Điện Biên: Sir jos huiz tôngv têx shux xênhz tuôx tsêr cơưv cơưv ntơưr đhâu so Tsiêz ntêr hnuz

Têx cêr siz tưr cơưv txux chi têx hnuz no tưz lok six lov jêv đros thiêz chor cưk kriê ntơưr, têx shux xênhz hâur tsêr cơưv Phưv thôngz mênhx cxưx lok zos Phổ thông dân tộc niêv txir zus mor Cxênhx iz Nậm Nhừ, xã Nậm Nhừ, huyện Nậm Pồ, tỉnh Điện Biên. hâur 400 ntâu lênhx shux xênhz nhoz 5 khối cơưv hâur tsêr cơưv, txos nhiv no tưz muôx txos 98% têx nhuôs tâu vênhv tôngv, hu tror tuôx tsêr cơưv, cơưv ntơưr chiê lơưr chuôs luôs 2 chas thax tsav thiêz uô tâu trơưk zoz zux ntơưv qơư tsưr ziv tso tơưv đhâu six hơưv so Tsiêz. Cưk kriê Nguyễn Thị Thúy, thơưx seiz car tsêr cơưv phổ thông dân tộc niêv txir zus mor cxênhx iz Nậm Nhừ, xã Nậm Nhừ heik pâuz: Đhâu ciês thâuv suôx câuv six hơưv so tsiêz, tsêr cơưv tưz vênhv tôngv tas nro têx cưk kriê ntơưr, hux jos đros hâu nov ntơưv qơư muk yênhx ziv chuôz zis jux juk heik shux xênhz niêv txir chox têx nhuôs tror tuôx tsêr cơưv, cơưv ntơưr. Chênhr viv li, ciês têx tsêr cơưv nhoz đêz tsênhv qơư muôx 2, 3 châuv cêik, nhiv no shux xênhz cux jux juk tuôx cơưv cxix, tsi yuôr qênhx shênhx lớp cơưv tsi muôx shux xênhz, têx nhuôs shux xênhz tuôx cơưv tsi cxuô xưk li ntâu shông đrav ntêx:

  “Hâur six hơưv vênhv tôngv shux xênhz tuôx tsêr cơưv, cơưv ntơưr mak cêr mul lok phiv liv, muôx têx luz jok nhoz kuôk đêz tsênhv qơư tsêr cơưv 45 cêik, viv li chor cưk kriê ntơưr cux  phiv liv mul lok. Tiv 2 zos thâuv muk vênhv tôngv mak têx nhuôs shux xênhz chuôz zis phênhv ntâu zos niêv txir muk uô jos tov Trung Quốc lok sik luz nênhx txov nhêv viv li têx cưk kriê ntơưr cux lok six sir jos thiêx uô hu zâuv tâu têx nhuôs tuôx tsêr cơưv”.

Iz chas canr bôv, cưk kriê ntơưr hâur têx tsêr cơưv li sir jos, mak hâu nov  ntơưv qơư thiêz têx lưv lươngv nhoz hâur thax tsav li têx cêr paz zos lok six zov chênhr. Thiếu tá Đặng Văn Hạnh, thơưx Zênhx pênhz phax Nậm Nhừ heik pâuz: Đhâu hlo thâuv suôx câuv six hơưv so Tsiêz, taz viv tưz chuôz tsar tso ntâu lênhx canr bôv, hux jos đros chor cưk kriê ntơưr têx tsêr cơưv muk têx jok đêz, cê chiê vênhv tôngv shux xênhz tuôx tsêr cơưv, cê uô hâux lưv jênh vênhv thiêz pâuz tâu têx cêr nox nhoz, mul lok hâur thax tsav. Khov sik paz li no, viv li hâur têx shông đhâu, chor shux xênhz tuôx tsêr cơưv, cơưv ntơưr đhâu so tsiêz hâur thax tsav thâuv tưs tưz tâu trơưk li tsưr ziv, siêz xar:

“Đhâu têx cưk kriê ntơưr muk trâu ủy ban xã thiêz hux jos đros Zênhx pênhz phax Nậm Nhừ, pêz tưz đros cấp ủy hâu nov ntơưv qơư, đros têx tsêr cơưv muk têx shux xênhz tsi tâu tuôx muk cơưv ntơưr li chuôz zis chiê yax kriê, hu zâuv têx nhuôs muk tsêr cơưv, cơưv ntơưr cxix cxuô. Xav txos iz jiês no, zênhx tưz hux jos đros cấp ủy ntơưvq ơư thiêz têx tsêr cơưv tưz vênhv tôngv têx nhuôs tror tuôx tsêr cơưv, cơưv ntơưr tâu 98%”.

