Jax sâu thưr 2 hnuz xiêz 6/6/2016:

Huôv tsar tsêz chos jâuz hur-Quảng Yên li tsưr ziv uô tâu truôx

Thax tsav tsêz chos jâuz hur ntơưv xã Tiền An, thị xã Quảng Yên, tỉnh Quảng Ninh piz uô chiv yiêz, pox nhuôs tsênhv sir jos uô. Chor jâuz muống, đok, jâuz njuôz… jông njuôz mok nhôngk. Kror no tưz pov tâu tsôngv px ntơưv no tsênhv sir jos uô bluô nux txix tsưr ziv huôv tsar tsêz chos jâuz nhoz thax tsav qơư no. Xã Tiền An muôx 80% ntâu ziv chuôz zis uô hâux lưv tsêz chos jâuz, tâuv sâuv thax tsav đar muôx 180 hec ta ntâu. Viv phênhv ntâu zos ar kôngz nuv, viv li pox nhuôs hâur xã xav jênhv tsưr ziv huôv tsar kinh tế zos huôv tsar tsêz chos jâuz hur thiêz nhiv no xã Thiên An tưz uô tâu 105 hec ta. Zơưv Đàm Quốc Toản, chủ tịch UBND xã Tiền An puz pâuz:

 “Xã cux tâu tỉnh, thị xã tsov cưv txos cxiv uô 105 hec ta thax tsav chos jâuz ngaz tuk. Mak xã cux tưz đros thị xã tsưr tsix kruôz kriê trâu pox nhuôs nhoz hâur thax tsav co. Cir jênhv đros chor chuôz zis chiê lơưr uô. Tiv phaz cux tưz hlôngr njêx muôs trâu hợp tác xã uô jâuz ngaz tuk sêiz shuôk thiêz kruôz kriê pox nhuôs uô lơưr tsưr ziv chos jâuz ngaz tuk”.

Đros cán bộ hợp tác xã li yax kriê, phênhv ntâu pox nhuôs puôr lênhx pâuz tsênhz tsưr ziv uô, tsoz phưz, sir zôngv yuôx por vêv đrox tsuôs. Viv li, thax tsav tsêz chos jâuz hur ntơưv xã Tiền An tưz tâu chôngz nênhs pâuz txos. Kror no tưz paz trâu pox nhuôs nhoz thax tsav xã Tiền An muôx phênhv sâu truôx, taz por tsơưr lươngv luz nênhx. Lơưr zoưv Lương Văn Tiến, iz chuôz zis chos jâuz, kror pox nhuôs tsov cưv zos chos thiêz tsoz phưz jâuz cov huv kỹ thuật:

 “Tsaz yênhx chos jâuz ngaz tuk mak tưz muôx txix shông 2006. hâur ntu chos mak tas nro chor ploz tsênhr puôr lênhx taz por tâu ngaz tuk hur si, viv li zuôr tsik muôx phiv liv li chak”.

Thâuv ntêx, pox nhuôs nhoz phường Cộng Hòa tsênhv tsêz chos jâuz tsơưs, pâuz tsik tâu txos tsưr ziv huôv tsar tsêz chos yiêz, sâu tâu jâuz tsơưs. Taz sik, thâuv thị xã cêv kuôk thax tsav chos jâuz thiêz công ty Việt Long yưv pênhr, choz zok công nghệ mak thax tsav chos jâuz nhoz no tưz tâu ntâu tiv phaz txơưr đuô hâur tỉnh pâuz txos. Tix lâus Nguyễn Văn Bắc, iz ziv chuôz zis cxaz chuôz zhcos jâuz ngaz tuk trâu công ty Việt Long hêik:

 “Pox nhuôs nhoz no tâu kruôz kriê kỹ thuật chos cux xưk li tsoz phưz jâuz ngaz tuk ntâu jiês. Pox nhuôs mak puôr lênhx sir jos cov taz por chos jâuz tâu ngaz tuk thiêz tsơưr lươngv siêz đuô. Thâuv ntêx lok nhiv no mak lênhx tưs cux nhiêv jâuz ntơưv no thiêz jâuz cux tâu chox muk muôs trâu ntâu qơư”.

