Sơn La: Kuz hâu Sơn La tsuv nhoz tux hâur txuz uô

cxâuv pâux nzir txar qơư nhoz uô tsêr mêir tênhv tênhz Sơn La

Hâur jiês nus, qênhz yuôx, Toà án tưz tso viện kiểm sát tỉnh Sơn La đros chor luật sư thiêz chor nênhs uô cxâuv pâux nzir ar cxiv uô tsêr máy tênhv tênhz Sơn La chiê uô cov tsênhz mênhx têx uô cxâuv. Tas nro chor nênhs uô cxâuv puôr lênhx hêik tiêk zuk tsik cxâuv, tsik thôngx ziv đros têx ntâuz ntơưr tưz sâu zuk têx luk hêik ntơưv qơư cơư tux, viv xav tiêk trâus chor nênhs qênhz yuôx zuôv cov hêik thiêz kriz li ntơư, hâur qơư cơư tux, chor nênhs co tsik muôx zav ntâuz ntơưr tưs cik txos chiê muôz pir đros tsưr ziv 41, chiê pâuz tâu têx luôs hâux lưv uô zuôv cxâuv chêi; chor nênhs co cux ndo tsik tas têx luk kriz thiêz hâur chor ntâuz ntơưr sâu têx luk hêik co muôx lok six ntâu njiêz luk thiêz tas nro têx ntơưr co puôr lênhx hêik lơưr pâuz tiêk uô tsik zos; taz sik cux uô, zos tiêk pâuz uô zuôv mak lơưr zuôr tsik uô, chiê txos hnuz no tsuv muôx njêx muôs ntơưv tòa li no. Chor nênhs uô cxâuv puôr lênhx tsik thôngx ziv đros viện kiểm sát thiêz puôr lênhx hêik tiêk, lơưr tưz uô zos chêi cui tênhv. Vav tiêk Hôiv đôngx tu txuz plâuz no zuôr sêiz shuôk cov tsênhz mênhx huv đros.

Lơưr tik cêr cxâuv, shông 2005, hâux lưv muôz nhiêx pâux nzir, paz txar qơư nhoz trâu chor ziv chuôz zis lơưr tsưr ziv ar pâur ar ntơưv thax tsav tsêr mêir tênhv tênhz Sơn La tưz tâu uô tiêr. Taz sik, qơư nhoz yiêz Tân Lập, Mộc Châu mak nriêr tsik tâu ar trâu px tsêz chos kôngz li qơư nhoz kuz. Viv li, Chính phủ tso chêi pâux nzir gri ar nhoz qơư nhoz kuz, txar lok trâu qơư nhoz yiêz. Shông 2014, UBND tỉnh Sơn La tso tơưv ntâuz ntơưr 617 chox kriê UBND huyện Mường La tsuv uô cov tâu truôx luôs hâux lưv pâux nzir ar tsêz chos kôngz hâur thax tsav cxiv uô tsêr máy  tênhv Sơn La, hâur co chox kriê hâux lưv njuôk hov chor chuôz zis têx ar têz tsêz chos kôngz chiê pâux nzir nhiêx.

Đros UBND tỉnh li ntâuz ntơưr 617, huyện Mường La tưz tso tơưv tsưr ziv 41 lok njuôk hov, sâu tsês chor ar uô tsêr mêir tênhv tênhz Sơn La zos Trương Tuấn Dũng uô Phưv Chủ tịch UBND huyện thâuv co cir. Thâuv huyện kriz njuôk hov, tưz muôx ntâuz ntơưr pênhr hla trâu thênhv siêz, hêik cov tâu pâux nzir lơưr gri ar shông 2015. Hâux lưv no tưz uô phiv liv txos ngaz tuk hâur iz ntu ntêr. Đhâu Cơ quan qênhz yuôx tưz pov  uô tsik trơưk tsưr ziv 41 cux xưk li hâux lưv njuôk hov, pâux nzir ar. Kror no uô muôx yưv Đèo Văn Ban chuôz zis tâu pâux nzir tsik trơưk chêi  zos 1,2 tiv đêiv.

Chor nênhs uô cxâuv cux hêik tsik zos li têx zuk trâus tik cêr cxâuv viv xav tiêk, qênhx shênhx shông 2014 mak phiv liv, pêx xênhv tsik tâu pâux nzir huv đros viv li tưz pênhr, uô muôx yưv tsik ngaz tuk. Hâux lưv tso tơưv tsưr ziv 41 tưz paz uô truôx tuk xar hôiv. Chor luật sư mak hêik tiêk, tsưr ziv 41 tâu sir zôngv uô đros 600 ziv chuôz zis, hok tsuôk xét xưv iz ziv chuôz zis tâu pâux nzir muôx 1,2 tiv đêiv li nhiv no zos tsik tâu tsênhz tiês.

Đhâu nus, qênhz yuôx, têx luk têz ntơưv tòa án, zos uô trơưk chêi hình sự shông 2015 li têx xưv bluô; paz txo grêk tsơưs têx uô cxâuv, chor nênhs uô cxâuv co hâur ntu uô côngz xưv cux uô tâu tiêr ntâu luôs hâux lưv jông, muôx ntâu côngk đas jos tsưr ziv hâur txar qơư nhoz trâu pêx xênhv chiê uô tsêr mêir tênhv tênhz Sơn La. Đros ntơư, chor nênhs co tsênhv muôx niêv txir muôx côngz têz qơưs hauar ntu tir ntâuk tros châuz đrav ntêx. Chênhr zos li hêik ntơư, Hôiv đôngx tu txuz plâuz no, tưz xưv phuôv 13 lênhx nênhs “cxoz txưv uô zuôv têz qơưk têx cui tênhv lok sêiz  nhiêx txiêx uô muôx yưv têx phiv liv zov chênhr” thiêz 4 lênhx uô cxâuv “Zos uô tsik tiêr hauax lưv zok muôz, uô muôx yưv têx tsik jông”. Tsênhv tsênhz têx xưv phuôv li no: Trương Tuấn Dũng (Kuz phưv Giám đốc Sở sêiz car nhiêx txiêx Sơn La), Phan Tiến Diện (Kuz phưv giám đốc Sở Tênhv qơư), Phan Đức Chính; (Kuz Trưởng phòng Tênhv qơư huyện Mường La) tsuv nhoz tux 6 shông 6 luz hli cêr cxâuv; Phan Xuân Khoa, Tòng Văn Thành trâus nhoz tux 5 shông 6 luz hli; Trần Mạnh Trì nhoz 5 shông tux; Ngô Xuân Vân, Lê Quang Duy, Nguyễn Văn Thanh, Đèo Văn Ban nhoz 4 shông tux; Mai Văn Quang, Vũ Hồng Giang, Triệu Ngọc Hoan, Sòi Ngọc Hùng, Cà Văn Tỉnh nhoz 36 hli tux, taz sik chiê tso nhoz ntơưv tsêr; Đỗ Tiến Đồng 36 luz hli nhoz tux; Bùi Văn tân 30 luz hli nhoz tux.

Tsênhz mênhx: Đèo Văn Ban tsuv pâux nzir trâu têz qơưk chor nhiêx 1 tiv 179 triệu đêiv ntâu thiêz tsuv thêv tror trâu têz qơưk 64 triệu đêiv ntâu. Zos tsik jông siêz trơưk li Toà án tỉnh Sơn la tu, chor nênhs co muôx chêi pênhr hêik trâu Toà án thênhv siêz  chiê tu, xav txix hnuz tu tsik chiê đhâu 15 hnuz./.

                                           (TTTB-Lik Thox cxêik nhênhv)