Mù Cang Chải (Yên Bái) taz por đas jos trâu shux xênhz hâur chêix ntux no

Ciês piz hla trâu chêix ntux no, têx pơưs tơưl lox tưz tâu Tsêr cơưv Phôv thôngz mênhx cxưx niêv txir zis mor cxênhx iz thiêz Cxênhzz oz Dế Xu Phình bax cxuô nro, chiê muôx tâu tơưk trâur trâu chor shux xênhz hâur chêix ntux no. Chor lâus kâuz lox cux tâu shux xênhz niêv txir thiêz tsêr cơưv ntơưr bax chiê râuz đêx sor đa trâu shux xênhz hâur têx hnuz ntux no. Đros co, hâux lưv taz por tsơưr pưr trâu chor shux xênhz niêv txir zus mor cux tâu tsêr cơưv ntơưr tsov cưv txos. Sinh Xênhv Zax, shux xênhz tsêr cơưv phôv thôngz mênhx cxưx Niêv txir zus mor cxênhx iz thiêz cxênhx oz Dế Xu Phình hêik:

“Ntux no chênhr mak chor cưk kriê hêik tiêk cov pêz nhoz jông hâur qar qơư nhoz, cơưv ntơưr ntơưv qar nhoz thiêz tsik tơưv ntâu đrâuv jôngr tsav trâus moz”.

Đros thiêz taz por tsơưr pưr shưz, tơưl trâus trâu shux xênhz, chor tsêr cơưv ntơưr cux tsov cưv txos pav thiêz tsôngk yo sor trâu chor shux xênhz. Ntâu qar pư trâu chor shux xênhz niêv txir zus mor tsênhv muôx mêir uô sor phưx vưv trâu chor hnuz ntux no chênhr, no njiv. Đros co, cán bộ y tế hâur tsêr cơưv ntơưr cux tsik so qênhz shuôk đas jos, kruôz kriê chor shux xênhz uô vêv xênhz qơư nhoz, vêv xênhz tiz nênhs chiê phax tar cxuô zav moz gênhs tsik so njiz hâur chêix ntux no. Cưk kriê ntơưr Lê thị Hoàng Yến, Phưv hiệu trưởng tsêr cơưv Phôv thôngz mênhx cxưx niêv txir zus mor Cxênhx iz thiêz Cxênhx oz Nậm Khắt puz pâuz:

“Chiê tor tar ntux no trâu tsêr cơưv ntơưr pêz tưz bax chuôz cxaz pav trâu chor shux xênhz. Tsêr mor mak râu đêx sor chiê chor shux xênhz vêv xênhz yênhx hnuz cov taz por tâu đas jos”.

Huyện tox siêz Mù Cang Chải, tỉnh Yên Bái nhiv no muôx 37 luz tsêr cơưv, 570 lớp, zuôr xar 19.000 lênhx shux xênhz, hâur co muôx zuôr xar 10.000 lênhx nhoz hâur tsêr cơưv niêv txir zus mor. Txix ciês thâuv hâur chêix ntux no, nganhx zoz zux huyện tưz kriz uô cxix cxuô ntâu tsưr ziv  chiê uô sor thiêz taz por đas jos trâu chor shux xênhz li: Chuôz cxaz nzir cán bộ, cưk kriê ntơưr qênhz yuôx shux xênhz niêv txir zus mor li huôx tôngv; têx hnuz ntux no chênhr, no njiv tsêr cơưv ntơưr kho đuô six hơưv cơưv ntơưr cov huv đros, chiê shux xênhz pư nzor thâuv hmo ntux. Hêik chor tsêr cơưv ntơưr tsik chiê shux xênhz huôx tôngv, cơưv ntơưr đrâuv jôngr têx hnuz ntux no, hlôngr trâu co zos tsưr tsix chiê chor shux xênhz cơưv nzir hâur qar cơưv ntơưr. Chor qar cơưv, lớp cơưv tsuv thêir vor cov ntov tsik yâu chuô thiêz muôx txâuk pov cêr. Zơưv Hoàng Văn Đồng, Trưởng phongx zoz zux thiêz Thox cxov huyện Mù Cang Chải, tỉnh Yên Bái puz pâuz:

“Phongx hêik chor taz viv tsêr cơưv tsuv tsik so nriêr pâuz xor mông chiê nzor hêik pâuz trâu shux xênhz li niêv txir, shux xênhz, cưk kriê ntơưr thiêz nhân viên hâur tsêr cơưv ntơưr tâu pâuz chiê phax tar. Chor tsêr cơưv ntơưr tsuv sir jos kho đuô vax tsêr, cxuô zav, thêir têx qar nhoz, qar cơưv ntơưr cov taz por trâu shux xênhz”.

Đros bax cxix cxuô, sir jos txix ciês thâuv hâur chêix ntux no, cưk kriê thiêz shux xênhz huyện tox siêz Mù Cang Chải, tỉnh Yên Bái bax jông trâu iz chêix ntux no taz por đas jos, thiêz chor shux xênhz tuôx cơưv ntơưr cxix cxuô đuô./.