Thị xã Quảng Yên muôx 2000 hec ta ar tsêz chos jâuz tâuv, hâur co thax tsav chos jâuz ngaz tuk muôx 83 hec ta, muôx jâuz muôs trâu sâuv ciêz, iz shông muôx 50.000 tấn iz shông. Chor tsưr ziv chos jâuz hur, jâuz ngaz tuk, tsênhv tâu thị xã Quảng Yên tsov moz siêz kriz đar uô ntơưv chor xã muôx ar tsêz chos, qơư zuôr muôs huv đros…Zơưv vũ Ngọc Hùng, trưởng phongx kinh tế thị xã Quảng Yên puz pâuz:

 “Quảng yên tsênhv ndar txos thương mại dịch vụ, kôngz nuv cux zos kror chênhr hâur huôv tsar kinh tế nhoz tiv phaz. Tsưr ziv chos jâuz hur mak tâu tsov cưv txos đuô, đros cxuô cấp chính quyền tiv phaz li cêr chêi, tsưr ziv mak pêz tưz cêv kuôk iz cxiê qơư zôngx ziv uô. Chor tiv phaz uô cêv kuôk tsênhz mênhx chiê zaz zâuv nênhs yưv pênhr, ndar txos uô lơưr ploz tsênhr Vietgap”.

Đros cxiv uô qơư tsêz chos jâuz hur taz por tsơưr lươngv, paz muôx tâu suôz bê sâuv ciêz đrôngs thiêz sik côngv đros chor taz viv, doanh nghiệp nhiv no, chor jâuz hur tưz tâu muôs ntâu sâuv ciêz. No cux tâu xav tiêk zos kror huôv tsar jông hâur kriz uô têx qơư tsêz chos jâuz ngaz tuk nhoz Quảng Yên, chiê paz phênhv tuôr truôx thiêz huôv tsar tsêz chos jâuz hur muôs ntâu trâu sâuv niêv ciêz./.

(TTĐB-Lik Thox cxêik nhênhv)

Phênhv thưr 2, hnuz 06/6/2016

Phưv Chánh Văn phòng Hôiv đôngx bâux xeir têz qơưs: Têx hlôngr yiêz ntâu lok jênh tsuv

PV: Thor cox hêik pâuz mê njik, nhiv kruôr đhâu, lơưr cxuô thax tsav côngz fur lok luôs hâux lưv bâux xeir đại biểu Côx hôiv khóa 14 thiêz đại biểu Hôiv đôngx cxuô cấp ntu 2016-2021, iz cxiê thax tsav bâux xeir tsi tâu txâuk đại biểu Côx hôiv tưz tâu xav tinhv. Uô li thor cox heik pâuz lok tsưr ziv đơưk hâux lưv no tâu uô li chas?

Zơưv Lê Minh Thông: Hâux lưv bâux xeir tsi txâuk đại biểu Côx hôiv zos khênhr muôx yưv hâur bâux xeir. Jông đuô hur si, tsuv bâux xeir cov txâuk, chiê hur si têx cử tri puôr lênhx muôx hlôngr njêx muôs trâu zuk xa têx tsưr ziv, siêz xar txos trâu têx hâu nov thênhv siêz muôx vax huôv. Taz sik tiv iz kro li chas mak bâux xeir tsi txâuk, lok Côx hôiv cux uô tâu hâux lưv. Lok sâuv luôs hâux lưv bâux xeir nzir lok tsi bâux, ntơư nưk cux muôx ntâu kror, tiv iz zos têx thax tsav bâux xeir tsi txâuk đại biểu co tsuv hêik cov tror tso chei bâux nzir; tiv 2 zos Hôiv đôngx bâux xeir têz qơưs zuôr seiz lok Ủy ban bâux xeir ntơưv thax qơư ntơư thiêz têz qơưs têx chei, cui tinhv chiê seiz lax quyết tinhv bâux xeir nzir lok tsi bâux. Hâur ntu nhiv kruôr đhâu, iz cxiê thax tsav, suôv qơư bâux xeir tsi txâuk li: Cần thơ yuôr 2 lênhx, iz cxiê thax tsav txơưr đuô yuôr iz lênhx li txâuk đại biểu. Cần Thơ tưz muôx ntơưr heik cov tso chei tâu bâux xeir nzir. Thiêz hnuz ciêz nhiv kruôr đhâu, Cần thơ tưz tsưr tsix bâux xeir tas, thiêz cux uô tâu trơưk li tsưr ziv. Côx hội bâux xêir, zos yuôr iz cxiê lênhx đại biểu bâux xeir tsi txâuk lok cux tsi uô ruôr hiêv ntâu txos Côx hôiv hâux lưv:

