Lào Cai: Têx hluôk nênhs uô ntêx nyuôk trâu luôs hâux lưv huôv tsar cêr uô nox

          Luz jos yiêz đros trâu luz bê Jos hluôk nênhs uô nox uô hâuk ntơưv xã Lùng Vai, huyện Mường Khương, tỉnh Lào Cai nhoz hâur iz luz har mê buôs ntus đriv têz qơưk Trung Quốc. NJiê têx luz tsêr siêz, truôx jông tov têx ntus cêr bê tông, tsi muôx lênhx tưs xar tiêk tsuôk kuôk nor 2,3 shôngk tov ntêx, nhoz no muôx tsi ntâu tsêr nhoz thiêz huôv tsar li nhiv no. Tas nro puôr lênhx tâu hlôngr yiêz cxôngx thâuv iz paz hluôk nênhs Hmôngz cxôngx thax tsav pluôs La Pán Tẩn ( Mường Khương) tuôx ntơưv no chiê cxiv tsêr nhoz thiêz krêz phaz uô liêx têz.

          Hâur luz tsêr ntông jông muôx txâuk tivi, tuv, txax jông, lênhx hluôk nênhs Chảo Ngà Liều cê hâuk đêx cê tror thav txos ntu nhiv kruôr tuôx ntơưv no chiê uô nox uô hâuk. Thâuv co, tix lâuk oz niêv txir đros oz tul mê nhuôs cxôngx kuz têz qơưk tuôx no tsi muôx tul tsi đrâuv oz cxeik tês, taz sik lơưr tix lâus, sâuv têz qơưk jông li no, lênhx tưs truôx siêz gruôs uô nox uô hâuk mak zuôr yênhx côngz. Cxôngx têx hâur pâus tsơưz, nôngz poz cưk xuz thơưx tâu tsêz chos, txos nhiv no tix lâuk chuôz zis tưz hla đhâu yeiz pluôs. Tix lâuk Liều heik:

          “Tuôx ntơưv no tsi xưk li nhoz La Pán Tẩn, nhoz pêv co luz nênhx lok six txov nhêv, mul lol cux phêv liv, xar zuôr tul tsi cux tsuv mul pôngz yênhx hnuz. Lol nhoz ntơưv no mak ngaz tul đuô, tso siêz uô nox uô hâuk, tsi cxơưx tsuv txar qơư nhoz yiêz thiêz”.

          Cux xưk li tix lâuk Liều, hluôk nênhs Chảo Việt Xuân cux zos iz hâur têx lênhx hluôk nênhs uô ntêx nyuôk tuôx uô nox uô hâuk ntơưv jos yiêz. Tâu Têz qơưk paz txưv 50 tsov đeiv chiê cxiv tsêr nhoz, ngaz tul luz nênhx, tix lâuk đros pox niêv thiêz mê nhuôs tso siêz uô nox uô hâuk. Txos nhiv no, đrâuv mênhv chêx kôngz nuv tso lol phênhv sâu siêz, tix lâuk tsênhv zuôr tâu yêz teiv chiê thâux uô jix vuv. Đros tix lâuk, Lùng Vai tsi zos têz qơưk zuk tâu xênhz zus lol taz sik zuôr zos qơư tix lâuk nhoz truôx lêx ntêr:

           “Nhoz kuz têz qơưk cêr zaoz thôngz lok six lax mul lol, tênhv tênhz tsi muôx, viv li pêz cuiz tênhv uô ntêx txar tuôx nhoz no uô nox uô hâuk, no zos têz qơưk tiv 2 pêz zuôr nhoz truôx têz truôx qơư”.

          Lơưr tix lâuk Giàng Quốc Hưng, Bí thư Tỉnh đoàn Lào Cai, txos nhiv no tưz muôx 18 ziv chuôz zis hluôk nênhs nhoz uô nênhx truôx hâur jos. Nhiv no cux tsênhv muôx yênhx châuv ziv chuôz zis hluôk nênhs txơưr uô ntêx nyuôk txar tuôx nhoz hâur jos hluôk nênhs. Cxôngx shông 2014, thâuv tâu Trung ương Đoàn thôngz đhâu dự án, cơ sở cxuô zav hâur jos tâu cxiv tsa cxaz ntâu côngz tsinhx coaz tsôngv. Cxôngx phêv liv qir thơưx, têx chuôz zis hluôk nênhs ntơưv no txos nhiv no puôr lênhx tưz hla đhâu cêr pluôs, gôngr phênhv uô bluô nux, tuôr truôx tsưr qênhx têz qơưk nhoz ntus đriv:

          “Nhiv no đros chor đoàn viên hluôk nênhs tuôx nhoz ntơưv jos mak lơưr puôr lênhx sir tas đas jos, xar tơưv chiê gôngr phênhv lol chuôz zis li tsưr ziv uô nox uô hâuk. Têx chuôz zis nhoz no tâu cungz ar, tưz cxiv tâu tsêr nhoz, taz por lơưr ploz tsênhr nôngx cxênhz yiêz”.