Zơưv Nguyễn Xuân Thuận, Tsar phongx zoz zux thiêz thox cxov huyện Nậm Pồ heik pâuz: Tsôngv box heir nênhs tsơưs nhoz têx huyện tox siêz li: Nậm Pồ khênhr cor cav nox tsiêz ntêr hnuz; đhâu tsiêz ho khênhr tsưr tsix ntêr têx ntênhs hội, uô trâu chor nhuôs shux xênhz khênhr so ntơưr tsi tuôx tsêr cơưv. Chiê đơưk uô tâu têx li heik no, têx shông đhâu, phongx zoz zux huyện tưz đros hâu nov cxuô thax tsav qơư, têx taz viv nhoz hâur thax tsav tsưr tsix trâu tsôngv box sđ nox tsiêz, uô si lov jêv nzor mê njik. Iz chas ntơư, heik Ủy ban huyện tso tơưv têx ntâuz ntơưr chiê vênhv tôngv tsôngv box tsưr tsix têx hnuz ntênhs nzor đuô, taz por txos hnuz xiêz 8 Tsiêz hli ntux mak têx nhuôs shux xênhz tuôx tsêr cơưv cov cxix cxuô:

“Lar heik zos pêz muôx têx luk siz chos li co đros chor tsar jok, heik trâu têx jêx jok muôx chor nhuôs so đros niêv txir lok mul trâu têx thax tsav qơư đêz li, Tủa Chùa lok sik Yên Bái, Lào Cai muôx vax tsêr đêz mak lơưr bax six hơưv, hnuz nhôngs chox têx nhuôs tror tuôx tsêr cơưv trơưk li cui tinhv. Tsênhz tiês, tsôngv box lơưr tsuv pâuz tsênhz li ntơư, thâuv co lơưr hux jos đros zuk chiê chox, xa têx nhuôs tuôx tsêr cơưv cxix cxuô. Chênhr viv li hâu nov ntơưv qơư thiêz pêz cêr siz paz no uô tâu truôx thiêz tsi muôx tuk tsi phiv liv. Tas nro hâur huyện mak muôx mê njik têx li heik sâuv, iz cxiê suôv qơư lơưr tsưr tsix hnuz hội mê njik ntêr taz sik pêz tưz zênhx max heik kriê, uô li chas muôz têx cêr lov jêv, hnuz hội co lok uô cê chiê hâux lưv kriê txux chi tâu uô trơưk đreiv li tsưr ziv tso tơưv, tsi uô nduô têx nhuôs shux xênhz six hơưv, hnuz nhôngs cơưv ntơưr”.

Tsi chiê shux xênhz so ntêr hnuz đhâu tsiêz , uô tsi jông txos shux xênhz cêr cơưv txux zos tsưr ziv tsi tiêk ngênhx zoz zux huyện, Nậm Pồ, mak hur si cxuô thax tsav qơư hâur tỉnh Điên Biên. Txix têx lênhx cưk kriê ntơưr, chor lưv lươngv muôx vax huôv thiêz hâu nov cxuô thax tsav qơư têx sir jos, nhiv no luôs hâux lưv hu zâuv têx shux xênhz tror tuôx tsêr cơưv, cơưv ntơưr đhâu so tsiêz nhoz cxuô tsêr cơưv hâur thax tsav tỉnh puôr lênhx tâu txix 80-90%. Đhâu ntơư, paz taz por tâu trơưk six hơưv kriê thiêz cơưv hâur tas nro ngênhx zoz zux thax tsav lơưr cui tinhv./.

(Vũ Lợi-Riê Lâux cxeik, nhênhv)

Tsênhv qơư Y têr Văn Yên-qơư trâu pêx xênhv tox siêz njênhs njôngr

Nhoz saz đrâuv phongx paz đas jos, txơưv tiêk gênhk taz sik niêv tix Lương Thu Hà nhoz xar phong Dụ Thượng cux tsik yêv kror muôs njiê đhâu luz kror zâu ntơưv kror trôngx muk saz hâur, qơư niêv tix tuk mê nhuôs tsênhv tâu tsoz phưz, sêiz shuôk. Niêv tix Hà piêr, kuôk no iz shông, niêv tix xênhz nhuôs thiêz xênhz zus tuk nhuôs xuz thơưx txơưv tsik tâu muôs iz đraz hli. Niêv tix tâu nênhs hâur tsês chox ciês tâu trâu khoa đas jos thiêz chơưv paz-Nhuôs zâu tsênhv qơư Y têr huyện Văn Yên. Ntơưv no, niêv tix tưz tâu hêik cov fêk chiê chơưv paz tâu niêv thiêz mê nhuôs. Taz sik, tiv mê nhuôs tsik tâu txưv hli zus, viv li chơưv paz tâu chiêx cux lax njuôk xav tâu, tsuôk pâuz tiêk plơưr tsênhv đhiê. Taz sik đhâu iz ciêz tâ tsoz phưz, tu zus jông, nhiv no mê nhuôs đas jos tưz truôx tuk. Niêv tix Hà hêik:

“Thâuv co mak mê nhuôs plơưr đhiê tsik muôx jos, viv li cưk yuôx tưz juôx siêz, sir jos tsoz phưz. Nhiv no mê nhuôs cux tưz muôx jos lơưv, cux tưz zuôr tâu tơưv tsêr kho moz”.