PV: Xưk li cox nhiv kruôr heik tas ntơư, đại biểu Côx hôiv, phênhv ntâu bâux xeir txâuk, nhoz cấp Hôiv đôngx tỉnh thiêz huyện cux zuôr xar txâuk. Taz sik, lơưr ntâu thax tsav hêik pâuz, iz cxiê lênhx đại biểu Hôiv đôngx cấp xã, phường zos bâux xeir tsi txâuk, muôx têx thax tsav mak yuôr nhos 300 ntâu lênhx đại biểu thiêx txâuk lơưr cui tinhv. Muôx kênh xã, hur si Bí thư thiêz Chủ tịch puôr lênhx tsi tâu bâux xeir uô đại biểu Hôiv đôngx. Uô li cox seiz hâux lưv no zos li chas?

Zơưv Lê Minh Thông: Li sđ tưz pâuz tsênhz, Côx hôiv bâux xeir tưz zuôr xar txâuk đại biểu, hâur tỉnh thiêz huyện lok cux bâux xeir zuôr txâuk, yuôr iz cxiê thax tsav hâur xã thiêx tsi tâu txâuk. Kror no, uô ntêx zos pêz tsuv njênhs lok tsôngv box siêz nhiêv, xeir trâus. Cử tri lơưr xeir tsov mak pêz tsuv uô trơưk li ntơư. Thâuv tsôngv box sđ txux chi, tsưr ziv iz hnuz tâu gra siêz jux juk, tsôngv box siêz nhiêv, xeir tsi trâus lênhx tưs, ntơư zos kror zôngx ziv pâuz tâu. Co cux zos nhiv no sđ txux chi tưz tâu gra siêz. Cử tri uô jông tsov, xeir têx lênhx muôx txâuk tsưr ziv, pênhr xưv, sir tas đas jos lês car uô têx hâux lưv têz  qơưs zok muôz, txos trâu đơưk tu thiêz uô têx hâux lưv ntơưv thax tsav lơưr uô nênhx nhoz. Ntơư cux zos qir muôx txix ntâuk grê siêz Hôiv đôngx ntơưv qơư. Tiv 3, tso pov pêz luôs hâux lưv xeir tsov lênhx tiz nênhs lês car uô têx hâux lưv têz qơưs  muôx têx uô tsi tâu trơưk li ntơưv qơư tsưr ziv, siêz xar.

PV: Zos li thor cox heik pâuz nzir mê njik, hâux lưv bâux xeir nzir đại biểu Hôiv đôngx cấp xã, phường zuôr tâu uô li chas?

Zơưv Lê Minh Thông: Bâux xeir cxaz nzir zos grêix 2 grê 79 cui tinhv hâur bâux xeir xuz thơưx zos têx lênhx nênhs tâu xeir zuôr uô đại biểu Hôiv đôngx tsi tâu txâuk 2/3 đại biểu tâu bâux xêir, tưz cui tinhv trâu qơư tsưr tsix bâux xeir đại biểu Hôiv đôngx nhoz cấp ntơư chiê quyết tinhv hnuz bâux xeir nzir ntơưv qơư bâux xeir co. Vax huôv uô ntơư zos Ủy ban bâux xeir cấp ntơư vax huôv. Zos luôs hâux lưv bâux xeir nzir thiêz hnuz bâux xeir tâu tsưr tsix kênhz yax zos 15 hnuz đhâu hnuz bâux xeir xuz thơưx, taz sik ho bâux xeir tsi tâu. Lênhx nênhs tâu xeir zuôr uô đại biểu zos lênhx tâu iz đraz têx ntơưr tso bâux xeir trơưk chei, cui tinhv thiêz chor ntơưr tso bâux xeir ntâu đuô. Zos bâux xeir nzir, cux tsi tâu txâuk đại biểu trơưk li chei, cui tinhv tso trâu qơư ntơư bâux xêir thiêz tsik tâu tsưr tsix bâux xeir jiês tiv 2. Chênhr viv li, cxuô thax tsav tsưr tsix bâux xeir nzir jiês no tsênhv taz tov tsưr tsix trâu hnuz ciêz.

PV: Thor uô cox tsâus ntâu!

( TTT-Riê lâux cxeik, nhênhv)