Dự án 174-muôx chor hluôk nênhs li đas jos nhoz thax tsav faz Tây

Cơưv tiêr khoa Nông-Lâm, tsêr cơưv Đại học faz Bắc shông 2014, phưv bí thư đoanx xã Lường Thị Diên, lênhx hluôk nênhs muôx txux chi muk lơưr dự án 174 jiês 4 lok paz trâu xã Phìn Hồ, huyện Nậm Phồ, tỉnh Điện Biên. Lênhx hluôk cxêik muôx 28 shông tâu xênhz zus thiêz hloz lox nhoz xã txov nhêv Mường Nhé, huyện Mường Nhé, Điện Biên hax zav pâuz tsênhz đuô txos tsôngv box nhoz qơư tox siêz no li têx phiv liv. No cux zos qir tiv paz trâu Diên đăngk cir cxaz chuôz dự án, đros siêz xar muôx têx txux chi zuk cơưv tâu sâuv tsêr cơưv lok paz trâu pêx xênhv hâur huôv tsar kinh tế, hlôngr yiêz đuô pox nhuôs luz nênhx.

“Đhâu qênhx shênhx uô côngz xưv ntơưv tiv phaz, cur pov tâu pox nhuôs nhoz tiv phaz luz nênhx tsênhv yuôr ntâu txov nhêv, xav tas nro luz nênhx cux xưk li kinh tế. Uô xênhz yar tsênhv pôngz kaz, pox nhuôs tsik tâu sir zôngv khoa học kỹ thuật hâur uô xênhz yar. Txix co cur xar tror lok tiv phaz chiê phuôx huiz tâu zuk li đas jos thiêz txux chi mak zuk cơưv tâu hâur tsêr cơưv chiê paz trâu pox nhuôs hla đhâu luz nênhx txov nhêv”.

NTơưv Điện Biên, Dự án 174 tâu uô jiês 4 ntu 2016-2018 muôx tas nro 35 lênhx nênhs uô côngz xưv ntơưv qơư kinh tế-Côx phax Mường Chà, tâu chiê lok trâu têx thax tsav txov nhêv, phiv liv nhoz chor huyện hâur tỉnh, li: Mường chà, Nậm Pồ, Mường Nhé, Điện Biên Đông…No puôr lênhx zos chor hluôk nênhs muôx txux chi, sir jos, txơưx xar tơưv paz trâu cấp ủy, chính quyền têx tiv phaz chor tsưr ziv jông lok huôv tsar kinh tế thax tsav, truôx tuk luz nênhx trâu pêx xênhv. Chôngz lênhx hluôk nênhs đhâu iz ntu uô hâux lưv tưz zos chor nênhs txơưx uô thiêz tâu chiê uô têx kror hâux lưv zov chênhr nhoz tiv phaz, cxaz chuôz uô tâu muôx chêx cur ntâu tsaz yênhx, dự án phiv liv zos chor tsaz yênhx tsưr ziv têz qơưk: Đề án kho đuô qơư nhoz truôx trâu pêx xênhv, huôv tsar kinh tế xã hôiv, taz por côx phax ngaz tuk huyện mường Nhé; cxiv tsa jêx jok yiêz; phax tar zax zênhz, HIV AIDS thax tsav ntus đriv…zơưv Muôk A Hòa, chủ tịch UBND xã Sin Pa Phìn, huyện Nậm Pồ, tỉnh Điện Biên puz pâuz:

“Txix thâuv muôx chor hluôk nênhs lok mak tưz paz trâu tiv phaz uô jông đuô tsưr tsix đoanx thêv nhoz chor jêx jok uô hâux lưv jông đuô. Hêik kriê têx tsênhv chêi phênhv ntâu zos hêik lok huôv tsar kinh tế xar hôiv, taz por ngaz tuk côx phax sâuv thax tsav. Paz trâu tiv phaz têx tsưr ziv uô kinh tế huv đros tsar tov tsênhv tsênhz ntơưv tiv phaz. Pêx xênhv li jênhv pâuz cux tâu gra siêz huv đros qênhx shênhx nhiv no”.

