Chêx cur txix tsưr ziv “Camera ngaz tuk” thiêz

“Zalo ngaz tuk” nhoz Yên Bái

Nhiv kruôr đhâu, Công an phường Nguyễn Thái Học txêik tâu tsưr iz kror qơư muôs hax huv sâuv thax tsav li ntơưr pênhr lok hâux lưv muôx iz lênhx nênhs tuôx zuôr huv thiêz nhiêx iz luz mêir điện thoại Iphone tsiv gri 32 triệu đêiv. Đhâu camera ngaz tuk hâur qơư muôs huv co cơư tâu tsês, lưx lươngv txơưx jênhv tưz nriêr pâuz tsênhz mênhx lênhx nênhs tuz saz co zos Đỗ Thị Hương, zus shông 1992, nhoz ntơưv tổ 27, phường Cốc Lếu, thành phố Lào Cai, tỉnh Lào Cai. Ntơưv cơ quan Công an, Hương tưz jênhv zuk kror cxâuv zos uô tuz saz. No tsuôk zos iz hâur ntâu txuz hâux lưv tâu “camera ngaz tuk” cxêik cơưv tâu tsês, paz trâu cơ quan công an nriêr pâuz tâu sêi thiêz ndar six hơưv cxuô txuz hâux lưv. Zơưv Nguyễn Đức Thực thiêz pos Trương Thị Sen, nênhs nhoz phường Nguyễn Thái Học puz pâuz: “Đhâu thâuv kriz uô tsưr ziv “Zalo ngaz tuk” thiêz “camera ngaz tuk” mak tâu chôngz nênhs thôngx ziv. Pox nhuôs lok six jông siêz, sik côngv đros uô viv têx co paz tâu lok six sêi trâu ntâu hâux lưv. Iz zav li thâuv pov muôx txiêz nanv xar hôiv lok sik têx txuz hâux lưv phiv liv  mak pêz nhắn tin đhâu zalo, tsuôk tsik ntêr tov kaz mak chor công an tưz tuôx txos chiê cêir chêx ciês têx hâux lưv co lok six sêi”.

Piz txix qênhx shênhx tsênhv tsênhz ntơưv tiv phaz qơư pêx xênhv nhoz tsênhv yuôr ntâu kror phiv liv muôx yưv cik txos ngaz tuk li tuz saz tuz nhiês, tưr txiêx, zax zênhz…Công an phường Nguyễn Thái Học tưz hêik trâu lênhx tov Công an thành phố Yên Bái thiêz UBND phường Nguyễn Thái Học cxiv uô tsưr ziv “Camera ngaz tuk” thiêz “Zalo ngaz tuk”. Lơưr co, hêik chor chuôz zis cxiv uô lôngx đhok “camera ngaz tuk” thiêz yênhx lix 16 paz “Zalo ngaz tuk” , hâur co muôx iz paz zos Ban chox kriê, 15 paz nhoz ntơưv 15 qơư pêx xênhv nhoz. Đhâu chor paz zalo no, tưz paz piêr txox trâu pêx xênhv pâuz lok Đảng, têz qơưk têx cêr chêi… Yax kriê, gra siêz jênhv pâuz, tsưr ziv phax tar chor nênhs fêv thiêz txơưx jênhv trâu yênhx lênhx nênhs hâur tsav txênhz, tir thêir, hêik pâuz chor nênhs fêv thiêz têx kror uô cxâuv cêr chêi têz qơưk, paz tuôr truôx ngaz tuk sâuv thax tsav. Trung tá Hoàng Văn Tuân-Trưởng Công an phường Nguyễn Thái Học hêik: “Pêz sir zôngv khoa học công nghệ chiê cxiv tsa uô chor tsưr ziv phax tar chor nênhs fêv, xưk li “Zalo ngaz tuk” thiêz “Camera ngaz tuk”, chiê chuôz cxaz uô côngz xưv phax tar, yax kriê trâu pêx xênhv pâuz tâu sêi tiv zix thiêz đêz đar tiv zix. Cux li sir zôngv khao học, công nghệ chiê qênhz yuôx nriêr pâuz chor nênhs fêv cov tâu sêiz tiv zix. Thâuv uô jông côngz xưv phax tar thiêz qênhz yuôx xưv lik truôx jông, zuôr paz txo grêk tsơưs tâu qênhx shênhx nênhs phamv cxâuv thiêz taz por tâu jông qênhx shênhx ngaz tuk sâuv thax tsav”.

Khov kriz uô muôx chêx cur oz tsưr ziv co mak txix hâur shôngk shông txos nhiv no, lưx lươngv txơưx jênhv phường Nguyễn Thái Học tưz uô tsênhz mênhx 30 txuz, 36 lênhx nênhs uô cxâuv cêr chêi têz qơưk. Đrâuv xưv bluô uô cxâuv hành chính, phường cux tưz xa trâu cơ quan thênhv siêz khởi tố 10 txuz, 10 lênhx nênhs uô cxâuv chêi hình sự. Pos Tạ Ngọc Hoa, chủ tịch UBND phường Nguyễn Thái Học, thành phố Yên Bái puz pâuz: “Uô phongz yaox tas nro pêx xênhv por vêv ngaz tuk têz qơưk mak phường Nguyễn Thái học tưz kriz uô tsưr ziv “Zalo ngaz tuk” thiêz “Camera ngaz tuk”. Đhâu tsưr ziv no mak cux tưz paz phuôx huiz tâu pêx xênhv li jênhv pâuz thiêz phax tar chor nênhs fêv, taz por tâu ngaz tuk sâuv thax tsav phường”.

