Điện Biên: Phiv liv hâur seiz car Di tích lịch sử qơư tir ntâuk trok châuz Điện Biên Phủ

Đros trâu têx qơư lịch sử, vênhx huôv thiêz khoa học jông, hli 8/2009, Thủ tướng Chính phủ tưz quyết tinhv muôz qơư Di tích lịch sử tir ntâul zênhx trok châuz Điện Biên phủ uô têz qơưk qơư di tích jông. Taz sik, 45 qơư di tích mê nhoz cxuô qơư hâur ntâu thax tsav, taz viv hành chính li: Huyện Tuần Giáo, huyện Điện Biên thiêz TP Điện Biên Phủ, chênhr viv li hâux lưv car seiz, por hưv têx qơư di tích no cux tsênhv njiz ntâu phiv liv.

Pos Vũ Thị Tuyết Nga, Phưv Giám đốc sêiz car qơư tsês chiê têx chuôz zênhx tir ntâuk zênhx trok châuz Điện Biên Phủ, taz viv tâu choz car seiz têx qơư di tích mê nhoz hâur qơư Di tích lịch sử  tir ntâul zênhx trok châuz Điện Biên Phủ heik pâuz: Têx qơư di tích heik co zos muôz txix ntâu zav lok uô cê, taz sik phênhv ntâu zos têx tsi yuô khor truôx, viv li lok six zôngx ziv trâus ntêik puôk tsuôx, viv tsês ntêr, yar ntux jiêz thiêz nas yiê ntuz uô puôk tsuôx. Iz chas co, cux zos viv hâur ntu tir ntâul trok châuz, iz cxiê thax tsav qơư di tích tsênhv trâus tsôngv box sđ nav, muôz ar cxuz trâu, uô tsi jông txos têx qơư di tích thiêz uô phiv liv ntâu txos luôs hâux lưv njuôk hov, cêv kuôk, cxok ndêx xav jênhv thiêz uô têx ntâuz ntơưr sir zôngv ar hâur ntu zuôr txos. Nhiv nor, luôs hâux lưv luôv plas ar, cxok ndêx kuôk cêv qơư, côngz ntơưr côngk nhav ar di tích chiê choz trâu taz viv muôx vax huôv seiz car nhiv kruôr fuô uô, tsuôk muôx 28 hâur 45 qơư di tích mê tâu cxok ndêx por hưv. Pos Vũ Thị Tuyết Nga, Phưv Giám đốc sêiz car qơư tsês chiê têx chuôz zênhx tir ntâuk zênhx trok châuz Điện Biên Phủ heik:

“Tsênhz tiês nhiv no, hur tiz si têx qơư di tích no muôx kênh qơư di tích muôx têx tsi tâu kuôk cêv thax tsav mak nhiv kruôr cxok ndêx tas xưz. Thiêz chêx tsôngk krêz uô, phuôx huiz têx jông lok di tích lịch sử mak tsuôk zos ntơuv 7 qơư chêhr. Yuôr têx di tích txơưr đuô mak nhiv no muôx iz cxiê suôv qơư cxok fiêx ntâuk hov tiêk zos qơư di tích, iz cxiê thax tsav mak cux cxok ndêx tas taz sik têx ndêx cxok lok six siz. Thiêz iz cxiê qơư di tích nhoz cxuô nro hâur têx jêx jok tsôngv box nhoz cux zos iz kro phiv liv trâu taz viv car seiz”.

Luôs hâux lưv tsi tâu njuôk hov thax tsav, cxok ndêx cêv kuôk têx qơư di tích uô trâu muôx qênhx shênhx têx ziv chuôz zis tsôngv box nhoz jê iz ndis ziv hnuz ziv nav zuôr têx ar, muôz cxuz, uô têx qơư ntơư hlôngr yiêz tas tsi jông li kuz. Hâur shông 2018, hâu nov ntơưv qơư, cơ quan muôx vax huôv tưz qênhz pov ntâu lênhx nênhs nav thiêz nquôr ar cxuz têx qơư di tích tsi trơưk chei; cxiv uô tsêr, côngz trênhx uz no nhoz jê qơư di tích...., uô tsi jông txos têx qơư heik co. Zơưv Phạm Việt Dũng, Giám đốc Sở vênhx huôv thêv thao thiêz ju lix tỉnh Điện Biên cux lênhk nhav tiêk: Hâux lưv por hưv, cxiv kho, uô đuô qơư di tích lịch sử tir ntâul zênhx trok châuz Điện Biên Phủ nhiv no cux tsênhv yuôr ntâu kror uô tsi tâu, txơưv Sở tâu Ủy ban tỉnh choz zok hâux lưv cxiv tsa tsưr ziv, chiê njuôk hov, cxok ndêx cêv kuôk, zuôr ar luôv plas, xor thêir lax caz por hưv, muôx têx muôz ntơưr côngk nhav trâu têx qơư di tích cấp têz qơưk no, đhâu ntơư uô qơư chiê cxiv tsa, por hưv jông đuô. Taz sik, tiv tsi muôx txâuk pênhr nhiêx cxiv uô, viv li txos nhiv no cux tsênhv fuô uô tâu kênhz. Zơưv Phạm Việt Dũng, Giám đốc Sở vênhx huôv thêv thao thiêz ju lix heik:

