Chor tuz lênhv Pênhz phax Sơn La li sik paz chiê chor nhuôs tuôx cơưv ntơưr

Txir tâu tas siv nênhx lơưv nzor, niêv ho muk zuôr txir yiêz nhoz trâu huyện txơưr tu zus tsik tâu, oz cưr tix Cường Xênhv Shôngx thiêz Việt Xênhv Shôngx nhoz jok Suối Cút, xar Chiềng On, huyện Yên Châu, tỉnh Sơn La tsik pâuz zuôr jông li chak zos tiêk tsik muôx chor cán bộ chiến sĩ zênhx pênhz phax Chiềng On, Bôv đôiv Pênhz phax tỉnh Sơn La li têx luôs hâux lưv uô paz. Txix tsêiz no, oz cưr tix tâu chor bôv đội jênhv uô mê nhuôs puôs, tok lok nhoz ntơưv zênhx pênhz phax. Cường Xênhv Shôngx puz pâuz: nhoz ntơưv no tâu chor txir nzơưv bôv đôiv tsoz phưz, tu zus, kruôz kriê tưz sir jos cơưv ntơưr cov zos yênhx lênhx nhuôs gruôs ciêz thiêz txơưx njê: “Txix thâuv  tâu lok đros chor txir nzơưv bôv đôiv nhoz, cur  tâu nox nhoz cxix cxuô thiêz tâu chor uô txir, chor txir nzơưv lơưr kriê cơưv ntơưr, cêr uô nênhx, chos jâuz, chos pax. Cur zuôr sir jos cơưv cov jông, cov txơưx”.

Txơưv tsênhv yuôr ntâu kror txov nhêv, taz sik cán bộ, chiến sĩ ntơưv zênhx Chiềng On cux tưz tsês trâu oz lênhx nhuôs iz qar nhoz, muôx txax pư, tủ trâu trik yo, trôngx jâuv cơưv ntơưr, đros têx zav tsuv muôx phưx vưv trâu xênhz huôx, nox nhoz cơưv ntơưr yênhx hnuz. Iz lênhx cán bộ, chiến sĩ chiv chir muôz zuk têx nhiêx hli, phêiz pluôs nox chiê tu zus chor nhuôs; sik hlôngr nto kriê trâu chor nhuôs cơưv ntơưr, uô nênhx nhoz yênhx hnuz chiê chor nhuôs muôx nzir tsưr ziv nhoz uô nênhx. Lơưr Trung tá Phạm Quang Hải, Chính trị viên zênhx pênhz phax Chiềng On: Zênhx zuôr tu zus chor nhuôs cơưv tas ntơưr cxênhx oz, hok cơưv cxênhx pêz zos tiêk ntơưv thax tsav tsik tâu muôx tsêr cơưv ntơưr cxênhx pêz mak zuôr paz 500.000 đêiv iz hli iz lênhx nhuôs chiê chor nhuôs cơưv ntơưr ndê muk nzir: “Pêz vav tiêk đhâu hâux lưv uô no chiê sơưr đơưk pâuz tsênhz thiêz ntâu đuô txox bôv đôiv pênhz phax li têx hâux lưv uô jông muôx gri hêik cxuô. Thiêz cux vav tiêk chor nênhs siêz jông, chor tsưr tsix, tiz nênhs, chor cơ quan, ban, nganhx sik côngv đros bôv đôiv pênhz phax paz trâu tsôngv box ntus đriv, paz trâu pox nhuôs hla đhâu cêr pluôs, cxiv tsa truôx sik côngv siêz chiê uô jông hâux lưv por vêv tsưr qênhx ngaz tuk ntus đriv têz qơưk”.

Cường Xênhv Shôngx shông no cơưv lớp 5, hok Cường tuk cưr zos Việt Xênhv Shôngx cơưv lớp 3, tsêr cơưv cxênhx iz Chiềng On. Txix thâuv tâu chor bôv đôiv tu zus, kruôz kriê, oz lênhx nhuôs tưz sưv đros sơưr đơưk thiêz cxaz chuôz sir jos cơưv ntơưr, uô cxuô kror hâux lưv thiêz cơưv ntơưr lok cux txơưx đuô ntu đrav ntêx. Cưk kriê ntơưr Nguyễn Bỉnh Hòa, lênhx cưk kriê ntơưr sêiz car Cường lớp cơưv txix lớp 4 txos lớp 5 puz pâuz: “Đrâuv nox nhoz mak chor bôv đôiv cux lok six tsov cưv txos chor nhuôs cêr cơưv ntơưr. Viv li, Cường txix iz lênhx nhuôs cơưv tsik yuô txơưx nhiv no tưz txơưx đuô lơưv. Tiv zix zos sik thav luk mak tưz hêik ntâu đuô lơưv. Cơưv tas kỳ iz nhiv kruôr đhâu tưz zos shux xênhz cơưv ntơưr txơưx”.