Txix têx uô tâu tsênhv tsênhz txix tsưr ziv đhok “Camera” thiêz “Zalo” sâuv thax tsav phường Nguyễn Thái Học tưz pov tâu tiêk: no zos tsưr ziv uô jông tsuv tâu kriz uô đêz đar chiê paz phax tar, txo grêk tsơưs chor nênhs uô cxâuv cêr chêi têz qơưk, tsưx phưv tâu truôx tuk sâuv yênhx thax tsav qơư pêx xênhv nhoz./.

(Đinh Tuấn-Lik Thox cxêik nhênhv)

Cxax yuôx phax moz vưv- Viv li chas tsi cxax?

Nam: Tsôngv ...yuô! 100% lênhx nênhs thâuv tưz huôv moz vưv mak puôr lênhx zuôr trâus tuôs. Thâuv pov moz vưv mak khênhr muôx yưv 2 zav moz chênhr zos: moz hlưz tâuz hâu thiêz tuôs tês tuôs tơư. Têx caz moz vưv zuôr tâus cxôngx têx sâur nyar tâuz hâu mul txos hlưz tâuz hâu. Viv li, kror cxaz ziv lox, ziv nhoz jê tâuz hâu mak ziv riêz nênhs đuô viv huôv moz sei. No chênhr zos lik zơưx viv li chas têx lênhx uô niêv uô txir tsuv ciêr chênhr chox mê nhuôs mul cxax yuôx phax moz vưv thâuv mê nhuôs trâus đêr vưv tov.

Nhạc cắt

Nữ: 1. Têx lênhx nênhs tưs tsuv zuôr trâus tâu cxax yuôx phax moz vưv viv njuôs xav moz siz cik sei?

Nam: Têx lênhx nênhs mul ndis shuôk ntux têz thiêz muôx tsưr ziv mul txos iz têz qơưk khênhr muôx moz vưv, nhoz iz thax tsav qơư yiêz, tsôngv pox nhuôs khênhr tsi pâuz zuk zuôr njiz têx tul tsi, trâus tul tsi tov, thiêz tul tsiêx co pok trâus moz vưv...? Têx lênhx nênhs khênhr cor têx tsiêx cxu li bác sĩ thú y, lênhx nênhs uô hâux lưv hâur tsênhv qơư phax tar moz tsiêx cxu, lênhx nênhs qênhz jôngr, lênhx nênhs uô hâux lưv hâur qơư njuôs siv moz vưv...

Nhạc cắt

Nữ: 2. Tsuv mul kror tưs chiê cxax yuôx phax moz vưv?

Nam: Viv cxax yuôx phax moz vưv tsi nhoz hâur têz qơưk li tsaz yênhx cxax yuôx phax moz krêz đar viv li tsôngv pox nhuôs tsuv mul têx tsênhv qơư cxax yuôx phax moz lok sik tsêr kho moz chiê tâu cxax yuôx phax moz vưv.

          Tiv zix, moz vưv khênhr chuôz ndê hâur cheix ntux cuz sor cxôngx hli 5 txos hli 8 niêx shông. Viv li tsuv phax moz vưv uô ntêx cxôngx tsưr ziv cxax yuôx. Tsôngv pox nhuôs cux tsuv mul txos tsênhv qơư cxax yuôx pahx moz chiê tâu cxax yuôx phax moz viv yuôx phax moz nhoz co thâuv tưs cux muôx.

Nhạc cắt

Nữ: 3. Chuv tôngv phax tar moz vưv trâu lênhx nênhs hloz tiêr nênhs thiêz mê nhuôs zâu ciês thâuv cor trâus lok sik trâus tul tsiêx njuôs xav trâus moz vưv tov.

Nam: Nhiv no, Việt Nam tsênhv muôx 3 zav yuôx vắc xin phax moz vưv tâu cungz ntơưr tso chei sir zôngv. Tsov lơưr yênhx tsưr ziv cxax yuôx phax moz mak cuiz tênhv cxax zav yuôx phax moz thâuv trâus đêr vưv tov.

          No zos 3 zav yuôx tâu zôngv phax tar moz vưv thiêz paz txưv kho moz vưv thâuv tưz trâus tsiêx cxu tov. 3 zav yuôx no puôr lênhx muôx txux zôngv tir tar moz vưv trâu lênhx nênhs đhâu thâuv cor trâus lok sik trâus đêr, yưk njuôs xav trâus moz vưv tov.

Nhạc cắt

Nữ: Grê yuôx vắc xin phax moz vưv:

Nam:

-Yuôx Verorab muôx grê zos 260 cxênhz đeiv iz jiês cxax

          - Yuôx Abhayrab muôx grê zos 255 cxênhz đeiv iz jiês cxax

          - Yuôx Indirab muôx grê zos 255 cxênhz đeiv iz jiês cxax

          Tsưr ziv phax moz vưv zôngx ziv uô tiv zix zos tsuv cxax yuôx phax moz vưv cxix cxuô trâu mê nhuôs thiêz lênhx nênhs hloz tiêr nênhs, co zos iz hâux lưv taz por đas jos trâu tsôngv box nhuôs. Hâux lưv xar tâu yuôx phax tar moz vưv zos y học ntiêx têz li iz hâux lưv uô tâu zov chênhr, ntâu lênhx nênhs tâu chơưv tâu khov muôx yuôx vắc xin phax tar moz vưv. Shông 2019 zuôr tsi chiê lênhx tưs trâus tuôs tiv zav moz mak muôx yuôx vắc xin phax tar tâu no thiêz./.

(Hồng Việt-Txâur Vax cxeik nhênhv