Txix shông 2010 txos nhiv no, chor hluôk nênhs cxaz chuôz dự án 174 tưz uô trâu cấp ủy, chính quyền tiv phaz thiêz pêx xênhv tso siêz njênhs njôngr. Taz sik chir tror uô muôx chêx cur đuô dự án no sâuv thax tsav ntu zuôr txos, Đại tá Dương Mạnh Hùng, Phưv đoanx trưởng đoanx kinh tế Côx phax 379, Quân khu 2 puz pâuz: tsuv cxaz nzir đuô chor nênhs uô, tiv zix zos têx tuz nhuôs tsôngv box mênhx cxưx tsơưs nênhs chiê paz muôx txâuk nênhs trâu cxuô thax tsav. Đros co zos cxuô cấp nganhx li tsov cưv txos qơư nox, nhoz, uô hâux lưv trâu chor hluôk nênhs ntơưv tiv phaz; xav hâux lưv uô trâu chor hluôk nênhs co thâuv dự án suôv câuv chiê txix co paz muôx tâu chor cán bộ sir jos thiêz pâuz tsênhz txos tsar tov yênhx tiv phaz:

“Chính phủ li dự án 174 tâu uô mak pêz pov paz lok six ntâu trâu têx tiv phaz. Đros têx yênhx tưv lý luận tưz cơưv tâu hâur tsêr cơưv ntơưr, chor hluôk nênhs cux tưz paz kriê trâu pêx xênhv tsưr ziv uô nox, txix co paz lơưr huôv tsar kinh tế, paz trâu lơưr hlôngr yiêz ntâu têx tsưr ziv uô nox hâur chuôz zis, luz nênhx tâu gra siêz đuô. Pêz vav tiêk hâur jiês 5, chính phủ zuôr paz chiê pêz tror tâu txêik jênhv chor hluôk nênhs muôx txux chi chiê pêz tso muk têx qơư nhoz đêz, tox siêz paz trâu chính quyền tiv phaz cux li pêx xênhv cxuô mênhx cxưx sâuv thax tsav truôx tuk chính trị thiêz huôv tsar kinh tế”./.

                                                                                                      (Hữu Lợi-Lik thox cxêik nhênhv)

Cầm Minh Chiêu-zos lênhx nto bê hâur jok

Uô hâux lưv nhoz hâur bôv đôiv, yeik lol uô côngz xưv trâu Công an tỉnh Sơn La, txos shông 1989, zơưv Cầm Minh Chiêu thiêx so lâuk tror lok ntơưv qơư thiêz tâu bo uô bí thư chi bộ jok Bản Chiềng Cang, xã Hua Păng. No zos jok nhoz xã tox siêz muôx 4 heir nênhs Poz Ziz, Mường, Cho thiêz Choz Tsiz sik đros uô nênhx nhoz uô cê; tsôngv box luz nênhx tsênhv yuôr ntâu txov nhêv, phênhv ntâu zos khov lok tu zus tsiêx cxu thiêz uô kôngz.

          Seiz pov tsôngv box iz txưv cor cav chos poz cưk sâuv têx ar têz nxaz, sâu tsi tâu nju viv liêx têz tsuôs, zơưv Chiêu tưz heik tsôngv box cov muôz hlôngr uô đuô lưv zav tsoz chos, tsiêx tu zus, zơưv zos lênhx nênhs uô ntêx nyuôs, muôz têx zuz nôngz kôngz yiêz lok tsêz chos li: Txir lưv tsiz, txir mo môngk, txir bơ.....chos hlôngr trâu têx poz cưk sâuv ar têz nxaz. Txos nhiv no hur si jok tưz chos tâu 5 ha têx txir ntông thiêz hâur shông 2018 zuôr krêz đar chos 10 ntâu ha. Zơưv cux đros tsôngv box  muôz nôngz tsiêx cxu jông, muôx tsơưr lươngv  lok tu zus, fiv đros trâu yênhx thax tsav qơư, chêx tsôngk huôv tsar tu zus têx nhux tưv, keiz ok tso hâur têx qơư đar chiê hloz lox sei thiêz krêz uô nzir têx trâur nuv tu zus niêv buô sha mê nhuôv. Nhiv no jok muôx zuôr xar 230 tuk tưv, 18 chuôz zis tu zus têx niêv buô sha mê nhuôv thiêz keiz ok, ntâu chuôz zis li zơưv Đinh Tíu, zơưv Hoàng Búi, tix lâus Lường Luyến Ắm lơưr mak iz shông sâu tâu txix 150 txos 200 tsov đeiv. Lênhx no heik kriê tsưr ziv trâu lênhx tov uô trơưk, tsôngv box hâur jok luz nênhx nhiv no tưz nhoz khênhr đuô đrav ntêx, txo grêk ntâu chuôz zis pluôs. Zơưv Đinh Văn Niên, iz lênhx tsôngv box nhoz jok heik pâuz:

“Zơưv Chiêu tâu tsôngv box sđ hâur jok njênhs njôngr thiêz nhiêv txos. Sđ lok six njênhs lok sâuv zơưv têx tsưr ziv kriê. Zơưv cux lok six moz siêz txos pêz tsôngv box, têx cưr tix nênhx tsa, têx tuz nhuôs, zos lênhx canr bôv lâuk, zos lênhx đảng viên uô ntêx nyuôs paz tsôngv box huôv tsar uô nox”.