“Hâux lưv phênhz cxok ndêx kuôk cêv, zuôr ar luôv plas, côngz ntơưr côngk nhav chiê por hưv thiêz choz trâu têx cơ quan taz viv chiê car seiz mak ngênhx cux tsênhv fuô uô tsi tâu, lok sik tưz fuô uô taz  sik lok six kênhz. Hâur six hơưv xav tinhv pêz cux tưz phênhz qơư cxok ndêx kuôk cêv taz sik nxêx cxok đêz li ntơư viv li hâur six hơưv iz cxiê lênhx tiz nênhs tưz muôz têx ndêx co txar chiê nav zuôr ar lok sik hâux lưv xav tinhv têx ndêx cxok cêv kuôk qơư di tích đros thiêz qơư cxiv tsa lok sik ar jôngr nuv cux tsênhv njiz trâus phiv liv. Chênhr viv li ntơư, tưz uô muôx têx cêr siz txênhz ar, đơưk tu iz cxiê txuz plâuz ntus li heik co”.

Tỉnh Điện Biên nhiv no tsênhv taz tov sir jos uô cov tiêr luôs hâux lưv por hưv thiêz tuôr tsês chiê têz qơưk qơư Di tích lịch sử tir ntâul zênhx trok châuz Điện Biên Phủ têx tsiv grê jông, reik đros huôv tsar ju lix tỉnh Điện Biên txos shông 2025, uô ndar txos trâu shông 2030 chiê heik trâu Bộ Chính trị, Ban Bí thư pâuz hâur 3 luz hlik kaz shôngk shông txix hli 10 txos hli 12 shông no. Luôs hâux lưv uô ntơư tâu thôngz đhâu, cux zuôr paz trâu tsênhv qơư uô tâu truôx đuô luôs hâux lưv cxiv kho thiêz sêiz car, por hưv tsês chiê têx qơư di tích tir ntâul zênhx trok châuz Điện Biên Phủ lịch sử li têx tsiv grê jông./.

(Vũ Lợi-Riê Lâux cxeik, nhênhv)

UB qênhz yuôx Trung ương: “ têx hâu nov công an, quân đội uô cxâuv puôr lênhx trâus xưv bluô iz zav”

          Kruôk txos UB qênhz yuôx Trung ương li chinhz yênhx txơưx jênhv hâur hâux lưv qênhz yuôx thiêz muôx tsưr ziv kỷ luật txos qơư đros têx lênhx nênhs trâus kỷ luật Đangv heik cxuô, hâur co muôx Trung tướng Bùi Văn Thành, Thượng tướng Trần Việt Tân viv uô cxâuv chêi por vêv têz qơưk. Canr bộ, đangv viên thiêz tsôngv box xar tiêk: kror no tso pov kỷ luật Đangv li hâux lưv uô txos qơư thâuv hâux lưv no tâu qênhz yuôx. Khav tênhv Đangv li siêz sir jos tir tar têx cêr uô nênhx tsi jông, tâu Đangv thiêz tsôngv box thôngx ziv. Phưv giáo sư, Tiến sỹ Nguyễn Trọng Phúc, Học viện Chinhr trị têz qơưk Hồ Chí Minh khav tênhv:

          “Ziz njiêz zos tsuv uô jông kỷ luật Đangv, têz qơưk li cêr chei lơưr chinhz yênhx Nghị quyết TW 4, khóa 12 chiê canhv pov cxuô canr bộ Đangv viên txơưv nhoz cấp tưs cux zuôr trâus kỷ luật Đangv, trâus pháp luật xưv bluô thâuv uô cxâuv. Kror co tso pov kỷ luật Đangv thiêz têz qơưk li pháp luật kror muôx jos. Thôngx cxix muôx ziz njiêz zaoz zux canr bộ, đangv viên tsuv chiv chir xar tơưv, hlôngr yiêz zuk li jênhv pâuz, huôx tôngv chiê uô trơưk Đangv li kỷ luật, têz qơưk li cêr chei”.

