Điện Biên sir jos phax tir thêir chor nênhs muk lol đhâu đriv têz tsi trơưk chei

Qênhx shênhx chox cêr, tok chor nênhs muk lol đhâu têz qơưk tsi trơưk chei sâuv têx cêr đriv têz nhoz tỉnh Điện Biên hâur six hơưv jê lok no muôx yưv phiv liv, đros ntâu tsưr ziv nhiêk txơưr nhiêk tsi siz thôngx.

Jê no đuô hur si, hâur 2 hnuz 18 thiêz 19/4, Zênhx Pênhz phax Si Pa Phìn, Bôv đôiv Pênhz phax tỉnh Điện Biên tưz đros chor lưv lươngv muôx vax huôv ntêk tâu 25 lênhx nênhs, muôx 12 lênhx zos nênhs VN, 13 lênhx zos nênhs Trung Quốc lok sâuv chox cêr thiêz tok luôs lưv tus muk lol đhâu đriv têz tsi trơưk chei. Đhâu qênhz nus, chor nênhs trâul ntêk cxov ntơư puôr lênhx krêz lênhk tiêk, tsênhv uô lơưr cxuô faz tsưr ziv chiê chox kriê cêr trâu têx lênhx nênhs muk đhâu đriv têz trâu saz Lol Tsuôk. Đại tá Trần Nam Trung, Thơưx seiz car chor tuz lênhv pênhz phax tỉnh Điện Biên heik pâuz: “Lok sâuv têx tsưr ziv, mak lơưr khênhr phênhz côngz tsênhz mênhx trâu yênhx lênhx nênhs, iz lênhs uô iz kro hâux lưv, iz lênhs nhoz iz ntuk thiêz phênhv ntâu thâuv chor nênhs no lơưr muk, tuôx txix chor tỉnh ntus đriv faz Bắc trâu Điện Biên zos cheix yêz taxi, yêz meir xưz. Thâuv lơưr so mak so ntơưv têx tsêr tok kruô chiê lưv lươngv muôx vax huôv tsi ndo phax, tsi pov txos. Thâuv chox muk đhâu đriv têz txix thax tsav ntus đriv hâur tỉnh Điện Biên trâu Lol Tsuôk, lơưr khênhr xeir muk trâu thâuv luz six hơưv zuôr luôs tsâuk ntux ntơư chiê zôngx ziv muk lol tâu đhâu. Taz sik đros trâu têx sir jos sơưr tơưv txênhz, phax tir thêir têx nênhs fêv, tuz lênhv Pênhz phax tỉnh Điện Biên tưz fuô uô hâux lưv thiêz phax tir thêir tâu chor nênhs co li têx hâux lưv uô tsi trơưk chei”.

Zênhx Pênhz phax Trôngx đriv ntiêx têz Tây Trang nhiv no tsênhv car seiz, tsưx phưv đriv têz ntêr muôx 28 ntâu cêik, buôk chiêv Lol Tsuôk. Tox trôngz hâur pêk nxaz, ntâu cêr mê lus muk lol đhâu sâuv đriv têz, viv li chor nênhs nhiês cêr muk lol đhâu ntus đriv tsi trơưk chei lok six phiv liv, hâur co muôx têx lênhx nênhs siz tuôr hâur, sik côngv siêz truôx jông chiê chox kriê cêr thiêz tok luôs lưv tus muk lol đhâu hâur VN tsi trơưk chei thiêz muk trâu luôs 2 chas têz qơưk đrâuv. Ciês têx hnuz hâur hlik hli 4 nhiv kruôr đhâu, Zênhx Pênhz phax Trôngx đriv Ntiêx têz Tây Trang thiêz chor lưv lươngv muôx vax huôv sik hux jos tưz ntêk tâu 10 lênhx nênhs VN lok sâuv chox kriê cêr nênhs Trung Quốc muk trâu têz qơưk Lol Tsuôk tsi trơưk chei. Thượng úy Nguyễn Xuân Anh, Phưv trạm Pênhz phax Trôngx đriv Ntiêx têz Tây Trang heik: “Uô trơưk li têx hâux lưv zok muôz, Trạm Pênhz phax trôngx đriv Ntiêx têz Tây Trang cux uô qơư seiz jor ndâux cêr muk lol ntơưv thax tsav tus ndêx cxok kuôk cêv đriv têz 113 chiê sơưr tơưv txênhz, phax tir thêir chor nênhs muk lol đhâu ntus đriv tsi trơưk chei”.