          Têx hnuz no, tuôx txos Jos hluôk nênhs Lùng Vai, pov têx têz qơưk ntus đriv ziv hlôngr yiêz jông, pov têx lênhx hluôk nênhs tsênhv niêx hnuz sir tas đas jos chiê cxiv kho têz qơưk ziv hnuz ziv bluô nux, vav mênhx./.

                                                                                (An Kiên-Txâur Vax cxeik nhênhv)

Hêik kriê chêi têz qơưs

          Grê 30:

          1, Cxuô lênhx sđ muôx vax huôv uô ntơưr sik pênhr têx cơ quan, tsưr tsix, lênhx nênhs uô cxâuv chêi têz qơưs.

          2, Cơ quan, tsưr tsix thiêz lênhx nênhs muôx vax huôv tok txêik, đơưk tu px sđ têx ntâuz ntơưr sik pênhr. Lênhx nênhs uô cxâuv chêi tsuv tâu thêv têx trâus puôk tsuôx trâu lênhx nênhs uô zos chêi têz qơưs, viv trâus pôngz chuôz zênhx chuôz tav,  trâus pôngz côngz bê.

3, Txưr tsik uô đaz uô tuôs trâu lênhx nênhs muôx ntâuz ntơưr pênhr; txưr tsik puz hiêv txos trâu lênhx nênhs txơưr đuô.

Grê 31:

1, Lênhx nênhs trâus cxâuv chêi, tâu xav zos tsik uô cxâuv chêi; thâuv tưs Tòa án muôx ntâuz ntơưr tik cêr cxâuv trâu lênhx nênhs co thiêx tâu xav zos lênhx nênhs ntơư uô cxâuv chêi têz qơưs.

2, Lênhx nênhs uô cxâuv chêi, tsuv tâu Tòa án tu zênhx max cov zos đrêiv chêi têz qươs tso tơưv.

3, Tsik muôx lênhx nênhs tưs tâu tik cêr cxâuv oz jiês.

4, Lênhx nênhs trâus ntêk cxov, trâus cơư chiê qênhz yuôx uô cov tsênhz mênhx, tsuv muôx lênhx nênhs đros tâus chêi uô cov huv đros.

5, Lênhx nênhs trâus ntêk cxov, trâus cơư chiê qênhz yuôx tsik trơưk chêi têz qơưs; tsuv tâu thêv têx trâus uô ruôr hiêv, puôk tsuôx tsik jông txos luz côngz bê trâu lênhx nênhs co cov zos đrêiv chêi têz qơưs tso tơưv.

Grê 32:

1, Cxuô lênhx nênhs sđ muôx vax huôv, huôv tsar cêr uô nox, cxiv uô vax tsêr, cxiv tsa chuôz zis zos đrêiv chêi têz qơưs tso tơưv.

2, Cxuô lênhx nênhs tâu vax huôv sir zôngv têx chuôz zênhx chuôz tav zos đrêiv chêi.

Grê 33:

cxuô lênhx sđ tâu vax huôv, khưr uô nox uô hnar, cxiv kho luz nênhx zos đrêiv chêi têz qơưs.

Grê 34:

Tsôngv px tsuv tâu muôx luz nênhx truôx tuk

Grê 35:

1, Tsôngv px sđ muôx vax uô hâux lưv thiêz tâu vax huôv xêir tsov hâux lưv uô trơưk siêz nhiêv.

2, Lênhx nênhs uô hâux lưv muôx nhiêx hli, tsuv uô cov huv đros chêi têz qơưs; lênhx nênhs uô hâux lưv ntơư lâuk so, tsuv tâu zôngv nhiêx hli so lâuk.

3, Lênhx nênhs tsik tâu txưv shông, txưr tsik puz kuôz zuôv uô cxuô zav hâux lưv hnar.

Grê 36:

1, Pox niêv txir nênhx muôx vax huôv siz tso thiêz siz zuôr uô txix gơưv, cxiv kho luz nênhx truôx tuk zos đrêiv chêi têz qơưs.

2, Têz qươs sêiz car siz zuôr uô txix gơưv, sêiz car cxuô chuôz zis, sêiz car tsưx phưv lênhx uô niêv thiêz mê nhuôv zâu./.

                          (Tsu cxêik nhênhv-Tuyết Lan)