Bôv đôiv pênhz phax tỉnh Sơn La nhiv no tsênhv jênhv tu zus 82 lênhx nhuôs, hâur co muôx 10 lênhx zos tu nhuôs nhoz têx jêx jok buôs ti ntus đriv têz qơưk Lào txos tas cơưv cxênhx pêz lơưr tsaz yênhx “Paz trâu chor shux xênhz tuôx tsêr cơưv chiê cơưv ntơưr”, iz lênhx nhuôs 500 cxênhz đêiv iz hli. Đuô li, 10 lênhx nhuôs tsênhv tâu tu zus ntơưv chor zênhx pênh phax sâuv thax tsav lơưr tsưr ziv “Tuz nhuôs puôs zênhx pênhz phax”. Chor nhiêx paz zos muôz txix chor cán bộ, chiến sĩ li têx nhiêx hli. Pov tâu hâux lưv uô muôx tsiv gri co, jux juk tưz muôx nzir chor tsưr tsix, tiz nênhs, chor nênhs siêz jông pâuz txos thiêz sik đros paz trâu chor nhuôs. Trung tá Đào Mạnh Tưởng, Phưv chủ nhiệm Chính trị Bôv đôiv Pênhz phax tỉnh Sơn La puz pâuz: “Chiê uô tsaz yênhx tâu jông đuô mak bôv đôiv pênhz phax tỉnh Sơn La cơ quan Chính trị pêz zuôr hêik trâu Đảng ủy Bôv chỉ huy Bôv đôiv Pênhz phax tỉnh tror uô têx tsưr ziv jông, txơưx xar tơưv txix hêik chor tsưr tsix tiz nênhs siêz jông hâur thiêz đrâuv tỉnh sik đros paz trâu chor nhuôs. Đuô thiêz hâux lưv uô no mak zuôr sir jos uô tâu jông đuô hiêz”.

Đros têx hâux lưv, tsưr ziv uô tsênhv tsênhz, chor Bôv đôv pênhz phax tưz thiêz tsênhv sik phêiz kênh têx cêr txov nhêv, phiv liv đros tsôngv box, hêik pox nhuôs tso siêz huôv tsar uô nox, đros đrêiv bôv đôiv por vêv truôx tsưr qênhx ngaz tuk ntus đriv./.

(Bích Thủy-Lik Thox cxêik nhênhv)

Lênhx tsar jok nhoz jok Hé đros tsôngv px jêx jok hla đhâu têx phiv liv

Seiz pov tox trôngz hâur pêk nxaz, ar têz thiêz thax tsav qơư nhoz jông tu zus têx tsiêx lox thiêz chos ntông nox txir sâuv ar têz nxaz, đros trâu têx nhiêx txiêx chuôz zis cxênhx txuôs tâu thiêz kêr txeik nzir 50 tsov đeiv txix tsêr nhiêx tsênhv chei XH huyện, kaz shông 2017, zơưv Điêu Chính Hưng tưz seiz lax trâu pox niêv mê nhuôv quyết tinhv yưv pênhr cxiv uô qơư, zuôr nôngz nhux lok zus thiêz muôz têx liêx têz muôx nhos iz ha hlôngr chos txir lưv tsiz, mo môngk chiê nzaz nzơưv têx qir tsiêx cxu fmông trâu kôngz lôngk. Zơưv Điêu Chính Hưng heik: “Txix thâuv yêik txar lok nhoz thax tsav no, cur seiz lax đros pox niêv mê nhuôv zuôr uô chas chiê muôx nox muôx tsês, luz nênhx xưk luôs lưv tus mak tu zus nhux, muôz têx liêx têz nxaz chos ntông nox txir xưz, thiêx zuôr muôx phênhv sâu truôx. Đhâu ntơư, iz shông iz tus niêv nhux sha tâu iz tus nhuôv. Cur zuôr tror sir jos chiê huôv tsar tu zus cov vav nzir têx nhux trơưk li tsưr ziv uô heik sâuv”.