Lok sâuv têx faz tsưr ziv fuô uô chiê tror phax tir thêir zênhx max  chor nênhs muk lol đhâu đriv têz tsi trơưk chei hâur thax tsav; đhâu ntơư, uô jông luôs hâux lưv phax tar moz Covid-19, Trung tá Nguyễn Văn Phúc, Zênhx tsar zênhx Pênhz phax Trôngx đriv Ntiêx têz Tây Trang heik pâuz: “Tiv iz zos pêz zuôr fuô kriê, tso lênhx nênhs muk qênhz shuôs têx đriv têz chiê zênhx max qênhz pov thiêz njuôk xav tâu têx cêr luôs zôngx ziv muk đhâu đriv têz ntơư chiê heik trâu Bộ Chỉ huy Bôv đôiv pênhz phax tỉnh pâuz. Nhênhz chơưv trâu cxuô cấp muôx tsưr ziv, uô jông hâux lưv phax tir thêir moz Covid-19 siz cik txix saz đrâuv lok hâur thax tsav, tiv 2 uô đreiv 4 qơư seiz jor ndâux cêr sâuv ntus đriv thiêz iz paz muk lol qênhz yuôx shuôs têx đriv têz, zênhx max qênhz pov têx uô tsi trơư chei muk lol đhâu ntus đriv”.

Muôx cêr đriv têz ntêr zuôr xar 400 cêik, buôk 2 têz qơưk Lol Tsuôk thiêz Trung Quốc, tox trôngz hâur pêk nxaz, phiv liv muk lol. Iz chas co, hâux lưv chox kriê cêr, tok chor nênhs muk lol đhâu đriv têz tsi trơưk chei tâu têx lênhx nênhs heik sâuv uô đros trâu ntâu faz tsưr ziv, ziv hnuz ziv txơưx jêik jông, siz tuôr hâur truôx..... Taz sik, têx lênhx canr bôv, chiến sỹ tuz lênhv Pênhz phax Điện Biên thâuv tưs tưz xav tinhv sir jos qênhz shuôs, uô jông hâux lưv zok muôz chiê sơưr tơưv txênhz, phax tir thêir tâu chor nênhs uô cxâuv chei têz qơưk, sir jos qênhz njuôk shuôs, phax tir thêir moz sâuv thax tsav ntus đriv, hur si viv tsôngv niêv txir lax px sđ luz nênhx./.

                                                  (Vũ Lợi-Riê Lâux cxeik, nhênhv)

PHAX TAR MOZ CHEIX NTUX SOR

1.Muôz siêz đas jos trâu luz chêr li đrav kaz:

-Tuôr jông vêv tiz nênhs cov hur si, tiv zix zos yax six zôngv yuôx phongx nzuôr tês.

-Tsi tơưv muk đrâuv jôngr ntâu, zos zuôr trâus muk mak tsuv hnhar trik yo ntêr tês thiêz ntông mov vor cov tâu chax kơz thiêx tsi trâus kâuk yar.

-Nox têx zav jâuz, txir ntông taz sik tsuv nzuôr cov hur uô ntêx thâuv nox.

-Tsi nox têx zav nox tsi tâu uô siêr li nyar chiêx, greix kâuz, kê, njês tsi tâu tâu uô siêr; tsi nox hâuk ntơưv têx qơư tsi muôx txâuk đêx hur thiêz huv vêv xênhz.

-Hâuk txâuk đêx, nênhs hloz hâuk tsơưs tiv zix 2 lir iz hnuz, mê nhuôs khênhr puz hâuk đêx, hâuk cxaz cuô txir thênhx caz lok sik txir lưs kâuz. Tsi puz hâuk ntâu têx zav đêx kaz jiz, tiv zix zos têx zav đêx muôx ga.

Nhạc cắt

2Vêv xênhz tênhx qơư:

-Tsêr nhoz hur si, lax khiêv nziêk thiêx tsi muôx qơư chiê caz moz huôv xênhz.

-Tsi tsês chiê zav nox, têx vuôz tsuôz kiês nênhs ntêr hâur tsêr, uô trâu zôngr za lok hâur tsêr;

-Tsi por cxuô zav hâur hâur đêx viv zôngx ziv uô caz moz huôv xênhz, uô huôv moz trâu côngv thôngx.

-Lênhx nênhs, chuôz zis thiêz côngv thôngx sir jos heik cxuô lênhx nênhs tsi por têx vuôz tsuôz kiês nênhs trâu tênhx qơư, tsuv por thiêz yưr lir trơưk cui tênhv.

-Cxuô lênhx tsôngv box tsuv phax tar moz cxôngx tsưr ziv nox hâuk txâuk tsơưr pưr, nox ntâu jâuz njuôz, txir ntông, zav nox muôx ntâu vitamin; muôx tsưr ziv uô hâux lưv, xênhz huôx, shâuv thiv thao thiêz so huv đros. Thâuv muôx lênyhxx nênhs trâus moz lok sik njuôs xav trâus moz tsuv ciêr chênhr chox ciês muk qơư y tế chiê tâu seiz njuôs thiêz kho moz, tsi chiê moz cik trâu lênhx nênhs cxênhz jê thiêz côngv thôngx./.

(KTSK-Txâur Vax cxeik nhênhv)