Uô lơưr phôngz yaox cxiv tsa jêx jok yiêz, zơưv Chiêu đros cấp ủy, têx hloz hâur jok vênhv tôngv tsôngv box gôngr ntâu ar têz uô cêr mul lok jêx jok. Xưk iz zav li zơưv Lò Văn Bình chuôz zis, tưz muôz 100 ntâu xưv phaz pak njêl, zơưv Hà Đông chuôz zis muôz 50 ntâu xưv phaz ar têz chiê trâu jok uô cêr mul lok hâur jêx jok. Zơưv Chiêu cux sir jos yax kriê, vênhv tôngv tsôngv box sđ siz chos uô nênhx jông thiêz tsiv txiêx, heik cov tso têx tuz nhuôs txâuk shông muk cơưv ntơưr cxix cxuô thiêz heik cov sđ xênhz zus mê nhuôv tsơưs, iz chuôz zis tsuôk xênhz 2 tuk nhuôv xưz chiê choz kriê tâu trâu têx mê tuz mê nhuôv tsiv txiêx, yênhx nênhs jông. 2 shông đhâu jok tsi muôx lênhx tiz nênhs tưs xênhz zus tuk nhuôv tiv 3, tsi muôx lênhx tưs uô cxâuv chei têz qơưk. Chiê uô tâu têx li heik co, trơưk zơưv Cầm Minh Chiêu: Cxuô luôs hâux lưv cik txos hâur jok thiêz tsôngv box puôr lênhx tsuv siz chos seiz lax, sik thôngx ziv, fuô uô trơưk cui tinhv, têx chei

“Têx đoanx thêv, Đảng, hâu nov ntơưv qơư tsuv yax kriê tsưr ziv, têx chei trâu tsôngv box pâuz, lênhx tưs cux tâu cơưv ntơưr, pâuz tâu Đảng, têz qơưk têx chei kriê, sik thôngx siêz, siz chos cxiv tsa luz nênhx cov truôx njês, vav mênhx. Lênhx muôx, lênhx tsi muôx, kênh lênhx pâuz uô nox, kênh lênhx tưz tsi pâuz huôv tsar uô nox mak sik heik kriê, sik paz chiê siz chos huôv tsar, lênhx tưs cux muôx hâux lưv uô, uô li ntơư sđ thiêx muôx luz nênhx jông”.

Zơưv Cầm Minh Chiêu tưz tâu Đảng thiêz têz qơưk muôz côngz mênhx uô tâu hâux lưv jông, tâu tsôngv px bo zos lênhx txir ndâux txir luk. Đros thiêz zơưv, kror uô trâu zơưv shir phaz, jông siêz đuô hur si zos zuk iz siêz muk lơưr Đảng, paz iz phênhv txux chi, côngz đas jos trâu gra siêz tsôngv box sđ txux chi tsưr ziv jênhv pâuz, huôv tsar uô nox, cxuz cêr yeiz pluôs hâur jok thiêz tâu tsôngv box njênhs njôngr, nhiêv txos:

“Zos tsi muôx Đảng, têz qơưk kriê mak cur cux tsi pâuz muk kror tưs thiêz uô đaz tsi. Taz sik muôx Đảng, muôx têz qơưk, bôv đôiv kriê txux chi, cêr uô nênhx, viv li cur muôx six hơưv đros luôs lưv tuk uô hâux lưv têz qơưk, txos nhiv no cur tưz 52 shông nhoz hâur Đảng. Cur thâuv tưs tưz xar njôngr paz zuk đas jos, txux chi, tsưr ziv chiê đros tsôngv box sđ cxuz cêr yeiz pluôs, cxiv tsa jêx jok yiêz cov ziv hnuz ziv huôv tsar jông đuô”./.

                           (Lường Hạnh-Riê Lâux cxeik, nhênhv)