          Ntâu ziv chênhv cux jênhv tiêk, hâux lưv tir tar thaz huôz nox nhiêx, yưr lir canr bộ hâur nganhx công an, quân đội tsi uô zênhr shar txos nganhx mak tsênhv chuôz cxaz tsôngv box li siêz njênhs lok hâux lưv tơưv txênhz tir tar thaz huôz nox nhiêx zos Tổng Bí thư Nguyễn Phú Trọng sơưr thơưx. Bộ đội lâus Phan Văn Độ, nhoz phường Nghĩa Đô, quận Cầu Giấy, Hà Nội xar li no: Lênhx tưs, txơưv uô hâu nov tưs, tiv zix zos nganhx công an mak uô cxâuv cêr chei puôr lênhx yưr lir txos qơư:

          “Nganhx công an zos por vêv têx huv đros, por vêv đangv, por vêv chinhr quyênx mak ho muôx têx lênhx nênhs tsi jông, huôz nox nhiêx txiêx uô cxâuv cêr chei. Cêr uô cxâuv no tsi zos lênhx tưs zos công an mak cux tsi jông, phênhv ntâu zos jông, tsuôk muôx iz cxiê lênhx hâu nov liv zôngv zuk li hâux lưv uô chiê huôz nox nhiêx txiêx, xar chiê tsôngv box tror njênhs njôngr Đangv mak tsuv yưr lir txos qơư têx lênhx nênhs no”

          Thôngx ziv đros chêx cuk qênhz yuôx, đros Ban thường vụ Thành ủy Trà Vinh, tỉnh Trà Vinh, zơưv Nguyễn Túc, Ủy viên Đoàn Chủ tịch Ủy ban Trung ương MTTQVN xar li no: hâux lưv pov thiêz yưr lir kỷ luật Đangv têx cán bộ, đangv viên zuôr chuôz tsar tsưr tsix cơ sở Đangv li đas jos tơưv txênhz, zos hâux lưv ntâus grê cấp ủy Đangv cơ sở li pênhr xưv. Taz sik, zơưv Nguyễn Túc cux heik tơưv iz hâux lưv muôx yưv nhiv no zos nhoz tsưr tsix Đangv cấp cơ sở, tsênhv muôx qênhx shênhx tsi car heik tơưv tsênhz mênhx têx lênhx nênhs txơưr li têx tsi tâu uô tâu, têx uô cxâuv. Viv li uô trâu côngz xưv qênhz yuôx, kỷ luật Đangv tsi tâu muôz siêz. Ntâu txuz tsuv muôx UB qênhz yuôx Trung ương sơưr qênhz yuôx. Lơưr zơưv Nguyễn Túc, chiê muôz siêz Đangv li chêx cuk côngz xưv qênhz yuôx tsuv hlôngr yiêz cxix luôk qênhz yuôx Đangv cxôngx Trung ương txos cơ sở. Thôngx cxix uô jông tsưr ziv chêx chôngk jênh chuv ntơưv cấp ủy cơ sở Đangv:

          “No zos chêx chôngk jênh chuv six hơưv đhâu nhoz ntâu cấp ủy tsi tâu uô jông. Phênhv ntâu xưv anr txuz tưs cux heik tiêk “ uô cxâuv tsưr ziv chêx chôngk jênh chuv. Lênhx nênhs sơưr thơưx uô hâux lưv tsi côngz fênhx, uô zênhr shar txos cấp ủy nhoz co. Viv li tsuv uô jông uô tsưr ziv chêx chôngk jênh chuv, cxuô đangv viên tsuv tso pov tsênhz mênhx zuk li siêz xar chinhr trị”.

          Ủy ban qênhz yuôx Trung ương li luôs hâux lưv uô, nhiv kruôr côngz fur khav tênhv cxaz lok sir jos yưr lir canr bộ uô cxâuv, hlôngr yiêz tsôngv box li siêz njênhs; canr bộ, đangv viên txơưv uô hâu nov tưs, muôx têx qênhx li chas zos uô cxâuv mak cux trâus yưr lir txos qơư./.

(Lại Hoa- Txâur Vax cxeik nhênhv)