Kho đas jos chơưv paz-Nhuôs zâu, Tsênhv qơư Y têr huuyện Văn Yên nhiv no muôx 24 lênhx cán bộ, nhân viên, hâur co muôx 9 lênhx bác sỹ. Xav luz đraz iz shông, khoa chơưv paz, kho moz trâu 4.400 lênhx nêhs. Văn yên zos tiv phaz muôx chôngz tsôngv box mênhx cxưx tsơưs nênhs xưk li Hmôngz, Cho, Xa Phó, Tày…uô nênhx nhoz, luz nênhx tsênhv txov nhêv, tsuôk zos thâuv moz hnhar mak thiêx chox tuôx tsêr kho moz, têx thâuv mak tuôx tsik gra đaz tsik đros hlo. Thâuv tưs njiz têx nênhs moz li co, mak ho iz jiês chor cán bộ, y, bác sỹ hâur khoa, cux xưk li tsênhv qơư sik côngv thiêz hêik sơưr đơưk sik đros paz trâu nênhs moz pluôs chiê tâu chơưv kho moz. Niêv tix Nguyễn Thị Nhẫn, cán bộ điều dưỡng, Tsênhv qơư Y têr huyện Văn Yên puz pâuz:

“Câuv shông uô côngz xưv ntơưv no mak cur ndo njôngr zos muôx iz lênhx nênhs moz nhoz Nà Hẩu tuôx, txir puôs mê nhuôs tuôx sik ntux no li co tsuôk muôx iz đêiv khâuz ndơưk nhiêk câur xưz, tsik muôx nhiêx chiê nox, nhoz. Cur thiêz kho tưz sik côngv thiêz zuôr jâuz mor nox, đêx hâuk lok trâu, tsoz phưz hâur chor hnuz nhoz kho moz thiêz thâuv lơưr tơưv tsêr kho moz mak sơưr đơưk pov lok six shir phaz”.

Nhiv no, Kho đas jos cơưv paz-Nhuôs zâu, tsênhv qơư Y têr huyện Văn Yên tưz uô tsưr ntâu kỹ thuật jông hâur chơưv paz, kho moz trâu nênhs moz, xưk li: liv nyar lơưr six hơưv, liv nyar chơưv paz, chơưv kho trâu nênhs moz plơưr đhiê tsik siz luôs…Đhâu co, tưz chơưv kho tâu ntâu nênhs moz hnhar, moz lax chơưv kho; lok sik têx nênhs moz tsik txâuk six hơưv chiê yêv muk trâu thênhv siêz đuô xưk li trâus saz hnhar, uô tsik tâu pa thâuv xênhz zus, cxơưk lênhx nyar plơưr…Bác sỹ chuyên khoa 1 Nguyễn Xuân Thủy, Trưởng khoa đas jos chơưv paz-Nhuôs zâu, Tsênhv qơư Y têr huyện Văn Yên puz pâuz:

“Chiê muôx tâu xưk li nhiv no, pêz sir jos chiê cán bộ, nhân viên côngz chức pâuz tâu txos têx kror yiêz jông kho học, kỹ thuật yiêz; tso nênhs muk cơưv txix thênhv siêz, xưk li: Tsêr kho moz Bạch Mai, Viện Đức, thiêz tsêr kho moz nhuôs zâu Trung ương cux xưk li tsêr kho moz đa khoa tỉnh…Cơưv iz kror jux juk lok sir zôngv ntơưv tsênhv qơư, đhâu co zuôr paz txo grêk tsơưs ntâu phiv liv lok nhiêx txiêx trâu pêx xêhv sâuv thax tsav”.

Đros tập thể thiêz yênhx lênhx nênhs li sir jos, ntâu shông Khoa đas jos chơưv paz-Nhuôs zâu, Tsênhv qơư Y têr huyện Văn Yên tâu côngz jênhv zos tập thể uô tâu hâux lưv jông, chôngz lênhx nênhs tâu nganhx Y têr thiêz tỉnh khơưk kruôk. Taz sik têx jâuv kror kruôk lox tiv zix zos txix yênhx lênhx pêx xênhv, nênhs moz nhoz Văn Yên li siêz xar txos, tsês chiê trâu chor y, bác sỹ. Pos Lã Thị Liễu, nhoz xar Xuân Ái tsênhv tsoz phưz tuk txir muôx moz tsuv liv trâuv ntơưv Khoa đas jos chơưv paz, Tsênhv qơư Y têr huyện Văn Yên, tỉnh Yên Bái hêik:

“Chor bác sỹ tuôx uô jông sêiz nus chor nênhs moz. Hêik cxuô mak nênhs moz cux shir phaz thiêz chor nênhs hâur tsêr cux tso siêz, tsiêz lok tsênhv muôz huv thiêz phôngv tsiêz trâu nênhs moz thiêz. Hêik ndax ciês mak lok six shir phaz thiêz tso siêz lok hâux lưv chơưv kho, tsoz phưz trâu nênhs moz ntơưv no”./.

(Thừa Xuân-Lik Thox cxêik nhênhv)