Nhux tưv tâu seiz zos iz zav tsiv grê trâu tsôngv px  thax tsav tox siêz. Taz sik, tiv thâuv ntêx, tsôngv px nhoz jok Hé khênhr tu zus tso lak yar, qênhz shuôs tsi yuô tâu moz trâu têx tsiêx thiêz tu zus tsi yuô tâu trơưl têk. Pâuz tsênhz lok têx li heik co, zơưv Hưng chos tâux, bax tsês têx jâuz, krâur nox trâu nhux, cxax yuôx phax tar moz tsi so trơưk cui tinhv, qêz suô hur si, đu lus têx qơư tu zus.... Txix 2, 3 tus nhux, txos nhiv no zơưv chuôz zis paz nhux tưz muôx txos 10 ntâu tus, seiz njiê tul tưs cux puôr lênhx trok, jông gâux iz zav. Zơưv Hưng xav tiêk, tsênhv zuôr tror huôv tsar tu zus cov muôx txos 2, 3 châuv tus, hâur co hur si têx niêv nhux sha nhuôv thiêz nhux grêix muôs trâu hâur ciêz đrôngs: “Heik cxuô, tu zus xor thêir qơư cơư, lêis jâuz lok puz li no mak jông đuô, thâuv nhux muôx moz lol zuk pov thiêz pâuz tâu. Hâur jok cux muôx nênhs uô hâux lưv kho moz trâu tsiêx cxu, tsi so đros pêz qênhz yuôx, seiz shuôs. 2, 3 luz hlik mak cxax yuôx phax tar moz đôngs nyar, yuôx chaz trâu nhux. Chiê muôx tâu têx jâuz trâu tsiêx nox, pêz chos 2 cxênhz xưv phaz tâux thiêz thâuv lêis sâu têx blêx, mak khơưk tsês têx kuôr blêx bax trâu nhux nox”.

Tsênhv thâuv tok txos phênhv sâu txix nhux grêix thiêz têx ntông nox txir, zơưv cux đros chuôz zis sir jos huôv tsar uô têx kôngz li: Tsêz chos blêx, poz cưk, khơưz pak đêx tso njêl zus, tu zus keiz ok, iz shông sâu tâu xar muôx 150 tsov đeiv. Tsôngv cưr tix nênhx sđ hâur têx jêx jok lênhx tưs xar cơưv shâuv tsưr ziv uô nox, zơưv cux jông siêz, shir phaz lus kriê têx tsưr ziv zuk pâuz đhâu, cơưv tâu trâu tsôngv px chiê sik đros cơưv shâuv, uô trơưk. Ntâu chuôz zis tsôngv px uô lơưr zơưv Hưng tsưr ziv huôv tsar uô nox cux tưz uô tâu trơưk siêz xar, iz zav li tix lâus Điêu Văn Vỉnh, nhoz jok Bon, xã Mường Chiên chuôz zis lok sâuv tu zus nhux, xor thêir, uô qơư cơư: “Đhâu muk seiz zơưv Hưng chuôz zis tsưr ziv huôv tsar tu zus nhux, zơưv xor thêir, uô qơư cơư, lêis jâuz lok puz, tsi tso muk seiz, muk nox jâuz uô ruôr hiêv luôs lưv tus têx kôngz. Shir phaz, jông siêz lus kriê têx tsưr ziv tu zus trâu pêz, li: Uô qơư cơư, tsưr ziv chos tâux, bax khơưk tsês têx kuôr blêx; yuôx cxax phax tar moz zênhx max trâu nhux; chiê tov kaz no huôv tsar tu zus tâu jông trơưk tsưr ziv, siêz xar”.

Jok Hé muôx 78 chuôz zis, 350 ntâu lênhx nênhs zos tsôngv box Poz Ziz đơưz. Txix shông 2006, lơưr yêik txar lok nhoz thax tsav qơư co txos nhiv no, jok Hé thâuv tưs cux zos jok vênhx huôv, zos jok ntâu shông tsi muôx lênhx nênhs tưs trâul cxâuv têx chei têz qơưk, chor chuôz zis pluôs tưz txo grêk ntâu, tsuôk yuôr 2 chuôz zis thiêz tas nro jok tsênhv siz chos sir jos paz cxơưz trâu 2 chuôz zis heik sâuv cov nzor hla đhâu chuôz zis pluôs. Uô tâu têx li heik co zos muôx zơưv Điêu Chính Hưng-Lênhx tsar jok moz siêz lus viv tsôngv px, uô ntêx nyuôs hâur cxuô luôs hâux lưv, kriê sđ tsưr ziv huôv tsar uô nox uô hnar li têx txux chi tsưr ziv, côngz đas jos paz. Zơưv Trần Quốc Hưng, Chủ tịch Ủy ban xã Mường Chiên, huyện Quỳnh Nhai, tỉnh Sơn La ntâuk grê: “Xã cux tưz yax kriê, heik têx chuôz zis tsôngv px hâur xã muk ndis seiz, cơưv shâuv têx tsưr ziv uô nox ntơư thiêz cux tâu zơưv Hưng shir phaz lus kriê trâu têx chuôz zis no txix xeir nôngz tsiêx cxu zus, chos tâux thiêz tsưr ziv tu têx nhux. Txix ntơư paz gra siêz phênhv sâu tâu thiêz truôx tuk trâu tsôngv px hâur xã”./.

                               (Đức Anh-Riê Lâux cxeik, nhênhv)