêz mak nhiv no sâuv thax tsav co tưz muôx ntâu hlôngr yiêz ”.

Xã Ea Bar, huyện Buôn Đôn tâu Ủy ban tỉnh Đắc Lắc xeir zos tỉnh li xã uô siv luôs hâux lưv cxiv tsa jêx jok yiêz. Xav txos trâu nhiv no, xã tưz uô tiêr tâu 16 hâur 19 luôs hâux lưv tso tơưv. Zơưv Nguyễn Văn Đức, Phưv Bí thư Đảng ủy xã Ea Bar, huyện Buôn Đôn heik pâuz, txix nhiv no txos tas shông 2018, xã zuôr sir jos uô cov tiêr 3 luôs hâux lưv tsênhv yuôr zos: Tênhx qơư, chuôz zis pluôs thiêz cxiv kho têx tsêr cơưv ntơưr. Chiê uô cov tâu têx luôs hâux lưv li heik no, hâur six zuôr txos, cxuô cấp ngênhx, tsôngv box sđ li sik côngv tês paz, hâur ntơư muôx têx bôv đôiv nhoz hâur thax tsav.

“Lok sâuv huyện đội li têx cêr paz hâur ntu đhâu mak ntâu côngz trênhx li: Uô cêr luôv xuôz jêz mul lok hâur jêx jok, kho têx cêr, cxiv uô tsêr niêv côngv siêz. Thiêz hâur six hơưv zuôr txos, ntơưv qơư cux tror heik Ban sêiz car quân sự huyện paz lok sâuv kriê txux chi tsưr ziv yuôr trâus trâu têx jênh quân tự vêv chiê tsưx phưv truôx txiv ngaz chính trị, tror moz siêz txos cxiv uô têx tsêr niêv côngv siêz trâu têx chuôz zis pluôs. Đhâu ntơư, paz ntơưv qơư tuôr truôx thiêz uô tâu tiêr luôs hâux lưv cxiv tsa jêx jok yiêz”.

Trơưk li Ban sêiz car quân sự huyện Buôn Đôn thôngz sâu, txix shông 2011 txos nhiv no, tuz lênhv huyện tưz paz tâu 750 hnuz côngz chiê uô cêr mul lok jêx jok, đros cxiv kho têx cưx liês, kho têx tsêr cơưv ntơưr, qơư y tế; cxiv uô yiêz 8 luz tsêr, tsiv grê nhos 560 tsov đeiv trâu têx chuôz zis txov nhêv, lênhx nênhs muôx côngz têz qơưk. Thượng tá Hồ Lương, Chính trị viên Ban sêiz car quân sự huyện Buôn Đôn heik:

“Tror uô têz qơưk tsaz yênhx qơư tsov txos lok siz chos côngv têk đros tsôngv box cxiv tsa jêx jok yiêz, pêz zuôr tror phênhz lênhx nênhs chiê paz tsôngv box uô yiêz nzir têx cêr mul lok, cxiv kho têx cưx liês cov muôx txâuk đêx phưx vưv uô têx kôngz. Hâur shông 2018, pêz tror huiz tôngv têx doanh nghiệp, chor nênhs siêz jông nhoz hâur thax tsav muôx nhiêx txiêx ntơư chiê cxiv uô tsêr niêv côngv siêz trâu nênhs pluôs. Tror paz thiêz nhênhz chơưv, chox kriê têx xã uô jông hâux lưv taz por txiv ngaz côx phax chiê uô tiêr tâu jông cxuô luôs hâux lưv sâuv”.

Đros trâu têx hâux lưv uô tsênhv tsênhz, paz cxiv tsa jêx jok yiêz, hâur têx shông đhâu, chor canr bôv tuz lênhv Ban sêiz car quân sự huyện Buôn Đôn tưz tâu Bộ sêiz car quân sự tỉnh Đắc Lắc thiêz cxuô cấp ngênhx ntơưv qơư muôz ntâu ntơưr kruôs./.

(TTTN-Riê Lâux cxeik, nhênhv)

Phênhv đêx hur thiêz vêv xênhz tênhx qơư

Đêx muôx pưs txux lok six coaz tsôngv. Đêx zos khov ntux têz uô tâu. Taz sik đêx cux lok kror riêz nênhs thiêz uô tuôs lênhx nênhs thâuv đêx trâus kiês nênhs, đêx ngaz, ntux kruôr gis. Tsưr ziv sir zôngv đêx nhiv no hâur côngv thôngx tsênhv lav phêv ntâu. Ntâu qơư tsôngv box tsênhv seiz đêx zos tài nguyên muôx ntâu thiêz tsi pov tâu đêx li tsiv grê thâuv tênhx qơư tsênhv txơưr txar, têx hâur đêx ziv hnuz ziv trâus kiês nênhs thiêz kruôr lơưv jux jus.

          Đêx hur zos đêx nziêz, tsi tsư tul tsi, tsi muôx têx tưx thiêz caz moz hâur đêx. Caz moz thiêz tsơưr tưx muôx tsi đhâu têz qơưk li ploz tsênhr lok đêx hur. Đêx kiês nênhs zos tiv đêx hlôngr têx tsơưr lý, hóa, sinh vật uô trâu đêx trâus kiês nênhs, uô zênhr shar txos tsôngv box li đas jos zos hâuk đêx mak tsi râuz, zôngv đêx chiê xênhz huôx, uô vêv xênhz lênhx nênhs hâur niêx hnuz.

          Têx uô đêx kiês nênhs zos tiv tênhx qơư, khôngz qiv, ar, đêx ( têx tsơưr hóa học thâuv uô công nghiệp, tso đêx kiês nênhs lol hâur tênhx qơư....) Trâus tsơưr tưx cxôngx sir zôngv têx kuôr hlâu, têx tsơưr uô moz trưx phax hla đhâu phênhv tso chei; tiv caz moz 80% têx zav moz o vôngk zos muôx lênhx coaz txos đêx ( tiv zix zos moz plaz), nhoz têx têz qơưk tsênhv huôv tsar, lok six lax tir tar tâu têx caz moz, chaz hlaz muôx lênhx coaz txos đêx, têx zav moz sâuv tơưr greix, moz kror muôs....viv zôngv đêx tsi huv vêv xênhz thâuv nox hâuk, uô vêv xênhz lênhx nênhs.

          Têx tsưr ziv lok taz por đêx hur thiêz vêv xênhz tênhx qơư:

          Tuôr cov hâur đêx hur: Muôz siêz côngv thôngx li jênhv pâuz por vêv hâur đêx, tsi por têx vuôz tsuôz kiês nênhs pêv hâur đêx, tsi zôngv yuôx tuô caz tsi trơưk cui tênhv....Tsi zôngv ntâu têx tsơưr uô kiês nênhs tênhx qơư, tiv zix zos tênhx qơư đêx.

          Cxênhx txuôk đêx hur: Tsi lav phêv thâuv zôngv đêx xênhz huôx, tsuv tuô chiêr đêx thâuv zôngv tas, kho đuô têx car đêx trâus liêv; zôngv têx đêx li đêx nas chiê nzuôr qar puôv, zưs trâu tsoz chos...../.

(Tuyết Lan- Txâur Vax cxeik nhênhv)