(Thừa Xuân-Lik Thox cxêik nhênhv)

Lênhx nênhs trâul sêv khiz luz chêr sir jos uô bluô nux

Muôx 11 shông, hâur iz jiês muk seiz nhux đros têx fôngx zưs, Nguyễn Thị Bé, nhoz xã Duy Hòa, huyện Duy Xuyên, tỉnh Quảng Nam hmôngr tsi jông tưz njiz trâus iz luz bôngk tsênhv yuôr đhâu tir ntâul trok châuz hâur ntu đrav ntêx tơưs uô Bé 2 cxeik tơư tsi jông tas. Txix ntơư, Nguyễn Thị Bé tsuv tso ntơưr tsês, uô luz nênhx lok six txov nhêv. Tâu hội têx lênhx nênhs trâul sêv khiz luz chêr huyện Duy Xuyên paz pênhr, niêv lâuk mul cơưv txux chi tsưr ziv uô nuv, krêz qơư muôs xiv huv hâur niêx hnuz, gra lok phênhv sâu tâu truôx tuk. Txix co, niêv lâuk paz ntâu lênhx muôx luz nênhx xưk li zuk huôv tsar uô nox:

“Nhiv no, cur phênhv sâu tâu cux txâuk txoz cxơưx trâu luz nênhx, thiêz zus niêv, zus txir lâuk, têx mê nhuôv muk cơưv ntơưr. Iz chas zuk hâux lưv mak đros thiêz zuk tsưr ziv pâuz, zuk tưz kriê txux chi tsưr ziv uô nuv trâu têx lênhx trâus sêv khiz luz chêr. Vav chiê siêz tiêk, txơưv lơưr trâus sêv khiz luz chêr, tsi muôx jông têk jông tơư xưk li luôs lưv tuk, taz sik lơưr muôx iz hâux lưv uô, muôx phênhv sâu tâu chiê lơưr sir jos hla đhâu têx phiv liv, đros luôs huôv tsar uô nox”.

          Yuôr zơưv Nguyễn Văn Cho, nhoz jok Sơn Viên, xã Duy Nghĩa, huyện Duy Xuyên 2 cxeik tơư mul lok phiv liv. Zơưv Cho tưz yưv pênhr krêz uô qơư tu zus keiz ok, khơưz pak đêx tso njêl zus. Nhiv no, zơưv Cho qơư tu zus co tưz muôx 3 cxênhz ntâu tuk keiz ok thiêz ntâu pak đêx zus njêl, phênhv sâu tâu txix trâur nuv no muôx nhos 100 tsov đeiv iz shông. Zơưv Nguyễn Văn Cho heik:

“Mul lok phiv liv viv li cur xeir tsưr ziv tu zus keiz tso lak yar li no, phênhv sâu tâu txâuk txoz cxơưx trâu luz nênhx. Khov Hội têx lênhx nênhs trâul sêv khiz luz chêr hâur huyện paz pênhr txeik chiê krêz đar qơư huôv tsar uô nox xuz thơưx”.

Zơưv Nguyễn Văn Định, Chủ tịch Hội têx lênhx nênhs trâul sêv khiz luz chêr huyện Duy Xuyên, tỉnh Quảng Nam heik pâuz: Six hơưv đhâu, Hội tưz paz pênhr thiêz chuôz zênhx uz no trâu lênhx nênhs trâul sêv khiz luz chêr huôv tsar uô nox, uô lax luôv. Txix co, nênhs trâul sêv khiz luz chêr luz nênhx jux juk tâu hlôngr yiêz. Trơưk li zơưv Định, ntâu lênhx trâus sêv khiz luz chêr ntơưv qơư no tưz sir jos hla đhâu têx phiv liv, huôv tsar uô nox uô hnar:

“Hội nênhs trâul sêv khiz luz chêr cux vav chiê siêz tiêk, têx tsưr tsix, lênhx nênhs muôz jông six hơưv paz max, kriê txux chi tsưr ziv uô nuv trâu têx lênhx trâus sêv khiz luz chêr chiê lơưr muôx hâux lưv uô truôx, sir jos hâur luz nênhx. Lar heik zos paz pênhr huôv tsar huôv tu zus tsiêx cxu, zuôr muôs iz kro mê njik têx xiv huv uz no......”.

Tỉnh Quảng Nam nhiv no muôx zuôr xar 150 lênhx nênhs trâul sêv khiz luz chêr uô nox uô hâuk coz. Chênhr têx lênhx nênhs heik co, lơưr tưz muôz hâux lưv uô truôx trâu ntâu lênhx lox tôngv muôx luz nênhx txov nhêv xưk li zuk. Hội têx lênhx nênhs trâul sêv khiz luz chêr tỉnh Quảng Nam tưz đros Sở Lox tôngv Xaz pênhz tỉnh, cxuô ngênhx muôx vax huôv tsưr tsix kriê tsưr ziv uô nuv tsi zuôr nhiêx, paz yênhx puô lênhx nênhs trâul sêv khiz luz chêr muôx hâux lưv uô, sir jos hla đhâu yeiz pluôs./.

(TTMT-Riê Lâux cxeik, nhênhv)