Jax sâu thưr 7 hnuz xiêz 4/6/2016:

Nriêr pâuz têx zav uô si cxôngx nzor ntơưv Bảo tàng Việt Nam

Đros ntâu huôx tôngv jông xưk li: Hêik kriê, cok uô tsôngk yo mênhx cxưx, nthuôr uô cêr lov jêv…Hâur jiês kriz uô cêr lov jêv no cux muôx nhuôs zâu thiêz tsôngv kruô tâu nriêr pâuz lok vênhx huôv cxôngx nzor muôx ntâu zav nhoz Việt Nam thiêz ntâu luz têz qơưk hâur thax tsav Đông Nam Á xưk li Lào, Campuchia, Thái Lan, Indonesia, Philippines…Lar hêik zos, muôx 20 ntâu zav uô cêr lov jêv, tâu piêr pâuz hâur jiês kriz uô tsaz yênhx thiêz chor nhuôs zâu tâu nriêr pâuz lok têx kror jông siz xưk thiêz chor zav uô si txơưr đuô nhoz hâur Việt Nam thiêz iz cxiê têz qơưk Đông Nam Á li: Sik tưr đhiê truz blôngx txôngz (Mayliasia, Lào, Campuchia, Sik truz hluô 2-3-4 saz (Thái Lan); Đar tov mê nhuôv kêiz, jêik fuôv (Campuchia)… nhuôs Nguyễn Thanh Sơn nhoz tỉnh Ninh Bình hêik:

 “No zos jiês xuz thơưx ciês cur tuôx trâu bảo tàng mênhx cxưx cơưv Việt Nam, cur pov cxuô kror nhoz no lok six lov jêv. Cur tâu cxaz chuôz lok six ntâu zav uô si sik txơưr thiêz pâuz txos ntâu zav uô si txơưr đuô”.

Ntơưv tsaz yênhx, chor huôx tôngv nriêr pâuz vênhx huôv cxôngx nzor nhoz chor têz qơưk Đông Nam Á cux zaz zâuv chôngz chor nhuôs zâu đros uô. Lênhx nhuôs Chu Tuấn Linh, nhoz Cầu Giấy, Hà Nội puz pâuz:

 “Cur pov cxuô huôx tôngv nho noz mak lok six jông, muôx ntâu zav uô si li sik truz hluô…chor huôx tôngv no paz cur nriêr pâuz lok tễ xvênhx huôv mênhx cxưx thiêz cxuô luz têz qơưk”.

Đros chor huôx tôngv nriêr pâuz, ntơưv Bảo tàng Việt Nam, cxuô lênhx pâuz nthuôr uô cêr lov jêv nhoz phường rối Minh Tân, Hải Phòng thiêz Bình Phú, Hà Nội muôx 8 jiês uô cêr lov jêv mox jênhx đhiê paz vuôs hâur đêx thiêz sâuv nkruôz phưx vưv trâu chor nhuôs zau sêiz. Tsaz yênhx “Đros uô si cxuô zav cxôngx nzor nhoz têx têz qơưk Đông Nam Á” tâu uô suôv câuv trâu hnuz  trâu 29/5./.

(TTT-Lik Thox cxêik nhênhv)

Phênhv thưr 7, hnuz xiêz 4/6/2016:

Tuôr tsês chiê hêir nênhs poz ziz faz Bắc têx cêr nênhx vênhx huôv jông

Zơưv Hoàng Ngọc Sứu, sêiz car qơư vênhx huôv hêir nênhs poz ziz nhoz jos Nà Củng hêik pâuz: Shông 1972, zơưv chuôz piz kriê đhiê pax vuôs uô cêr lov jêv hâur jos. Thâuv ntơư, chor nênhs tuôx đros cơưv shâuv đhiê pax vuôs, tus tưs cux nhiêv txos zuk hêir nênhs têx cêr nênhx vênhx huôv jông. Chênhr zos li hêik ntơư, hâur yênhx hnuz muk khưr uô liêx têz, txơưv gênhk bâuv tưs; taz sik txos trâu thâuv hmo ntux, sđ puôr lênhx tuôx cơưv shâuv zuk hêir nênhs têx cêr nênhx vênhx huôv jông, đhiê pax vuôs.  Txix shông 1972 txos trâu nhiv no, chor đros cơưv shâuv nthuôr uô cêr lov jêv, đhiê pax vuôs ziv hnuz ziv chôngz. Txos trâu shông 2007, tưz cxiv tsa tâu hêir nênhs poz ziz nhoz jos Nà Củng qơư, cơưv shâuv, nthuôr uô cêr lov jêv, đhiê pax vuôs.

Txix cxiv tsa tâu qơư nthuôr uô cêr lov jêv thiêz ndax trâu têx hnuz muôx côngz lox hâur shông, hêir nênhs poz ziz nhoz jos Nà Củng tưz tror cơưv shâuv nthuôr uô cêr lov jêv, đhiê pax vuôs, uô têx txưv njêx muôs shir phaz lul.

Pos Đèo Thị Ọi, muôx 66 shông cux zos iz lênhx đros nthuôr uô cêr lov jêv hâur jos Nà Củng hêik pâuz tiêk: Pos tưz cơưv shâuv nthuôr uô cêr lov jêv txix shông 70 thiêz tsik so muk nthuôr uô cêr lov jêv, đhiê pax vuôs trâu cxuô luz jos trâu sđ sêiz. Ntơư cux zos iz luôs hâux lưv jông  đros trơưr hâur luz nênhx.

Zơưv Ngọc Sứu, cux zos iz lênhx tuôr tâu truôx zuk hêir nênhs poz ziz têx cêr nênhx vênhx huôv jông, đhiê pax vuôs, suôz sênhr cưr cxiêx...thiêz hêik kriê hêir nênhs poz ziz hâur thax tsav xã Mường So, huyện phong Thổ têx ntênhk hội trâu sđ pâuz txos.

Đros trâu luôs hâux lưv huôv tsar zuk hêir nênhs poz ziz têx cêr nênhx vênhx huôv jông nhoz trâu thax tsav qơư tsik chiê plox; qơư vênhx huôv jos Nà Củng, cux tsik so nthuôr uô cêr lov jêv đhiê pax vuôs đros trâu cxuô tỉnh hâur thax tsav. Đhâu ntơư, ziv cxươz cxiz trâu sđ sik cơưv shâuv thiêz huôv tsar tâu truôx zuk hêir nênhs têx cêr nênhx vênhx huôv jông nhoz đros trơưr hâur luz nênhx tsik chiê plox./.

                             (Tsu cxêik, nhênhv-K/T báo dân tộc-miền núi)